paryavaran ko thik rakhne ke lie ghar ke as pas ped paudhan ka hona avashyak hai. kaun sa paudha hamare jivan ke lie upyogi hai aur kaun sa paudha lagane se vastu dosh thik kiya ja sakta hai. iski jankari ke lie kuch tathya yahan prastut hain:
ashok vriksh ka vastu men mahatvah- is vriksh ko ghar ke uttar men lagana vishesh shubh hota hai. ise ghar men lagane se ghar men lage hue anya ashubh vrikshon ka dosh samapt hota hai.
kele ka vastu men mahatva:- ghar ki chardivari men kele ka vriksh shubh hota hai. yah vriksh ishan kshetra men atyadhik shubh hota hai. kele ke pas hi tulsi ka paudha ho to yah aur adhik shubh fal dene vala hota hai. ishan kshetra men lage hue kele ke paudhe ke niche adhyayan karne se vah adhyayan vyarth nahin jata hai.
ak (shvetarka):- shvetark ka paudha dudh ;snjamagaddh vala hota hai. vastu siddhant ke anusar dudh se yukt paudhon ka ghar ki sima men hona ashubh hota hai. kintu ark iska apvad hai. shvetark ka paudha ropan nahin balki yadi vah grih sima men svatah ug ae to ise nikalne ki bajay haldi, akshat aur jal se iski seva karen. aisa karne se is paudhe ki barakat se us ghar ke rahne valon ko sukh shanti prapt hoti hai. aisi bhi manyata hai ki jiske ghar ke samip shvetark ka paudha falta fulta hai vahan sadaiv barakat bani rahti hai. us bhumi mane gupt dhan hota hai.
kamal ka vastu man mahatva:- ghar ke ishan kshetra men, mul kon ko chodakar ek chota sa talab banakar usmen kamal ka poshan karne se us ghar men lakshmi ka vas hota hai aur ishvar ki kripa se amn-chain bana rahta hai.
anvla:- vastu ki drishti se anvle ke vriksh ka ghar ki sima men hona shubh hota hai. is vriksh ko lagane se ashubh vrikshon ka ashubh fal bhi nasht hota hai.
nim:- ghar ke vayavya kon men nim ke vriksh ka hona ati shubh hota hai. is prakar jo vyakti nim ke sat ped lagata hai use mrityoprant shivlok ki prapti hoti hai. jo vyakti nim ke tin ped lagata hai vah saikdon varshon tak surya lok men sukhon ka bhog karta hai.
am:- vastu ki drishti se am ka vriksh ghar ki sima men shubh nahin mana gaya hai. fir bhi yadi yah ho to ise katna nahin chahie balki nitya iski jadon men kale til dal kar jal chadhana chahie. sath hi ghar ki sima men hi nirgundi ka ek paudha laga dena chahie. aisa karne se iska ashubhatva samapt ho jata hai.
haldi:- iska ghar ki sima men hona ashubh hota hai. shastron men yahan tak kaha gaya hai ki svatah utpann hue haldi ke paudhon ko bhi ghar ki sima men nahin hona chahie.
bargd:- vastu ki drishti se yah ek aur mahatvapurn vriksh hai. kisi bhi bhavan athva pratishthan ke purva men vat vriksh ka hona atyant shubh hota hai sari kamnaen puri karta hai.
parantu bhavan par iski chaya nahin padni chahie. vat vriksh ka ghar ya pratishthan ke pashchim ki taraf hona ashubh kaha gaya hai.
sita fal:- sita fal ke paudhe ka ghar ki sima men hona shubh nahin hota kintu yadi yah ghar ki sima men ug ae to ise katen nahin balki ghar ki sima men hi ek anvle ka evan ek fal dene vale anar ka paudha laga den, isse iska ashubhatva nasht ho jata hai.
jamun:- vastu ki drishti se jamun ke vriksh ka ghar ki sima ke dakshin men hona shubh kaha gaya hai. anya dishaon men iska hona sam faldayi hota hai. ghar ke uttar men jamun vriksh hone se uske sath ek anar athva anvla bhi avashya lagaen.
bilva:- bel ke vriksh ka ghar ki sima men hona ati shubh hota hai. bhagvan shivji ka param priya bel ka vriksh jis ghar men hota hai vahan dhan sanpda ki devi lakshmi pidhiyon tak vas karti hain.
palashah- vastu ki drishti se palash ke vriksh ka ghar ki sima men hona ashubh hota hai.
gulab:- vastu men shul vale paudhe ka ghar men hona ashubh mana gaya hai. kintu gulab ka paudha ashubh nahin hota. ghar men beliya gulab arthat aisa gulab jo bel ke rup men hota hai, ka hona shubh nahin hota hai.
shubh vriksha:- ghar ki sima men ashok, maulashri, shami, chanpa, anar, supari, katahal, ketki, malti, kamal, chameli, nariyal, kela adi ke vriksh hone se ghar mane lakshmi ka vistar hota hai. aur unki kripa bani rahti hai. ghar ke andar athva bhukhand ki sima men kahin bhi upar badhne vali lata shubh hoti hai. isi prakar yadi ghar men koi mani plant ho to uska arohan shubh hota hai.
ashubh vriksha:- ghar men kante ya dudh vale vriksh se stri aur santan ki hani hoti hai. parantu gulab par yah niyam lagu nahin hota hai. ashubh vriksh ko katna sanbhav n ho to uske samip anya shubhdayak vrikshon ko laga dene se uska dosh dur ho jata hai. parantu yah niyam kantedar kaiktas ke paudhon par lagu nahin hota hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!