jatak ki janmapatrika men kai prakar ke anisht yog dekhne ko milte hain. jaise ki kalasarp yog, angarak yog, chandalyog, grahnyog, shrayityog, vishyog ityadi. yahan prasang vash vishyog ka vishleshan prastut hai. vish yog aksar shani aur chandra ke sthan se banta hai, kintu kabhi-kabhi anya sthanon se bhi iska nirman hota hai. shani: shani grah ki prakriti vishisht hai. (hamare dharm ganrathon men shani ko kana, bahra, gunga aur andha mana gaya hai) shani ki gati mand hai. shani ki apne pita surya se shatruta hai. chandra: chandra ko man ka karak mana gaya hai. man ko jagat ka bandhan evan moksh ka karak mana gaya hai. sabhi grahon men chandra ki gati sab se tej hai. aise men jab viruddh prakriti vale shani aur chandra janmapatrika men ek sath hon, to us yog ko vishyog kahte hain.
vishyog vale jatak ke lakshana:
- vishyog men janme jatak se uska apna hi mitra, bhai, bahan ya parivar ka koi sadasya ya koi najdiki rishtedar vishvasghat karta hai.
- aise jatak bimar hon, to unka ilaj safal nahin hota hai, ya dava, injekshan adi ka viprit prabhav dekhne ko milta hai. kai bar apni dava khana bhi bhul jate hain.
- aise jatkon ko kabhi kabhi shalya chikitsa bhi karvani parti hai. unka ghav bhi teji se nahin bharta.
- aise jatkon ko ratri ke samay sapne men sanp dikhai parta hai ya sanp ke katne se sharir men vish failta hai. - aise jatkon ka karj kabhi bhi kam nahin hota hai. ve hamesha karj ke bojh tale dabe rahte hanai.
vishyog kaise:
- jaisa ki upar kaha gaya hai, shani aur chandra ke janmapatrika men ek hi rashi men ya ek hi sthan par hone se vishyog banta hai.
- shani ki tisri, satvin ya 10 vin drishti jis sthan par ho, vahan janm ka chandra sthit hone se vishyog banta hai.
- chandra kark rashi men pushya nakshatra men ho aur shani makar rashi men shravan nakshatra men ho evan donon ek dusre par drishti dalte hon tab bhi vishyog banta hai.
- shani kark rashi men pushya nakshatra men ho aur chandra makar rashi men shravan nakshatra men ho evan donon ka parivartan yog ho tab bhi vishyog banta hai.
- shani janmapatrika men 12ven sthan men ho, chandra chathe men aur surya 8ven men ho, to bhi vishyog banta hai.
- mesh, kark, sinh ya vrishchik lagn men shani sthit ho evan 8ven sthan men rahu sthit ho to vishyog banta hai.
- shani aur surya ashtam ya dvadash sthan men ek hi rashi men hane tab bhi vishyog banta hai.
bhinna-bhinn sthanon men shani chandra ki yuti ka prabhav:
- pratham sthana/lagna: lagn ya pratham sthan men vishyog banne se, jatak mand buddhi vala hota hai. uske sir aur snayu men dard rahta hai. munh par kil munhase niklte hain. dhabbe bante hain, aur chehra nistej hota hai. sharir kamjor aur rogi hota hai. aise jatak udasin, nirutsahi, vahmi evan shankalu pravriÿia ke hote hain. dampatya sukh men bhi kami ati hai.
- dusra sthan: dusre sthan men yah yuti kutanub men kalah utpann karti hai. paitrik sanpÿia milne men badha ati hai. evan kai bar paitrik sanpÿia se hath bhi dhona par jata hai. vyapar men ghata hota hai. naukri men rukavat evan vani men katuta ati hai. dhan ki hani hoti hai. dant, kann evan gale men bimari ho sakti hai. bhojan men aruchi rahti hai.
- tisra sthan: tisre sthan men vishyog banne se bhai-bahan ki mrityu akasmik hoti hai. bhai-bahan mand buddhi vale ya apang hote hain. bhai-bahan ke sath sanbandh men katuta ati hai. ghar ka naukar vishvasghat karta hai. yatra men akasmik vighn ata hai. dama, kshay aur shvas ka rog hone ki sanbhavna rahti hai.
- chaturth sthan: chaturth sthan men vishyog banne se matri sukh men kami, mata se vivad, bhavan sukh men kami ki sanbhavna rahti hai. iske atirikt ghar ke aspas sarp, bichchu ya jahrile kide najar ate hain. garbhasth shishu ki maut evan mata ke sharir men vish ke failne aur hriday rog ki sanbhavna rahti hai. mahilaon ko stan kainsar ki sanbhavna rahti hai.
