panchvan tairo- panchven tatva ki vapsi  

panchvan tairo-panchvane tatva ki vapsi ravindar sinh manav jati ne prachin kal se hi bhinna-bhinn prakar ke shastron ki rachna ki, granth likhe evan aisi taknik ka vikas kiya jiske dvara usne apne bare men evan apne as-pas ke praniyon, ghatnaon evan adrishya shaktiyon ko janne ka prayatn kiya. tairo kard isi shrrinkhla ki ek kari hai jinke dvara manav ne apne avchetan man se jankari ko prakat karne ka dhang apnaya. tairo ka prachalan prachin kal se hi hone laga tha. yah kala itni prachin hai ki iske udgam ke srot ke bare men anek dharnaen hain. parantu bhavishya janne ke lie is prachin kala ki upyuktata par koi sandeh nahin. samay aur avashyakta ke anusar har vigyan men unnati evan vikas hota hai. kuch aisa hi tairo vidya ke sath bhi hua. samay ke anusar ismen kai badlav aye. kai prakar ki tairo dek ki rachna ki gai parantu ek visheshta jo sthir rahi vah thi laghu evan mukhya arkana evan tairo kard par manav nirmit vastuon evan hathiyaron ka chitran. sabhi tairo dek men char rang athva sut hote hain. yah char tatvon ko darshate hain. prakriti men paye jane vale char tatva - prithvi, agni, jal evan vayu parantu kisi bhi tairo dek mane panchvan tatva yani akash nahin hai. iska mul karan yah bhi ho sakta hai ki prachin tairo ke nirmataon ko panchven tatva ka gyan n ho. jis prakar se tairo men jivan yatra ke vibhinn charnon ka mukhya arkana ke kard men chitran hai, use dekhte hue aisa nahin lagta ki prachin tairo ke nirmataon ko manushya jivan ko prabhavit karne vali adrishya shaktiyon ka gyan nahin raha hoga. parantu is mukhya tatva ki tairo men anupasthiti kautuhal ko avashya janm deti hai. itihas ke shodhakartaon ka yah manna hai ki prachin granthon men se kuch mukhya tatvon ko nikal diya gaya. iske piche yah uddeshya raha hoga ki samanya janta ko sanpurn gyan prapt n ho anyatha ve atishaktishali ho jayenge evan samkalin saÿaadhariyon ke lie khatra ban jayenge. kuch logon ka yah bhi manna hai ki mukhya arkana ke kard panchvane tatva ko darshate hain parantu yah vivad ka vishay hai ki jab char tatvon ko pratyaksh rup se tairo men sthan diya gaya hai, vahin dusri or akash tatva ko adrishya rup men mukhya akarna ke kardon men sammilit karne ke piche kya karan raha hoga. yadi ham tairo ke sabhi kardon ka gahrai se adhyayan karen to ham payenge ki is dharna ka koi thos adhar nahin hai aur yah tairo ki purnata ko siddh karne ka ek anumanit prayas matra hi hai. yadi ham anya prachni dharm granthon ke itihas ko dekhen to ham payenge ki pavitra baibal ka bhi kai bar rupantaran evan anuvad hua. iske anuvar hone ke sath-sath is prachin granth ke kai hisse nikal diye gaye. iske piche un vyaktiyon ka kya uddeshya raha hog is bare men keval anuman hi lagaya ja sakta hai. kadachit iske piche yah karan raha ho ki jan sadharan logon ke pas sanpurn gyan n pahunch sake. yahan par gayatri mantra ke bare men prachlit dharna ka ullekh kiye bina bhi nahin raha ja sakta. ek prachlit manyata ke anusar jab gayatri mantra ka srijan hua uske char bhag athva ang the. yah char ang gayatri gay ke char panv the. jab kuch logon ko char pairon vala sanpurn gayatri mantra prapt hua. unhone is mantra ka upyog apne niji svarth ke lie karna shuru kar diya. falasvarup ve atyant shaktishali ho gaye. islie gayatri mantra ke anuchit upyog ko rokne ke lie iske ek ang athva pair ko nikal diya gaya. ab gayatri mantra ke keval tin pair rah gaye. fir bhi