agni tatva rashi dasham bhav men surya acharya kishor agni tatva rashi mesh rashi men surya uchch ka to hota hi hai. kark lagn ke lie hi uchch ka surya dasham bhav ka hota hai. vaishakh ke mahine men madhyahn ke samay janmen vyaktiyon ka surya mesh rashi dasham bhav men hota hai. islie rajkarya men dakshata, senapti, neta, raja shasak aur dhanvan hote hain. jatak dusron ko nirdesh dekar himmat ke sath karya karta hai. takat evan sahas ke sath-sath karm ki dakshata evan ayu men vriddhi karta hai. parantu samanya karya ya chota karya, nich, alp padarth ke prati uski ruchi nahin rahti. uska lakshya virat, saundarya ujjavalata ko ingit karta hai. unka karm jivan nagar rajdhani kai dishaon ka nirnay karta hai. kyonki desh ka shasan chalane men aise hi sthanon ka vichar kiya jata hai. apna bal prayog karke, prabhutva vistar adi dvara dandit karvata hai. unke dimag men shadyantra, gupt rajniti kutniti nahin hota. dasham bhavasth surya ke sath mangal ho aur mangal ast n ho to sone par suhaga. surya ke sath chandrama ho aur chandrama ast ho to mansik rog avashya hota hai sath-sath asvabhavik chintadhara aur neta hote hue bhi janta ke samne jatak natamastak ho jata hai. apne karm jivan men apne adhinasth karmachariyon ko santusht nahin kar pata. mata ka sukh nahin milta. apni sanpatti men bhi kai prakar ke jhanjhat rahte hain. yadi budh sath men ho jatak bahut bhraman karta hai aur ay men vriddhi karta hai. sath men kam karne vale vyakti shadyantra karke yadi nuksan pahunchana chahte hain to nuksan pahuncha nahin sakte unka shadyantra asafal ho jata hai. yadi guru sath men ho to jatak, prabal saubhagyashali, karm kshetra men unnati aur kabhi-kabhi asanbhav ko bhi sanbhav karke dikhata hai. tatparya yah hai ki surya ke sath jo bhi grah ho use ast nahin hona chahie tabhi yah fal mil sakte hain. guru dharmik, gyani, pratishthit hone ke sath-sath pita ki dirgh ayu bhi karvata hai aur svayan dharmik nyayapriya aur prabhavshil vyakti hokar shatruon ka daman kar dete hain. yadi dasham bhav men surya ke sath shukra ho to stri rogini hoti hai. shukra ki yuti hone par jatak kamuk, dhan sanpatti hote hue bhi uska bhog nahin kar pate. karm kshetra men vighn, vishvasghat adi deta hai. yadi shani sath men ho to svasthya men hani, unnati men vighn, bimar stri hone ke karan sukh nahin deta. nich jati ke logon se nuksan pata hai. kundli san. 1 ek purush jatak ki kundli hai. jatak ke janm ke samay surya ki dasha 1 sal-5 mah-18 din shesh thi. guru ki dasha 29-10-2008 tak chali. is kundli men uchchasth surya agni tatva rashi dasham bhav men agni tatva grah mangal ki drishti surya ko aur mangal ko uchch ke guru ki drishti hai. islie guru ki mahadsha men kai thakan aur kai gariyan banai. neta hath jore age piche. is kundli men surya chandra ko chorakar jo panchmhapurush yog ka labh milta hai vah dikh raha hai. guru se hans yog mangal se ruchak yog ka labh milta hai. surya chandra uchch rashi men hai jis karan kundli atyadhik balvan hai. aktubar 1992 se 16 varsh jatak ne raja jaise sukh ka bhog kiya hai. karoron kamaya netaon ko kai lakh banta. mantri inke adhin rahe, kisi bhi mantri ko yah kuch nahin samjhte the. kundli men shani ki mahadsha men min rashi men shani guru jaisa fal nahin de paya islie kundli men grah jitne bhi balvan ho yadi shubh grah ki dasha n chale fal ek jaisa nahin milega kyonki hamesha shubh grah apni dasha ane par shubh aur ashubh grah ashubh fal hi denge. sinh rashi dasham bhav men surya apni mul trikon rashi