ashtam bhav rahasyamay hai aur iske kuch karakatva bhi rahasya se jure hain. shani to rahasyamay hai hi. ashtam bhav ka karak bhi shani hi hai. ashtam bhav men hi 22van dreshkan hota hai. shani yadi ashtam bhavasth ho to uski drishtiyan dasham, dvitiya v pancham bhavon par rahti hain. atah vyavsay v uske karya kshetra, shiksha, dhan, mrityu tatha santan adi ka jyotishiya vishleshan karte samay ashtamasth shani ki sthiti, yuti, drishti v svamitva ke anusar shubh-ashubh ka vishleshan karna chahie.
ashtam bhav par shani ki drishti ka bhi inhin adharon par adhyayan karna chahie. mrityu bhav ashtam bhav men shani ki upasthiti ko jyotirvidon ne vibhinn drishtikonon se dekha v parkha hai. ashtam bhav deh nash ka bhav hai aur shani yam ka bhai aur mrityu ka karak hai. aise men svabhavik hai ki do darun gunon ki yuti atyant duahkhad parinam degi. shastriya jyotish men kisi bhi acharya ne ashtamasth shani ko shubh nahin mana hai. parantu iske viprit yah bhi to kaha ja sakta hai
ki papatva lie shani jab ashubh ashtam bhav men sthit hokar use pirit kare to ashtam bhav ke ashubhatva ka nash hoga. ashtam bhav jatak ki mrityu ka bhav hota hai, pati ya patni ka marak sthan hota hai, pita (navam bhav) ka dvadash bhav (kshay, vyay) hota hai. in sab tathyon ko dhyan men rakhte hue ashtamasth shani ka mrityu se sanbandh janne ke lie nimn kundliyon ka jyotishiya adhyayan kiya gaya hai: kundli -1 janm divs: 14.12.57, samy: 15ah02ah37, sthan: dilli jatak ka janm mesh lagn men hua hai. ashtam bhav men pitrikarak surya, shani tatha lagnesh mangal ki yuti hai. mangal ka nakshatresh brihaspati tatha surya aur shani ka nakshatresh budh hai. jatak ke pita ki mrityu 2003 men bri.-bu. ki dasha men hui. pita ka karakatva navam bhav se dekhte hain. navmesh brihaspati hai aur budh usmen baitha hai.
mangal v shani (nakshatresh brihaspati v budh) sanyukt rup se pita ke karak surya ko pirit kar rahe hain. navam bhav se dusra bhav dasham hai aur iska svami shani pita ke lie markesh ho jata hai. navam se saptam bhav ka svami budh aur ashtam bhav ka svami chandra hai. atah ye bhi pita ke lie markesh ban jate hain. chandra shashth bhav men budh ki rashi men sthit hai. markesh shani pitri bhav se (navam bhav) dvadash bhav men hai. brihaspati ka nakshatresh shani ke sath hai; budh ka nakshatresh shukra navam se dusre bhav men shani ki rashi men hai. brihaspati saptam bhav men rahu se pirit hai. pita ke marak sthanon par koi shubh drishti nahin hai. pita ki mrityu ke samay shani ka gochar budh ki mithun rashi par navam se saptam bhav (pita ka marak sthan) par tha.
kundli -2 janm divs: 30.7.1956, samy: 23ah08, sthan: machlipattanam jatak mesh lagn men janma hai. pita ke liye navam bhav dekhte hain jiska svami brihaspati hai jo pancham bhav men sinh rashi men sthit hai. brihaspati par mangal ki ekadash bhav se tatha shani ki ashtam bhav se drishti hai jisse iski shubhta nasht ho rahi hai. shani-mangal men rashi parivartan hai aur ye donon brihaspati ke nakshatra men hain. pita ka karak surya chaturth bhav men budh ke sath yuti men hai aur is par koi shubh drishti nahin hai.
chaturth bhav navam se athvan hai, atah marak bhav hai. chaturthesh chandra hai. navam se dvitiya bhav ka svami (dashmesh) shani hai jo ashtam bhav men rahu ke sath sthit hai. ashtamesh mangal hai. navam bhav se saptamesh (tritiyesh) budh hai jo chaturth bhav men sthit hai. jatak ke pita ki mrityu chan-sha-sh ki dasha men 1.1.1987 ko hui. chandra navam bhav se ashtamesh hai
atah markesh hai. shani navam se dvitiya bhav ka svami (dashmesh) hokar navam bhav se dvadash (ashtama) men sthit hai, islie kshay karak tatha marak ban gaya hai. pita ki mrityu ke samay chandra gochar men navam bhav par tatha shani ashtam bhav par tha. kundli-3 janm divas 23.12.1989, samy: 15.20, sthan: dilli jatak ka janm lagn vrish hai jiska svami shukra navam bhav men shani ki rashi makar men rahu se pirit hai.
