prativarsh jyeshth mah ki shukla paksh ki dashmi ko ganga dashhra manaya jata hai. is varsh ganga dashhra 14 jun 2016, ke din manaya jaega. skandpuran ke anusar ganga dashhre ke din vyakti ko kisi bhi pavitra nadi par jakar snan, dhyan tatha dan karna chahie. isse vah apne sabhi papon se mukti pata hai. yadi koi manushya pavitra nadi tak nahin ja pata tab vah apne ghar pas ki kisi nadi par snan karen. jyeshth shukla paksh ki dashmi ko sanvatsar ka mukh kaha gaya hai, islie is is din dan aur snan ka hi atyadhik mahatva hai. varah puran ke anusar jyeshth shukla dashmi, budhvar ke din, hast nakshatra men ganga svarg se dharti par ai thi, is pavitra nadi men snan karne se das prakar ke pap nasht hote hanai. ganga dashhre ka mahatva bhagirath ki tapasya ke bad jab ganga mata dharti par ain hain us din jyeshth shukla paksh ki dashmi thi. ganga mata ke dharti par avataran ke din ko hi ganga dashhra ke nam se puja jana jane laga. is din ganga nadi men khare hokar jo ganga stotra parhta hai vah apne sabhi papon se mukti pata hai. skand puran men dashhra nam ka ganga stotra diya hua hai.
ganga dashhre ke din shraddhalu jan jis bhi vastu ka dan karen unki sankhya das honi chahie aur jis vastu se bhi pujan karen unki sankhya bhi das hi honi chahie. aisa karne se shubh falon men aur adhik vriddhi hoti haiganga dashhre ka fal jyeshth shukla dashmi ke din ganga snan karne se vyakti ke das prakar ke papon ka nash hota hai. in das papon men tin pap kayik, char pap vachik aur tin pap mansik hote hain. in sabhi se vyakti ko mukti milti hai. puja vidhi is din pavitra nadi ganga ji men snan kiya jata hai. yadi koi manushya vahan tak jane men asamarth hai tab apne ghar ke pas kisi nadi ya talab men ganga maiya ka dhyan karte hue snan kar sakta hai. ganga ji ka dhyan karte hue shodshopchar se pujan karna chahie. ganga ji ka pujan karte hue nimn mantra parhna chahie:- “un namah shivayai narayanyai dashhrayai gangayai namah” is mantra ke bad “un namo bhagvte un hrin shrin hili hili mili mili gange man pavay pavay svaha” mantra ka panch pushp arpit karte hue ganga ko dharti par lane vale bhagirath ka nam mantra se pujan karna chahie. iske sath hi ganga ke utpatti sthal ko bhi smaran karna chahie.
ganga ji ki puja men sabhi vastuen das prakar ki honi chahie. jaise das prakar ke ful, das gandh, das dipak, das prakar ka naivedya, das pan ke patte, das prakar ke fal hone chahie. yadi koi vyakti pujan ke bad dan karna chahta hai tab vah bhi das prakar ki vastuon ka dan karta hai to achcha hota hai lekin jau aur til ka dan solah muththi ka hona chahie. dakshina bhi das brahmanon ko deni chahie. jab ganga nadi men snan karen tab das bar dubki lagani chahie. ganga ji ki katha is din subah snan, dan tatha pujan ke uprant katha bhi suni jati hai jo is prakar se hai. prachin kal men ayodhya ke raja sagar the. maharaja sagar ke sath hajar putra the. ek bar sagar maharaj ne ashvamadh yagya karne ki sochi aur ashvamegh yagya ke ghode ko chor diya. raja indra yah yagya asafal karna chahte the aur unhonne ashvamedh ka ghora maharshi kapil ke ashram men chipa diya. raja sagar ke sath hajar putra is ghore ko dhunrhte hue ashram men pahunche aur ghore ko dekhte hi chor-chor chillane lage. isse maharshi kapil ki tapasya bhang ho gai aur jaise hi unhonne apne netra khole raja sagar ke sath hajar putron men se ek bhi jivit nahin bacha.
sabhi jalakar bhasm ho gaye. raja sagar, unke bad anshuman aur fir maharaj dilip tinon ne mritatmaon ki mukti ke lie ghor tapasya ki taki vah ganga ko dharti par la saken kintu safal nahin ho pae aur apne pran tyag die. ganga ko islie lana par raha tha kyonki prithvi ka sara jal agastya rishi pi gaye the aur purvajon ki shanti tatha tarpan ke lie koi nadi nahin bachi thi. maharaj dilip ke putra bhagirath hue. unhonne ganga ko dharti par lane ke lie ghor tapasya ki aur ek din brahma ji unki tapasya se prasann hokar prakat hue aur bhagirath ko var mangne ke lie kaha tab bhagirath ne ganga ji ko apne sath dharti par le jane ki bat kahi jisse vah apne sath hajar purvajon ki mukti kar saken. brahma ji ne kaha ki main ganga ko tumhare sath bhej to dunga lekin uske ati tivra veg ko sahan kaun karega? iske lie tumhen bhagvan shiv ki sharan leni chahie vahi tumhari madad karenge. ab bhagirath bhagvan shiv ki tapasya ek tang par khare hokar karte hain. bhagvan shiv bhagirath ki tapasya se prasann hokar gangaji ko apni jataon men rokne ko taiyar ho jate hain. ganga ko apni jataon men rokakar ek jata ko prithvi ki or chor dete hain.
