vinashkari mul sangyak nakshatra evan ratn chayan srishti triayami tatha trigunatmak hai. ismen 27 nakshatra hain. yadi inko tin saman bhagon men banta jae to 1 se 9, 10 se 18 tatha 19 se 27 varg bante hain. in tinon vargon ki sandhi vale nakshatron ko mul sangyak nakshatra kahte hain. ye nakshatra hain- pahla ashvini, navan ashlesha, dasvan magha, attharhvan jyeshtha, unnisvan mul tatha sattaisvan revti. ye tin nakshatra yugm aise hain jaise do sanlagn nakshatra alg-alag rashiyon men hain, kisi ka koi charan dusri rashi men nahin ata. isilie inhen nakshatra chakra ka ‘mul’ arthat pradhan nakshatra mana jata hai.
aise nakshatron ko ashubh manne ki paranpra jane kab, kahan aur kaise chal pari. yadi ap bhi mul nakshatra se bhaybhit hain to ratnon uparatn athva vanaspatiyon, rangon adi se upay karke dekhen. sarvapratham ap shuddh janmapatri se apna janm nakshatra, uska charan tatha lagn jan len. man len ki apka janm revti nakshatra ke pratham charan men hua hai. yah nimn sarini men darshati hai ki man-samman milna hai. yah ingit karta hai ki apko apni janm kundli ke dasham bhav ke anusar shubh fal milna hai. is prakar yadi ap apni janmakundli men dasven bhav ki rashi ke anurup ratn dharan kar lete hain to apko shubh fal avashya milega. man len ki apka lagn makar hai.
iske anusar apke dasven bhav ka svami hua shukra. shukra grah ke anusar yadi ap hira athva uska uparatn dharan kar lete hain to apko labh avashya milega. apka janm yadi magha nakshatra ke chaturth charan men hua hai to yah darshata hai ki ap dhan sanbandhi vishyon men bhagyashali rahenge. janmapatri men dusre bhav se dhan sanbandhi pahluon par vichar kiya jata hai. yadi apka janm sinh lagn men hua hai to dusre bhav men kanya rashi hogi jiska svami grah budh hai. is sthiti men budh ka ratn panna apko vishesh rup se labh dega. ek anya udaharan dekhen. apka janm ashlesha nakshatra ke pratham charan men hua hai. iska arth hua ki ap sukhi hain. yadi apka janm mesh lagn men hua hai to sukh ke karak bhav arthat chaturth men kark rashi hogi. is rashi ka ratn hai moti. ap yadi is sthiti vinashkari mul sangyak nakshatra evan ratn chayan srishti triayami tatha trigunatmak hai. ismen 27 nakshatra hain. yadi inko tin saman bhagon men banta jae to 1 se 9, 10 se 18 tatha 19 se 27 varg bante hain. in tinon vargon ki sandhi vale nakshatron ko mul sangyak nakshatra kahte hain. ye nakshatra hain- pahla ashvini, navan ashlesha, dasvan magha, attharhvan jyeshtha, unnisvan mul tatha sattaisvan revti. ye tin nakshatra yugm aise hain jaise do sanlagn nakshatra alg-alag rashiyon men hain, kisi ka koi charan dusri rashi men nahin ata.
isilie inhen nakshatra chakra ka ‘mul’ arthat pradhan nakshatra mana jata hai. aise nakshatron ko ashubh manne ki paranpra jane kab, kahan aur kaise chal pari. yadi ap bhi mul nakshatra se bhaybhit hain to ratnon uparatn athva vanaspatiyon, rangon adi se upay karke dekhen. sarvapratham ap shuddh janmapatri se apna janm nakshatra, uska charan tatha lagn jan len. man len ki apka janm revti nakshatra ke pratham charan men hua hai. yah nimn sarini men darshati hai ki man-samman milna hai. yah ingit karta hai ki apko apni janm kundli ke dasham bhav ke anusar shubh fal milna hai. is prakar yadi ap apni janmakundli men dasven bhav ki rashi ke anurup ratn dharan kar lete hain to apko shubh fal avashya milega. man len ki apka lagn makar hai.
