apke vichar prashna: kisi bhi purush ya stri ki janmapatri dekhakar bachchon ki sankhya v ling ka nirnay kaise kiya ja sakta hai god lie bachchon ka kya pravdhan hai? lagn, chandrama aur guru se pancham bhav putraprad hota hai.
inse navam bhav bhi putraprad hota hai. in sthanon ke svamiyon ki dashantardasha men jatak ko putra labh hota hai. panchmesh chathe, athven ya 12ven bhav men ho to santan ka abhav hota hai. yadi panchmesh kendra aur trikon men ho to santan sukh hota hai. panchven bhav men chah grah hon aur panchmesh 12ven bhav men, lagnesh, chandra balvan ho to dattak putra se sukh hota hai.
1. santan sukh: yadi panchmesh apni uchch rashi men hokar lagn se dusre, panchven ya nauven bhav men ho aur guru se yut ya drisht ho to putra sukh ko bhogne vala hota hai. santan (panchven) bhav men shukra, guru, budh hon aur balvan grah se drisht ho aur panchmesh bali ho to anek santan hoti hain. lagn ya chandrama se pancham bhav men shubh grah ya apne svami se yut ya drisht ho to jatak putra sukh prapt karta hai. lagn se pancham bhav men chandrama ya shukra ka varg ho aur vah chandrama ya shukra se yut ya drisht ho tatha usmen pap grah n hon.
pancham se saptam (lagn se ekadsh) bhav men shubh grah ki rashi ka navansh ho aur ekadshesh shubh grah se yut ya drisht hokar kendra ya trikon bhavon men sthit ho to jatak ko pautra labh hota hai. shubh grah ki rashigat panchmesh yadi kendra ya trikon bha¬avon men sthit ho aur shubh grah se yut ho to alpayu men santan prapti hoti hai. pancham bhav aur panchmesh shubh grahon se drisht ho to jatak santan prapt karta hai.
saptamansh kundli se santan sukh ke bare men jankari milti hai. lagn aur chandra kundli ke panchmesh karak guru, guru se pancham bhav men sthit grah yadi saptamansh kundli se uchch, svagrihi, mitragrihi hon santan sukh hota hai, yadi sanbandhit grah saptamansh kundli men kamjor ho to santanhin yog banta hai ya santan hone par bhi santan sukh prapt nahin hota hai.
guru vargottam navansh men ho, lagnesh ke navansh men shubh grah ho aur vah panchmesh se yut ya drisht ho to putra yog banta hai. panchven bhav men rahu shani ke navansh men n ho, yadi shubh grah dekhta ho to anek putra hote hain. navansh lagn se panchven bhav ka svami yadi shubh grah se yut ya drisht ho to jatak satputravan hota hai. iske viprit hone par viprit fal janna chahie.
2. santan sankhya: aj ke vaigyanik yug men ek ya do bachchon ki avdharna hai. aise men atah santan sankhya ka nirnay vivekanusar karna hi uchit hoga. pancham ya bhagya sthan men guru ho, panchmesh bali ho aur dhanesh dasven sthan men ho to ath putra hote hain. panchven bhav bhav se pancham bhav men shani ho aur panchven bhav men panchmesh ho to sat putra hote hain jinmen do jurvan hote hain. dhanesh panchven bhav men aur panchmesh pancham men ho to chah putra hote hain jinmen tin mar jate hain. lagn se panchven bhav men guru, guru se panchven bhav men shani, shani se panchven men rahu ho to ek putra hota hai.
yadi panchmesh svarashigat ho to jatak alp putravan hota hai. pancham bhav ke svami ka navanshpti yadi svarashi ke navansh men sthit ho to jatak ko matra ek putra ki prapti hoti hai. pancham bhav men rahu, surya aur budh hon, putrakarak guru shubh grah yut ho aur shubh grah se dekha jata ho to anek putron ka yog banta hai. panchmesh shubh grah ki rashi men, shubh grah ki drishti ho karak guru kendra men ho to bahu putra yog hota hai. lagnesh panchven bhav men panchmesh lagn men aur guru kendra ya trikon men ho to anek putra hote hain. panchmesh uchch rashi men aur lagnesh ya karak shubh grah se yukt ho to bahu putra yog banta hai. pancham sthan men panchmesh aur guru hon aur donon shubh grah se drisht ya yukt hon to bahu santan yog banta hai.
