jis prakar devta hain, to danav bhi hanai, achchai hai, to burai bhi hai, manushya hanai, to rakshas bhi hanai, pratyaksh hai, to apratyaksh bhi hai, usi prakar shatakarmon arthat akarshan, vashikaran, uchchatan, stanbhan, vidveshan aur maran adi men achche karm bhi hain, to bure bhi jinhen manushya apne svarth hetu upyog men lata hai aur achche-bure ki sima ko bhi langh jata hai. in shatakarmon men stanbhan hi bandhan hai.
iska prayog kar kisi ki shakti, karya, vyapar, pragti adi ko kunthit ya avruddh kar diya jata hai. sadharan shabdon men bandhan ka arth hai bandh dena. pratyaksh taur par bandh dene ki kriya ko bandhna kahte hain, parantu apratyaksh rup se bandhna bandhan kahlata hai.
adhikatar logon ko aisa lagta hai ki bandhan ki kriya keval tantrik hi kar sakte hain aur yah tantra se sanbandhit hai. parantu vastavikta iske viprit hai. kisi karya vishesh ke marg ko abhichar kriya se avruddh kar dena hi bandhan hai.
tantrik bandhan kaise hataen (how to remove tantrik bandhan)
yahan kuch pramukh bandhan doshon, unke parinam tatha unke nivaran ke upayon ka vivaran prastut hai.
vyapar athva karya bandhan kisi vyakti vishesh ke vyapar, dukan, faiktri ya vyaparik sthal ko bandhna vyapar bandhan athva karya bandhan kahlata hai. isse us vyapari ka vyapar chaipat ho jata hai. grahak uski dukan par nahin charhte aur shanaiah shanaiah vah vyakti apne kam dhandhe se hath dho baithta hai.
nivarn: aise vyakti ko apni dukan athva faiktri ke pravesh dvar par ek lota jal dhar banate hue dal kar andar pravesh karna chahie.
kokh bandhna: santan ki utpatti men badha utpann karne ki kriya ko kokh bandhan kahte hain. yah kriya kai prakar se ki jati hai - kabhi stri ke mahvari ke kapre ka upyog kar to kabhi pahne hue vastron athva balon ka. is dosh se prabhavit danpti sharirik rup se purn svasth hote hue bhi santan sukh se vanchit rah jate hain.
nivarn: stri apne janm athva vivah ke var ke din ya amavasya athva shanivar ko pahne hue kapron men se kuch dhage nikalakar karve tel men rui ki jot men milakar apni isht devi athva devta ke samaksh prajvalit kare.
kisi sthan vishesh ko bandhna: kabhi-kabhi kisi bhavan ya kisi sthan vishesh ko bandh diya jata hai, jisse vah sthan shanaiah shanaiah viran hokar khandahar men parivartit ho jata hai. aise sthan par logon ka ana jana badhit ho jata hai aur ve usse bhaybhit rahne lagte hain.
nivarn: kisi bhavan ya sthan ke bandhan ka nivaran atyant kathin karya hai kyonki aise sthan par buri atmaon ka vas ho jata hai. aise sthan par nirantar havan, yagya adi anushthan karte rahne chahie. gangajal ka chirkav bhi niyamit rup se karte rahna chahie. pipal adi vrikshon ko aise sthan par ugne nahin dena chahie. kisi yogya vidvan dvara iska samadhan sanbhav hai.
pad athva padvi bandhna: aisa bandhan kisi vishesh pratinidhi athva uchch pad ko bandhne ke lie kiya jata hai jisse vah pad vishesh hi samapt ho jata hai. aisa bandhan bandhna atyant dushkar karya hai aur us bandhan ko katna usse bhi dushkar hai.