grahon ke svabhavanusar unke balabal ko nishchit karne men grahon dvara adhishthit rashi bahut mahatva rakhti hai. dusre shabdon men grahon ki karya pranali, grahon dvara adhishthit rashi ke tatvon, rashi karya ki riti ya dhang tatha rashi ki dhruvta par nirbhar hoti hai. grah to keval vishesh prakar ke urja punj hain. in urja punjon ko gati, abhivyakti v kriyashilta to unke dvara adhishthit rashiyon ke gun dharmon ke anurup hi hoti hai. rashi tatva us rashi men grah ke chetan tatva ki abhivyakti ko darshata hai. arthat vah gun ya jatak bhautik v sansarik rup se apne apko kis prakar vyakt karna chahta hai, yah batata hai.
1. antajrnyan prakar yah jatak koi bat, vishay, vichar ya samasya jo samne hai, unka udgam kahan se hai tatha parinam kya hoga, yah sab antajrnyan dva ara jan lete hain. inhen gahrai se vishleshan kar janne ki avashyakta nahin hoti chunki antaprragya satik hoti hai tatha antaprragya se hi baton v yojnaon ke piche chipe mantavyon ko jan lete hain. antajrnyan prakar men agni tatva ki gatishilta hoti hai.
2. vyavharik prakar yahan vyakti kisi bhi bat, vishay v samasya par paranpragat v vyavharik rup se sochta hai v apne vichar vyakt karta hai. yahan indriya-sparsh dvara janna v santusht hona, jaise ki kathorta, tikhapan, sardi-garmi adi mahatva rakhta hai. yahan sparshajanya thos satya bodh pramukh hota hai. jo bat indriya-sparsh v bhautik yatharth ki kasauti par khari n utrti ho jatak use nahin manta v us disha men karyarat hone se bachta hai. yahan jatak ke pratyek karya ke piche bhautik v arthik suraksha hi pramukh kendra bindu hoti hai. jatak keval vartaman men rahta hai v turant karya fal ka abhilashi hota hai. jatak bhavishya ki yojnaon ke vishay men shankit rahta hai. vyavharik prakar men prithvi tatva ki gatishilta hai.
3. chintana-manan prakar yahan jatak jo bat, vichar, vishay ya yojna pratyaksh hai, uske vishay men satya anveshi hota hai tatha use vartaman jivan men arthik v bauddhik labh-hani ke sandarbh men janne v samjhne ko prayasarat hota hai. sath hi yah jatak pratyaksh vishyon, yojnaon v samasyaon ko saiddhantik v tarkik rup se vishleshan kar janne ka prayas karta hai. anya jatak kya kar rahe hain aur kyon kar rahe hain tatha jatak svayan bhi kya kar raha hai aur kyon kar raha hai, sabhi ko tark ki kasauti par kasta hai. is jatak dvara kisi bhi bat v karya ko adarsh bauddhik vishleshan ke pashchat hi kriyanvit kiya jata hai. chintn-manan prakar men vayu tatva ki gatishilta hai.
4. bhavnatmak prakar yahan jatak jo kuch bhavnatmak rup se grahan karta hai, use apni kalpananusar vistarit kar anubhav karta hai arthat sukh-dukh donon ko hi apni kalpananusar vistarit kar grahan karta hai ya nakarta hai. yahan bhavnatmak mulya pramukh hote hain. yah jatak chetan rup se bina jane hi jivan ke sukshm utar charhav v vishvason ko avchetan man men avshoshit kar leta hai. is jatak ki chittavriti, bhav v irada tatha vah pratyaksh baton v samasyaon ko kis prakar le raha hai, iski bhav-bhangima v sharirik bhasha se turant jana ja sakta hai. bhavna pradhan prakar men jal tatva ki gatishilta hai. ek hi tatva pradhan rashiyon men sthit grah sansarik v bhautik rup se keval usi tatva ki pradhanta anurup kriyashil hokar fal dete hain tatha unmen apsi samajh v talmel hota hai, chahe ve drishti ke prabhav kshetra men hon ya n hon. udahrnarth sinh rashi sthit grah sansarik rup se dhanu rashi sthit grah se sahaj hi rahta hai, chunki tatva ek hi hai. sinh v dhanu rashiyon ki karya vidhi vibhinn hain. yahan karya-vidhi ya riti ka arth hai uprokt rashiyon sthit grah samasyaon ke nishpadan men kis prakar kriyatmak rup se kriyashil hote hain. karya-vidhi ke tin prakar hainah-
1. char vidhi char rashi sthit grah svayan pahal karte hain arthat char rashi pradhan jatak samasyaon se nibtne men v koi naya karya praranbh karne men svayan pahal karte hain. udaharan ke lie vidroh karne v pratispardha karne ke lie bhi to apko anya logon ki avashyakta hogi. mesh rashi chunauti dene ya vridoh karne men gatishil hoti hai. kark rashi bhavnaon ka aveg anubhav karne men gatishil hoti hai. tula rashi samjhauta v shanti sthapit karne men gatishil hoti hai. makar rashi apni yojnaon ke vyavharik kriyanvayan men gatishil hoti hai.
