anek rogon men karagar hai rudraksh dae. es.si. kursija draksh ek prakritik fal hai jiska prayog bharat men anadi kal se hota aya hai. kai sadhu ise gale mane mala ke rup men pahnne ke alava hathon ki kalaiyon men aur panv men bhi pahnte hain.
iska prayog mala ke rup men to hamesha se hota aya hai. bharat men koi bhi parivar aisa nahin hoga jismen rudraksh n ho. rudraksh ka per hamesha hara rahta hai. iske patte kafi chaire hote hain. isko yadi rasayan kriya se dekha jae to 50.031 karban, 0.95 pratishat naitrojan 17.897 pratishat haidrojan aur 30.53 pratishat aksijan prapt hoti hai.
ismen aur bhi kai lavan sukshm matra men prapt hote hain. aksijan ki matra paryapt hone ke karan yah ek divya aushdhi ho jati hai. yah samudra tal se 2000 mitar ki unchai tak prapt hota hai. yah ushn v ardha-ushn jalvayu men prapt hota hai. yah per barhon masan hara bhara rahta hai. iski unchai 50 fut se 200 fut tak hoti hai. ise chikitsa jagat men ailokapas gainitras’’ kahte hain.
shiv puran ke anusar yah shiv ke ansuon se bana hai. rudraksh eliyokarpas gainitras ke lagabhag 36 prakar ke per pae jate hain. rudraksh ke per ugana kathin hota hai. parantu jab per ug jata hai to bina kisi prakar ki rakhvali ke salon tak fal deta rahta hai. shiv puran ke anusar jo vyakti rudraksh ko dharan karta hai ya uski puja karta hai, uske ghar men lakshmi sthir rahti hai. uski akal mrityu nahin hoti hai.
rudraksh ke pahnne se kundli chakra shighra jagrat ho jata hai. rudraksh ko dharan karne vale ko moksh prapt hota hai. uske parivar men shanti rahti hai. (yah mansik tanav, chinta tatha uchch rakt chap ko kam karta hai. isse jatak ka dar kam ho jata hai. rudraksh daure parne, kali khansi v kainsar tak men upyogi paya gaya hai. yah mastishk ki tivrata barhata hai tatha buddhiman banata hai. ayurved men rudraksh aushdhi ke rup men prayog kiya jata hai. yah garm v ardra hota hai. yah kaf vat v pitt ko shant karta hai arthat tridosh nashak hai.
is karan ise charm rogon men bhi prayog kiya jata hai. yah kushth rog ko dur karta hai. yah uchch rakt chap (hai blad preshr) valon ke lie am prayog men laya jata hai. mastishk ki kai bimariyon men iska prayog hota hai. rudraksh ko anadi kal se hamare sadhu-sant ek divya aushdhi ke rup men prayog karte rahe hain. manushya chinta, nirasha v tanav se itna pirit hai ki atm hatya ki ghatnaen barh gai hain.
is karan bajar men tainkvilaijar tatha sedetiv tanon men bikne lage hain. in davaon se nashe ki adat par jati hai. rogi ediktiv ho jata hai. rudraksh in sab ko shant karta hai aur atma-vishvas barhata hai. isko dharan karne vala vyakti akal mrityu, dil ka daura, uchch rakt chap adi se bachta hai. yah manav ki pira aur duahkhon ka harne vala hai.
padm puran men kaha gaya hai ki tripura rakshas ko harane ke bad shiv ke pasine se yah utpann hua hai. shrimad devi bhagavat ke anusar tripura rakshas ko marne ke lie shiv ki ankhen salon tak khuli rahin tatha thakan ke karan unse ansu bah nikle jisse rudraksh utpann hua. chahe rudraksh ke utpann hone ka karan kuch bhi ho, parantu yah sach hai ki rudraksh ka upyog thake, hare, chintaon se grast manushyon ke lie kiya jata hai. shiv puran men rudraksh ke gun v dharm ka uttam tarike se varnan kiya gaya hai.
atah shiv puran ko hi adhar bana kar isse chikitsa ki jati hai. rudraksh ko us par pari hui dhariyon se jana jata hai. rudraksh ek se 27 dhariyon tak ke pae jate hanai. parantu ek dhari se 14 dhariyon tak ke rudraksh jyada upalabdh hote hain. in dhariyon ko mukh bhi kahte hain. dhariyan upar se niche tak jati hain v gahri hoti hain. asli rudraksh khurdra hota hai aur kante ki tarah chubhta hai.
