vaishakh mas param pavan mas hai. yah bhagvan vishnu ka priya mas hai, islie is mas snan, tarpan, marjan, pujan adi ka vishesh mahatva hai. vaishakh mas men jab surya mesh rashi ka hota hai, tab kisi bari nadi, talab, tirth, sarovar, jharne, kuen ya bavri par nimnokt shlok ka path kar shraddhapurvak bhagvan vishnu ka dhyan karte hue snan karna chahie. shlok ‘‘yathate madhvo masovallabho madhusudan. pratah snanen me tasmin faldah papha bhav.. snan karne ki vidhi pratah kal uthakar sarvapratham kisi nadi, talab, tirth sthan, kuen ya bavri par jakar hath men kush lekar vidhipurvak achaman karen, hath panv dhokar bhagvan narayan ka smaran karte hue savidhi snan karen aur ¬ namo naraynay mantra ka jap karen. fir sankalp karen tatha man ko ekagra kar shuddh chitt se sanvat, tithi, mas, paksh, nakshatra, chandra, sthan, tirth, prant, shahar, ganv, nam, gotra, ritu, ayan, surya tatha guru ke nam ka uchcharan karke sankalp ko chor kar fir snan karen aur ganga se prathna karen ki ap shri bhagvan vishnu ke charnon se prakat hui hain, vishnu hi apke devta hanai. islie apko vaishnavi kahte hain.
he devi! ap sabhi papon se meri raksha karen. svarg, prithvi aur antriksh men kul sarhe tin karor tirth hain aur ve sabhi apke andar vidyaman hain. isilie he mata jahnavi! dev lok men apka nam nandini aur nalini hai. inke alava anya namon se bhi apko jana jata hai, jaise daksha, prithvi vipadranga, vishvakaya, shiva, amrita, vidyadhri, mahadevi, lok prasadini, kshemkri, jahnavi, shanti pradayini adi. snan karte samay in pavitra namon ka smaran v dhyan karna chahie. aisa karne se tripath gamini bhagvti ganga prakat ho jati hain. donon hathon men jal lekar char, chah aur sat bar namon ka jap kar sharir par dalen, fir snan karen. fir achaman kar shuddh vastra pahanakar sabse pahle srishtikatrta brahma ka, fir shri vishnu, rudra aur prajapti ka aur tab devta, yaksh, nag, gandharva, apsara, asuragan, krur sarp, garur, vriksh, jiv-jantu, pakshi adi ko jalanjli den.
devtaon ka tarpan karte samay yagyaopvit ko bayen kandhe par rakhen aur rishi ka tarpan karte samay mala ki tarah dharan karen. fir pitri tarpan karen. sanak, sanandan sanatan aur sanatkumar divya manushya hain. kapil, asuri, bodhu tatha panchshikh pradhan rishi putra hanai. marichi, atri, angira, pulastya, pulah, kratu, pracheta, vashishth, narad tatha anyanya devarshiyon, brahmarshiyon adi ka akshat aur jal se tarpan karen aur kahen ki mere dvara die gae jal se tript hon aur use svikar kar ashirvad den. pitri tarpan men dakshinmukh hokar apasavya janeu daen kandhe par rakhen. fir baen ghutne ko prithvi par tekakar baithen aur unka til tatha jal se tarpan karen. fir purvabhimukh aur savya hokar janeu sidhi karke achaman kar surya dev ko aghrya den aur nimnokt shlok ka path kar parikrama karen tatha jal, akshat pushp, chandan adi arpit karte hue prarthana karen. shlok namaste vishvarupay namaste brahmarupine. sahasra rashmaye nityan namaste savtejse . namaste rudra vapushe namaste bhakt vatsal.. padmanabh namastestu kundalangdbhushit. namaste sarvalokanan suptanamupbodhan.. sukritan dushkritan chaiv sarva pashyasi sarvada..
satyadev namaste'stu prasidamam bhaskar.. divakar namaste'stu prabhakar namo'stute.. bhagvan ki puja vidhi bhagvan keshav ki kripa ke lie unki puja vidhipurvak karni chahie. puja tin prakar ki hoti hai - vaidik, tantrik aur mishra. bhagvan shri hari ki puja tinon hi vidhiyon se karni chahie. shudra varn ke lie pujan ki keval tantrik vidhi vihit hai. sadhak ko ekagrachitt hokar nishthapurvak shastrasammat vidhi se bhagvan vishnu ka pujan karna chahie. bhagvan ke vigrah ki chal aur achal donon rupon se pratishtha ka vidhan hai. sadhak suvidhanusar kisi bhi rup se pratishtha kar sakta hai. pujan men snan aur alankaran avashyak hai. pratima ko shuddh jal, gangajal tatha panchamrit se snan karane ke pashchat vastra dharan aur alankaran karakar sinhasan par sthapit karen aur fir shodshopchar pujan karen. fir bhog lagakar arti karen. tatpashchat prarthana, stuti v parikrama kar dandavat pranam karen aur ant men unki jhanki svarup ka dhyan karen. is prakar puja karne ke bad sukh-shanti ki prapti tatha dhan-dhanya ki vriddhi ke lie havan bhi karen. bhagavadvigrah ki sthapna karne se sarvabhaum pad ki, mandir banvane se tinon lokon ki aur anushthan karne se bhagavatsayujya ki prapti hoti hai.
is prakar vaishakh mas men shastranusar savidhi snan kar tarpan v puja karne se sabhi manokamnaon ki purti hoti hai. is mas dharmik anushthan, vrat jap, puja-path adi ka bhi apna vishesh mahatva hai aur sadhak ko inka anant guna fal prapt hota hai.