is prakar se ganga ke pani se bhagirath apne purvajon ko mukti dilane men safal hote hanai. nirjala ekadshi vrat yah vrat jyeshth ke shukla paksh ki ekadshi ko kiya jata hai. iska nam nirjala hai; atah, nam ke anurup, jal ka parityag kar, iska vrat kiya jae, to yah, svargadi ke alava, ayu aur arogya vriddhi bhi dene vala hai. is varsh guruvar 16.6.2016 ko nirjala ekadshi vrat ka palan kiya jaega. vyas ji ke vachnanusar yah yatharth satya hai ki ardhamas (malmas) sahit ek varsh ki 26 ekadshiyon men se matra ek nirjala ekadshi ka vrat karne se hi sanpurn ekadshiyon ka fal prapt ho jata hai. nirjala vrat karne vala, apvitra avastha ke achaman ke siva, bindu matra jal bhi grahan n kare. yadi kisi prakar se jal upyog men le liya jae, to usse vrat bhang ho jata hai. sanpurn indriyon ko drirhtapurvak bhogon se virakt kar, sarvantaryami shri hari ke charnon ka chintan karte hue, niyampurvak nirjal upvas kar ke, dvadshi ko snan karen aur samathrya ke anusar suvarn aur jalyukt kalash de kar bhojan karen, to sanpurn tirthon men ja kar snan-danadi karne ke saman fal milta hai.
ek samay bahubhoji bhimsen ne pitamah vyas ji se pucha: he pitamh! bhrata yudhishthir, mata kunti, draupdi, arjun, nakul aur sahdev adi ekadshi ke din vrat karte hain aur ekadshi ke din ann khane ko mana karte hain. main unse kahta hun ki bhai, main bhaktipurvak bhagvan ki puja kar sakta hun, parantu main ekadshi ke din bhukha nahin rah sakta. is par vyas ji bole: he bhimsen! yadi tum narak ko bura aur svarg ko achcha samjhte ho, to pratyek mah ki donon ekadshiyon ko ann n khaya karo. is par bhimsen bola ah he pitamh! main apse pahle hi kah chuka hun ki main ek din, ek samay bhi bhojan kiye bina nahin rah sakta. fir mere lie pure din ka upvas karna kathin hai. yadi main prayatn karun, to ek vrat avashya kar sakta hun. atah ap mujhe koi ek vrat batlaie, jisse mujhe svarg ki prapti ho. shri vyas ji bole: he vayu putra! bare-bare rishiyon aur maharshiyon ne bahut se shastra adi banaye hain. manushya ko donon pakshon ki ekadshiyon ka vrat karna chahie. isse unhen svarg ki prapti hoti hai. shri vyas ji ke vachnon ko sun kar bhimsen nark men jane ke vichar se atyant bhaybhit hue aur lata ke saman kanpne lage.
vah bole: he pitamh! ab main kya karun? kyonki mujhse vrat nahin ho sakta, atah ap mujhe koi ek hi vrat batlaie, jisse meri mukti ho jae. is par shri vyas ji bole: he bhimsen! vrish aur mithun sankranti ke madhya jyeshth mah men shukla paksh ki ekadshi hoti hai, uska nirjala vrat karna chahie. is ekadshi ke vrat men snan aur achaman men jal varjit nahin hai, lekin achaman men 3 mashe se adhik jal nahin lena chahie. is achaman se sharir ki shuddhi ho jati hai. achaman men 7 mashe se adhik jal madyapan ke saman hai. is din bhojan karne se vrat nasht ho jata hai. yadi suryoday se suryast tak manushya jalpan n kare, to use barah ekadshiyon ke fal ki prapti hoti hai. dvadshi ke din suryoday se pahle hi uthna chahie aur snan kar ke, brahman ko yathayogya dan dena chahie. iske pashchat bhukhe brahman ko bhojan karana chahie, tatpashchat svayan bhojan karna chahie. iska fal sanpurn ekadshiyon ke fal ke barabar hai. he bhimsen! svayan bhagvan ne mujhse kaha tha ki is ekadshi ka punya samast tirthon aur danon ke punya ke barabar hai.
ek din nirjal rahne se manushya papon se mukt ho jata hai. jo manushya nirjal ekadshi ka vrat karta hai, usko mrityu ke samay bhayanak yam dut nahin dikhte hain. us samay bhagvan vishnu ke dut svarg se ate hain aur unko pushpak viman par bitha kar svarg le jate hain. atah sansar men sabse shreshth nirjala ekadshi ka vrat hai. atah yatnapurvak is ekadshi ka nirjal vrat karna chahie. us din ”om namo bhagvte vasudevay“ mantra uchcharan karna chahie. vyas dev ji ke aise vachan sun kar bhim ne nirjal vrat kiya. islie is ekadshi ko bhimseni ya pandav ekadshi bhi kahte hain. nirjal vrat karne se pahle bhagvan ki puja karni chahie aur unse vinay karni chahie ki dusre din bhojan karunga. main is vrat ko shraddhapurvak karunga. isse mere sab pap nasht ho jate hain. is din, ek bare vastra se dhank kar, svarn sahit dan karna chahie.