shani jatak ko shiksha pradan karne ke lie ek mukhya grah hai. iske shubh bhav ya lagn par prabhav hone se jatak achchi shiksha grahan karta hai. iska gochar bhi shiksha ke kshetra men mahatvapurn bhumika nibhata hai.
janmakundli ke vibhinn bhavon men shani ka nimn prabhav rahta hai
pratham bhav
vyakti shodhaparak karyon men ruchi leta hai. yah avashyak nahin hai ki vidyarthi yah karya laib men jakar kare apitu vah apne dainik karyon ko navinta ke sath karta hai. shani ki yah sthiti chatra ko ekantapriya banati hai. chatra ganbhirta ke sath apna adhyayan karya purn karta hai.
dvitiya bhav
vidyarthi apne janm sthan se dur rahakar shiksha prapt karta hai. videsh jakar ichchit vishay men shiksha prapt karta hai. shaikshik kshetra men imandari, sadachar ka palan karta hai. use pratiyogiyon ka bhay nahin hota hai. aisa chatra samay ka sadupyog karta hai tatha use uski saflta ka parinam ashanusar prapt hota hai.
tritiya bhav
vidyarthi ko purusharth se saflta prapti ki or agrasar karta hai. chatra apna manobal uchch rakh apni shiksha kshetra ke badhaon ko dur karta hai. yahan sthit shani shiksharthi ko nyayi, pramanik aur chatur banata hai. vah gahri buddhi vala aur achchi salah mannevala chatra banta hai. uski ruchi jyotish jaise gurh shastron men ho sakti hai. aisa chatra vivekvan, sabha men chatur, shighra karya sampann karne vala, mitavyayi aur pratapi hota hai.
chaturth bhav
uchch shiksha kshetra men lekar jata hai. shani chatra ko udar, shant, ganbhir aur dhairya sanpann banta hai. vah ghar se dur rahakar shiksha prapt kar tarakki prapt karta hai. use pratiyogiyon ke madhyam se bhi labh milte hanai. krishi, bhumi, vahan, grih nirman kala, vastu kala jaise vishyon ko bariki se janne, samjhne aur sikhne men ruchi leta hai. kai bar chatra ko apni yogyata se adhik ank prapt hote hain.
pancham bhav
chatra ko buddhiman aur vidvan banata hai. vah parishrami aur bhramnshil bhi hota hai. shani takniki kshetra, ganit, lauh tatva, tel, mashinri adi vishay ka karak hai. atah aise chatron ki shiksha vyavdhan ke sath purn hoti hai. aisa jatak gurh vishyon ke adhyayan men vishesh ruchi dikhata hai. aise chatra ke shiksha karyon men kisi bhi prakar ki dhan ki kami nahin hoti hai. pancham bhav chunki sheyar bajar aur khel kshetron ka bhi bhav hai islie shiksharthi ko khel-kud, vyayam aur sheyar bajar ke vishyon ko sikhne ke lie bhi tatpar dekha gaya hai.
chatha bhav
vidyarthi ko mashin nirman karya, kanun ki shiksha prapti ke lie protsahit karta hai. shani ki yah sthiti chatra ko shodh vishyon se jorti hai. aisa chatra apne pratiyogiyon ko apni yogyata se shant rakhta hai. vah achcha vakta aur tarkakushal banta hai. uske prativadi usse bhaybhit rahte hain. lambe samay tak adhyayan karya karne par bhi use thakavat ka anubhav nahin hota hai. shiksharthi ki gyan arjan kshamata kamal ki hoti hai.
saptam bhav
chatra ko shaikshik jivan men achche parinam deta hai. use yogyata anusar ank prapt hote hain. aisa chatra mehnti aur karmath hota hai. bahut lambe samay tak bhi adhyayan karne se vah thakta nahin hai. apni mehanat par bharosa kar shiksha men saflta prapt karta hai. aise chatra ko khanan adi vishyon se jure kshetron ke adhyayan karya men ruchi hoti hai. chatra bhuvaigyanik banne ke prayason men safal hota hai. uski ruchi bhumi se prapt khanijon ke adhyayan men vishesh rup se rahti hai.
ashtam bhav
vidyarthi ko gahan shikshan kshetra se jorta hai. shiksha prapti aise chatra ke lie navin khojon ka kshetra hoti hai. aise chatra vishyon ki takniki jankari pane ki koshish karte hain. usmen shiksha karyon ke lie vishesh utsah dekha ja sakta hai. jivan bima, sheyar bajar, chikitsa kshetra, desh ke sima ke prahri athva shodh chatra ke rup men adhyayan karte hue inhen dekha ja sakta hai. sena v penshan se sanbandhit kshetron ki parhai men ruchi leta hai.