- panchvan sthan: panchven sthan men vishyog hone se vidya-prapti men rukavat ati hai. jatak ki koi bhi vidya puri nahin hoti iske atirikt santan prapti men vighn ata hai. santan mand buddhi evan pet ki bimari se grast hoti hai. khilariyon ko koi kirtiman banane men vighn ata hai.
- chatha sthan: chathe sthan men vishyog banne se jatak ko rog evan shatru ka bhay rahta hai. kamar men dard aur merustanbh men kasht rahta hai. nanihal paksh ke logon ki sahayta nahin milti, unse sanbandh achche nahin rahte. ghar men chori ki sanbhavna rahti hai. gupt shatru piche se var karte hain.
- saptam sthan: saptam sthan men vishyog banne se pati aur patni men se koi kamjor evan rogi hota hai. dampatya jivan men katuta aur jhagre ki vajah se danmpatya sukh men kami ati hai. pati-patni ke jhagre korta-kachahari tak jate hain. sajhedari ke vyavsay men ghata hota hai. sasural se sanbandh bigrte hain. sasural ki or se koi sahayta nahin milti.
- ashtam sthan: ashtam sthan men vishyog hone se jatak ko gupt rogon se pareshani rahti hai. vayu sanbandhi rog bhi hote hain. rasayan, gais ya kisi jahrile kire ke katne se mrityu tulya kasht milta hai. jivan ke 30ven ya 60ven varsh men durghatana hone ki sanbhavna rahti hai. mrityu ke samay bahut kasht hota hai.
- navam sthan: navam sthan men vishyog hone se bhagyoday men rukavat ati hai, bhagyoday deri se hota hai. kisi bhi karya ki saflta men vilanb hota hai. videsh yatra se nuksan hotaa hai. ishvar men astha kam hoti hai. charmarog ki sanbhavna rahti hai. jivan men hamesha asthirta evan asmanjas bana rahta hai.
- dasham sthan: dasham sthan men vishyog hone se pita se sanbandh achche nahin rahte hain. naukri men uchchadhikari pareshan rahte hain. vyavsay men sthirta nahin ati. apne nam se vyavsay shuru karne se ghata hota hai. naukri milne men kathinai ati hai. paitrik sanpÿia ke lie jhagra hota hai, aur sanpÿia khone ka dar rahta hai. arthik sthiti achchi nahin rahti hai.
- gyarhvan sthan: is sthan men vishyog hone se jivan men bure, makkar evan jhuthe doston ka sath milta hai. kisi bhi karya se milne vali shoharat, nam, labh adi se jatak vanchit rahta hai. jivan ke antim samay (vriddhavastha) men santanon se musibat aur katuta ati hai. jatak ka antim samay bahut bura gujrta hai.
- barhvan sthan: barhve sthan se hone vale vishyog men jatak nirasha, dipreshan ka yog banta hai. kai bar atmahatya karne ki koshish karta hai. bimariyon ka koi ilaj nahin milta. lanbe samay tak aspatal men rahta hai. aise jatak daru, ganja, heroin jaise vyasan ke adi bante hain. unka man chanchal banta hai. kisi bat ka nirnay karna mushkil banta hai. parai aurton ke piche jatak bhagta hai.
vishyog ke upay:
- vish-sarpon ko jinhonne ne dharan kiya hai un devon ke dev mahadev shankar ki sharan men jane se vishyog ka prabhav kam hoga.
- shiv ke ‘‘¬ namah shivay’’ mantra aur mahamrityunjay mantra ka jap karna chahie.
- shravan mas men nadi ke kinare bane shiv mandir men laghu rudri karvani chahie.
- rohini ya hast nakshatra men puja ke bad moti dharan karna chahie.
- shani ka ratn pushya ya anuradha nakshatra men puja ke bad dharan karna chahie.
- shanivar ko ghode ki nal puja karke ghar ke mukhya dvar par lagani chahie.
- shani ke mantra ka jap karke shani ki vastu ka dan karna chahie.
- sanp ko dudh pilana chahie.
- chandra ke mantra jap karke uski safed vastuon ka dan karna chahie. - pratyek shanivar ko ek samay bhojan karke hanumanji ka darshan karke unhen ghi evan sindur charhana chahie.
- shanivar ko garibon, anathon evan vriddhon ko anaj ka dan karna chahie. uparyukt koi bhi upay apni shakti ke anusar aur sachchi shraddha ke sath karne se jatak ko vishyog ke prabhav se mukti mil sakti hai.