yah mantra atyant shaktishali hai parantu yah char panv vale mul gayatri mantra jitna shaktishali nahin hai. jab ham upar likhit ghatnaon ko dekhte hain, tairo kard men se panchven tatva ko nikal dena isi kari ka ek ang hai. tairo men se panchven tatva ko nikalne ka jo bhi karan raha ho isse yah to avashya siddh hota hai ki panchvan tatva akash n keval tairo ko ek naya bal pradan karta hai apitu use purnata aj ke is yug ki mang hai jab har vyakti apne as-pas hone vale parivartanane ko samjhne ka prayas kar raha hai. kuch logon ke anusar ham ek naye yug ke pravesh dva ar par khare hain evan purn gyan hi hamen is naye yug men pravesh dilane men sahayak hoga. sanyukt rajya amrika ke arkana prant men rahne vale ek danpti-martin evan tairesina baikans dvara panchven tairo ki rachna ki gai hai jismen panchva tatva akash bhi sammilit hai. lekhak ke baikans danpÿia se milne ka suavasar prapt hua jiske dvara uska parichay panchven tairo ki dek se hua. unhen us adbhut tairo dek ki rachna evan uske srijan ki rochak yatra ka bhi anubhav prapt hua. panachve tairo ke srijanakartaon ke anusar prithvi evan manvta ek atyant mahatvapurn parav par hai. ham tritiya ayam se ayam men pravesh ke lie taiyari kar rahe hain. prithvi ek bare parivartan se gujar rahi hai. prithvi ki urja tarangon ki gati men teji ai hai jiska pratyaksh prabhav manushyon par par raha hai. ye urja tarangen manushyon ke lie nai sanbhavnaon ko janm de rahi hai. naye yug men nai urjaon ke rikt sthan ki purti karti hai. ek bahut bare anupat men manushya apni daivi shaktiyon ki upasthiti ka anubhav kar raha hai. nai urjaon ko dhyan men rakhte hue panchven tairo men paranprik purush pradhan chitran ka naye samay ki mang ke anusar rupantaran kiya gaya hai. panchven tairo men paranprik tairo dek ki tulna men nimnalikhit badlav laye gaye hain. 78 ke sthan par 92 kard. naye sut (rang) akash ke 10 naye kard sammilit. manushya dvara nirmit vastuon evan hathiyaron ke sthan par prakritik vastuon evan drishyon ka chitran. tairo kardon par maya sabhyata, prachin grahon ki sanketik bhasha evan ankshastra ka chitran. paranprik tairo dek ke purush-pradhan chitran se bhinn purush, stri evan ekta ke pratik chitron ka darshaya jana. martin bekans ne mukhya arkana ke sabhi kardon se prerit hokar har kard ke lie ek vishesh sugandh ka nirman kiya hai. yah sugandh hamen har mukhya arkana kard ki urjaon se avagat karati hai. panchven tairo men nimnalikhit vastuon dvara panch tatvon ko darshaya gaya hai- prithvi - shail patthar evan kristal agni - agni jal - shankh vayu - pankh akash - kamal ka ful yah panchon tatva hamare sharir men bhi maujud hai. prithvi hamari haddiyon mane, jal hamare rakt men, vayu hamare fefron men, agni hamare andar ke prakash men evan akash hamari pranashakti men vidyaman hai. panchven tairo ke sath kam karne ke lie panch tatvon evan in tatvon ke ek dusre par prabhav ko samjhna avashyak hai. in tatvon ka sammishran hamen hamare andar urjaon ke prabhav ko samjhne men sahayak hota hai. jahan paranprik tairo dek adhikatar bhavishyavani karne ke lie upyog men lai jati hai, vahin dusri or panchva tairo dek hamare antrik gyan ko prakat karne ka ek sashakt madhyam hai. jahan paranprik tairo dek ka ek vishisht sthan hai, vahi panchven tairo dek ek naya ayam pradan karti hai. panchav tairo dek ke bare men adhik jankari prapt karne hetu evan panchvi tairi dek prapt karne ke lie ap nimnalikhit par sanpark karen.