navam bhav
vidyarthi ko shiksha kshetra men bina kisi ke sahyog ke apni yogyata se saflta prapti ke lie prayasarat rakhta hai. shaikshik kshetra men unnati pane men use guru ke atirikt kisi anya ki sahayta achchi nahin lagti hai. ek vishay ka adhyayan karte samay use anek pustakon ka adhyayan karna pasand hota hai. vah vicharshil, sthirchitt, mridubhashi aur dusron ke sath mridu vyavhar karne vala hota hai. apni yogyata aur pratibha se sabhi ke akarshan ka kendra hota hai.
dasham bhav
vidyarthi ko niti vishyon ka gyata, mahatvakankshi aur svabhiman se saflta arjit karne ka gun deta hai. aise shiksharthi ko lok seva se jure vishay, rajniti ke vishay, samaj seva ke vishay, nyay kshetron se sambandhit vishyon men shiksha prapt karna pasand ho sakta hai. uski sabhi bari safltaon ka shrey uski kartavyanishtha ko diya jata hai. bhumi v intiriyar dijaining aur vastukla injiniyaring se sanbandhit kshetron men shiksha prapt karne ke prayas karta hai.
ekadash bhav
vidyarthi ko vibhinn vidhaon ka jankar banata hai. aise chatra sthir buddhi vale hote hain. is bhav men shani shiksha kshetra men anshik badha dekar chatra ko ay aur labh kshetron se adhik se adhik dhan prapt karne ke uddeshya se shiksha prapti ki bhavna deta hai. mahatvakanksha ki bhavna prabal hone se shiksharthi adhik se adhik mehanat karne men vishvas karta hai.
dvadash bhav
vidyarthi ko alasya rahit banakar shiksha ki or prerit karta hai. vah ekant men adhyayan karya karna pasand karta hai. apni yogyata se vah shatruon ko sahjta se parajit karta hai. kathin vishyon ke adhyayan men bhi uski ruchi jagrit hoti hai. aisa chatra nyay kshetra ki shiksha pakar vakil, bairistar ya jyotishi bhi ho sakta hai. aise vyakti men nyay ke lie larne ki vishesh yogyata hoti hai.
shani ka gochar fal
kai bar aisa dekha gaya hai ki bachcha parhne men pahle to bahut achcha tha, lekin achanak uska man asthir ho jata hai. dhire-dhire kaksha men bahut kamjor ho jata hai aur bachche ka atmavishvas svayan par kam hone lagta hai. dekha gaya hai ki aksar shani ke janm chandra ke upar gochar ke karan aisa hota hai. aisi sthiti prayah do se tin sal chalti hai. uske bad bachcha punah atmavishvas prapt karta jata hai aur lagabhag 5 sal ke antral ke bad jab shani purnatah janm chandra se dur ho jata hai to punah bachcha apni yogyata star prapt karta hai.
yadi yah sthiti vidyarthi ke 11vin, 12vin kaksha men hone par a jati hai jo ki uske lie ek mahatvapurn kal hota hai to iski hani ise jivan bhar chukani parti hai kyonki use manchaha vishay ya kaelej nahin mil pata hai. isse vah mansik rup se pratham hote hue bhi dvitiya shreni ka vidyarthi rah jata hai. aisi sthiti tab ati hai jab janmakundli men chandrama shani se ashtam bhav men sthit ho. kyonki shani ek rashi chalne men dhai varsh ka samay leta hai atah use athven bhav par ane men 17 varsh lagte hain aur is umra men jatak 11-12 kaksha men hota hai. ajakal santan hone se pahle adhikansh mata-pita apne bhavi bachche ki kundli banvane ki koshish karte hain arthat uska janm samay nirdharit karvate hanai. us samay yadi is bat ka dhyan rakh liya jae ki chandrama shani se ashtam adi men n ho to aisi sthiti se bacha ja sakta hai.
shani ke chandra par kuprabhav ko nirast karne ke lie nimn upay karna vishesh labhkari hote hanai:
- char mukhi, chah mukhi evan sat mukhi rudraksh ka laeket dharan karaya jae.
- sanbhav ho to 14 mukhi rudraksh dharan karen jo ki shani ki sarhesati men vishesh prabhavshali hota hai.
- vidyarthi ko hanuman chalisa ka nitya path karna chahie.
- sundar kand ka path is kasht nivaran men vishesh faldayi hota hai. yadi nitya thora-thora path bhi kar liya jae to vishesh labh milta hai.
- shanivar ko patra men sarson ka tel lekar sikka dalen aur usmen chaya dekhakar shani bhagvan ko charhayen.
- shanivar ko vidyarthi ke kale kapron ka ek jora dan karen.
- grahan avdhi men satnaja ka dan karen.