iske anusar apke dasven bhav ka svami hua shukra. shukra grah ke anusar yadi ap hira athva uska uparatn dharan kar lete hain to apko labh avashya milega. apka janm yadi magha nakshatra ke chaturth charan men hua hai to yah darshata hai ki ap dhan sanbandhi vishyon men bhagyashali rahenge. janmapatri men dusre bhav se dhan sanbandhi pahluon par vichar kiya jata hai. yadi apka janm sinh lagn men hua hai to dusre bhav men kanya rashi hogi jiska svami grah budh hai. is sthiti men budh ka ratn panna apko vishesh rup se labh dega. ek anya udaharan dekhen. apka janm ashlesha nakshatra ke pratham charan men hua hai. iska arth hua ki ap sukhi hain.
yadi apka janm mesh lagn men hua hai to sukh ke karak bhav arthat chaturth men kark rashi hogi. is rashi ka ratn hai moti. ap yadi is sthiti en moti dharan karte hain to vah apko sukh tatha shanti dene vala siddh hoga. mul sangyak nakshatra yadi shubh fal dene vale hon to ratn ka chayan karna saral hota hai. kathinai us sthiti men ati hai jab ve arishtakari ban jaen. ap yadi thora-sa abhyas kar lete hain to yah bhi purva ki bhanti saral pratit hone lagegi. ise aur spasht karne ke lie kuch udaharan prastut hain. man len ki apka janm jyeshtha nakshatra ke tritiya charan men hua hai. yah ingit karta hai ki ap apni mata par bhari hain. apke janm lene se vah kashton men rahti hongi. janmapatri men mata ka vichar chaturth bhav se kiya jata hai.
dhyan rakhen, is sthiti men chaturth bhav men sthit rashi ka ratn dharan nahin karna chahie. arishtakari paristhiti men ap dekhen ki jis bhav se yah dosh sanbandhit hai usmen sthit rashi ki mitra rashiyan kaun-kaun si hain. vah rashi karak rashiyon se yadi shadashtak dosh banati hai tatha trik bhavon arthat chathe, athven athva 12 ven bhav men sthit hai to unhen chor den. anya mitra rashiyon ke svami grahon se sanbandhit ratna-uparatn apko mul nakshatra janit dosh se mukti dilane men labhdayak siddh honge. sadharan paristhiti men shubh rashi vichar naisargik mitra chakra se kar sakte hain parantu yadi ratn chayan ke lie ap ganbhirta se vichar kar rahe hain to maitri ke lie panchdha maitri chakra se avashya vichar karen. man le ki is udaharan men janm mesh rashi men hua hai. chaturth bhav men yahan kark rashi hogi jiska svami grah hai chandra aur ratn hai moti. is sthiti men moti dharan nahin karna hai. chandra ke naisargik mitra grah hain surya, mangal tatha guru. in grahon ki rashiyan kramshah is prakar hain - sinh, mesh, vrishchik, dhanu tatha min. dhanu rashi kark se chathe bhav men sthit hai arthat shadashtak dosh bana rahi hai. islie yahan iske svami grah guru ka ratn pukhraj dharan nahin karna hai.
is udaharan men manikya athva munga ratn labhdayak siddh hoga. kalasarp dosh se badhit unnati evan ratn chayan yah dosh janm kundli men tab banta hai jab rahu tatha ketu ke madhya saton grah a jate hain. yah dosh jiski patri men hota hai uski unnati sadaiv badhit rahti hai. lakh prayas karne ke bad bhi saflta use jaldi nahin mil pati. jivan ki daur men kalasarp dosh se pirit vyakti sarvatha piche rah jata hai, aisa jyotish manishiyon ka manna hai. jyotish ke prasiddh anek mul granthon men iska kahin bhi vivaran nahin milta hai. multah barah prakar se kalasarp dosh vyakti ki janmapatrikaon men bante hain. lagn men rahu tatha saptam men ketu (svabhavik) ho tatha anya sabhi grah baen sthit hon athva daen to yah kalasarp dosh ka ek vikalp hai.
