ashlesha, jyeshtha, revti, ashvini, bharni, krittika ye chah nakshatra ‘mul sangyaka’ nakshatra kahlate hain. 27 nakshatra ko tin bhagon men bantne par 9 nakshatron ka ek bhag prapt hota hai jinmen pratyek nakshatra 9 grahon se pratyek ka adhipatya rakhta hai. mesh, sinh, dhanu rashi ka praranbh ketu ke nakshatron se hota hai. kark, vrishchik, min ka ant budh ke nakshatron men hota hai. kark ka samapti, sinh ka praranbh kal, vrishchik ka samapti kal, dhanu ka praranbh kal tatha min ka ant, mesh ka praranbh kal ka jor gand kahlata hai.
arthat jis samay rashi tatha nakshatra ka ek sath ant hota hai vah samay gand kahlata hai. ashlesha ka ant aur magha ke praranbh ka kal ratri gand kahlata hai. jyeshtha ka ant mul ka praranbh diva gand kahlata hai. revti ki samapti v ashvini ka praranbh sandhya gand kahlata hai. jyotish marmagyaon ne jyeshtha aur mul nakshatra men paida hue jatkon ke bare men yahan tak likha hai ki in nakshatron ke kisi bhi ansh men utpann hue jatak anisht karte hain
jyeshtha ka antim 1 ghati (2) ghanta) mul ka praranbh 2 ghati (5 ghanta) to itna bura mana gaya hai ki aise janm ke uprant nau varsh bad hi pita putra ka mukh dekhe. ashvini ka gand dosh hone par 16 varsh, magha ka 8 varsh, mul ka 4 varsh, ashlesha ka 2 varsh, jyeshtha ka 1 varsh, revti ka 1 varsh paryant anisht ka bhay rahta hai. yadi pratahkal athva sandhya ke samay janm ho aur sandhya gand dosh ho to us balak ko arisht hota hai. ratri kal men janm hone se ratri gand dosh se jatak ki mata ko arisht hota hai.
diva gand men din men janm hone se pita ko arisht hota hai. din men janm hone se ratri gand aur ratri men janm hone se diva gand arishtakari nahin hota hai. diva gand men kanya ka aur ratri gand men purush ka janm hone se gand dosh nahin lagta hai. vaishakh, shravan aur falgun men gand dosh akash vasiyon ko lagta hai. asharh, paush, margashirsh aur jyeshth men gand dosh manushya ko tatha chaitra, bhadrapad ashvin aur kartik men gand dosh patal vasiyon ko lagta hai. magh men gand dosh mrityukarak hai.
yadi asharh, paush, margashirsh, jyeshth aur magh men gand dosh ho to jatak ko gand dosh hota hai arthat shesh ke mason men gand dosh ka prabhav nahin hota. chitra nakshatra men praranbh men do charan hi kanya rashi hai, pushya ke charon charan jo kark rashi hai aur purvasharh ke charon charan jo dhanu rashi hai, inmen janm hone se kramshah mata-pita tatha mama ke lie anishtakari hota hai. hast nakshatra v magha ke tisre charan men mata-pita ke lie kashtakari hota hai. tinane uttara nakshatron ka pratham charan jatak svayan ke lie kashtakari hota hai.
chitra, vishakha aur hast nakshatron men janm hone se mata pita ke lie kashtakari hota hai. mul nakshatra ke pratham charan men pita, dvitiya men mata, tritiya men janm hone se pure parivar ke lie kashtakari hota hai, parantu chaturth charan men janm ho to unnati pradan karta hai. ashlesha ka pratham charan sukhdayi hai, dvitiya charan parivar ko, tritiya mata ko, chaturth charan pita ko kashtakari hota hai. in sabhi ashubh falon ka nash lagn men kisi bali grah ke virajman se ho jata hai. jis nakshatra men jatak ka janm ho vah janm nakshatra kahlata hai.
us nakshatra se dasvan nakshatra karmakrsh kahlata hai. janm nakshatra se 16van nakshatra sanghatika, 18van samuday, 19van aghan, 23van vainashik, 25van jati, 26van desh, 27van abhishek kahlata hai. yadi janm samay in nakshatron par pap grah sthit ho to jatak ki mrityu tak ho sakti hai. parantu shubh grah ka hona shubh faldayi hota hai.