prayah ham dekhte hain ki jin vyavsay/pdon ko prapt karke bhi ham chor dete hain ya kisi anya vyavsay se jur jate hain athva anek vyavsay ek sath karne lag jate hain. iska mukhya karan jatak ki kundli men grahon ki sthiti hoti hai. prachin kal men shiksha ka mukhya uddeshya gyan prapti hota tha. vidyarthi kisi yogya vidvan ke nirdeshan men vibhinn prakar ki shiksha grahan karte the. iske atirikt use shastra sanchalan evan vibhinn kalaon ka prashikshan bhi diya jata tha. kintu vartaman samay mane yah sabhi prashikshan lagabhag gaun ho gaye. shiksha ki mahatta barhne v pratispardhatmak yug men sajag rahte hue balak ke bolne v samjhne lagte hi mata-pita shiksha ke bare men chintit ho jate hain. kaun sa vishay parhane jisse bhavishya sukhamay ho. kairiyar nirman hetu:
- sarvapratham jatak ke bachapan se hi uski kundli vishay ki parhai v kairiyar chayan men sahayak hoti hai.
- jatak ki kundli se tay karna chahie ki vah naukri karega ya vyavsay.
- jatak ki 20 se 40 varsh ki umra ke bich ki grah dasha ka sukshm adhyayan kar yah dekhna chahie ki dasha kis prakar ke karya kshetra ka sanket de rahi hai.
- agami gochar ya dasha karya kshetra men tarakki ka sanket de raha hai ya nahin ? iska bhi vishleshan kar lena chahie. shiksha men mahatvakanksha: janm kundali ka navam bhav dharm trikon sthan hain jiske svami dev guru brihaspati hain, yah bhav shiksha men mahatvakanksha v uchch shiksha tatha uchch shiksha kis star ki hogi ko darshate hain. yadi iska sanbandh pancham bhav se ho jae to achchi shiksha tay karte hain. shiksha ka stara: janm kundli ka pancham bhav buddhi, gyan, kalpana, atindriya gyan, rachnatmak karya, yadasht v purva janm ke sanchit karm ko darshata hai. yah shiksha ke sankay ka star tay karta hai. shiksha kis prakar hogi: janm kundli ka chaturth bhav man ka bhav hai. yah is bat ka nirdharan karta hai ki apki mansik yogyata kis prakar ki shiksha men hogi. jab bhi chaturth bhav ka svami chathe, athven ya barhven bhav men gaya ho ya nich rashi, ast rashi, shatru rashi men baitha ho v karak grah (chandrama) pirit ho to shiksha men man nahin lagta hai.
shiksha ka upyog: janm kuundli ka dvitiya bhav vani, dhan sanchay, vyakti ki mansik sthiti ko vyakt karta hai tatha yah darshata hai ki jo shiksha apne grahan ki hai vah apke lie upyogi hai ya nahin. yadi is bhav par pap grah ka prabhav ho to vyakti shiksha ka upyog nahin karta hai. jatak ko bachapan se kis vishay ki padhai karvani chahie is hetu ham multah nimn char pathyakram (vishy) le sakte hain - ganit, jiv vigyan, kala aur vanijya. ganit: ganit ke karak grah budh ka sanbandh yadi jatak ke lagn, lagnesh ya lagn nakshatra se hota hai to vah ganit men safal hota hai. yadi lagn, lagnesh ya budh bali evan shubh drisht ho, to uske ganit men parangat hone ki sanbhavna barh jati hai. shani evan mangal kisi bhi prakar se sanbandh banae to jatak mashinri karya men daksh hota hai. iske atirikt mangal aur rahu ki yuti, dashamasth budh evan surya par bali mangli ki drishti, bali shani evan rahu ka sanbandh, chandra v budh ka sanbandh, dashamasth rahu evan shashthasth yurenas adi yog takniki shiksha ke karak hote hain. jivvigyan: surya ka jal rashisth hona, chathe evan dasham bhav/bhavesh ke bich sanbandh, surya evan mangal ka sanbandh adi chikitsa kshetra men parhai ke karak hote hain. lagna/lagnesh evan dashm/dshmesh ka sanbandh ashvini, magha ya mul nakshatra se ho to chikitsa kshetra men saflta milti hai. kala: panchm/panchmesh evan karak guru ka pirit hona kala ke kshetra men padhai ka karak hota hai. in par shubh grahon ki drishti parhai puri karvane men saksham hoti hai.
