bhartiya jyotishshastra ke falit skandh ke vikas ke mul adhar ke rup men maharshi parashar ke siddh ant ke yogdan ko ekamat se svikar kiya gaya hai. falit jyotishshastra ke pratyek mahattvapurn siddhant ke vishay men maharshi parashar ke vicharon ko vishvasniya margadarshak mana jata hai.
ratn dharan ke sandarbh men bhi maharshi parashar ne apne vicharon se paravarti daivagyaon tatha samanya janmanas ke prati apne siddhant ka atyant karunapurvak praktikaran kiya hai. ratnadharan ke lagn vishayak siddhant ki maharshi ne apne granth ‘brihatparashrhorashastra’ men sthapna ki hai.
inhonne pratyek lagn men utpann jatkon ke lie yogkarak grahon ka nirdharan kiya hai tatha inhin yogkarak grahon ki sablta tatha nirbalata ke adhar par jatak ko uske jivan men prapt hone vale sukh-dukh vishayak faladesh ko bhi prastut kiya hai. maharshi parashar ke anusar meshadi dvadash lagnon men utpann jatak ke lie kaun se grah yogkarak hain tatha unhen kaun sa ratn dharan karna chahie aur kaun sa ratn dharan nahin karna chahie is siddhant ko is prakar prastut kiya ja sakta hai: mesh lagn mesh lagn men utpann jatak ke lie shani, budh aur shukra ye tin grah pap faldayak hote hain.
surya, mangal aur guru shubh faldayak hote hain. shukra mukhya rup se marak hota hai. is prakar is lagn men janm lene vale jatkon ko munga, manikya aur pukhraj dharan karna chahie. hira, panna tatha nilam ratn aise jatkon ke lie ashubh fal dene vale hain. vrish lagn is lagn men utpann jatak ke lie shani aur surya shubh faldayak, budh alp shubh falaprad tatha shani rajyogkarak hote hain. guru, shukra tatha chandrama vrish lagn vale jatak ke lie ashubh honge tatha guru, shukra aur mangal marak hote hain.
atah is lagn ke jatkon ke lie nilam, manikya tatha panna shubh falotpadak honge jabki pukhraj, hira, moti tatha munga ashubh fal dene vale honge. mithun lagn mithun lagn men janm lene vale jatak ke lie ekmatra shukra shubh fal dene vala hota hai. mangal, guru tatha surya papfldayi hote hain jabki chandrama mukhya marak hota hai. atah is lagn ke jatak hetu hira dharan karna atyant shubhafalaprad hota hai.
parantu moti, munga, pukhraj aur manikya dharan karna ashubh hai. kark lagn is lagn men mangal, brihaspati tatha chandrama shubhafalaprad hote hain. mangal vishesh rup se purnayog karak hota hai. shukra tatha budh papfldayak hote hain, jabki shani purn marak hota hai. is lagn men surya ki pravritti sahacharya se fal dene ki hoti hai.
atah is lagn ke jatkon ke lie munga, pukhraj v moti shubh hain, jabki manikya dharan ke sandarbh men vishesh paramarsh ki avashyakta hoti hai. ye jatak nilam, hira v panna nahin pahnen to uchit rahega. sinh lagn is lagn ke jatkon ke lie mangal, brihaspati tatha surya vishesh shubh faldayak hote hain. chandrama sahacharya se shubh fal deta hai.
budh, shukra aur shani pap falad hote hain aur ismen bhi shani marak hota hai. is prakar sinh lagn men utpann jatkon ke lie munga, pukhraj tatha manikya dharan karna prashast hai, jabki panna, hira aur nilam dharan karna nishiddh hai. kanya lagn kanya lagn men janm lene vale jatkon ke lie budh aur shukra atyant shubhafalaprad tatha yogkarak hote hain. mangal, brihaspati tatha chandrama pap fal utpann karne vale hote hain.
is lagn ke lie shukra marak bhi hai tatha surya sahacharya se fal deta hai. atah kanya lagn ke jatkon ke lie panna v hira dharan karna shubh hai, jabki munga, pukhraj v moti ashubh fal dene vala hota hai. tula lagn is lagn men chandrama, budh aur shani shubh faldayak hote hain sath hi chandrama v budh men rajyog pradan karne ka bhi samathrya hota hai.
guru, surya aur mangal pap faldayak hote hain. mangal v guru marak hote hain tatha shukra sam svabhav ka hota hai. atah is lagn ke jatkon ke lie moti, panna v nilam atyant shubh honge tatha pukhraj, munga v manikya anishtakarak ho sakte hain. vrishchik lagn is lagn men utpann jatak ke lie guru aur chandrama shubhafal dene vale jabki surya v chandrama yogkarak hote hain. shukra, budh aur shani pap fal pradan karte hain tatha mangal sam hota hai.
is tarah vrishchik lagn ke jatak pukhraj, moti v manikya dharan kar sakte hain. hira, panna aur nilam dharan karna ashubh prabhav dene vala ho sakta hai. dhanu lagn dhanu lagn men samutpann jatkon ke lie mangal aur surya shubh fal dene vale hote hain tatha surya v budh yogkarak hote hain. shani marak hota hai tatha shukra men marak lakshan hote hain.
atah dhanu lagn ke jatak munga, manikya v panna dharan kar shubhafal ki prapti kar sakte hain jabki hira v nilam dharan karna ashubh fal utpann kar sakta hai. makar lagn makar lagn men utpann jatkon ke lie shukra v budh shubh fal dene vale hote hain. mangal, brihaspati v chandrama pap fal dete hain surya sam fal dene vala hota hai. is lagn men shani lagnesh hote hain atah svayan marak nahin hote apitu mangal adi pap grah marak prabhav utpann karne vale hote hain.
ataev is lagn ke jatkon ke lie hira v panna atyant shubhafalad siddh ho sakta hai. is lagn men munga, pukhraj v moti ashubh prabhav utpann kar sakte hain. atah in ratnon ko dharan karna nishiddh hai. kumbh lagn is lagn men samutpann jatkon ke lie shukra v shani shubhfldayak hote hain tatha shukra vishesh rup se rajyogkarak hota hai. guru, surya v mangal marak prabhav se yukt hote hain tatha budh madhyam faldayak hota hai.
spasht hai ki shukra ratn hira v shani ka ratn nilam is lagn ke jatkon ke lie shubh hai jabki pukhraj, manikya v munga atyant ashubh ratn siddh ho sakte hain. min lagn min lagn ke jatkon ki janm patrika ke anusar mangal, chandrama v guru shubhafalad hote hain. inmen se bhi mangal v guru vishesh rup se atyant yog karak hote hain. shani, shukra, surya v budh is lagn ke jatkon ke lie ashubh prabhavotpadak hote hain. shani v budh marak hote hain.
islie min lagn ke jatkon ke lie munga, moti v pukhraj dharan karne yogya ratn hain. jabki shani ratn nilam, shukra ratn hira, surya ratn manikya v budh ratn panna ka parityag karna chahie. maharshi parashar ne apni rachna brihatparashrhorashastram ke yogkarkadhyay men is sandarbh men atyant vistar se charcha ki hai.
yogkarak arthat atyant shubhafalad v rajsukh pradan karne valo grahon ke nirdharan ke sandarbh men maharshi parashar ke ye siddhant svarnim sutra ke rup men siddh hote hain.