men surya jatak ko purn sukh milna chahie. dasham bhav ka fal surya ki mahadsha men jatak ko avashya shubh fal dega. mesh char rashi, sinh sthir rashi- char rashi men surya ka pratap jitna adhik rahega sthir rashi men utna nahin hoga kyonki sthir rashi men surya purn shakti nahin de paega kyonki sthir man dhairya, ganbhirta, samathrya, sangathan ki kshamata, nishtha, adanbar, karm jivan men shirsh sthan, netritva yah sab dur rahakar bhi dusron ki madad dvara karvata hai. (mesh rashi hone par jatak svayan karta hai) aise jatak dhan se adhik man-samman ke prati dhyan dete hain. kyonki maryada ka dhyan pahle aur dhan bad men. sinhasth surya svatantra pravritti, shasak, dayitvapurn karm karte hain. jo vyakti kshamatashil hote hain unki madad se kam karva lete hain. unke karya karne ka tarika pradesh, shushk sthan, jangal ityadi aur karm gopniya dhang se bal prayog dvara karvate hain. yadi mangal ke sath ho to jatak himmat evan sharirik kaushal se kam avashya leta hai. chandra se yuti ya drishti jatak ko bhagyavan banati hai kyonki is lagn ke lie chandrama bhagyesh aur surya karmesh hai. navam dasham ka kundli san. 2 ke jatak ke janm ke samay rahu ki mahadsha disanbar 1972 tak rahi. guru ki dasha disanbar 1988 tak rahi. 2007 tak shani ki mahadsha rahi. is kundli men agni tatva rashi mesh rashi men surya, mangal agni tatva grah hote hue bhi guru ki drishti men hone ke karan jo fal guru ki dasha men mila vahi fal shani ki dasha men nahin mila. likhne ka ka tatparya yah hai ki jab mahadsha achchi chalti hai tab nishchit rup se achcha fal milta hai. is aubusumansanbandh- akasmik labh, yash, kirti, khyati, janta ka priya neta banata hai parantu mata ka sukh kam hota hai. yadi budh se yuti ho to surya budhadi yog se rajyog milta hai kyonki budh buddhi ka karak hai islie kutniti ke kaushal se dhan bhi kamata hai. parantu apayash dusron ka nuksan, karmakshetra men adhinasth logon se vivad ki sanbhavna rahti hai. kyonki budh ashtamesh evan labhesh hai. yadi guru se sanbandh ya yuti ho to santan ki unnati, dhan agaman, gyani logon dvara sammanit hota hai. shukra ka sanbandh ho to bhogi, vilasapriya, bahu stri se vishay vasnaon men asakt rahta hai. shani se sanbandh vighn, vivad, shatruta avashya karvaega fir bhi ghar sanpatti ka labh to milega parantu svasthya thik nahin rahega. kundli san. 3 ke jatak ke janm ke samay ketu ki mahadsha 3 varsh 7 mahina 5 din shesh thi. vartaman samay men mangal ki mahadsha chal rahi hai. is kundli men lagnesh shashthesh mangal agni tatva rashi dhanu rashi men dvitiya bhav men guru se kendra men hain aur dasham bhav men navmesh chandrama dashmesh surya ketu ke sath agni tatva agni tatva rashi men shubh kartari yog men baithe hain. is jatak ko bina karm kie sukh mile. shashth bhav mama ka ghar hai uska svami mangal dhan sthan men hai. islie yah jatak apne mama ki faiktri men mainejar hai. matri karak grah chandrama bhagyesh hokar dasham sthan men mangal (shashthesh) bhagya sthan ko drishti de rahe hain. jiska bhagyesh karmesh balvan ho svabhavik hai. bhagya ka rasta apne ap khul jata hai. agni tatva rashi sinh rashi men surya ke sath chandrama (pakshahin donon pap grah tisre pap grah ketu ke sath karm kshetra men balvan hain. jatak ko rajyog milna svabhavik hai. kundli san. 4 ke jatak ke janm ke samay budh ki mahadsha aktubar 1994 tak rahi. vartaman samay men shukra ki mahadsha rahu ki antardasha chal rahi hai. jatak ek sanbhrat parivar ka larka hai. kyonki lagnesh mangal lagn men, chalit