papi grahon ki drishti-yuti sanbandh kala ke kshetra men parhai men avrodh utpann karta hai. lagn v dasham ka shani v rahu se sanbandh rajnitik kshetra men saflta deta hai. 10 ven bhav ka sanbandh surya, mangal, guru ya shukra se ho to jatak jaj banta hai. vanijya: lagna/lagnesh ka sanbandh budh ke sath-sath guru se bhi ho to jatak vanijya ki parhai safltapurvak karta hai.
achchi shaikshanik yogyata ke mahatvapurn yog:
- dvitiyesh ya brihaspati kendra ya trikon men sthit ho.
- pancham bhav men budh ki sthiti athva drishti ya brihaspati aur shukra ki yuti ho.
- panchmesh ki pancham bhav men brihaspati ya shukra ke sath yuti ho.
- brihaspati, shukra aur budh men se koi kendra ya trikon men ho. shaikshanik yogyata ka abhav ya nyunta:
- pancham bhav men shani ki sthiti aur uski lagnesh par drishti ho.
- pancham bhav par ashubh grahon ki drishti ya ashubh grahon ki sthiti ho.
- panchmesh nich rashi men ho aur ashubh grahon se drisht ho. grahon se sanbandhit shiksha ka vivaran surya: chikitsa, sharir vigyan, pranishastra, netra-chikitsa, rajbhasha, prashasan, rajniti, jiv vigyan. chandra: narsing, navik shiksha, vanaspati vigyan, jantu vigyan (juloji), hotal prabandhan, kavya, patrakarita, paryatan, deyri vigyan.
mangl: bhuvigyan, faujdari, kanun, itihas, pulis sanbandhi prashikshan, ovrsiz prashikshan, sarve abhiyantriki, vayuyan shiksha, shalya chikitsa, vigyan, draiving, telring ya anya takniki shiksha, khel kud sanbandhi prashikshan, sainik shiksha, dant chikitsa. guru: bijgnit, dvitiya bhasha, arogya shastra, vividh, arthashastra, darshan, manovigyan, dharmik ya adhyatmik shiksha. budh: ganit, jyotish, vyakaran, shasan ki vibhagiya parikshaen, padarth vigyan, mansshastra, hastarekha , shabdashastra (bhasha vigyan), taiping, tatva gyan, pustakalay vigyan, lekha, vanijya, shikshak prashikshan. shukra: lalitkla (sangit, nritya, abhinay, chitrakla adi), film, ti.vi., veshbhusha, faishan dijayning, kavya sahitya evan anya vividh kalaen.
shani: bhugarbhashastra, sarvekshan, abhiyantriki, audyogiki, yantriki, bhavan nirman, mudran kala (printing). rahu: tarkashastra, hipnotijm, mesmerijm, karatab ke khel (jadu, sarkas adi), bhut-pret sanbandhi gyan, vish chikitsa, enti bayotiks, ilektroniks. ketu: gupt vidyaen, mantra-tantra sanbandhi gyan. vaigyanik aur audyogik pragti ke karan vyavsayon evan shaikshanik vishyon ki sankhya men uttarottar vriddhi hoti ja rahi hai. atah jyotish siddhanton ke adhar par grahon ke parasparik sanbandhon ko dhyan men rakhte hue vichar kiya ja sakta hai.
injiniyaring shiksha ke kuch yog
- janm, navansh ya chandra lagn se mangal chaturth sthan men ho ya chaturthesh mangal ki rashi men sthit ho.
- mangal ki chartuth bhav ya chaturthesh par drishti ho athva chaturthesh ke sath yuti ho.
- mangal aur budh ka parasparik parivartan yog ho arthat mangal budh ki rashi men ho v budh mangal ki rashi men ho. chikitsak shiksha ke kuch yog - jaimini sutra ke anusar chikitsa se sanbandhit karyon men budh aur shukra ka vishesh mahatva hain. ’’shukrandau shukradrishto rasvadi (1/2/86)’’ yadi karkansh men chandra ho aur us par shukra ki drishti ho to rasaynshastra ko janne vala hota hai. budh drishte bhishak ’’ (1/2/87) yadi karkansh men chandra ho aur us par budh ki drishti ho to vaidya hota hai.