ekmukhi rudraksh kathinai se milta hai tatha mahanga hota hai. islie tin mukhi rudraksh ko ghis kar v dhariyon men kuch bhar kar use ek mukhi banaya jata hai. parantu dhyan se dekhne par vah chikna milta hai. yadi use garm pani men dal diya jae to gond dhariyon men se nikal jati hai aur saf tin dhariyon ka dikhne lagta hai. islie asli rudraksh v nakli rudraksh ko uski chiknahat v garam pani men rakhne se pahchana ja sakta hai.
maikroskop se bhi dekhakar asli v nakli rudraksh ko pahchana ja sakta hai. chota v am upalabdh rudraksh ke jap mala ke manke indoneshiya se ate hanai. yah rudraksh 10 mimi. se 12 mimi. tak ke vyas ka hota hai. nepal ka gol rudraksh atyant durlabh hota hai. islie isko log karigri se banate hain. yah mahanga hota hai. panch mukhi rudraksh asani se v adhik matra men upalabdh hote hanai.
yah brihaspati ka pratinidhitva karta hai. ise hi sadhu sant dharan karte hain. isse sahnshilta barhti hai. man santusht rahta hai. hridyrog, uchch raktachap v kabj men labhdayak hota hai. rudraksh ko dharan karne se pahle shubh muhurt ka chayan kar lena chahie iske lie somvar ka din uttam rahta hai. rudraksh ko kachche dudh v gangajal (yadi gangajal upalabdh n ho to shuddh pani) se dhoya jata hai. uski chandan, ful v dhup se puja ki jati hai.
fir rudraksh ke mukh ke anusar 108 bar bij mantra ka uchcharan kar rudrakshon ko siddh v jagrat kiya jata hai aur kalpana ki jati hai ki svayan shiv ka usmen vas hai. ‘‘¬ namah shivay’’ ke mantra ka jap karte hue rudraksh ko dharan kiya jata hai.
kuch upyog :
1. vidya prapti hetu tinmukhi v chahmukhi rudraksh kamjor vidyarthiyon ko dharan karvae jate hain.
2. nau, char tatha tinmukhi rudraksh atm vishvas ko barhane ke lie dharan kie jate hanai.
3. gauri shankar v domukhi rudraksh vaivahik jivan ki ashanti ko kam karte hain.
4. das v gyarhmukhi rudraksh atmaraksha hetu dharan kie jate hanai.
5. terah v chahmukhi rudraksh vashikaran ke lie upyog kie jate hanai.
6. sat v gyarhmukhi rudraksh vyapar vriddhi ke lie dharan kie jate hanai.
7. chaidah v athmukhi rudraksh svasthya ke lie dharan kie jate hanai.
8. barah v satmukhi rudraksh shasan prapti hetu dharan kie jate hanai.
9. gyarah, sat aur panchmukhi rudraksh santosh pradan karte hanai tatha tanav aur raktachap dur karte hanai.
surya: ekmukhi v barhmukhi rudraksh surya ke dvara utpann rogon ko dur karne ke lie dharan kie jate hanai.
chandrama: domukhi rudraksh chandrama ke karan utpann rog se mukti ke lie dharan kiya jata hai. mangl: tinmukhi rudraksh rakt ke rog, uchch rakt chap v mangal se utpann rog ko dur karne ke lie dharan kiya jata hai.
budh: charmukhi rudraksh mastishk ki bimariyon v snayu rogon tatha budh ke karan utpann rogon se mukti ke lie dharan kiya jata hai.
brihaspati: panchmukhi rudraksh jangha v livar ki bimariyon se mukti, dhan v samriddhi ke lie aur brihaspati se utpann kashton ko dur karne ke lie dharan kiya jata hai.
shukra: chahmukhi rudraksh sansarik sukhon v kam-shakti ke lie tatha shukra se utpann kashton se mukti ke lie dharan kiya jata hai.
shani: satmukhi rudraksh vat rogon v mrityu tulya kashton se chutkara deta hai.
rahu: athmukhi rudraksh vat tatha anya asadhya rogon aur rahu se utpann rogon ko dur karne ke lie dharan kiya jata hai.
ketu: naumukhi rudraksh akasmik ghatnaon se bachav v ashubh ketu ke prabhavon ko kam karne ke lie dharan kiya jata hai. dasmukhi rudraksh sabhi grahon ke dushprabhavon se raksha ke lie dharan kiya jata hai. gyarhmukhi rudraksh adhyatmik unnati v atm vishvas barhane ke lie dharan kiya jata hai. barhmukhi rudraksh ka prabhav surya ke saman hota hai. terhmukhi rudraksh ka prabhav chahmukhi ke shukra ke saman hota hai. chaidhmukhi rudraksh ka prabhav shani ke saman hota hai. iske atirikt bhinna-bhinn vyavsayon men saflta ke lie bhi alg-alag mukh vale rudraksh dharan kie jate hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!