isi prakar rahu kramshah dusre, tisre athva satven bhav men ho aur ketu kramshah athven, naven athva lagn men ho aur anya saton grah rahu, ketu ke is ardhagolakar bhachakra se baen athva daen sthit hon to yah bhi udaharan hai kalasarp dosh ka. in sthitiyon men vyakti par parne vala suprabhav athva dushprabhav kya ho sakta hai, yah alag vishay hai. han inse janit dushprabhav ke nidan svarup ratnon ki sahayta se ham shubh ki anubhuti avashya kar sakte hain. janmapatri men dekhen ki rahu kis rashi men sthit hai. panchdha maitri chakra se us rashi ke svami grah ke mitra, adhimitra grah chun len. yadi vah grah athva uski rashi rahu ki rashi se, arthat jis rashi men rahu hai, chathe athva athven bhav men sthit n ho to ap us grah ke ratn kalasarp dosh ke nidan hetu chayan kar sakte hain. pathak dekhen ki rahu kanya arthat budh ki rashi men baithakar kalasarp dosh bana raha hai ya nahin.
rahu ka ratn gomed bhi is dosh ke nidan hetu dharan karaya ja sakta tha parantu ukt do ratn kyon chune gae, pathak iska vivechnatmak pahlu dekhen. panchdha maitri ke adhar par kanya rashi ke svami grah budh ke surya, shukra, mangal, shani tatha rahu mitra hain. shani aur mangal ko islie chor diya gaya tha ki ve kanya rashi se shadashtak dosh bana rahe the. shukra mangal ke nakshatra men tha islie pahle vah mangal ka prabhav deta. mangal tyajya tha hi islie shukra ka ratn bhi yahan karya nahin karta. budh grah apne hi nakshatra men sthit tha. krishnamurti paddhati ke anusar vah grah adhik prabal ho jata hai jo apne hi nakshatra men hota hai. rahu bhi budh adhishthit rashi svami hai.
is drishtikon se bhi budh shubh raha. sath men surya ke ratn manikya ko islie bhi chuna gaya ki vah lagnesh tha. mangal dosh evan ratn chayan larke athva larki ki janmakundli men mangal grah yadi pahle, chaithe, satven, athven athva 12 ven bhav men sthit hota hai to vah mangal dosh kahlata hai. aise men ek-dusre ke jivan men anishtakari parinam hote hain. lagn ke atirikt chandra tatha surya lagn se bhi mangal ki in bhavon men sthiti mangal dosh ka karan banti hai. dakshin bharat men mangal ki dvitiya bhav gat sthiti ko bhi mangal dosh ka karan mante hain tatha shukra lagn se bhi in bhavon men mangal ki sthiti par ganbhirta se vichar kiya jata hai. itne sare sanyogon ka yadi sukshmata se adhyayan kiya jae to is ganit se 70 pratishat se adhik larke-larkiyan mangli hote hain parantu vastav men aisa nahin hai. aisa bhi nahin hai ki mangal dosh hone se dampatya jivan anishtakari hoga hi. yah matra ek hauva bana diya gaya hai.
mangal dosh hota avashya hai parantu is vishay ki ganna vidvan jyotishi dvara hi ki ja sakti hai kyonki jitni sankhya men mangal dosh hote hain utni hi us dosh ke parihar ki sanbhavnaen banti hain. yadi vastav men mangal dosh janmapatri men banta hai to apne anurup ratn chayan karen. yah upakram bhi mangal dosh ke nivaran men upyogi siddh hoga. akasar mangal dosh ke nidan svarup pukhraj athva munga dharan karvaya jata hai. yah pratyek dasha men upyukt nahin hai, yah dhyan rakhen. yadi janmapatri men mangal dosh banta hai tatha guru se mangal yuti banata hai athva usse drisht hai tab to pukhraj is dosh ke nivaran men upyogi hoga. guru yadi mangal se shadashtak dosh banata hai athva aisi rashi men sthit hai jo panchdha maitri se mangal ki shatru hai tab pukhraj pahnana uchit nahin hai. isi prakar matra mangal dosh dekhakar munga dharan karva dena bhi sarvatha anuchit hai. guru ki tarah mangal ka yadi rahu se yuti athva drishti sanbandh banta hai aur rahu mangal ki kisi mitra rashi men sthit hai
to gomed athva us grah ka ratn dharan karvaya ja sakta hai jis grah ke nakshatra men rahu ho. dusre, rahu jis grah ki rashi men ho us rashi ke svami grah se sanbandhit ratn bhi dharan karvaya ja sakta hai. tisre, rahu ke sath jitne grah sthit hon unmen se jo mangal ka mitra grah ho us grah ka ratn bhi mangal dosh ke nivaran hetu dharan karvaya ja sakta hai. har pal prayas yah rakhna hai ki mitra rashi pirit grah se shadashtak dosh n banati ho. yadi rashi se sanbandhit grah ka bhi is dosh men dhyan rakha jata hai to yah sarvadhik prabhavshali chayan siddh hoga. mangal ka rahu athva guru se sanbandh n ho aur uski sthiti mangal dosh bana rahi ho to mangal ki rashi ki mitra rashiyan dekhen. ye kundli men mangal ki sthiti se chathe ya athven nahin honi chahie. in rashiyon ke svami grahon se sanbandhit ratn mangal dosh ka nivaran karenge.