2. sthir vidhi char vidhi ke viprit ye jatak svahit ko dhyan men rakhakar hi sansarik v bhautik vishyon v samasyaon par kriyanvayan karte hain. jab tak samasya nibat n le ya ichchit dhyey prapt n ho jae, bahri vatavaran v naton rishton se alag rahte hain. ye asamajik to nahin hote parantu kisi vishay par nirnay lene men samay lete hain tatha sthapit mapdandon v vyavharikta ko dhyan men rakhakar nirnay lete hain.
3. dvisvabhav vidhi ye jatak sansarik v bhautik samasyaon se nibtne ke sabhi marg apnate hain tatha anya vyaktiyon dva ara diye sujhavon se samjhte hain ki rasta mil gaya v samasya ka nidan ho gaya samjho. ye samasyaon ki ganbhirta ko kam ankte hue idhr-udhar ki baton men lage rahte hain. fir bhi inmen samathrya hota hai der se hi, samasya ki gahrai janakar uska nidan kar hi lete hain. ve jatak jinke anek grah ek hi karya vidhi darshati anek rashiyon men hon to samasyaon se ek hi vidhi se nibtte hain. samasyaon ko dekhne v unse abhimukh hone ka prakar rashi tatva ke adhin hai. udahrnarth mesh v makar rashiyan len, ye donon rashiyan sansarik samasyaon v anya vishyon ko alg-alag dhang se dekhte hain parantu nibtti ek hi prakar se hain. mesh v makar rashiyon ki karya ritiyon men ek alag antar hai rashi dhuravta ka alg-alag hona. mesh rashi dhanatmak v makar rashi rinatmak dhuravta ki hai.
1. dhanatmak rashi pradhan jatak ya is rashi men sthit grah apni or se pahal karte hue kriyashil hote hain. ye pratiksha nahin kar sakte, kuch karne ko udyat rahte hain v patvar apne hath men rakhte hain. is dhruvta ke adhin agni v vayu tatva ate hain.
2. rinatmak rashi pradhan jatak ya is rashi men sthit grah pahle vichar karte hain ki truti kahan hai. fir samay lete hue tatha aspas ke vatavaran se santusht hokar v ashvast hokar pratikriya karte hain. ye kriyashil hone ke lie uchit samay ki pratiksha karte hain. is dhruvta ke adhin prithvi v jal tatva rashiyan ati hain. jab vyakti ki manodsha kisi ek vishay ko lekar kriyashil hoti hai to anya sabhi grah jo vishay se sanbandhit grah se drishti sanbandh banate hain, ve bhi us vishay men yogdan dete hain ya virodh men kud parte hain arthat manodsha sanbandhit vishay ko apna achcha ya bura rang pradan karte hain. udahrnarth -chandrama par yurenas ki kathin drishti ho to chandrama ki sthirta dig jaegi arthat sthir rashi sthit chandrama ki sthirta bhang hokar, jaliya chandrama men jvar-bhata hoga v tadnurup mansikta utar-charhav yukt hogi.
koi grah kisi anya grah ki drishti men n hone par bhi apni rashi sthiti sanbandhit urjaon se prabhavit rahta hai arthat sthit rashi ke tatva, rashi vidhi v rashi dhruv anusar grah ke mul svabhav men badlav a jata hai. yah grah jab kisi anya grah par drishti dalta hai to us grah ki drishti men adhishthit rashi ka prabhav bhi sammilit hota hai.