navam bhav se hi pita ka lagn lete hain. navmesh shani ashtam bhav (navam se dvadash bhav) men surya tatha budh ke sath dhanu rashi men sthit hai. navam tatha ashtam bhav par koi shubh drishti nahin hai. navam bhav se saptamesh chandra hai aur ashtamesh surya hai. chandra shashth bhav men tatha surya ashtam bhav men budh v shani ke sath hai. navam bhav rahu-ketu aksh par hai. jatak ke pita ki mrityu bri-bu-sh ki dasha men hui. brihaspati ashtamesh hokar dvitiya bhav men mithun rashi men hai jiska svami budh ashtam bhav men shani v surya se pirit hai.
brihaspati par bhi surya v shani ki sidhi drishti hai. budh v brihaspati rashi parivartan yog men hain aur donon hi pirit hain. budh navam bhav ke lie shashthesh hokar navam se dvadash bhav men sthit hai. brihaspati navam bhav se tritiya tatha dvadash bhav ka svami hokar navam bhav se shashth bhav men hai. shani navmesh tatha navmesh se dusre bhav ka svami heakar markesh bana aur navam se dvadash bhav men baithakar mukti ka pratik hua.
brihaspati ka nakshatresh rahu tatha shani ka nakshatresh shukra donon navam bhav men hain aur budh ka nakshatresh surya ashtam bhav men surya aur shani ki yuti men hai. kundli-4 janm divs: 30.1.1882, samay 20.45, sthan: hartale jatak ka janm kanya lagn men hua. lagnesh budh shashth bhav men shani ki rashi kunbh men hai jo jatak ki sharirik asvasthata darshati hai. lagn par mangal ki drishti hai. jatak ka navam bhav rahu-ketu aksh par hai
aur navmesh shukra surya ke sath pancham bhav men makar rashi men hai jis par shani ki ashtam bhav se drishti hai. ashtam bhav men shani nich hai aur brihaspati ke sath yut hai. navam bhav se dvitiyesh budh shashth bhav men hai. navam se saptamesh mangal dasham bhav men hai jo navam ka dvitiya bhav hai. navam se ashtamesh shani ashtam bhav men nichasth hokar brihaspati ke sath hai. jatak ke pita ki mrityu bri-shu dasha men hui. brihaspati chaturthesh tatha saptamesh hai, atah duhre kendradhipti dosh se yukt hai. brihaspati navam bhav ke vyay sthan ashtam bhav men nich shani ke sath hai. shukra navmesh v dvitiyesh hokar pancham bhav men surya se makar rashi men yut hai.
ashtamasth nich shani ki drishti dasham bhav par hai jo pita ka marak sthan hai. uski pancham bhav par bhi hai jahan pitrikarak surya baitha hai. dasham bhav se mangal ki drishti chaturth bhav par hai jo pita ke navam bhav se ashtam hone ke karan marak sthan hai. mangal ki drishti pancham bhav men sthit pita ke karak surya par hai. jatak ki mrityu ketu-rahu-brihaspati ki dasha men hui. ketu navam bhav men brish rashi men hai jiska svami shukra ashtamasth nich shani ki rashi men pancham bhav men surya se pirit hai. is par nich shani v mangal (ashtamesh tatha tritiyesh) ki drishti hai.
