vyakti ki kundli uske jivan ka prakritik pratibinb hoti hai. iske vishleshan se uske jivan ke vibhinn pahluon ki jankari prapt ki ja sakti hai ki uski shiksha kaisi hogi, vah vyapar karega ya naukri ya fir koi anya kam, uske mitra kaise honge, parivar ke sadasyon ke sath uske sanbandh sauhardapurn rahenge ya katutapurn adi. yahan prastut hai kundli ke us paksh ka vishleshan jiske adhar par yah tay kiya ja sakta hai ki jatak ka videsh yatra yog hai ya nahin. jatak ke lagn men koi char arthat mesh, kark, tula ya makar hone par uski kriyashilta ke karan uski pravritti bhramnshil hoti hai aur vah apne janm sthan se dur pardesh ya videsh men jakar jivan yapan karta hai.
iske viprit lagn men sthir rashi hone par vah janm sthan par hi rahna v karya karna pasand karta hai. kintu dvisvabhav rashi ho, to usmen mishrit pravritti hoti hai. is prakar videsh yatra ka falakathan karte samay lagn, lagnesh evan lagnasth grahon ki prakriti ke sath sath tritiya, pancham, saptam, navam, ashtam tatha dvadash bhavon ka sahi vishleshan evan adhyayan karna chahie. lagna: yadi lagn men koi char rashi mesh, kark, tula ya makar ho aur vah purn ansh ki ho, to jatak ki videsh yatra ki prabal sanbhavna rahti hai. lagn atmabal v atmavishvas ka karak hai aur char rashi kriyashilta ki karak hoti hai. jab lagn men char rashi ho, to kendra aur saptam bhav men bhi char rashiyan hongi. tritiya bhav: bhav 3 se videsh ki choti-choti yatraon ka anuman lagaya jata hai.
yah bhav parakram, sahas, udyam, laghu yatra, vyapar tatha ajivika ka karak hai. bhav 3 v 7 men sthit grah navam pancham yog banate hain, jo videsh yatra ka shubh yog hota hai. chaturthesh ki sthiti ke akalan se bhi videsh yatra ka anuman lagaya ja sakta hai. pancham bhav: pancham v navam bhavon ka ek dusre se gahra sanbandh hota hai navm-pancham yog shubh karak hota hai. is yog ke jatak ki videsh jane ki prabal ichcha hoti hai. yah bhav kalpana shakti ka dyotak bhi hai. kalpana shakti jatak ki ichcha shakti men vriddhi karti hai. saptam bhav: bhav 7 dainik vyavsay, vyapar, udyog, vanijya, patni, paryatan v yatra ke sath-sath kamukta tatha romans v stri varg ka karak hai.
yah bhav jatak men videsh jakar vyavsay, dhan labh, paryatan, romans ki ichcha jagrat karta hai. sath hi is bhav ka lagn se sidha drishti evan sam svabhav rashi ka sanbandh bhi hota hai. kendra bhavon men sam svabhav ki rashiyan lagn, chaturth v saptam bhav men hoti hain jo videsh yatra yog ko bal deti hain- yadi in bhavon men char ya dvisvabhav rashiyan hon. atah bhav 7 men sthit rashi aur grah ki sthiti se yah anuman lagaya ja sakta hai ki jatak videsh men sthayi rup se nivas karega ya asthayi rup se. iske sath hi bhav 7 men sthit grah v rashi donon bhav 3 se navam, pancham yog tatha bhav 12 se shadashtak yog banate hain. bhav 7 ka bhav 12 se shadashtak yog yah darshata hai ki jatak ka apne svajnon, parijnon, mitron se viyog ya algav hoga. vah patni tatha bachchon se bhi dur rahega. ashtam bhav: ashtam bhav bhi videsh yatra yog men vishesh mahatva rakhta hai.
bhav 9 bhav 12 se navam pancham yog banata hai. ashtam bhav bhagya sthan se dvadash tatha vyay sthan se navam hai. in men sthit shubh grah mahatvapurn videsh yatra yog banate hain kintu ashubh grah viprit yog banate hain jiske falasvarup jatak ko jel bhi jana par sakta hai. navam bhav: yah bhav prarabdh, vaibhav, bhagya vriddhi, svapnon, lanbi yatraon, videsh yatraon tatha sthan parivartan ka karak hai. atah bhagya sthan ki videsh yatra yog banane men bhumika aham hoti hai. bhav 5 se bhav 9 ka tatha lagn se tinon bhavon ka paraspar navam pancham yog videsh yatra ke lie shubhkarak hota hai. dvadash bhav: bhav 12 viyog, dukh, vyay, nivesh, videsh, adi ka karak hai jis karan jatak ka apne parivar, mitron, samaj, janm sthan, matribhumi se sanbandh vichched hota hai. jatak virah ki agni men jalta rahta hai kintu dhan ki uski lalsa tivra hoti hai aur dhan kamata bhi hai tatha bachat bhi karta hai. yah bhav romans v manoranjan ka karak bhi hai. is bhav men videsh yatra yog ka vishleshan is prakar hai:
û yadi chaturthesh dvadash bhav men sthit ho, to bhav 4 v bhav 12 ka paraspar navm-pancham yog videsh yatra karata hai. jatak sthayi rup se videsh men vas karta hai.
û yadi surya ashtamasth ho, to uska bhav 12 se navam pancham yog hoga tatha vah bhav 9 se dvadash hoga. atah jatak anek videsh yatraen karega. surya ki bhav 2 par drishti jatak ko kutunb se dur karegi.
û yadi surya saptam bhavasth ho aur char rashi men ho tatha budh, guru, shukra dvitiya bhavasth hon, to jatak umra bhar videsh men jivikoparjan karta hai. surya ek algavvadi grah bhi hai, vah vitrishn paida kar jatak ko patni se dur karta hai. vah bhav 2 se shadashtak yog banata hai.
û yadi lagnesh bhagyasth ho ya chaturthesh trik bhav 6, 8 athva 12 men sthit ho, to jatak videsh yatraen karta rahta hai. yadi bhagyesh lagnasth ho ya chaturthesh ka ashtamesh ya dvadshesh se yuti, drishti ya nav pancham yog banata ho, to jatak videsh yatra se dhan labh prapt karta hai.
û yadi griru shashtham bhavasth ho, to jatak videsh men sthayi rup se nivas karta hai. guru ka lagn se shadashtak yog tatha bhav 12 par saptam drishti ho, to videsh yatra hogi
û yadi gochar men rahu lagn ya bhav 12 athva bhav 10 men a jae aur anya grah v bhav bhi anukul hon, to jatak ka akasmat videsh yatra yog ban jata hai. aisa jatak taskari bhi kar sakta hai.
û yadi karmesh dvadash bhavasth ho, to videsh yatra ka yog banta hai. yadi bhagyesh lagnasth ho tatha chaturthesh ka ashtamesh ya dvadshesh se sanbandh bane, to videsh yatra avashya hogi.
û yadi lagnesh tatha dvadash bhav ka sanbandh ho jaise parivartan yog ya donon men shani ki sam rashi kunbh v makar ya bhav 12 par lagnesh ki drishti ho ya lagnesh v dvadshesh ki char rashi men yuti ho, to jatak videsh to jata hai parantu uski man hani, tiraskar ya jel yatra ka yog bhi banta hai.