men guru lagn men hai. vidya ka svami guru panchmesh hokar apni mul trikon rashi men uchch shani ki drishti men baithe hain. guru shani shatru nahin hai. agni tatva rashi sinh rashi men surya agni tatva grah hote hue bhi chalit men dasham bhav men nahin hai. jab ham dasham bhav ka vichar karte hain to surya ko dasham bhav men hi hona chahie yahan agni tatva rashi men surya sinh rashi men hone ke bavjud dasham ke bajay chalit men navam bhav men ja chuke hain. 2021 ke bad surya ki dasha chalegi. lagn, navansh, chalit ka dhyan rakhte hue jyotish ka vichar karna chahie. 16 agast ka janm hone karan surya 00 par hai parantu navansh kundli men uchch ka surya hai. vartaman samay men shukra ka ki mahadsha men jitna dasham bhav se vichar karna chahie utna labh nahin milega kyonki chalit men guru lagn men aur shani mangal ketu dvadash men, ravi, budh shukra navam bhav men islie shukra ki mahadsha men jatak jitni asha rakhte hain utna labh nahin mil paega parantu rashi chakra men dhan ka svami dhan sthan men apni mul trikon rashi men vakra hain. shani uchch rashi men hai. surya budh shukra ko guru ki drishti ke karan bhagyesh chandrama pancham bhav men hone se jatak nishchit rup se bhagyashali hai. vidya, dhan, bhagya, ati uttam hai. fir bhi 2021 ke bad surya ki dasha men jatak ko apne bhagya ka labh ya rajyog ka labh milega usse pahle nahin. jatak ek injiniyar hai. mata-pita ka eklauta beta hai. jatak ka jab se janm hua tab se mata-pita ka bhagya chamkne laga. agni tatva rashi surya dasham bhav men hone par bhi 00 men valyavastha men aur budh shukra sath men jatak ko rajyog to avashya mil raha hai. kyonki dhanesh ki drishti dashmesh ko aur uchch shani ki drishti dhanesh ko aur bhagyesh chandrama trikon sthan men guru se kendra men hai islie kai rajyog to mil hi rahe hain islie jatak sukhi to avashya hai parantu koi bhi grah 00 men ho balyavastha ho, chalit men bhav badla ho, dasha bhi sahi n chalti ho to agni tatva rashi men surya rahte hue bhi fal nahin mil sakta parantu shukra ki mahadsha ke bad surya ki mahadsha chandrama, mangal, rahu, guru ki mahadsha tak jatak ko shubh fal avashya milega parantu surya ka dasham bhav ka fal nahin milega. agni tatva rashi dhanu dvisvabhav rashi hai. mesh rashi char rashi, sinh rashi sthir rashi jaisa surya dhanu rashi men dvisvabhav rashi hone ke karan surya ka fal kuch bhinn avashya hoga. dasham bhavasth surya jatak ko gyani, dhani, bhagyavan, sukhi, karm kushal hote hue mata ka virodh shatru yukt hote hain. us bhav men pap grah ki drishti jatak ko svarthi banaegi. kathor shasan, anushasan priya banata hai fir bhi hamesha virodhiyon ka samna karna parta hai. jitne bhi shatru hon jatak ghabrata nahin. jarurat parne par bal prayog bhi karta hai. dhanu rashi men yadi surya ke sath mangal ho ya drishti sanbandh ho to jatak ko ati bhagyavan banata hai. jabki vo kathor shasak nyayi, dand priya, adhik sharirik parishram karne vale hote hain. yadi chandra se yuti ya drishti sanbandh ho to achchi santan, gyan, buddhi, yash, kirti bhi dete hain kyonki chandrama min lagn ke lie surya dasham bhav men dhanu rashi men mangal bhagyesh evan dhanesh aur chandrama panchmesh santan ka svami hota hai. islie rajyog to avashya dega. yadi budh se yuti ya drishti sanbandh ho to jatak sukhi, dhani bhu-sanpattivan uttam stri yukt islie karata hai ki min lagn ke lie budh chaturth evan saptam ka svami hai. yadi guru ka sanbandh ya drishti ho to uchch pad, rajkarya, updesh dene vala, adhyapak, mantri