jyotishshastra men brihaspati evan shukra ko shreshth shubh faldayak mana gaya hai. mansagri granth ke anusar brihaspati ya shukra kendra ya trikon men ho, to sabhi arishton ka nash ho jata hai. dampatya jivan ko sukhamay banane men bhi brihaspati evan shukra ka saptam bhav saptamesh par shubh prabhav mahatvapurn bhumika nibhata hai. stri ki janm kundli men brihaspati (purush grah) pati sukh ka karak tatha purush ki kundli men shukra (stri grah) patni sukh ka karak hota hai. yadi saptam bhav, saptamesh evan pati-patni ke karak grahon (shukra evan brihaspati) ki kundli men shubh sthiti ho, to sukhamay dampatya jivan ka sanket deti hai.
saptam bhav, saptamesh evan karak grahon ka papi grahon se yuti ya drishti sanbandh nishchit taur par dampatya jivan men katuta ko janm dene vala hota hai. surya, shani, mangal evan rahu (papi grah) dampatya jivan men algav lane ka prabhav rakhte hain kyonki papi grahon ko prithkta karak grah mana gaya hai. yadi saptam bhav in papi grahon se pirit athva pap prabhav men ho, to vaivahik jivan kashtadayak evan dukhamay hota hai. brihaspati ke bare men ek manyata hai ki vah jis bhav men sthit hota hai, us bhav ka bhala nahin karta (sthan hani karotijivah). atah brihaspati pati sukh ka karak hokar yadi saptam bhav men sthit ho, to us fal ki hani karega arthat jatka ke pati sukh men kami rahegi. shukra ki bhi saptam bhav men sthiti achchi nahin mani gai hai.
jatak parijat granth ke anusar ‘shukre manmatharashige balvti strinam bahunan patiah’ arthat saptam bhav men balvan shukra hone par jatak ke kai patniyan hoti hain. saptam bhav ke donon or papakartari yog (papi grah) hone par vaivahik jivan kashtamay hota hai. kabhi-kabhi ek dusre ke prati krur vyavhar ke karan talak ki sthiti ban jati hai. talak sanbandhit mahatvapurn tathya udaharan ke rup men yahan prastut hain.
1) kundli 1 men dvitiya bhav sthit saptamesh brihaspati rahu se pirit hokar guru chandal yog bana raha hai.
2) saptam bhav par mangal ki pap drishti hai.
3) mangal tritiya evan ashtamesh hokar chaturth bhav men baithakar grihsukh men kami la raha hai.
4) shukra par shani ki tritiya drishti hai.
is prakar saptam bhav, saptameesh tatha karak shukra tinon ke pap prabhav men hone ke karan jatak ke parivarik jivan men hamesha tanav raha aur is samay sthit talak ki hai.
kundli 2 men budh v shukra ki yuti satven bhav men nich ke surya ke sath hai aur shukra ast hai tatha dashmesh shani se drisht hai. budh chathe bhav ka svami hai jo rog tatha shatru ka bhav hai. budh tatha shukra atyant najdik anshon par hone se grah yuddh ki sthiti men hain. brihaspati pati ka karak hai jo shani tatha ketu ke sath evan rahu se drisht hai. is kundli men bhi saptam bhav, saptamesh tatha karak brihaspati tinon pirit hain. atah jatka ko shukra ki mahadsha men rahu ke antar ane par pati se talak lena para tatha shukra ki dasha evan shani ki antardasha men dusri shadi hui. vartaman samay men pati-patni ke sath-sath rahte hue bhi donon ke bich roj larai-jhagre ki sthiti bani rahti hai. is janmank men ashtamesh mangal ki dvitiya aur tritiya bhav par drishti bhi dampatya sukh men kami ki dyotak hai.
kanudli 3 men saptam bhav par rahu ki drishti hai. shukra tritiyesh hokar tritiya bhav men rahu se pirit hai. dvitiya bhav men sthit mangal tatha brihaspati ast hain. bhagyesh tatha chaturthesh ast hain. chaturth bhav men shatrukshetri saptamesh tatha shashthesh shani nichasth chandra ke sath sthit hain. saptam se ashtam bhav men dvisvabhav rashi men sthit mangal patni vichoh yog bana raha hai. is kundli men saptam bhav, saptamesh tatha karak tinon pirit hain, atah budh ki mahadsha evan rahu ki antardasha men patni ki mrityu ho gai tatha shani ki antardasha ane par dusri shadi hui. uparyukt vivechan se spasht hai ki bhav, bhavesh tatha karak tinon ke pirit hone par us bhav ka fal dushit ho jata hai. saptam bhav men yahi sthiti dampatya sukh men kami tatha talak ya punarvivah ki sthiti utpann karti hai. punarvivah ke yog: jyotishshastra ke anusar dusre vivah ko dekhne ke lie saptam, navam tatha saptam se chathe arthat dvadash bhavon par vishesh vichar karna chahie.
- yadi lagn, saptam sthan aur chandra lagn dvisvabhav rashi men hon, to jatak ke do vivah hote hain.
- isi prakar lagnesh, saptamesh tatha shukra dvisvabhav rashi men hon, to jatak ke do vivah hote hain.
- yadi saptam aur ashtam men papi grah hon aur mangal dvadash sthan men ho, to jatak ke do vivah hote hain.
- saptam sthan ka karak yadi papi grah se yut athva nich navansh athva shatru navansh athva ashtamesh ke navansh men ho, to bhi jatak ke do vivah hote hain.
- yadi saptamesh aur ekadshesh sath hon athva ek dusre par drishti rakhte hon, to jatak ke kai vivah hote hain. prem sanbandh ke yog: prem sanbandh pancham bhav se dekha jata hai.
- lagnesh evan panchmesh ka sanbandh (chaturvidh) prem sanbandh ka dyotak hota hai.
- panchmesh tatha saptamesh ki ekadash bhav men yuti bhi prem sanbandh ko barhava deti hai.
- panchmesh bhav men shubhakartari tatha saptam bhav ka papi prabhav men hona evan lagnesh ki pancham bhav par drishti yah sari grah sthiti prem sanbandh ko barhava deti hai. u