prakritik chikitsa ek aisi pranali hai jismen prakritik rup se upchar kiya jata hai. ismen bahri davaon ka prayog nahin kiya jata. jab ham prakritik rup chod aprakritik rup se jivan shaili apnate hain to sharir men kai prakar ke dosh utpann ho jate hain jisse ham rogi ho jate hain. prakritik chikitsa dvara ham inhin doshon ko sharir se bahar kar rogi ko nierogi banate hain. prakritik chikitsa men kai prakar ke upchar kiye jate hain
jinmen ek upchar ‘‘upvas’ hai arthat bhojan tyag kar rog ka upchar. upvas ke dvara ham tarh-tarah ke rogon ko dur kar sakte hain. vaise bhi yah satya hai ki jab hamara pet kharab ho jata hai ya hamen kabhi jvar adi hota hai to hamari bhukh samapt ho jati hai arthat prakriti rog ko dur karne ke lie hamen upvas karne ka nirdesh deti hai. par ham hain ki is nirdesh ko samjhte hi nahin aur bhukh ko punah kholne ke lie tarh-tarah ki bahri davaon ka prayog karne lagte hain. par vastavikta viprit hai. dava thodi der ke lie to kam karti hai lekin jaise hi dava ka asar samapt ho jata hai rog fir vahin ka vahin a jata hai. yahi sthiti khatre ka ailan karti hai. aise khatre se bachne ke lie sab se uttam upchar v upay ‘upvas’ hai. vastav men rog jo bahri rup se hamen pareshan karta lagta hai
vahin bhitri rup se hamen rog mukt karne ka kam kar raha hota hai. arthat acharya avinash sinh rog ke dvara prakriti hamare sharir men banne vale vijatiya tatvon ko bahar nikalne ka kam kar rahi hoti hai. islie jab pet men bharipan ho, jvar ho to khana chod dene se bhitar ke gande tatva pakhane, peshab ke dvara apne ap bahar nikal jate hain aur vyakti ko aram milta hai. prakriti niyamon ka virodh nahin karti, ham hi laprvahi kar prakriti ki chetavni ki or dhyan nahin dete aur rog hone par bhi khate-pite rahte hain jiska prabhav ulta hota hai bhojan pach nahin pata aur ulti ya ji michlane lagta hai. aisiditi ho jati hai. islie rog ki halat men jahan tak ho sake bhojan chod dena chahie isse kisi ko koi hani nahin hoti. rog ki sthiti men pashu-pakshi bhi khana chod dete hain aur jald hi nirogi ho jate hain aisa dekha gaya hai.
upvas kaise karen:
upvas men bhojan chodne ko kaha jata hai lekin pani pina chodne ke lie nahin. islie upvas karne vale vyakti ko har ek ghante bad ek gilas pani avashya pina chahie. yadi pani men ninbu nichod kar diya jay to yah bahut labhkari hai. pani pine se peshab to ata hai lekin pakhana nahin. aisi sthiti men anton men jama mal fulne lagta hai, kyonki anton men kamjori hone ke karan vah bahar nahin nikal pata, islie yah mal enima lagakar nikala ja sakta hai. upvas ka karya: upvas men sharir ke bhitar ka mal pachne lagta hai. bhitar ki agni usko bhasm karne lagti hai aur rogi nai urja prapt karne lagta hai mote vyakti ke lie to upvas vishesh labhkari hai kyonki charbi bhitar ki agni men jalne lagti hai aur motapa kam hone lagta hai. sharirik urja peshiyon, rakt, jigar ke vijatiya dravyon ko bhi jala deti hai.
sharirik tap upvas ke karan shant rahta hai. upvas ki avdhi: upvas ki avdhi rogi ki sharirik, mansik shakti aur rog par nirbhar karti hai. vaise upvas kam se kam do-tin din ya ek saptah aur adhik se adhik do mah tak kiya ja sakta hai. kamjor sharir vale rogiyon ko do-tin din se ek saptah tak ke upvas men rahne ko kaha jata hai aur bhari ya shaktishali sharir vale vyakti ko do mah tak ke upvas ke lie prerit kiya jata hai.
isi prakar nae rog men upvas ki avdhi tin din se ek saptah aur purane rogon men lanbe samay ke upvas ki salah di jati hai. islie chikitsak ko rogi ki sharirik aur mansik kshamata ki daektari janch karva upchar ke lie prerit karna chahie.
upvas kaise toden:
- upvas todne men nimn baton ko apnana chahie. anar, seb, angur adi mausmi falon ke ras ka sevan kar upvas todna chahie. roti-dal sabji adi thos padarth n khaen.
- falon ka ras avdhi prakriya ke hisab se lena chahie jaise yadi upvas ek mah ka hai
to upvas ke bad ek saptah tak falon ka ras pien.
- falon ke ras ke bad ubli hui bina masale ki sabjiyan leni chahie.
- sabjiyon ke lagabhag ek saptah bad roti-chaval adi lena chahie.
- protin yukt padarthon ka sevan n karen.
- pratah kal halka fulka nashta lena chahie.
- dopahar ka bhojan halka aur ek se do ke bich lena chahie.
- ratri men sham sat se ath baje tak halka bhojan karna chahie. khane ke bad kam se kam sau kadam sair karni chahie. ratri bhojan ke kam se kam do ghante bad sona chahie.
upvas ke labh:
- sharir ki atirikt charbi jal kar samapt hoti hai jisse motapa kam hota hai aur motapa nahin hota.
- kayakalp hokar vyakti ke sharir ko navinta milti hai.
- sharir ke atirikt garmi shant hoti hai aur rogon ka nash hota hai.
- sharir men rog virodhi takat badhti hai.
- manspeshiyon, mastishk, jannendriya adi ko atirikt urja prapt hoti hai.
- vicharon men bhi shuddhata ati hai. smaran shakti ki badhottari hoti hai.
- sharir men sfurti ane lagti hai.
- karya karne ki kshamata badhti hai. upvas men savdhaniyan:
- upvas karna jitna saral lagta hai utna hi hanikarak bhi ho sakta hai islie nimn savdhaniyane ka dhyan rakhna chahie.
- upvas karne se pahle upvas ke vishay men puri jankari hasil karni chahie. kisi prakritik chikitsa visheshagya se puri jankari len ya kisi visheshagya ki dekhrekh men upvas karen.
- upvas rakhne se pahle apne ap ko sahi tarike se taiyar karen- yadi upvas ek ya do mah ke lie karna hai to upvas ki avdhi ko dhire-dhire badhaen arthat khana dhire-dhire choden. shuru men jitna khana ap pratidin khate hain use dhire-dhire pratidin kam karte jayen aur purn upvas men aen.
- upvas se pahle apne sharir ki daektari janch karvaen. jaise blad preshar, blad shugar, adi anyatha upvas hanikarak ho sakta hai.
- yadi upvas rakhne par sharir men kamjori mahsus ho to upvas todakar ninbu santre ka ras lena chahie.
- upvas ki avdhi men svapn, dhyan, munh saf karna adi ke karya nitya niyam se karte rahna chahie. danton ki safai, jibh ki safai nitya karte rahna chahie.
-upvas ki avdhi men pratah kal saur avashya karen. taji khuli hava men sair karne se labh hota hai.
- upvas avdhi men sharir ke kai prakar ke vijatiya upadrav shuru ho jate hain jaise nind n ana, kamjori mahsus hona, halki harakat ho jana, sir dard hona v jalan adi. par isse ghabrana nahin chahie kyonki yah apne ap hi thik ho jate hain. aise men enima kafi labhkari hota hai.