vishva men anek chikitsa paddhatiyan prachlit hain. ratn chikitsa bhi ek saral v prabhavi paddhati hai.
iski mukhyatah do vidhiyan hain:
- sanbandhit ratn ko pani men dal kar vah pani rogi ko pilana tatha usi pani se snan bhi karana.
- sanbandhit ratn ko anguthi men jarva kar sanbandhit grah ki ungli men pahnana ya laeket men jarva kar sanbandhit rang ke dhage men piro kar gale men pahnana.
jyotish ke prachin granthon men grahon se sanbandhit rogon ka vishad varnan milta hai. katipay arvachin vidvanon ne bhi is vishay men bahut kuch likha hai. yahan kuch janche-parkhe ratnon ka ullekh kiya ja raha hai. ye ratn chandi men jarvakar pahnne chahie.
ratn ka vajn: mahanga ratn 3 se 6 ratti tak ka tatha sasta ratn 6 se 9 ratti tak ka pahnna chahie. ratn sundar, sudaul v achchi kating ka hona chahie. yadi niche nok hai to vah madhya men honi chahie. manikya v safed munga anamika men, moti v oneks kanishtha men tatha shesh sabhi ratn madhyama men dharan karne chahie. ratn kharida kabhi bhi ja sakta hai parantu uski anguthi banvane ka vidhan nimnanusar hona chahie. manikya/navaratn ki anguthi ravivar ko banvaen v usi din dopahar ek baje tak pahnen.
moti ki anguthi shukla paksh somvar ko banvaen v shukla paksh ke somvar ko hi ratri ke pratham prahar men pahnen. oneks ki anguthi budhvar ko banvaen tatha usi din suryast se 12 minat purva se 12 minat bad tak ke bich pahnen. anya kisi bhi ratn ki anguthi shanivar ko banva kar shanivar ko hi suryast se derh ghante tak pahna chahie. taigar ai, mariyam, kidni ston ya chunbak ki anguthi kabhi bhi banva kar kabhi bhi pahni ja sakti hai. laeket sadaiv uni dhage men pahnna faldayi hota hai. ratn ke rang ka hi dhaga shreshth hota hai. jin bachchon ka janm amavasya ke aspas ki tithi men hua ho unhen shukla paksh ke somvar ko chandrakar laeket men moti jarva kar usi ratri ko safed, lal ya mairun rang ke uni dhage men pahnane se balarisht nahin satate.
sath men ek panchmukhi rudraksh bhi usmen dal dena chahie. pahnne ya pahnane se purva anguthi ya laeket ko kachche dudh se dhona chahie. dudh gay ka ho to prabhav barh jata hai. dudh se dhone ke bad gangajal ya shuddh jal se bhi anguthi ya laeket ko dhona chahie. tatpashchat apne ishtadev ya guru ko man men pranam karke shraddhapurvak anguthi ya laeket dharan karna chahie. ek bar pahnne ke bad anguthi ya laeket ko utar dene se uska prabhav 25 pratishat kam ho jata hai atah yadi utarna avashyak ho jae to anguthi ya laeket ko gangajal ya shuddh jal men dal kar rakh dena chahie v punah sanbandhit var ko uchit samay par vidhipurvak dharan karna chahie.
rog ka nam ratn ka nam pet ke rog manikya mansik rog,chati sanbandhi rog moti uchch raktachap madhumeh safed munga dama taigar ai santan badha taigar ai (purush hetu) madhyama men gomed (stri hetu) madhyama men pret badha turmli bavasir mariyam elarji, pitt vikar oneks matibhram, nirnay shakti men kami gomed gurda rog kidni ston (dana firang) sharab churana nilam (opal ko pani men dal kar vah pani pilaven) sir dard chunbak (tanbe ki anguthi men) yadi rog ka nidan n ho raha ho gomed ya navaratna