uchchisht ganpti siddhi prayog  

vishvamitra ne ek sthan par likha hai ki jivan ka purn saubhagya fal uchchisht ganpti prayog hai. maharshi vashishth ne uchchisht ganpti sadhna ko jivan ki purn sadhna kaha hai. matra is prayog se jivan men vah sab kuch prapt ho jata hai, jo abhisht lakshya hota hai. ichchaen, bhavnaen aur manorath pure hote hain. yah ek din ki sadhna hai aur yadi sadhak purn vidhi-vidhan ke sath is sadhna ko karta hai, to, vishvamitra sanhita ke anusar, isse use panch labh hathanehath prapt hote han. kai bar dekha gaya hai ki idhar sadhna sanpann hoti hai aur udhar saflta ki bhi prapti sanbhav hone lagti hai. panch labh nimn hain: - samast karjon ki samapti aur daridrata ka nivaran - nirantar arthik-vyaparik unnati - lakshmi prapti aur uska purn upbhog - bhagvan ganpti ke pratyaksh darshanon ki sanbhavna - prabal ichcha aur uski purnata ka marg prashast hona yah prayog ganesh jayanti ko kiya jata hai. yah jayanti bhadra shukla chaturthi ko hota hai. shastron men kaha gaya hai ki yah prayog kisi bhi budhvar ko sanpann kiya ja sakta hai. parantu ganpti siddhi divas, yani bhadrapad shukla chaturthi shighra safltadayak hain. shastron ke anusar yah prayog din, ya ratri men, kabhi bhi sanpann kiya ja sakta hai. jivan men jo ichchaen purn hon, un ichchaon, ya abhavon ki purti ko hi uchchisht kaha gaya hai. sadhak nimn samagri ko pahle se hi taiyar kar len, jismen jal patra, kesar, kunkum, chaval, pushp, mala, nariyal, dudh, shakkar (gud) se bana khir, ghi ka dipak, agarabatti, modak adi hain. inke alava uchchisht ganpti yantra aur manuge ki mala ki nitant avashyakta hoti hai. sarvapratham sadhak, snan kar, pile vastra pahan kar, purva ki or mukh kar ke baith jae aur samne uchchisht ganpti siddhi yantra ko ek thali men, kunkum se svastik bana kar, sthapit kar le aur fir hath jod kar bhagvan ganpti ka dhyan karen. dhyan mantra: sindur varn sankash yog pat samanvitan lambodar mahakayan mukhan kari karopman animadi gunyukte asht bahutrilochnan vigma vidyate linge moksh kamam pujyet.. dhyan karne ke bad jo bhi manokamna ho, vah, nam, gotra adi ka uchcharan karte hue, ganesh ji ke charan men sankalp vakya padhte hue, rakh den. sankalpa: omachya bhadra masi shukle pakshe chaturthoyo tithau vats gotrasya mahesh mohan sharmana: dhan praptiah kamah shri uchchishtaganapati prasad kamashya om ek dantay vidmhe vakra tunday dhimhi tannovighn prachodyat iti mantrasya ek vinshti mala japan ahan karishye. sadhak, apne anusar, rekha ke upar nam, gotra manokamna adi ka uchcharan karen. iske bad, bhagvan uchchisht ganpti ath bhujaon vale hain, aisa chintan man men late hue, unki athon bhujaon ko nimn likhit prakar se pranam karen: om an animayai namah svaha. om man mahimayai namah svaha. om ve vashitayai namah svaha. om gan garimayai namah svaha. om pre praptaye namah svaha. om i ishitayai namah svaha. om ke kamavasatritayai namah svaha om sin siddhayai svaha. is prakar athon bhujaon ka pujan kar fir ganesh vahan mushak ka nimn mantra se pujan karen: om man mushikatra ganadhiya vahnam dharm shatram svaha. iske bad, kesar, jal, pushp, gulal, dip adi se, uchchisht ganpti yantra ki puja karen. yantra puja karne ke bad yog (naivedya) laga khir vahin baithe-baithai kuch ansh kha kar, bina achaman kiye, mantra ka jap 21 mala karen. munh jhutha ho, lekin hath dho lena chahie. khir ke badle modak bhi kha sakte hain, kyonki uchchisht ganpti ko modak atyant priya hai.’ mai hi ganesh hun, ‘aisa dhyan kar ke nimn mantra ka jap karen. om ek dantay vidamhe vakra tunday dhimhi tanno vighn prachodyat. iske bad puja sthan par rakhe gaye nariyal ko tod kar uske andar ki giri bhagvan ganpti ko samarpit kar den. isse prayog siddh ho jata hai aur isse sanbandhit jo labh piche bataye gaye hain, ve turant falaprad hote hain. ant men shuddh ghrit se bhagvan ganpti ki arti sanpann karen aur prasad vitrit karen. is prakar se sadhak ki manovanchit kamnaen nishchay hi purn ho jati hain aur kai bar to yah prayog sanpann hote hi sadhak ko anukul fal prapt ho jata hai.