shukra dvitiyesh hone ke karan marakatva prapt kar raha hai. jatak ki kundli men rahu ashtam se ashtam (tritiya) bhav men hai atah marakatva rakhta hai. brihaspati saptamesh-markesh hokar ashtam bhav men nich shani se yut hai. kundli -5 janm divs: 6.3.78, samy: 5.35, sthan: merath jatak ka janm lagn makar hai jisapar shashth bhav se mangal ki drishti hai aur lagnesh shani vakri hokar ashtam bhav men sinh rashi men sthit hai. isapar dvitiya bhav se surya ki drishti hai. koi shubh drishti nahin hai. navam bhav kanya rashi hai
jahan rahu sthit hai aur iska svami budh surya se pirit hokar kunbh rashi men dvitiya bhav men sthit hai aur ashtamasth shani se drisht hai. shukra (dashmesh), brihaspati (tritiyesh) aur mangal (chaturthesh) navam bhav ke markesh hain. shukra tritiya bhav men ketu se yut hai; brihaspati dvadshesh v tritiyesh hokar shashth bhav men mangal se yut hai, aur ekadshesh mangal shashth bhav men hai. jatak ke pita ki mrityu ra-ra-shu dasha men hui. navam bhav rahu-ketu aksh par hai aur rahu ismen sthit hai. rahu par shashth bhav se mangal ki drishti hai. mangal navam bhav se tritiyesh bhi hai. pita ke lie markesh shukra marak sthan navam se saptam bhav men ketu ke sath sthit hai. shukra ka nakshatresh brihaspati hai
jo shukra sthit rashi ka svami hai. pitrikarak surya aur shani ki paraspar drishti hai aur rashi parivartan hai. kundli -6 janm divs: 28.9.29, samy: 22ah44ah59, sthan: indaur jatak ka janm vrish lagn men hua jismen brihaspati ashtamesh v ekadshesh hokar sthit hai. lagn par shashth bhav se mangal ki drishti hai. lagnesh shukra chaturth bhav men sinh rashi men hai. navmesh shani ashtam bhav men lagnesh ki rashi men hai aur us par rahu ki dvadash bhav se drishti hai. navam bhav se dvitiyesh shani, saptamesh chandra tatha ashtamesh surya hai.
ye sab pita ke lie marak hain. chandra svagrihi hai aur surya pancham bhav men vakri budh ke sath sthit hai. jatak ke pita ki mrityu bu-sh ki dasha men hui. budh dvitiyesh aur panchmesh hokar svarashi men pancham bhav men vakri hai tatha surya se yut hai. surya pita ka karak hai aur budh vakri hai. pancham bhav navam se navam hai tatha us par ashtam bhav se shani ki purn drishti hai. ashtam bhav navam bhav ka dvadash bhav hai atah shani pita ke lie mukti karak hua. shani navam bhav ka dvitiyesh bhi hai. kundli -7 janm divs: 27.10.31, samy: 19ah06, sthan: mathura jatak ka janm lagn vrish hai jismen uchch chandra sthit hai. lagn par saptam bhav se svagrihi mangal (vrishchik rashi) ki drishti hai. jatak mangli prabhav rakhta hai.
lagnesh shukra shashth bhav men svagrihi hai tatha surya aur budh se yut hai. brihaspati uchch hokar tritiya bhav men hai. saptam bhav jivan sathi ka karak mana gaya hai. ismen svagrihi mangal sthit hai. saptam se dvitiyesh brihaspati hai, tritiyesh shani saptam se dvitiya bhav men brihaspati ki rashi dhanu men sthit hai. saptam bhav se saptamesh shukra hai jo shashth bhav men hai. saptam se ashtamesh budh hai jo shashth bhav men surya ke sath hai. jatak ke pati ka dehant sha-bri ki dasha men dil ka daura parne se hua. saptamesh tatha saptam bhav par rahu ki pap drishti hai. ashtama-mangalya bhav men navmesh shani hai.
lagn aur lagnesh bhi pirit hain, lagn hi chandra lagn bhi hai. lagn tatha vivah karak shukra ka pirit hona vaidhavya ka suchak hai. saptam bhav se tritiyesh shani saptam se dvitiya bhav pati ke marak sthan men hai. saptam se ashtamesh budh bhi pirit hai. budh tatha shukra surya ke sath saptam se dvadash bhav men hain. mangal tatha shani ki drishti saptam se chaturth bhav par hai jo pati ka hriday sthan hai. shani tatha brihaspati paraspar shadashtak sthiti men hain jo shubh nahin hai. kundli -8 janm divs: 1.4.1889, samy: 1ah13, sthan: nagpur jatak ka janm dhanu lagn men hua jahan brihaspati svagrihi hokar ketu se pirit hai.