aur prakrami hota hai. yadi shukra ka sanbandh ho to bhogi, vilasi, buddhihin banaega aur sath-sath apayash bhi dega. bhai se dukhi rahega. samaj men apne apko kamjor dikhaega kyonki min lagn ke lie shukra tritiya aur ashtam bhav ka svami hai. shani ka sanbandh dhanhani, rogi, karya men vighn, karya men vipatti avashya hogi. kundli san. 5 kriket khilari rahul dravir ki janmakundli hai. bharat kriket tim ke kaptan rahe. panchmesh chandrama lagn men, bhagyesh mangal bhagya sthan men lagnesh dashmesh guru dasham bhav men arthat dasham bhav men guru ke sath aur aur char grah bhi hain parantu budh guru ast hai islie jatak ko adhik saflta nahin mili kyonki shukra ki mahadsha jo ki tritiyesh aur ashtamesh hai. 2002-2019 tak hai parantu 2019-2025 ke madhya surya ki mahadsha men uchch pad avashya milega. bharat ke kriket tim men kaptan rahakar saflta bhi mili parantu shukra ki mahadsha ke karan khel ko bahut age nahin barha pae fir bhi surya evan guru vargottam hokar navansh men ekadash bhav men baithe hain. shukra-mangal apne-apne ghar men hai parantu chandrama ke nich ka ho jane ke karan vak chaturya men kamjor rahen. shani tritiya bhav men vakra hone ke karan parakram bhi diya. islie kaptan ke rup men bharat ko ijjat samman dilaya. shani ka vrishabh rashi men hona kisi bhi lagn ke lie kharab nahin hota. shani apne ghar se kendra evan trikon sthan men baithe hain aur vakra hona balvan mana jata hai . parantu chandrama pancham trikon ka svami hokar lagn men lagnesh guru se kendra men hona parantu navansh men nich rashi men hote hue bhi mangal ke sath hone se nich bhang bhi hua hai. dashmansh kundli men kark lagn men chandrama lagn se dasham bhav mesh rashi men karm jivan ko bhi barha diya. kul milakar agni tatva rashi surya dhanu rashi men budh guru, shukra rahu ke sath balvan hokar baithe hain. dasham bhav ka labh islie mila. kundli san. 6 ek stri jatak ki kundli hai. bhagyesh mangal lagn men guru ki drishti men navansh kundli men uchch rashi men mangal ne jatak ko purush jaisi takat di kyonki prakritik pap grah mangal lagn men balvan hai aur agni tatva rashi dhanu rashi men surya guru se kendra men hai. svabhavik hai ki navmesh mangal aur dashmesh guru ek dusre ko dekh rahe hain. lagnesh lagn ko dekhte hain, panchmesh ko dekhte hain, dhanesh ko dekhte hain islie jatak apne ap men balvan hai. islie ati dhani aur udyogpti ghar men janm hua. dhanu rashi men surya hona aur dashmesh guru kendra men hona jatak balvan to hai parantu navansh men surya nich rashi men hai. islie apne pita ka karobar sakushal nibha rahi hain. rajkarya men bharat sarkar men rajya sabha ki sadasya bhi hai parantu mantri nahin ban pai . iska karan 2016 tak shani ki mahadsha chal rahi hai. islie satta ki bagdor sanbhal nahin pai. parantu dashmesh guru navansh kundli min rashi men chaturth bhav men hone ke karan gyani aur buddhiman hai. jatak hindustan taims ki malik hain. likhne ka tatparya yah hai ki kisi bhi kundli men koi grah jab javan avastha men ho aur ansh bal men 120 se 180 men ho, uchch navansh men ho, mitra rashi men ho, shadabal men balvan ho, bhagyesh karmesh ast n ho aur shubh grah (karak grah) ki dasha chalti ho tabhi shubh fal mil sakte hain. anyatha nahin yahan par dasham bhav men shashthesh surya baithe hain. fir bhi surya ko dasham bhav men digbal milta hai. jab koi balvan jatak garib ghar men janm lete hain to vah apni paristhiti ke anusar balvan hote hain. uchch parivar men janm lene se nishchit rup se bali to hota hi hai.