guru purn bali ho, lagnesh panchven bhav men, panchmesh purn bali ho to bahu santan yog banta hai. lagnesh aur panchmesh kendra men shubh grahon se yut hon, dhanesh balvan ho to santan yog hota hai. lagnesh satven bhav men, saptamesh lagn men aur dhanesh bali ho to anek putra hote hain. janm lagn chakra ke santan bhav arthat pancham bhav men jitne grah sthit hon tatha is bhav ko jitne grah dekh rahe hon utni hi sankhya bachchon ki ankni chahie. pancham bhav men chandrama do kanyaen de sakta hai aisa kai acharyon ka mat hai. janmakal men jis jatak ke shubh grahon se drisht surya pracham bhav men baitha ho, use tin putra hone ki sanbhavna rahti hai.
yadi janmakal men patrika ke pancham bhav men shani ki sam rashi men makar ka shani 400 kalaon ke antargat virajman ho to us jatak ke tin putra hote hain, aisa kaha gaya hai. janmakal men kisi bhi jatak ki janmapatri ke panchven sthan athva uske svami se rashi ya shukra grah jis rashi men virajman hon us rashi tak jitni rashiyan parti hon utni santan sankhya manni chahie. panchmesh ke uchch bal ka sadhan karte hue pancham bhav ke adhipti grah ki rashmiyan nikal li jati hain. is paddh ti men pancham bhav ke svami ki jitni rashmiyan nirdharit ki gai hain utni hi sankhya bachchon ki man li jati hai.
makar rashi ke uchch ke mangal, kanya rashi ke uchch ke budh aur tula rashi ke uchch ke shani ki 5-5 rashmiyan hoti hanai. kark ke uchch ke brihaspati ki 7 rashmiyan hoti hain. vrish rashi ke uchch ke chandrama ki 9 rashmiyan hoti hain. mesh rashi ke uchch ke surya ki 10 rashmiyan hoti hain. udahrnarth janm kal men yadi kisi jatak ka janm tula lagn men shani ke sthit hone par hua ho to uski santan sankhya panch mani jaegi kyonki panchmesh ke uchch ke shani ki rashmiyan panch hain.
3. putra yog : panchmesh aur guru yadi vaishikansh men sthit hon aur navam bhav ke svami se drisht hon to putra ka janm hota hai. saptam bhav aur samrashigat panchmesh ya navmesh yadi purush rashi ke varg men ho, purush grahon se drisht ho to putra ka janm hota hai. janm lagn, surya, guru aur chandrama visham rashi aur visham rashi ke navmansh men hon to putron ka janm hota hai. panchmesh purush grah ho, visham rashi ya visham navmansh men ho to putron ka janm hota hai. pancham ya saptam men balvan purush grah hon, pancham bhav par bali mitra grahon ki drishti ho, yadi pati ki kundli men stri grahon ki apeksha purush grah balvan hon aur patni ki kundli men bhi stri grahon ki apeksha purush grah balvan hon to us danpti ko putra hi putra honge, kanya nahin hogi.
pancham bhav ke svami ka navanshpti yadi svarashi ke navansh men sthit ho to matra ek putra hota hai. garbhadhan ke samay gochar ke anusar purush grah bali ho to putra janm ka yog banta hai, bhale hi janmakundli men kanya santti ka yog upasthit ho. gochar ke adhar par putra prapti ke yog is prakar hain. sinh lagn ka svami surya svagrihi ho to ek putra santan deta hai. panchmesh uchch ka ho, bali guru ki pancham bhav par drishti ho aur purush grah bali ho to santan (putra) ka yog banta hai. panchmesh visham (purush) rashi men ho, pancham bhav men purush grah ho aur pancham bhav par guru ki drishti ho to putra yog banta hai.