purva ki bhanti yadi yah bhi dhyan rakha jae ki sanbandhit grah bhi mangal se shadashtak dosh n bana rahe hon to apka chayan sarvatha uchit hoga. nari dosh aur ratn chayan var-kanya ki janmapatriyon ko vivah hetu milana keval ek tathakthit janmapatrika melapak paranpra ka nirvah karna nahin hai. iska mul uddeshya hai bhavi dampati ke gun, svabhav, achar-vyavhar, prajanan shakti, vidya tatha arthik dasha ka milan karna jisse ki donon ka bhavi jivan sukhamay ho. is gun milan paddhati men nimn baten hoti hain- varn, vashya, tara, yoni, grah maitri, gan maitri, bhakut tatha tathakthit mahadosh nari dosh. kram men ek-ek adhik gun mane jate hain
arthat varn ka 1, vashya ka 2, tara ka 3, yoni ka 4. grah maitri ka 5. gan maitri ka 6. bhakut ka 7 tatha nari ka 8. is prakar kul 36 gun hote hain. ismen kam se kam 18 gun milne par vivah kiya ja sakta hai parantu nari aur bhakut gun avashya hone chahie. in gunon ke bina 18 gunon men vivah manglkari nahin mana jata hai. yadi var aur vadhu ki nari ek hoti hai to yah sthiti donon ke lie shubh nahin hoti hai aisi jyotish ki manyata hai. kaha to yahan tak jata hai ki adi, antya tatha madhya tin prakar ki nariyon men antim nari ka ek hona donon ki mrityu tak ka karan banta hai. isilie nari ka vivah melapak sarini men n milna logon ko bhaybhit kie hue hai. yadi vivah ho gaya hai aur donon ki nari ek hai aur ap isse bhaybhit hain to ratnon ka prayog karke apne bhay ko dur kar sakte hain.
larka aur larki yadi ashvini, adrra, punarvasu, uttarafalguni, hast, jyeshtha, mul, shatbhisha aur purvabhadrapad nakshatron men se kisi ek men janm lete hain to yah adi nari kahlati hai. bharni, mrigshira, pushya, purvafalguni, chitra, anuradha, purvasharha, dhanishtha aur uttarabhadrapad men se kisi ek men donon janm lete hain to yah madhya nari hai. kritika, rohini, ashlesha, magha, svati, vishakha, uttarasharha, shravan athva revti men donon ke janm lene par antya nari hoti hai. larke-larki donon ka janm yadi ek nakshatra men hota hai, parantu unke charan bhinn hain arthat man len ki larka rohini nakshatra ke pratham charan men utpann hua hai aur larki tisre charan men, tab yahan nari dosh nahin hoga tatha is prayojan hetu ratn dharan karane ki bhi avashyakta nahin hai. parantu yadi larka-larki ek nakshatra ke ek hi charan men janme hain
to yah nari dosh ka karan hai. yahan ap nimn prakar se ratn prayog kar sakte hain, yah upakram nari dosh nidan men mahatvapurn siddh ho sakta hai. donon ke nakshatra svami grahon ki balabal sthiti kya hai? yahan tin vikalp ho sakte hain. û donon grah balvan hon.
û dono grah balhin hon.
