totke tantra ki vishishtata v sutra  

manokamna siddhi

• pratah kal bistar se uthte samy pahle apna dayan pair dharti par rakhen. sara din utsahpurn v siddhi dayak rahega.
• pratah kal shyam tulsi ke paudhe par jal men dudh mishrit karke arpit karen, abhilashaen avashya hi siddha hongi.
• manokamna siddhi hetu sarson ke dipak men ek akhandit laung rakhkr kisi nirjan sthan par jalaen.
• pratahkal bar vriksh ke patte par apni manokamna likhakar dariya ki jal-dhara men pravahit karen, avashya hi manokamna purn hogi.

parivarik sukh

• mitti ke chaire mukh ke patra men jatayukt nariyal ko lal kapre men lapet kar rakh den tatha use dariya ki dhara men pravahit karen, parivarik sukh men sarvada vriddhi hoti rahegi.
• ghar ke kanedra ka kuch sthan avashya hi kachcha rakhen isse ghar parivar ki samriddhi bani rahti hai.
• jal se bhare patra men kunkum, thore arba chaval v thore ful ko dalakar baragad ke vriksh par arpit karen, ghar parivar ke sukh men vriddhi hoti rahegi.

totke tantra ki vishishtata v sutra

• anuradha nakshatra ke kisi shanivar ke din nav ke kil ko lakr apne ghar ke mukhya dvar par thok den, parivar ki samriddhi sarvada bani rahegi.
• pratah apne bhojan ka thora ansh nitya kaue ko khilaen, ghar parivar sarvada falta-fulta rahega.
• anjir, jaitun v sabut chuare ko sarvada apne ghar men rakhen, parivarik sukhon ki nirantrta bani rahegi.
• shukla paksh ke pratham guruvar ke din pipal ke vriksh ke samaksh sarson ke tel ka dipak jalaen. parivarik sukhon men vriddhi hoti rahegi.
• kale ghore ki nal ko apne ghar ke mukhya dvar ke sthan par sthapit karen, parivarik samriddhi bani rahegi.
• hafte men kam se kam ek din namak mishrit jal se ghar men poncha lagaen, ghar parivar ke sukhon men vriddhi hoti rahegi.

dhan labh hetu

• shukla paksh ke pratham shukravar ke din chandi ki dibbi men nagkeshar, kali haldi v sindur ko rakhkr apne dhan sthan par sthapit karen, avashya hi labh ki prapti hogi.
• gyarah gomti chakron ko ek nile reshmi vastra men lapetakar dhan sthan par rakhen v uske samaksh ghi ke dipk ko prajjvalit karen, dhan samriddhi ka vikas hota rahega.
• krishn paksh ke pratham shanivar se praranbh karke nitya sat shanivar ko ghar ke mukhya dvar par sarson ke tel ka dipak prajjvalit karen tatha fir pratah bad men bujhe dipak ke shesh tel pipal ke vriksh par arpit kar den, arthik samriddhi bani rahegi.
• pile vastra men kasturi lapetkr apni tijori ya dhan sthan men rakhen, dhan vriddhi hoti rahegi.
• shanivar ke din svayan v parivar ke sabhi sadasyon ke sir se kale til ko sat bar utarakar apne ghar ke uttar disha ki or fenk den, nirantr chali a rahi arthik hani shighra hi samapt ho jaegi.
• pratyek amavasya ki sandhya kisi viklang jatak ko bhojan karaen, arthik labh ki nirantrta bani rahegi.
• arthik samriddhi hetu ghar men tote avashya hi palen.
• shmashan ke kuen ya chapakal se nitya chah shanivar jal lakar pipl ke vriksh par arpit karen. svayan par charha rin shighra hi utrne lagega.
• nau guruvar ke din gur ko dariya ki jaldhara men pravahit karen, arthik samriddhi men a rahi badha shighra hi samapt ho jaegi.

vivah-sukh hetu

• vivah karya men yadi badhaen a rahi hon to ghar ke dakshin-pashchim sthan par nitya sandhya chameli ke tel ka dip jalaen.
• shukravar ke din kisi andhe vyakti ko sugandhit vastu ya itra dan men den, shighra hi vivah-sukh ki prapti hogi.
• shukla paksh ke pratham somvar ke din do moti kharidakar laen. inmen se ek ko apne upar se sat bar ghumakar dariya ki dhara men pravahit kar den tatha dusre ko sarvada apne sath rakhen, vivah karya men a rahi badhaen shighra hi samapt ho jaengi.
• shukla paksh ke pratham guruvar ke din kisi patra men do ilaychi v sath men panch prakar ki mithai rakhkr sath men ghi ka dipak prajjvalit karen tatha in sabhi vastuon ko ek sath dariya ki dhara men pravahit kar den, shighra hi vivah sukh ki prapti ho jaegi.
• vivah ke samay jis kanya ke hathon men mehandi lag rahi ho usi uprant us kanya ke hathon avivahit kanya apne hathon men yadi mehandi lagvae to uska vivah bhi shighra hi sanpann ho jata hai.

danpatya sukh

• pati-patni apne nakhunon ko ek sath kat kar fir use ek sath ekatra karke jamin ke andar gar den, danpatya prem sarvada bana rahega.
• chandi ke tabij men harsingar ki buti bharakar pati v patni apne gale men dharan karen, apsi prem men sarvada vriddhi hoti rahegi.
• danpatya klesh ko yadi samapta karna ho to shukla paksh ke prathm somvar se praranbh karke nitya sat somvar tak sabut haldi ko pani se bhare kuen men dalen.
• danpatya sukh ki prapti ke lie nitya ravivar ke pratah pipal ke vriksha ke samaksh til ke tel ka dipk prajjvalit karen.

santan sukh

• malti ke ful v safed sarson ka pratidin sevan karne se santan prapti men a rahi badhaen samapt ho jati hain.
• nitya gyarah din chane v gehun ke ate men haldi mishrit karke gay ko khilaen, santan prapti ka sukh avashya hi prapt hoga.
• kisi bachche ke pahli bar tutne vale dant manglvar ke din yadi koi niahsantan stri apne kamar men bandhe to santan prapti men ho raha avrodh khatm ho jata hai.
• mrigshira nakshatra men parne vale manglvar ke din lal dhage men pili kauri dalakar yadi koi niahsantan stri apne kamar men bandhe to avashya hi santan prapti ka sukh prapt hoga.