- jatak parijat (a.15/44) ke anusar yadi lagn ya chandra se dasham sthan ka svami surya ke navansh men ho to jatak aushdhi ya dava se dhan kamata hai. (a.15/58) ke anusar yadi chandra se dasham men shukra-shani ho to vaidya hota hai.
- vrihajjatak (a.10/2) ke anusar lagn, chandra aur surya se dasham sthan ka svami jis navansh men ho uska svami surya ho to jatak ko aushdhi se dhan prapti hoti hai. uttar kalamrit (a. 5 lo. 6 v 18) se bhi iski pushti hoti hai.
- faldipika (5/2) ke anusar surya aushdhi ya aushdhi sanbandhi karyon se ajivika ka suchak hai. yadi dasham bhav men ho to jatak lakshmivan, buddhiman aur yashasvi hota hai (8/4) jyotish ke adhunik granthon men adhikansh ne chikitsa ko surya ke adhikar kshetra men mana hai aur anya grahon ke yog se chikitsa, shiksha athva vyavsay ke grah yog is prakar batlae hain - surya $ guru = fijishiyan surya $ budh = paramarsh dene vala fijishiyan surya $ mangal = fijishiyan surya $ shukra $ guru = meterniti surya $ shukra $ mangal $ shani = veneral surya $ shani = haddi/dant sambandhi surya $ shukra $ budh = kan, nak, gala surya $ shukra $ rahu $ yurenas = eksare surya $ yurenas = shodh chikitsa surya $ chandra $ budh = udar chikitsa, pachan tantra surya $ chandra $ guru = harniya , ependiks surya $ shani (chaturth kark) = ti. bi., asthama surya $ shani (pancham kark) = fijishiyan nyayadhish ke kuch yog - yadi janmakundli ke kisi bhav men budh-guru athva rahu-budh ki yuti ho.
- yadi guru, shukra evan dhanesh tinon apne mul trikon athva uchch rashi men kendrasth athva trikonasth ho tatha surya mangal dvara drisht ho to jatak nyayshastra ka gyata hota hai.
- yadi guru panchmesh athva svarashi ka ho aur shani v budh dvara drisht ho.
- yadi lagn, dvitiya, tritiya, navam, ekadash athva kendra men vrishchik athva makar rashi ka shani ho athva navam bhav par guru-chandra ki paraspar drishti ho.
- yadi shani se saptam men guru ho.
- yadi surya atmakarak grah ke sath rashi athva navmansh men ho.
- yadi saptamesh navam bhav men ho tatha navmesh saptam bhav men ho.
- yadi tritiyesh, shashthesh, guru tatha dasham bhav - ye charon balvan ho. shikshak ke kuch yog: - yadi chandra lagn evan janm lagn se panchmesh budh, guru tatha shukra ke sath lagn, chaturth, pancham, saptam, navam athva dasham bhav men sthit ho.
- yadi chaturthesh chaturth bhav men ho athva chaturth bhav par shubh grahon ki drishti ho athva chaturth bhav men shubh grah sthit ho.
- yadi panchmesh svagrihi, mitragrihi, uchch rashisth athva bali hokar chaturth, pancham, saptam, navam athva dasham bhav men sthit ho aur dashmesh ka ekadshesh se sanbandh ho.
- yadi pancham bhav men surya-mangal ki yuti ho athva rahu, shani, shukra men se koi grah pancham bhav men baitha ho aur us par pap grah ki drishti bhi ho to jatak angreji bhasha ka vidvan athva adhyapak hota hai.
- yadi panchmesh budh, shukra se yukt athva drisht ho athva panchmesh jis bhav men ho us bhav ke svami par shubh grah ki drishti ho athva uske donon or shubh grah baithe ho.
- yadi budh pancham bhav men apni svarashi athva uchch rashi men sthit ho.
- yadi dvitiya bhav men guru ya uchchasth surya, budh athva shani ho to jatak vidvan evan suvakta hota hai.
- yadi brihaspati grah chandra, budh athva shukra ke sath shubh sthan men sthit hokar pancham evan dasham bhav se sanbandhit ho.
