kyon ata hai bhukanp ? grahmandal men jab adhikatar grah prithvi ke ek taraf a jate hain to inke gurutvakarshan se sara khinchav prithvi ke ek or parta hai jisse prithvi kuch samay ke lie asantulit ho jati hai tatha bhugarbh men tor-for ki sthiti utpann ho jati hai. prithvi aur anya sabhi grahon men gurutvakarshan hota hai
jiski vajah se pratyek vastu in grahon ke gurutvakarshan kshetra men pravesh karne par inki taraf khinchi chali jati hai. jab adhikatar grahon ka gurutvakarshaniya prabhav prithvi ke ek kon men a jae to asantulan ki sthiti utpann hoti hai. udaharanasvarup yadi sabhi grahon ke ek taraf a jane par chandrama bhi lagabhag amavasya, purnima ya pratipda ka ho tatha 180 digri ke antar par ho to bhukanp ata hai aur ek mahine ke bad is bhukanp ki punravritti hoti hai.
dusri sthiti men yadi sabhi grahon ka dhruvikaran 180 anshon par ho raha ho, ek dhruv par surya aur kuch grah aur dusre dhruv par anya kuch grah hon aur chandrama madhya men arthat surya se 90 ya 270 digri par ho aur sath men koi anya grah bhi ho to bhukanp ki sthiti banti hai aur is sthiti men jo bhukanp ata hai uski punravritti 15 din ke bad hi ho jati hai.
bhukanp ki intensiti kitni hogi ? bhukanp ki intensiti ka anuman lagane ke lie yah dekhna hoga ki prithvi ke ek taraf a jane vale grah kitne pas-pas hain. prithvi ke ek kon men a jane par ye sabhi grah 90 digri ke jitna andar honge utni hi tivrata vala bhukanp aega. yadi yah antar 60 digri se kam ho jae to bhukanp tivra intensiti vala ho sakta hai.
yadi yah antar 30 digri se kam ho jae to bhukanp atyadhik khatrnak intensiti vala ho sakta hai. kahan ate hain bhukanp ? bhukanp ke ane ki sanbhavna aksar bhumadhya bhag par hoti hai kyonki grahon ki gurutvakarshan shakti ka prabhav bhumadhya bhag par sabse adhik parta hai aur dhruvon par nyun ho jata hai.
shit ritu men jab prithvi thori terhi ho jati hai to gurutvakarshaniya prabhav ka kendra badal jane se bhukanp ki sanbhavna dakshin kshetra jaise indoneshiya adi men barh jati hai evan grishm ritu men uttari golarddh arthat himalay renj ya japan men adhik bhukanp ate hain. kaisi grah sthiti men aya nepal men bhukanp ? 25 aprail 2015 ko 11 bajakar 56 minat par dopahar men nepal men bhishan bhukanp aya jismen hajaron logon ki janen gain.
bahut se log lapta ho gaye, lakhon log beghar ho gaye tatha shatabdiyon purani aitihasik imarton ke sath-sath lakhon logon ke ghar dhah gaye. is samay ki grah sthiti ka naksha banayen to ham dekhte hain ki adhikatar grah jaise surya, mangal, budh v shukra ek kon men a gae the aur is kon men ye grah keval 40 digri ke andar the.
yahi karan tha ki bhukanp ki intensiti atyadhik tivra thi. chandrama saptami ka aur surya se 90 digri ki duri par tha. isi karanavash 17 din ke bad 12 mai 2015 ko 12 bajakar 50 minat par is bhukanp ki punravritti hui. is din prithvi ke ek kon men ae grahon ki duri 40 digri se barhakar 84 digri ho gai thi jis karan ye vala bhukanp pichle bhukanp ki apeksha kam intensiti ka tha. is sthiti ko uparyukt chitra se asani se samjha ja sakta hai- kai
hogi sanbhavit bhukanp vale din ki grah sthiti? 16 aktubar 2016 ke din surya, guru, budh, shukra v shani prithvi ke ek kon men a jaenge. ek kon men ae in grahon dvara nirmit kon ka map 65 digri hai islie bhukanp ki tivrata kafi adhik hogi. us din pratipda tithi hai arthat surya v chandrama men lagabhag 180 digri ka antar hai islie ek mahine bad iski punravritti hogi.
isi tarah varsh 2017 men 3 disanbar 2017 ko sabhi grah ek kon men a jaenge. is din surya aur chandrama ke bich ki duri 1800 hai atah 1 mahine bad is bhukanp ki punravritti hogi. ek kon men ae grahon dvara nirmit kon ka map 60 digri hoga. islie aisa lagta hai ki 16 aktubar 2016 v 3 disanbar 2017, in donon dinon men ane vale bhukanpon ki tivrata saman hogi
isi prakar 27 aktubar 2015 ke din sabhi grah arthat mangal, guru, shukra, budh, surya v shani ek taraf hain aur chandrama dusri taraf. prithvi ke ek kon men ae grahon dvara nirmit kon ka map lagabhag 78 digri hai islie bhukanp ki tivrata samanya honi chahie. chandrama purnima ka arthat surya v chandrama men lagabhag 180 digri ka antar hai islie ek mahine bad arthat 26 navanbar 2015 ko is bhukanp ki punravritti hogi.
is din prithvi ke ek kon men ae grahon dvara nirmit kon ka map 27 aktubar 2015 ke din ke kon ke barabar yani lagabhag 78 digri hi hai islie aisa lagta hai ki 27 aktubar 2015 v 26 navanbar 2015 in donon dinon men ane vale bhukanpon ki tivrata saman hogi.