hamare prachinkal ke granthon men svapn vigyan ko kafi mahatva diya gaya hai. svapn parmatma ki or se hone vali ghatnaon ke purva sanket hote hain. svapn ka prabhav nishchit rup se har manushya par parta hai. yadi koi achcha sa svapn dikhai de to ham khush hote hain, kintu bura dikhai de to ghabra kar turant jyotishiyon ke pas pahunch jate hain. sva
pn to chote-chote nirih balkon ko bhi nahin chorte hain, ve nind men kabhi hanste hain aur kabhi dar se rone lagte hain. svapn ke adhar par falakathan karne men jyotishiyon ko asani hoti hai. agar jatak ki rahu, ketu ya shani ki mahadsha ya antardasha chal rahi ho, to use hamesha daravne aur yadi surya, ya mangal ki mahadsha ya antardasha chal rahi ho, to ag evan chot lagne ke svapn dikhai denge.
chandrama aur guru ki antardasha men kaf, pet adi se sanbandhit rog ya rajagaddi prapt hone ke svapn dikhai denge. vahin agar shukra ki uchch sthiti ho, to sukh, aishoaram, dhanalakshmi adi se sanbandhit aur yadi nichasth ho, to anek bimariyon ke svapn dikhai dete hain.
svapn ka kal v ganna ke adhar par fal : subah 3 se 6 baje ke bich ke svapnon ka prabhav 40 din ke andar nishchit rup se parta hai. yadi koi bura svapn dikhai de, to nind khulte hi gayatri mantra parhakar pani pi lena chahie, usi samay hanuman chalisa ka path avashya karna chahie aur fir nahin sona chahie. din men dekhe gae svapn nishfal hote hain.
kuch svapn aur unka prabhav yadi svapn men vyakti khud ko parvaton par charhta pae, to use ek din saflta nishchit milti hai. yadi vidyarthi fel ho jae, to use saflta nishchit milti hai. yadi kamal ke patton par khir khata dekhe, to raja ke saman sukh prapt hota hai. yadi atithi ata dikhai de, to achanak vipatti a sakti hai. yadi andhera hi andhera dikhai de, to bhi kasht ya manhani ho sakti hai. apne ko mrit dekhne se ayu men vriddhi hoti hai. atmahatya karna dirghayu ka suchak hai. ullu dikhai de, to yah rog athva shok ka suchak mana jata hai. ag jalakar use pakrna dekhne par anavashyak vyay ho sakta hai.
aepreshan hota dikhai de, to yah kisi bimari ka suchak hai. imarat banti dikhai de, to dhanlabh v tarakki hoti hai. vyakti khud ko kainchi chalata dekhe, to vyarth ke vivad v larai-jhagre ho sakte hain. kaua bolta dikhai de, to yah kisi bure samachar ka suchak hai. kabutar dikhai de, to yah shubh samachar ka suchak hai.
kala nag dikhai de, to rajkiya samman prapt hoga. korhi dikhai de, to yah rog ka suchak hai. koyla dikhai de, to jhagra hoga. shmashan ya kabristan dikhai dena pratishtha men vriddhi ka suchak hai. gobar dikhai dene par pashu labh ho sakta hai. grahan dekhna rog v chinta ka suchak hai. goli chalti dekhne par manokamna purn ho sakti hai. garibi dekhne ka arth sukh samriddhi pana hai.
garbhapat dekhna ganbhir rog ka suchak hai. shukra tara dikhai de, to vivah shighra ho sakta hai. vyakti khud ko roti banata dekhe, to yah rog ka suchak hai. apne ko nanga dekhna man aur pratishtha ki hani aur kasht ka suchak hai. dev darshan ya devasthan dekhna labhkari hai. rajdrbar dekhna mrityu ka suchak hai.
davaiyon ka dekhna svasthya ki uttamata ka suchak hai. kisi dampati ka talak hote dekhna grih kalah ka karan ho sakta hai. tajamahal dekhne par pati patni men sanbandh vichched ho sakte hain. nai se hajamat banate dekhne ka fal achcha nahin hota.
pati patni ka milan dampatya sukh ki vriddhi ka suchak hai. sukhi lakriyan dekhna mrityu ka suchak hai. kisi kaidi ya apradhi ko le jate dekhna shubh nahin mana gaya hai. bhandara karate dekhne par vyakti ka jivan dhan-dhanya se purn rahega. sagai ityadi karya hote dekhna shubh nahin hai. sukha per ya thuth dikhna shubh?
if you are facing any type of problems in your life you can consult with astrologer in delhi