- surya, chandra aur lagn mithun, kanya ya dhan rashi men ho v navam tatha pancham bhav shubh v bali grahon se yukt ho.
- jyotish shastriya granthon men sarasvati yog sharda yog, kalanidhi yog, chamar yog, bhaskar yog, matsya yog adi vishisht yogon ka ullekh hai. agar jatak ki kundli men inmane se koi yog ho to vah vidvan, anek shastron ka gyata, yashasvi evan dhani hota hai. nimnalikhit grah yogon vale jatak ko vyapar ya udyog saflta athva dhan prapti hoti hai - agar ekadshesh dvitiya bhav men dvitiyesh ke sath ho ya dvitiyesh ekadash bhav men ekadshesh ke sath sthit ho ya dvitiyesh aur ekadshesh ka parasparik parivartan yog ya ek par dusre ki shubh drishti ho.
- uprokt prakar se dashmesh aur ekadshesh ya saptamesh aur ekadshesh ya saptamesh aur dashmesh ya dvitiyesh aur saptamesh ka sanbandh ho.
- yadi budh saptam athva dasham bhav men uchch athva svarashi men sthit ho.
- yadi chaturthesh mangal ke sath ho ya donon ek-dusre ko dekhte ho.
- budh saptam bhav men ho aur saptamesh dvitiya bhav men ho ya dvitiyesh budh ke sath saptam bhav men ya saptamesh budh ke sath dvitiya bhav men ho.
- yadi budh aur shukra ki dvitiya ya saptam bhav men yuti ho.
- dvitiyesh par budh ki purn drishti ho.
- yadi dvitiya, saptam, dasham aur ekadash bhav ke svamiyon ka parasparik shubh sanbandh ho aur ve budh aur brihaspati se prabhavit ho.
iske alava prachin jyotish ganrathon men anek dhandayak vishisht yogon ka ullekh hai. jaise gajkeshri yog, sanpatti yog, mahabhagya yog, pushkal shriyog, shrimukh yog, dhan sukh yog, dhanadhyaksh yog, vasumti yog adi. vyapar ya udyog karne vale jatak ki kundli men inmen se koi yog ho to ve jatak ko dhani banate hain aur vyapar men saflta ke suchak siddh hote hain. yadi jatak ki kundli men nich bhang rajyog, viprit rajyog, adhiyog athva anya koi rajyog ho to vah jatak ko dhani banane men sahayak hota hai. janm nakshatra se karen vyavsay ka nirdharn
(1) ashvini: ashva se sanbandhit karya vyavsay, sena men karya karne vale chikitsak, sevak, yatra sanbandhit ayojak, laghu udyog, takniki visheshagya, bhavan nirman karne vale, karigar, salahkar, kamishan par karya karne vale, pulis, agni sanbandhit karyon se ajivika.
(2) bharni - prasuti visheshagya, deh vyapar, narsing hom, jallad, pulis, kastam, rakt parikshak, fotografi, agni shaman, kendra, astra-shastra, kray-vikray, kort kachhri men karya karne vale, baganon men karya.
(3) krittika - agni sanbandhit karya, sunar, luhar, restorent, dhaba, abhushan, kray-vikray karne vale, shalya chikitsak, tej dhardar hathiyar ke nirmata evan vikreta, byuti parlar, kaesmetiks, sarjari, hotal, khanan karya, yagyadi karya, sena men uchch pad, pulis adhikari evan indhan ke vyapar se ajivika.
(4) rohini - saundarya visheshagya, byuti parlar, jaliya vastuon se sanbandhit karya, film udyog, nritya evan sangit, bhajan gayak, rajyadhikari, guptarog visheshagya, paryatan vyavsay se sanbaddh, faishan sanbanghi sajo saman ke nirmata evan vikreta, kathor parishrami, ratn vikreta v salahkar, kampayutar karmi, mobail kanpniyon men karyarat, jal sena, dudh, dahi, ghi ke vyapar se sanbaddh, baink karmachari ya saundarya pratiyogitaon ke ayojan se ajivika.
(5) mrigshira - sangitkar, gayak, sandeshvahak, ratnon ka vyavsay karne vale, dijainar, itra, khushbu sanbandhit samagriyon ke vikreta, sharab vikreta, vastushastri, karigar, fal ful bechne vale, jyotishi, bhautik vigyani, samalochak, vigyapan ka karya.