4. kanya santan yog: pancham ya navam ka svami lagn se saptam bhav men sthit ho ya samrashigat ho aur vah chandrama ya shukra se yut ya drisht ho to kanya ka janm hota hai. janm lagn, surya, guru aur chandrama sam rashi aur sam (stri rashi) ke navansh men hon to kanyaon ka janm hota hai arthat putra nahin hota hai. yadi bali mangal, chandrama aur shukra samrashigat ho to kanya ka janm hota hai. panchmesh stri grah ho aur pancham bhav men stri grah sthit ho to kanyaon ka janm hota hai.
pancham ya saptam men stri grah ho sath men lagn par stri grahon ki drishti ho. stri ki janmapatri men stri grah purush grahon ki tulna men bali hon aur pati ki kundli men bhi stri grah bali hon to us dampati ko kanyaen hoti hain. pancham bhav men samrashi ho panchmesh bhi sam rashi men sthit ho aur pancham bhav par stri grahon ki drishti ho. pancham bhav par stri grahon ki drishti ho to kanya ka janm hota hai. pancham bhav men shani ki rashi, shani ki lagn aur guru (santan kark) par drishti ho to dattak yog banta hai. pancham bhav men samrashi, panchmesh sam rashi men, stri grah bali hon to kanya santan ka janm hota hai. panchmesh sam rashi men ho aur janmakundli men stri grah pradhan ho to putriyon ka janm hota hai.
5. jurvan bachchon ka yog: dvisvabhav rashi ke navansh se yukt lagn aur grah hon aur unhen mithun navanshyukt budh dekhta ho to ek kanyaon aur aur do putron ka janm hota hai. dvisvabhav rashi ke navansh se yukt lagn aur grah hon aur unko kanya navansh yukt budh dekhta ho to do kanya ek putra ka janm hota hai. janm lagn, surya, guru aur chandrama dvisvabhav rashi aur dvisvabhav rashi ke navmansh men hon aur budh se drisht hon to yamal (jurvan) ka janm hota hai.
yadi dvisvabhav ki visham rashi ka janm ho to do putron ka janm hota hai. yadi dvisvabhav rashiyan sam rashiyan hon to do kanyaon ka janm hota hai. yadi dvisvabhav rashiyan aur navansh rashiyan sam aur visham (mishra) hon to ek kanya aur ek balak ka janm hota hai. lagn aur chandrama yadi sam rashi men hon aur purush grah (surya, mangal, guru) unhen dekhte hon to jurvan ka janm hota hai.
6. dattak yog: yadi pati ya patni ya donon men santan utpann karne ki kshamata nahin ho ya santan age vansh vriddhi men asamarth ho tab pati-patni kisi dusre ke bachche ko god lete hain. janmakal men lagn se pancham athva saptam sthan men mangal tatha shani grah virajman hon aur un par kisi bhi grah ki drishti n par rahi ho to jatak ke santan god lene ka yog banta hai. drishtivihin shani mangal ki janmakalin panchamasth ya saptamasth yuti dattakaputra yog darshati hai.
iske atirikt nimn yog vali janmakalik grah sthiti ke hone par bhi jatak apne vastavik mata-pita dva ara niahsantan danpti ko arthat nae mata-pita ko god diya ja sakta hai: shatrukshetri grahon se surya ya chandra ki yuti. chandra se chaithe anishtakari (papi) grahon ki upasthiti. chaturth bhav se satven bhav men athva dasham bhav se satven bhav men pahli, panchvin, athvin aur 10vin rashiyon men kisi bhi rashi ki upasthiti.
chaithe ya dasven ghar men ashubh papi grahon ki upasthiti. surya ya chandra ki rashi men anishtakar papi grahon ka hona. papi grahon ki surya ya chandra ke sath yuti ya drishti. surya se nauven ya dasven bhav men rahu, mangal aur shani ki upasthiti. pancham bhav men bhaum v shani hon, janm lagn men budh ki rashi ho aur budh se drisht ya yut ho to dattak putra hota hai. pancham bhav men shani ya budh ki rashi ho aur gulik ya shani se yut ya drisht ho to dattak putra hota hai. panchmesh shani se yut ho, bhaum budh se drisht ho aur lagnesh budh ke navansh men ho to dattak putra se sukh prapt hota hai.
