kuch samay purva pan. ji shri manohar seth ke ghar vastu nirikshan ke liye gaye. vahan par unse batchit karte hue pata chala ki pichle kuch samay se ve kafi pareshan hain. ghar ke sabhi sadasyon men tanav rahta hai, karyalay men bhi varishth adhikariyon se man-mutav rahta hai aur mansik pareshani bani rahti hai. iski vajah se svasthya bhi kharab rahta hai. jivan men sukh shanti ka abhav mahsus hota hai.
vastu nirikshan karne par pae gae vastu dosh - unke ghar ki uttar disha pashchim ki taraf jhuki hui thi.
- unke ghar ke bhutal men pashchim, dakshin-pashchim hissa nicha tha arthat pashchim, dakshin-pashchim kamra do sirhi utarakar bana tha jo ki ek ganbhir vastu dosh hai jiske karan ghar ke malik ko svasthya sanbandhi pareshaniyan evan dhan hani hoti hai.
- mukhya dvar dakshin-pashchim men tha jo ki malik ko ghar se bahar rakhta hai aur svasthya evan arthik samasyaen deta hai.
- rasoighar men gais stov uttara-purva men rakha tha aur pani ka nisank dakshin-pashchim men tha jiske karan kharcha adhik hota hai, parivar men vaicharik matbhed bane rahte hain.
- uttara-purva men stor bana hone ke karan ghar men mansik tanav bana rahta hai aur har kam men rukavat ati hai.
- bhutal men jati sirhiyon ke samne shisha laga tha jissen sirhiyan pratibimbit ho rahi thin aur shisha dakshin ki divar par laga tha jo ki shubh nahin hota aur har kam men deri aur sehat men kharabi ka karan hota hai.
sujhav :
- dakshin-pashchim men bane kamre ko thik karne ki salah di gai aur usko baki ke farsh ke leval ke barabar karne ko kaha gaya.
- dakshin-pashchim men bane pravesh dvar par dahlij banane ko kaha. dahlij ke niche chandi ki patti aur upar pila pent karne ko kaha gaya.
- rasoighar men gais ko uttara-pashchim ki taraf karne ki salah di gai aur sink ko gais ki jagah uttara-purva men sthanantrit karvaya .
- uttara-purva men stor ko halka karne ki salah di gai aur stor ko mandir se sthanantrit karne ko kaha gaya. anchaha saman aur vyarth ka saman stor se hatane ki salah di gai jisse ghar men nakaratmak urja kam ho sake.
- shishe ko uttara-purva, uttar ya purva ki divar par lagane ko kaha gaya jisse ghar men sukh samriddhi barh sake.
abhi kuch din purva unse milne par unhonne bataya ki sabhi sujhavon ko karyanvit karne ke bad unke jivan men mansik shanti aur sukh-samriddhi ki barhottari hui.
prashna: pandit ji main apne ghar ki arthik samasyaon se bahut pareshan hun. amdni se jyada kharch ki adhikta rahti hai. naukri chut gai hai. kripya mera naksha dekhakar batayen ki kahin meri pareshani ka karan mera ghar to nahin hai. - prabhudyal, jaislmer
uttara: apki pareshani ka mukhya karan apke ghar ke uttara-purva men bani sidhiyan hain jo ki ganbhir arthik samasyaen utpann kar deti hain. kharcha itna barh jata hai ki divaliyapan tak hone ki sanbhavna paida ho jati hai aur ghar men mansik tanav rahta hai. uttara-purva men sidhiyan hone se uttara-purva uncha evan bhari ho jata hai jo ki sabse nicha evan halka hona chaihae. sirhiyon ko dakshin-purva ki taraf sthanantrit karne se apki arthik samasyayen naganya ho jayengi.
prashna: mere ghar ke sabhi sadasyon ka svasthya thik nahin rahta. kripya ghar ka naksha dekhakar samadhan batayen. -anubhav gupta, katk
uttara: apke ghar ke dakshin-purva disha ka barhna evan dakshin-pashchim men shauchalay hona ganbhir vastu dosh hai. dakshin-purva ke barhne se ghar ki mahilaon ka svasthya kharab rahta hai. dakshin-pashchim men shauchalay ghar ke malik ko arthik evan svasthya sanbandhi pareshani deta hai. shauchalay ko stor ke sath sthanantrit karen evan uttara-purva se dakshin-purva men kam se kam 3 fut unchi divar banayen. piche ki taraf jane ke liye sirhi banai ja sakti hai aur us hisse men bagvani kar sakte hain. aisa karne se dakshin-purva ke barhne ka dosh kafi had tak khatm ho jayega.
jivan men jarurat hai jyotishiya margadarshan ki? abhi bat karen fyuchar point jyotishiyon se!