(6) adrra - tantra mantra visheshagya, vashikaran karta, ganitagya, kutnitigya, kanpyutar, lekha jokha karya, manorog visheshagya, kathor vani se karya sadhak, anaitik karya, nashili vastuon ka vyapar, rajniti, jiv anusandhan, guptachar vibhag, chikitsak, dhvani visheshagya, sandhi karane vale, shalya chikitsa karne vale, jus vikreta, draiklinars adi karyon se ajivika.
(7) punarvasu - vakil, jaj, dastakar, vyapari, dharmik evan adhyatmik pustakon ka kray-vikray, lekhan, prakashan, jyotish karya, karmakand, puja path, adhyayan, adhyapan, manovaigyanik, kaelej evan vishvavidyalay men adhyapan karya, pravachan, gita bhagavat kathakar, samacharapatra, dursanchar, patrakarita, mandir evan dharmik sansthan men karya.
(8) pushya - prashasnik evan rajnitik kshetra se ajivika pane vala, dudh evan deyri vyavsay, bhugarbhiya taral padarth, dijal petrol ke vikreta, khadya evan pey padarthon ke vikreta, bachchon ka lalan palan karne vale, puja path, dharm shikshak, sadhu, rojgar paramarsh, mairij byuro, machuare evan gotakhori.
(9) ashlesha - tantra mantra, jyotish ka karya, lekhan, manovaigyanik, vyapar, sheyar market, farmasist, foto vyavsayi, sapera, thag, aushdhiya paudhon ki kheti karne vala, dhatu vyavsayi, moti vikreta, yog prashikshak, hasya vyangyakar, kartunist ya prakashak ka karya.
(10) magha - shalya chikitsak, yuddh samagri vikrayakatrta, proparti ka karya karne vala, uchch prashasnik adhikari, mans ka vyavsay karne vale, jadugar, jyotishi, agnishaman vibhag men risarch skaelar, koyla vikreta, shikari, prasuti visheshagya, prabandhan karya evan pulis adhikari.
(11) purvafalguni - gitkar, sangitkar, chitrakar, ratn abhushan vikreta, saj sajja, dekoreshan karya karne vale, vakil, agni sanbandhit karya, shahad, murabba bechne vale, prakritik chikitsak, maedling fotografi, sarkari vibhag, ayakar adhikari, manoranjan karya.
(12) uttarafalguni - puja path, yagya karya, leekhan, prakashan, bhashan karya, jyotish sanbandhi lekhan, prakashak, vastushastri, karmakandi, bhavan nirmata, dhan sanbandhi adan pradan, sudkhori, manoranjan, hasya vyangya kalakar, vriksharopan abhiyan men karyarat, prabandhan karya, kampyutar karya, rashtriya antarrashtriya sansthaon men karyarat, vaivahik sanstha ke sanchalak, nyayadhish, chartard akautent, netritva ka karya.
(13) hast - vastushastri, dhan ka den, chaval, sukhe mevon ka kray vikray, shilpakar, vedpathi, chitrakarita, laghu udyog, sheyar bajar, kampyutar akauntent, taip karya, jyotish, samudrik shastravetta, fulon ka utpadan karne vale, hasya vyangya kalakar, dur sanchar vibhag men karya karne vale, dastakar, mudrak, prakashak evan vitarak ka karya, lipik, antrik sajavat ka karya.
(14) chitra - marammat ka karya, karigri, ratn kray vikray, visheshagya, ganitagya, akautent ka karya karne vale, ilektrik vastuon ka nirman evan vikray karne vale, vastra nirman, shalya chikitsak, itra vikreta, sajavti saman ka vikray, injiniyar, saeftaveyar vikreta, manoranjan karne vale, kalatmak vastuon ke vikray.
(15) svati - vat rog visheshagya, havai yatra prabandhak, yatra sanbandhi karya, antriksh vaigyanik, pashu pakshiyane ka vyavsay, pashuon ki chaturai evan kalabaji v manoranjan karne vale, sarkas kalakar, krishi karya, tapasvi, vastuon ka bhandaran, dhan ko chal kapat se prapt karne ke karya, antriksh yan sanbandhi rakh rakhav.