lagnesh aur shukra uchch hane, panchven bhav men shani ho aur karak bali ho to dattak putra hota hai. panchmesh ravi lagn men aur pancham bhav men shani v budh hon aur panchmesh bali ho. lagnesh budh panchven bhav men ho aur bhaum se drisht ho aur karak ekadash bhav men ho. lagnesh guru panchven bhav men shani se drisht ho aur panchmesh bhaum ki rashi men ho to dattak putra hota hai. samrashi ke athva shani ke navmansh men sthit pancham bhav ka svami yadi surya aur budh ke sath yut ho to is yog men utpann jatak dattak putra se putravan hota hai. samrashi ke lagn men ya lagn se chaturth bhav men pancham bhav ka svami shani navanshasth hokar sthit ho.
yadi lagnesh aur panchmesh duahsthan chathe, athven ya 12ven bhav men sthit hokar shubh grah se drisht hon to jatak ko dattak putra ka labh hota hai. pancham bhav men sthit grah aur uske karak (guru) men jo balvan ho uske shadavarg men jo rashiyan grah vihin hon ve jis jati ki dyotak hon us jati ke vyakti se jatak dattak putra prapt karta hai. shani ya budh ki rashi (makar, kunbh, mithun, kanya) pancham bhav men shani se yut ya drisht ho, lagnesh balvan ho to jatak dattak putra prapt karta hai. shukla paksh men bal prapt karne vale grah (budh, guru, shukra) yadi shani ke navansh men sthit hon tatha guru pancham bhav men sthit ho to is yog men utpann jatak ki vansh vriddhi uske dattak putra se hoti hai.
panchmesh shani ke navansh men tatha guru aur shukra apni rashiyon men sthit hon to is yog men utpann vyakti dattak putra prapt karta hai aur bad men apni patni se bhi putra prapt karta hai. chandrama yadi paprashi men sthit ho, panchmesh navam bhav men aur yadi lagnesh bhi pancham ya navam bhav men sthit ho to jatak ko dattak putra prapt hota hai. nirbal panchmesh, saptamesh aur lagnesh ke madhya yadi kisi bhi prakar ka sanbandh n ho to jatak dusre ke putra ko god leta hai.
7. jyotish ke anusar ling nirdharn: jyotish ke anusar lagn, lagnesh ya chandra rashi, rashish par purush grahon ka prabhav yadi adhik ho to jatak ya jatika men purushatva gun adhik honge. yadi lagn ya chandra rashi sam ho aur lagn v lagnesh par stri grahon ka prabhav adhik ho to uske gl gunsutron men se g gunsutra vala shukranu adhik sakriya ya prabhavi rahega. jyotish dvara santan sanbandhi vichar men lagn ko mahatva diya jana harmons aur anuvanshik adhar par samarthan milta hai.
2. pancham aur panchmesh: hamare prachin jyotishiyon ne pancham, panchmesh aur inse yut ya drisht grahon ko bahut adhik mahatva diya hai. is par punah vichar karen. yadi janmakundli ka adhyayan sharirik angon ke adhar par karen to pancham bhav aur panchmesh ka sanbandh amashay, yakrit aur hriday se hota hai. yakrit dvara pachak rason ki purti, amashay dvara bhojan ka pachan aur hriday dvara pachit uchit bhojya padarth samast sharir men (jannang ko chor) bheja jata hai.
yadi pancham bhav men visham rashi, panchmesh visham rashi men, bhav, bhavesh ki purush grah ki yuti ya drishti ho to jatak ya jatka men purushatva pradhan hoga. iske viprit yadi pancham bhav aur panchmesh ke upar stri grahon ka prabhav ho to stritva praghan hoga. is prakar pancham bhav santan sanbandhi vichar men mahatvapurn hai.
3. saptam aur saptamesh: lagn kundli ke adhar par saptam aur saptamesh ka sanbandh prajnnang se rahta hai. lagn se thamahapadapadah e pancham se chtavakanabajapavad saptam se bvasasamabajapavad ndak danjamatadapajal arthat mukhya tmachatavakanabajapaam danjmtpans yahan taiyar hota hai jo prajanan ke liye avashyak hote hain. sath hi ve stri ang jinmen santan ka vikas hota hai. atah saptam bhav aur saptamesh ki shubh sthiti aur shubhyuti ya drishti paripakva jannang aur janan kriya men sahayak hoti hai tatha ashubh drishti ya sthiti asafal janan kriya ka karak hoti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!