budh grah kushal grah budh ek aisa grah hai jo surya ke sannaidhya men hi rahta hai. jab koi grah surya ke sath hota hai to use ast mana jata hai. yadi budh bhi 14 digri ya usse kam men surya ke sath ho, to use ast mana jata hai. lekin surya ke sath rahne par budh grah ko ast ka dosh nahin lagta aur ast hone se parinamon men bhi bahut adhik antar nahin dekha gaya hai. budh grah kalpurush ki kundli men tritiya aur chathe bhav ka pratinidhitva karta hai. budh ki kushlta ko nikharne ke lie ki gayi koshish, chathe bhav dvara dikhai deti hai. jab-jab budh ka sanbandh shukra, chandrama aur dasham bhav se banta hai aur lagn se dasham bhav ka sanbandh ho, to vyakti kala-kaushal ko apne jivn-yapan ka sadhan banata hai. jab-jab tritiya bhav se budh, chandrama, shukra ka sanbandh banta hai to vyakti gayan kshetra men kushal hota hai. agar yah sanbandh dasham aur lagn se bhi bane to is kala ko apne jivan ka sadhan banata hai. isi tarah yadi budh ka sanbandh shani ketu se bane aur dasham lagn prabhavit kare, to takniki ki taraf vyakti ki ruchi banti hai. kitna upar jata hai ya kitni uchch shiksha grahan karta hai, is kshetra men, yah pancham bhav aur dashmesh ki sthiti par nirbhar karta hai. pancham bhav se shiksha ka star aur dasham bhav aur dashmesh se karya ka star pata lagta hai. budh lekh ki kushlta ko bhi darshata hai. yadi budh pancham bhav se sanbandhit ho, aur yah sanbandh lagnesh, tritiyesh aur dashmesh se banta hai, to sanchar madhyam se jivikoparjan ko darshata hai aur patrakarita ko bhi darshata hai. mangal se budh ka sanbandh ho aur dasham lagn adi se sanbandh banta ho aur brihaspati ki drishti ya sthan parivartan dvara sanbandh ban raha ho, to insan ko vanijya ke karyon men kushlta milti hai. is prakar kushlta budh tay karta hai. kshetra alg-alag grahon aur bhavon v bhavon ke svami ka sanbandh jivkoparjan ka kshetra batata hai. yadyapi is prakar ke bahut se kshetra hain, lekin un par budh grah ka prabhav avashya dekhne ko milta hai. jab bhi kisi kshetra ko vishesh yogyata ka samman mile, to khelon ke kshetra men bhi yadi mangal, shani, rahu aur budh ka sanbandh khilariyon ki janmapatri men dekhne ko milta hai.
Kya aapko lekh pasand aaya?
Subscribe