û ek balvan ho tatha dusra balhin. yadi donon grah balvan hain to ap un se sanbandhit ratn, uparatn athva donon ka prayog kar sakte hain. man len ki donon ka janm jyeshtha nakshatra ke dvitiya charan men hua hai. jyeshtha ka svami grah hai budh. islie yahan larka-larki donon ko ap panna athva uska koi uparatn dharan karva sakte hain. yadi nakshatra svami grah larke-larki donon ki janmapatriyon men kshin hain to donon ki janmapatrikaon men panchdha maitri se un grahon ke mitra tatha adhimitra grah dekh len.
donon men se jiske bhi nakshatra svami grah se ve grah chathe athva athven bhav men sthit hon to ve grah chor den. shesh grah ke ratn larke tatha larki ko dharan karna dirghayu pradan karne vala tatha sukh-samriddhi data siddh hoga. tisri sthiti men larke tatha larki ke nakshatra ke svami grah janmapatri men balvan tatha balhin ho sakte hain. jiski patri men jo grah balvan hon unse sanbandhit ratn use dharan karva sakte hain. donon men se jiske grah balhin hon unke panchdha maitri se mitra grah dekhakar yah pata kar len ki unmen se uske nakshatra svami grah se ve shadashtak dosh to nahin bana rahe hain. yadi nahin to un grah ke ratn ap use dharan karva sakte hain. markesh, mrityubhay evan ratn chayan raja ho athva rank - mrityubhay se koi bhi achuta nahin hai. mrityu ani hai to fir tridev bhi use tal nahin sakte. yadi is par vijay prapt ho gai hoti to kuberpti athva dhanpti kabhi marte hi nahin. kya hai yah bhaybhit karne vala markesh? jyotish men ve kaun-kaun se arishtakari yog bante hain
jo maran karte hain athva maran tulya kasht dete hain? ye purnataya jyotish shastra ke vishay hain. sankshipt men yah jan len ki mrityu ka nirnay karne ke lie marak ka gyan karna avashyak hai. tadnusar hi ratnadi chayan karna uchit hai. jyotish men lagnesh, shashthesh, ashtamesh, guru tatha shani se markesh ka vichar hota hai. ashtamesh balvan hokar yadi pahle, chaithe, chathe, dasven athva 12ven bhav men ho to marak ban jata hai. purva ki bhanti aise men ashtamesh ke mitra grahon ko panchdha maitri suchi se gyat kar len. yah dekh len ki jahan ashtamesh sthit hai ve grah usse shashthama-ashtam bhavagat n hon, n hi unki rashi in bhavon men parti ho. un grahon ke ratn ap markesh ke prabhav ko kam karne ke lie dharan kar sakte hain. yahan vishesh rup se yah dhyan rakhen ki anya kisi vidhi se yadi balvan ashtamesh ka ratn nikal raha ho to vah kadapi dharan n karen anyatha vah prabal markesh ban jaega. marak grah ka prabhav ashtamesh grah ki antardasha men prabhavi hota hai, islie us dasha men yatn karke vah ratn avashya juta len. shani shashthesh tatha ashtamesh hokar yadi lagnesh ko dekhta hai to lagnesh hi marak ho jata hai.
aisi sthiti men lagnesh ko, yadi vah bali hai, uske ratn se balvan karna hoga. parantu yadi lagnesh aise men bali nahin hai to purva ki bhanti uske mitra grahon men jo balvan grah ho tatha lagnesh se chathe ya athven bhi n ho to sanbandhit ratn dharan karvana buddhimani hogi. parashar ke mat se janmakundli men dvitiya aur saptam bhav markesh hain tatha in donon ke svami - dvitiyesh, saptamesh, dvitiya aur saptam men rahne vale pap grah evan dvitiyesh aur saptamesh ke sath rahne vale pap grah-markesh ho jate hain jaisa ki purva men likha hai.
pap grah markesh yadi bali hai tab uske ratna-uparatn athva rogadi se sarvatha bachen. anyatha yah prabal markesh ban jate hain. yahan unke mitra grahon ke ratn purva ki bhanti hi prayog karne chahie. shani markesh se bhi do hath age hai, isilie sab isse bhaybhit rahte hain. prabal marak shani ka ratn, challa, kara adi aise men kadapi prayog n karen. suraksha ki drishti se shani ke mitra grahon men se purva ki bhanti chantakar unke ratn, rang adi chayan karen. dvadshesh papagrah ho to marak ban jata hai.
papagrah shashthesh ho athva pap rashi men shashthesh sthit ho ya papagrah se drisht ho to shashthesh ki dasha marak ho jati hai. markesh ki dasha men shashthesh, ashtamesh ya dvadshesh ki antardasha bhi marak hoti hai. markesh yadi adhik balvan hai to uski hi dasha athva antardasha men maran athva maran tulya kasht hota hai. rahu-ketu pahle, satven, athven athva 12ven bhav men hane athva markesh se satven bhav men hon athva markesh ke sath hon to marak ban jate hain. makar aur vrishchik lagn valon ke lie rahu marak ban jata hai. shani ka bhut aur ratn chayan jatak granthon men shani ki sarhe sati aur dhaiya ka alg-alag tarike se varnan hai.
