tulsi - hindu dharm men tulsi ke paudhe ko ek tarah se lakshmi ka rup mana gaya hai. apke ghar men yadi kisi bhi tarah ki nigetiv enarji maujud hai to yah paudha use nasht karne ki takat rakhta hai. han, dhyan rakhen ki tulsi ka paudha ghar ke dakshini bhag men nahin lagana chahie, kyonki yah apko fayde ke badle kafi nuksan pahuncha sakta hai. tulsi ko ghar men ishan ya purva disha men lagana chahie.
bel ka vriksh - bhagvan shivji ka param priya bel ka vriksh jis ghar men hota hai vahan dhan sanpda ki devi lakshmi pirhiyon tak vas karti hain. bel vriksh ko sinchne se pitar tript hote hain. mana jata hai ki bel vriksh aur safed ak ko jore se lagane par us ghar men man lakshmi ki sthai p se kripa prapt hoti hai.
pipl- pipal vriksh par shani, nag devta, pir, lakshmi, bhut-pret tatha pitrishvar devtaon ka nivas mana jata hai. shanivar tatha ‘amavasya’ ko santan ki kamna tatha ‘grahdosh’ evan ‘anishta-nivarn’ ke lie pipal ki puja ki jati hai. pipal ka per ghar men nahin lagaya jata hai. puranon men pipal ko vishnu ka rup kaha gaya hai-
mule vishnuah sthito nityan skandhe kov ev ch.
narayanastu shakhasu patreshu bhagvan hariah.
fale'chyuto n sandehah sarvadevaiah samanvitah.
s ev vishnudrrumah. -(skand puran)
vat- vat-vriksh bhi pipal ke saman hi narayan vishnu ka svarup mana gaya hai. isi vriksh ke niche ‘savitri’ ne mrityu ko jitakar ‘satyavan’ ka punarjivan prapt kiya tha. puranon men shiv ka asan vat-vriksh ke niche ullikhit hai. vat, pipal tatha gular vishnu ke svarup hain.
rudraksha- ekmukhi ‘rudraksha’ ko gauri shankar kahte hain. rudraksh ke dane par shiv ki puja hoti hai. puranon men rudraksh ki mahima ka vistar se varnan kiya gaya hai. rudraksh dharan karne se saubhagya prapt hota hai.
dub- dub ko devi ka rup mana gaya hai tatha iski puja se sukh-sampatti-santan ki prapti hoti hai. dub ganesh ko priya hai tatha ganeshji ki puja men dub ka hona atyant avashyak mana jata hai.
shami ka paudha- shami ka paudha ghar men hona bhi bahut shubh mana jata hai. jyotish men iska sanbandh shani se mana jata hai aur shani ki kripa pane ke lie is paudhe ko lagakar iski puja-upasna ki jati hai. iska paudha ghar ke mukhya dvar ke bain or lagana shubh hai. shami vriksh ke niche niyamit rup se sarson ke tel ka dipak jalaen, isse shani ka prakop aur pira kam hogi aur apka svasthya behatar bana rahega. shami ka paudha ghar men bahar ki taraf aise sthan par lagaen jisse yah ghar se niklte samay dahini or pare.
anvle- ghar men anvle ka per lagayen aur vah bhi uttar disha aur purab disha men ho to yah atyant labhdayak hai. anvle ke paudhe ki puja karne se sabhi manautiyan puri hoti hain. iski nitya puja-archana karne se bhi samast papon ka shaman ho jata hai.
ashok - hindu dharm men ashok ke vriksh ko bahut hi shubh aur labhkari mana gaya hai. ashok apne nam ke anusar hi shok ko dur karne vala aur prasannata dene vala vriksh hai. isse ghar men rahne valon ke bich apsi prem aur sauhard barhta hai. ghar men ashok ke vriksh hone se ghar men sukh, shanti evan dhan samriddhi ka vas hota hai evan us ghar men kisi ki bhi akal mrityu nahin hoti.
shvetark ganpti- shvetark ganpti ka paudha dudhvala hota hai. vastu siddhant ke anusar dudh se yukt paudhon ka ghar ki sima men hona ashubh hota hai. kintu shvetark ya ark iska apvad hai. aisi bhi manyata hai ki jiske ghar ke samip shvetark ka paudha falta-fulta hai vahan sadaiv barakat bani rahti hai.
gurhl- gurahal ka paudha jyotish men surya aur mangal se sanbandh rakhta hai, gurahal ka paudha ghar men kahin bhi laga sakte hain. gurahal ka ful jal men dalakar surya ko aghrya dena ankhon, haddiyon ki samasya aur nam evan yash prapti men labhkari hota hai. mangal grah ki samasya, sanpatti ki badha ya kanun sanbandhi samasya ho, to hanuman ji ko nitya pratah gurahal ka ful arpit karna chahie. man durga ko nitya gurahal arpan karne vale ke jivan se sare sankat dur rahte hain.
