manav man ka svapnon ke sath gahra sanbandh hai nidra ki avastha men bhi mastishk sakriya rahta hai. avchetan man ki ichchaen, din pratidin ke tanav evan chintaen svapn ke rup men dikhai deti hain. manovaigyanik yah bhi mante hain ki kabhi-kabhi svapn bhavishya men hone vali ghatnaon ka bhi sanket dete hain. svapnon se bhavishya sanket ki pushti kai prachin granthon dvara hoti hai. nanihal men bharat ne ek svapn dekha tha jiska parinam samne aya. trijta ne bhi lanka ke vidhvans hone ka svapn dekha tha. svapnon ke shubh v ashubh falon ki avdharnaen prastut hain is alekh men ......... shubh svapn s jo vyakti svapnavastha men ghora, hathi, safed bail, jute, rath men svayan ko savar dekhta hai-use gram, nagar, rajya athva desh se avashya hi samman ki prapti hoti hai. s kisi bare jalashay, sarovar, nadi athva sagar men svayan ko tairta dekhne vala manushya sabhi prakar ke sankton se mukt ho jata hai. s svapn men ullu dekhne se bhagvti lakshmi ki kripa prapti hoti hai.
s jo vyakti svapnavastha men til, chaval gehun, sarson, jau, ann ka dher, pushp, chata, dhvaj, dahi, pan, kamal, kalash, shankh aur sone ke gahne dekhta hai use sabhi prakar ka sukh milta hai. s svapn men devi lakshmi ki murti dekhne se dhan ki prapti hoti hai. s goraiya, nilkanth, kabutar, saras, tota v titar dikhai dene se grihasth jivan khushhal hota hai. s svapn men svayan ko kisi mahal ke unche burj par khare dekhna bhavi jivan men unnati ka sanket hai. s yadi koi rogi svapn men davai ki botal tuti hui dekhta hai to vah shighra hi rog mukt ho jata hai. s svapn men fal dekhna bahut shubh hota hai. s yadi ap svayan ko kisi unchai par charhta dekhen to yah bhavishya men unnati ka sanket hai. s yadi ap svapn men nae vastra pahne dikhte hain to apko koi manglik karya ka sandesh milne vala hai. s yadi ap kisi vriddh vyakti athva sadhu ko dekhte hain to apko bara labh athva samman milne vala hai.
ashubh svapn s yadi svapn men kisi bachche ka janm hota dikhai de to savdhan hona chahie kyonki yah agami durghatana ka sanket hai. s yadi svapn men kisi rote bachche ko dekhane to koi sankat ane vala hai. s svapn men jis vyakti ko dakshin disha men khare pitar bulate hain usko apna antim samay aya hua jan lena chahie. s svapn men koi khandahar, sunsan jagah dekhna, bhatak jana aur niklne ka koi marg n milna hani karak hota hai. s svapn men yadi koi kisi ke panvon ko kata hua dekhega to uske jivan men anek prakar ki arthik aur vyavsayik badhaen ane vali hain. s svapn men yadi koi pani men dubta ja raha hai to yah ane vale sankton ka suchak hai. s yadi koi vyakti svapn men svayan ko dori se bandha hua dekhta hai to use shighra hi kisi apradh men bandi banaya ja sakta hai. s svapn men yadi aiesa pratit ho ki koi vyakti svapn dekhne vale ki patni ka apaharan karke le ja raha hai to shighra hi uske dhan ki hani hoti hai.
s svapn men kisi barat men shamil hona ashubh hai. s svapn men kisi ki hatya hote dekhne ka arth hai ki koi apke khilaf bagavat kar raha hai. s svapn men yadi koi sona chandi adi dhatuon ki chori karta hai to yah ashubh hai. is ka prabhav vyavsay par par sakta hai. anisht fal nashak upay s yadi man yah svikar kare ki dekhe gae svapn ka parinam anishtakari ho sakta hai to uske nivaran ka upay avashya kiya jana chahie. chitrakut vas ke samay shri ram ne bhi ek svapn dekha tha jiske anisht fal ke nivaran hetu unhonne bhagvan shankar ki puja ki thi. uchit upay karne see bure svapn se hone vala dushprabhav atyant kshin athva samapt ho jata hai. s yadi svapn adhik bhayanak aur ratri 12 se 2 baje dekha jae to turant shri shiv ka nam smaran karen. ‘un namah shivay’ ka jap karte hue so jaen. tatpashchat brahmamuhurt men uthakar snanadi karke shivmandir men jakar jal charhaen puja karen v pujari ko kuch dan karen.
isse sankat nasht ho jata hai. s yadi svapn 4 baje ke bad dekha gaya hai aur svapn bura hai, to pratah uthakar bina kisi se kuch bole tulsi ke paudhe se pura svapn kah dalen. koi dushparinam nahin hoga. snan ke bad ‘un namah shivay’ ka 108 bar jap karen. s hanuman ji sab prakar ka anisht dur karne vale hain. bure svapn ka anisht dur karne ke lie sundrkand, bajrang ban, sanktmochan stotra athva hanuman chalisa ka path bhi sanykal ke samay kiya ja sakta hai. s yadi svapn bahut bura hai aur apke ghar men tulsi ka paudha nahin hai, to subah uthakar safed kagaj par svapn ko likhen fir use jala den. rakh nali men pani dal kar baha den. fir snan karke ek mala shiv ke mantra ‘un namah shivay’ ka jap karen. dushprabhav nasht ho jaega.