iski ganna chalit nam se, lagn se, chandra se tatha surya se ki jati hai. ek vyakti ke jivan men adhik se adhik sarhe 22 varsh sarhe sati men nikal jate hain. kahte hain sarhe sati men jatak unnati nahin kar pata aur use dukh, kalah tatha bimari adi nirantar ghere rahte hain. yadi shani uchch ka ho aur uski sarhe sati praranbh ho jae to vyakti chahudish hani praranbh ho jati hai. samanyatah shani ki sarhe sati ka vichar janmapatri men chandrama ki sthiti se kiya jata hai. gocharavash bhraman karta hua shani jab chandrama se dvadash bhav men pravesh karta hai to yah shani ki sarhe sati ka praranbh kahlata hai. chandrama se tisri rashi ko jab shani par karta hai to sarhe sati ka ant mana jata hai. is prakar har rashi par dhai-dhai varsh bhraman karta hua chandra ki rashi sahit uske age aur piche sthit rahta hai.
chandrama se chaithi tatha athvin rashiyon men jab shani gocharavash dhai-dhai varsh sthit rahta hai to yah shani ki dhaiya kahlati hai. shani ke in gocharavash sthit sthanon ko logon ne shani ka bhut, shani ka prakop, daridrya aur arogya se jorakar ek agyat bhay baitha diya hai. yah uchit nahin hai. shani ke tathakthit in dinon men samanyatah shani ka ratn nilam, uparatn, lohe ka challa athva kara pahnne ka chalan hai. yah chayan thik hai parantu pratyek vyakti ke lie nahin. sadaiv dhyan rakhen ki yam-niyam pratyek vyakti par satik baithen, yah avashyak nahin hai. kisi bhi rup men nidan ke samay samanya niyamon ke sthan par vyakti vishesh ke anurup niyam khoj karke hi age barhna chahie. sarhe sati men ratn dharan karvate samay dhyan rakhen ki dharan kie gae ratn ka kaisa bhi sanbandh uske gochar bhav se chathe athva athven se n ho. bhagya pradayak disha evan ratn chayan yadi apko apna janm lagn gyat hai tab to thik hai anyatha apne nam ke pratham akshar ki rashi ko lagn manakar lagn kundli taiyar karen. man len apka nam ram hai aur apki nam rashi tula banti hai
kundli men ap dekhie ki dusre, nauven tatha gyarhven bhavon men kaun-kaun si rashiyan hain aur ve rashiyan kin-kin dishaon athva vidishaon ki suchak hain. udaharan ke lie in bhavon men kramshah vrishchik, mithun tatha sinh rashiyan hain aur vah uttar, pashchim tatha purva dishaon ki karak hain. iska arth yah hua ki apne vartaman sthan se yadi ap in disha-vidishaon men parne vale ganv, shahar adi men pravas karte hain to apke bhagya men uttarottar unnati ki sanbhavna barh sakti hai. yah bat avashya dhyan men rakhen ki yah chayan bahut hi sadharan sa sutra hai, shubh fal ki prapti ke lie anya jyotishiya ghatkon ka apke lie anukul hona bhi parmavashyak hai. labh dene vale ghatkon men ek vikalp uchit ratn chayan bhi ho sakta hai.
in rashiyon ke ratn, uparatnadi yadi paraspar mitra hain to apke lie bhagyashali siddh ho sakte hain. yadi tin ratnon ka sanyog n mil pae to yah dekhen ki kaun se do ratn paraspar mitra hain. yadi yah sanyog bhi nahin mil raha hai to ap rashiyon ke anya mitra rashiyon ke ratn chayan karen. anya mitra rashiyon ka chayan karte samay shadashtak dosh ka dhyan avashya rakhen arthat ve rashiyan chathe, athven bhav men paraspar n hon. yadi mitra rashiyon se bhi ratn chayan n ho pa raha ho to ap navam bhavagat rashi ke anurup ek akela ratn bhi dharan kar sakte hain.