sitamrhi, bihar ke shivahar jile ke mahuariya ganv men char varshiya ayush ko apni purva janm ki sabhi baten bakhubi yad hain. uski baton ko sunakar parijan hi nahin balki pura ilaka hairat men hai. pratidin hajaron ki sankhya men log uski baton ko sunne ke lie ganv pahunch rahe hain. uday chand dvivedi ke dvitiya putra ayush bite ek saptah se purva janm ki baton ko dharalle se bakhan kar raha hai.
man jata rahi anhoni ki ashanka : uski man suman devi batati hai ki patra-patrikaon men parha tha ki kuch logon ko purva janm ki baten yad rahti hain. parantu ab unke mathe par hi yah par gaya. ve kisi anhoni ki ashanka vyakt karte hue kahti hain ki jo bhi ho raha hai vah unke parivar ke lie achcha nahin hai. idhar, char varshiya ayush ne bataya ki purva janm men uska nam ujjain sinh tha tatha uski patni ka nam bebi sinh tha. uske pita dhirendra sinh aur mata vina devi thi. ve tin bhai the. jinka nam dhiraj, niraj v dharmendra tha.
pichle janm men dilli men tha bhavya avas : uska dilli ke elmal chauk ke rod nan-4 men bhavya avas hai tatha chandni chauk ki gali nan-5 men bhi ek makan hai, jahan uske bare bhai niraj sinh rahte hain. uske pas do maruti kar, ek laisensi banduk tatha ek pistal evan kai mobail fon the. uski tin bahnen thin aur sasural bihar ke aurangabad jile men thi. ayush ka dava hai ki uski shadi ka jora aj bhi uski almari men sajakar rakha hua hai. sone vale kamre men uska aur uski patni bebi sinh ka sanyukt foto tanga hua hai.
pichle janm men sarkari bhavnon ko banata tha : ayush ka kahna hai ki vah purva janm men bhavan nirman vibhag men thekedari ka karya karta tha aur sarkari bhavan banvata tha. uska kahna hai ki usne baba ramdev ka yog bhi trikut ganv men sikha tha jo aj bhi yad hai. char varsh ki umra men hi ayush achchi tarah se yog bhi kar leta hai.
vah kahta hai ki ek bar uska eksident ho gaya tha, jismen vah buri tarah ghayal ho gaya tha. 21 sitanbar 2006 ki subah use sanp ne kat liya jiske bad parijnon ne ilaj karaya aur vah behosh ho gaya, jiske bad use kuch bhi yad nahin hai. ayush ki man suman devi ka kahna hai ki yadi ayush ka kahna satya hai to iski maut sanp ke katne se hui hai aur 21 sitanbar 2006 ke dopahar men hi ayush ka janm hua tha. halanki, uske bataye gaye jagah ka satyapan karaya ja raha hai.
if you are facing any type of problems in your life you can consult with astrologer in delhi