jatak ke dvitiya bhav ka svami shani ashtam bhav men kark rashi men hai. tritiya bhav ka svami bhi shani hai aur ismen saptamesh budh sthit hai. saptam bhav men rahu baitha hai. ashtam bhav men kark rashi men shani sthit hai aur dvitiya bhav par drishti de raha hai. ashtam bhav par mangal ki bhi drishti hai. is prakar ashtam bhav par shani v mangal ka duhra prabhav hai. jatak ki mrityu chan-shu-man ki dasha men hui. chandra ashtamesh hai jahan mangal se drisht shani sthit hai. shukra shashthesh hai aur pancham bhav men mangal se pirit hai.
mangal dvadshesh hai, ashtam bhav se shani se drisht hai aur ketu ke nakshatra men hai. gochar men shani-brihaspati ka duhra gochar pancham bhav par tha jahan dvadshesh mangal baitha hai. shukra aur mangal ka gochar saptam bhav par tha. kundli -9 janm divs: 1.5.1896, samy: 3ah00, sthan: bangladesh jatak ka janm min lagn men hua jahan shukra uchch hokar sthit hai. lagn papakartari yog men hai parantu is par pancham bhav se brihaspati ki purn drishti hai. lagnesh brihaspati dashmesh bhi hai aur pancham bhav men baitha hai. is par ashtam bhav se vakri shani ki drishti hai. kundli men char grah uchch hain-shukra lagn men, surya dvitiya bhav men, brihaspati pancham bhav men v shani ashtam bhav men. dvitiyesh mangal dvadash bhav men hai, tritiyesh v ashtamesh shukra lagn men tatha saptamesh budh tritiya bhav men hai jo marak hai. jatak ka dehavsan sha-bu-shu ki dasha men hua. shani dvadshesh hokar ashtam bhav men hai. budh saptamesh hokar tritiya bhav men shukra ki rashi men hai. shukra ashtamesh v tritiyesh hokar lagn men hai.
kundli -10 janm divs: 12.8.1947, samy: 17ah00, sthan: dilli jatak ka janm dhanu lagn men hua jisapar saptam bhav se mangal ki drishti hai. lagnesh brihaspati ekadash bhav men tula rashi men hai. dvitiyesh shani ashtam bhav men surya, budh aur shukra ke sath hai. saptamesh budh ashtam bhav men tatha ashtamesh chandra saptam bhav men rashi parivartan yog men hai. dvadash bhav men ketu hai tatha dvadshesh mangal saptam bhav men hai. jatak ki mrityu sha-bri-chan ki dasha men gale ke kainsar se hui. shani ashtam bhav men hai aur iski marak sthan dvitiya bhav par drishti hai aur yah dvitiyesh bhi hai. brihaspati lagnesh hai aur ekadash bhav men shatru rashi men hai.
chandra mangal se pirit hokar saptam bhav men hai. mrityu ke samay gochar men shani saptam bhav par aur brihaspati, surya, budh tatha shukra ashtam bhav par the. kundli -11 janm divs: 23.1.1897, samy: 11ah38, sthan: katak jatak mesh lagn ka hai jisapar pancham bhav se brihaspati (navmesh tatha dvadshesh) ki drishti hai. lagnesh mangal dvitiya bhav men sthit hai aur vrishchik rashi sthit shani (ashtam bhav) se drisht hai. dvitiyesh shukra hai jo saptamesh bhi hai aur kunbh rashi men ekadash bhav men sthit hai. ashtam bhav men shani hai jisapar mangal ki drishti hai aur mangal hi ashtamesh bhi hai.
jatak ki kathit mrityu bri-man ki dasha men viman durghatana men hui. brihaspati dvadshesh hai aur us par dvitiya bhav se mangal ki tatha ashtam bhav se shani ki drishti hai. mangal marak bhav men hai tatha ashtamesh hai. shani dasham bhav ka svami hai aur dasham bhav unchai ka hai. ismen surya tatha rahu bhi sthit hain. rahu, surya aur shani prithktavadi hain, shani vayu tatva ka karak hai, atah jatak ki uchch sthan se girakar mrityu hui. surya purva disha ka adhipti hai aur japan ka chihn hai.
is adhyayan men hamne paya ki shani ashtam bhav men sthit hokar yadi ashubh prabhav men ho to jatak athva uske sanbandhiyon ki mrityu ka karak ho sakta hai. kintu yah jaruri nahin ki ashtamasth shani mrityu ka karak ho hi, iske shubh parinam bhi hain. ashtam shani ko ayushya karak bhi mana gaya hai.