rudraksh ek, aushdhiya gun anek ke. ke. nigam rudraksh se sabhi parichit hanai. rudraksh ki mala se puja, archana to ki hi jati hai, pahnne adi men bhi iska prayog bahut adhik kiya jata hai. vibhinn rogon men bhi rudraksh ka prayog kiya ja sakta hai- siradarda: rudraksh, tagar, sonth, kut, devdar tatha ravas ko lekar mahin churn banane ke pashchat pani men lep banakar mathe par lagane se siradard men labh hota hai. jal-jane par: rudraksh, safed chandan v giloy ko saman matra men lekar chune ke pani men pisakar barabar matra men nariyal ka tel milakar jale hue sthan par lagane se turant jalan samapt hoti hai, ghav jaldi bhar jata hai tatha jalne ka dag bhi nahin parta hai. vadi ya khuni bavasir: rudraksh ki taul se panch guna apamarg ke bij lekar inhen ek litar pani men ubalen. jab pani 100 gram rah jaye to utarakar 250 gram deshi ghi milakar ise kanch ki barni men rakh len. fir nitya rogi ko 10-12 bund dene se kaisi bhi bavasir ho, vah samapt jayegi. munhase evan dag: rudraksh aur manjith ko barabar matra men lekar churn bana len. fir churn ko makkhan aur shahad men milakar chehre par adha ghante tak laga rahne den. fir gungune pani se chehra dho dalen. kuch dinon ke prayog se chehre ke munhase evan dag dur ho jayenge tatha chehra kantimay ho jayega. updansh: rudraksh se char guna adhik trifla bhasm ko shahad men milakar lep banakar updansh men lagane se labh hota hai. bal kala: bal asamay safed ho gaye hon to unhane rudraksh, anvla, vaheda, bhangra, lohe ka churn tatha nil kamal ke paÿo saman matra men lekar bher ya bakri ke mutra men pisakar lagane se safed bal kale ho jate hain tatha bal jar se kale ane lagte hain. bal jharna: rudraksh se panch guna gunjafal in donon ko lekar mahin pisakar kapre se chanakar shahad men milakar lagane se bal svasthya hote hai tatha balon ka jharna band ho jata hai. udar vikar: panch rudraksh lekar unhane tanbe ke patra men jal bharakar usmen dal den fir use sirhane rakhakar so jayen. subah uthakar jal men se rudraksh nikalakar khali pet is tamrapatra ke jal ko pine se samast prakar ke udar vikar samapt hote hain. netra rog: yadi kisi prakar ka netra rog ho ya chashma lagta ho, to tanbe ke bartan men jal bharakar usmen ek rudraksh dal den. pratah uthakar is jal se ankhon ko saf karen aur bache hue jal ko pi jayen. kuch hi dinon men netra rog samapt ho jayenge tatha chashma bhi kuch mah men chut jayega. dad khujli (egjima): yadi hath-panv men khujli ho ya unmen mavad par gaya ho, to rudraksh vaybidang, gandhak, kut, sindur saman matra men lekar pisakar fir ismen dhatura, nim v pan ke paÿo pisakar mila den aur is lep ko pirit sthan par lagayen. ek saptah men labh dikhai dega tatha kuch samay tak prayog karne se rog samapt ho jayega. shitajvar: adhik pyas lagne, ulti ane v muchrcha tath chakkar ane par rudraksh, mahua, munakka, adusa, dhaniya evan piÿa papda ko 25-25 gram ki matra men lekar churn banaen. fir do gram keshar ke sath mitti ke bartan men panch guna jal bharakar uprokt banaye gaye churn ko milakar 12 ghante ke lie band karke rakh den. fir kapre se chanakar botal men bharakar rakh len. din men do bar sevan se uprokt rogon men labh hota hai. rakt pradr: rudraksh 1 gram, rasaut 2 gram, cholai ki jar 2 gram milakar mahin churn bana len. fir isko mitti ke patra men panch guna pani men dalakar ratabhar ke lie rakh den. fir subah is mishran ko chanakar chaval ke mand men milakar pine se rakt pradar samapt ho jata hai.
Kya aapko lekh pasand aaya?
Subscribe