(16) vishakha - fal fulon ka kray vikray, lekhak, vastra abhushan ka vyavsay, madhyasthata karna, nritya sangit, rajniti, sena men karyashil, dharm shikshak, saundarya sanbandhi kala ka prashikshan dene vale, khojaparak karya, adhyapan karya, shrringar sanbandhi karya, lekhan evan vastra udyog.
(17) anuradha - pap karyon se ajivika yatha chori, dakaiti, anaitik karya, vastu shastri, ank shastri, patthar par nakkashi, maikenikal injiniyar, khanan sanbandhit karya, bhugarbh shastri, bhut pret vidya, videshi vyapar evan luhari ka karya.
(18) jyeshtha - duradarshan men pracharak, judo karate, nakkashi, tarkashakti ke karya, khel vibhag men karmachari ke rup men, vastrabhushan, sainik, pulis vibhag, bhashnbaji, madhyasth ka karya.
(19) mul - lekhan karya, sanstha pradhan ke rup men, jyotish sanbandhi karya, karmakand, vaidik vidyaon ke pracharak, guptachar vibhag, sena men dharm shikshak, aushdhi nirmata, vanaspati shastra men uchch upadhi prapt kar, iske vikas men yogdan ka anusandhan, byaj ke karya, jari butiyon ka vyapar, nrityakla, fal fulon ka vyapar, krishi vibhag men karya.
(20) purvasharha - vashikaran adi karya karne vale dharm adhyatmik jyotish, puja path ka karya karne vale, kavya rachna, chitrakar, vyangyakar, pul nirman, navik, jaliya padarthon ka kray vikray, sugandhit fulon ka vyapar, tent haus, dhan niveshak, vastra nirman, saundarya visheshagya, manoranjan se sanbandhit prashikshan, maijik faunten vale, nausena men karya, abhinetriyon ke vastra abhushan sanbandhi, nausena men karya karne vale, film nirman se sanbandhit lekhan karya.
(21) uttarashadha - karmakand, jyotish, uchch shaikshanik adhikari, pujari, vanaspatik padarthon ka kray vikray karne vale, lakri ke saman ka nirman evan vikray karne vale, prashasnik seva adhikari, khel kud se sanbandhit karya, vahan kray vikray, draivar, ghursvari, ghoragari, hathi palan.
(22) shravan - salahkar, davai vikreta, adhyapan, kathakar, thagi, ridar, pradhanadhyapak, vedshastron ka adhyayan, adhyapan, dharmik karya, petroliyam padarthon ka vikray, manorog visheshagya, vashikaran, antriksh anusandhan, klab, bhasha sikhane vale, prashikshan, mahavidyalay men karya.
(23) ghanishtha - maikenikal injiniyar, bhautik vigyan vibhag, kampyutar hardaveyar karya, vadya yantra nirmata, seksolaejist, kesh sajja, vahan kray vikray, davaiyan, agnishaman vibhag, thagi, chori, logon ki seva, sainik, faishan samagri nirman karya, bijli vibhag men karya karne vale, ilektrik samagri kray vikray.
(24) shatbhisha - vayuyan chalak, antriksh ki sair karane vale, antriksh anusandhanarat, khagol, jyotish, falit jyotish, chikitsa, yurolaejist, takniki karya karne vale, madak padarthon ka kray vikray karne vale, jaliya jiv jantuon evan padarthon ka vyavsay karne vale evan shakun shastri.
(25) purvabhadrapad - alaukik vidyaen, jyotish, marshal art, nich karya, loha udyog, vastra udyog, charm vyapar, adhyapan, hipnotijm, maismerijm, kathakar, mausam ki bhavishyavani karna evan pashupalan.
(26) uttarabhadrapad - dharm guru, aghyatmik kendra, jyotish, tantra mantra yantra, aghyapan, karmakandi, yagyaik, sanyasi, pakhandi, panchmeva vikray, vastushastri, marshal art, draivar, lekhan, takniki shikshak, pranayam evan yog guru.
(27) revti - hasya, vyangya, jyotish, purohit, adhyatmik, yagyadi karya, falit dvara bhavishya kathan, lekhak, prakashak, patrakar, vakil, nyayadhish, salahkar, manoranjan, adhyapan karya, vastrodyog, ratn vikray, naukachalan, machuare, lekha karya.