nariyal - nariyal ka per bhi shubh mana gaya hai . kahte hain, jinke ghar men nariyal ke per lage hon, unke man-samman men khub vriddhi hoti hai.
nim- ghar ke vayavya kon men nim ke vriksh ka hona ati shubh hota hai. shastron ke anusar jo vyakti nim ke sat per lagata hai use mrityoprant shivlok ki prapti hoti hai. jo vyakti nim ke tin per lagata hai vah saikron varshon tak surya lok men sukhon ka bhog karta hai.
kele ka paudha- yah paudha dharmik karnon se bhi kafi mahatvapurn mana gaya hai. guruvar ko iski puja ki jati hai aur aksar puja-path ke samay kele ke patte ka hi istemal kiya jata hai. ise bhavan ke ishan kon men lagana chahie, kyonki yah brihaspati grah ka pratinidhi vriksh hai. ise ishan kon men lagane se ghar men dhan barhta hai.
bans ka paudha- bans ka paudha ghar men lagana achcha mana jata hai. yah samriddhi aur apki saflta ko upar le jane ki kshamata rakhta hai. agar apki tamam koshishon ke bad bhi apko apne karyakshetra men manchahi saflta nahin mil rahi hai to apko apne bhavn/karyalay men bans ka paudha lagana chahie. bans sansar ka akela aisa paudha hai jo har vatavaran men har mushkilon ke bad bhi teji se barhta hai. isilie ise unnati, dirgh ayu aur samriddhi ka pratik mana jata hai. bhartiya vastu shastra men bhi bans ko bahut shubh mana gaya hai. bhagvan shri krishn bhi hamesha apne pas bans ki bani hui bansuri rakhte the. sabhi shubh avsron jaise mundan, janeu aur shadi adi men bans ka avashya hi upyog kiya jata hai.
maniplant- aisi manyata hai ki ghar men maniplant lagane par sukh-samriddhi ka vas hota hai. ghar men maniplant ke paudhe ko lagane ke lie agney disha sabse uchit disha hai. agney disha men yah paudha lagane se sarvadhik labh milta hai kyonki is disha ke devta ganeshji aur pratinidhi shukra hain. bhagvan ganeshji vighn dur karte hain jabki shukra dev dhan, sukh-samriddhi ke pratik hain. lekin maniplant ko kabhi bhi uttara-purva disha arthat ishan kon men nahin lagana chahie.
anar- dhan, sukh-samriddhi aur ghar men vansh vriddhi ki kamna rakhne vale ghar ke agney kon (purab dakshin) men anar ka per jarur lagaen. yah ati shubh parinam deta hai. vaise anar ka paudha ghar ke samne lagana sarvottam mana gaya hai. ghar ke bichonbich paudha n lagaen. anar ke ful ko shahad men dubakar nityaprati ya fir har somvar bhagvan shiv ko agar arpit kiya jae, to bhari se bhari kasht bhi dur ho jate hain aur vyakti tamam samasyaon se mukt ho jata hai.
vastu shastra ke anusar ghar men kaiktas ka per n lagayen vastu shastra ke anusar ghar, dukan, faiktri ya vyavsayik parisron men kaiktas ka per lagane se mana kiya jata hai. kaiktas men kante hote hain aur kante vale koi bhi paudhe ghar ke as-pas nahin hona chahie. jis ghar men kante honge vahan par rahne vale log ek-dusre ko chubhne vali bat kahte rahenge. kaiktas multah registan men hota hai.
iska arth hai kaiktas aise sthan par hota hai jahan par kuch bhi nahin hota. islie kaiktas ke paudhe ko ghar men lagane se ghar ujar ho jayega, ghar ko registan men badlte der nahin lagegi. kaiktas ke paudhe se dudh jaisa safed dravya niklta hai aur vastu shastra men dudh vale paudhe ko lagane se dosh hota hai. disha anusar paudhon ka chayn- utar disha - palash, pile ful, chote paudhe, amrud, pakar tatha kamal ke ful.
purva disha - vat, katahal ,am.
pashchim disha - pipal, ashok, nilgiri.
dakshin disha - nim, nariyal, ashok, gulab.
ishan disha (uttara-purva )- kele ka paudha. yah sarvavidit hai ki vriksha-vanaspati hamare jivan ke vishesh ang hain.
kuch vrikshon ko devta svarup mana gaya hai. in vrikshon ke darshana-pujan se vishesh sukh ki prapti hoti hai. yah manyata hai ki kela ke mul men vishnu ka nivas hai. yadi shami vriksh par pipal ug ae to vah nar-narayan ka rup hai. nim par bhairav ka nivas hai. ak par kamdev ka nivas hai. gular, bans, beriya, pipal pret ke nivas-sthan mane jate hain. tulsi, pipal, vat, dub, ashok, gular, chonkar, anvla, andi, ak, kela, nim, kadanb, bel, kamal ko dev saman puja jata hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!