dayrektar sanjay lila bhansali ne dipika v ranvir donon ko ‘ram-lila’ ke bad ‘bajirav mastani’ men fir ek sath kast kiya aur inki kemistri bolivud ki ek anya siniyar aur suprhit jori se boks aufis par age nikal gai. dipika bhale hi abhi hichkti hain lekin ranvir apni is laki charm ko pablik men disple karte dikhte hain.
isse pahle ’om shanti om’ men dabal rol se charcha men ai dipika ne chandni chaik tu chaina, lav aj kal, lafange parinde, brek ke bad, arakshan, desi boyaj, koktel, ye javani hai divani, chennai eksapres, goliyon ki raslila-ram lila, fainding feni, haippi nyu iyar, piku, tamasha aur bajirav-mastani jaisi kai popular filmen ki hain. samikshak mante hain ki dipika aj apne kariyar ke is mukam par hain ki unhen film hit karane ke lie kisi bare hiro ke nam ki jarurat nahin hai. balki bare stars khud unke sath film karna chahte hain.
filmon men apni behtrin adakari ke jariye bolivud men apni khas pahchan banane vali dipika ne abhinay ke kshetra men kai sare avard hasil kiye hanai jismane tin filmafeyar avard bhi shamil hain. dipika padukon mahshur baidmintan khilari prakash padukon ki bari beti hai aur khud bhi baidmintan ki bari achchi pleyar hain. dipika n keval bolivud balki antarrashtriya star par bhi apni pahchan banane men kamyab rahi hain.
yahi vajah hai ki vo abhi holivud ki ek film shgggrujim tamajanatad v inadakamat banhamash jismen mashhur holivud star vin dijal hain, ke sath kam kar rahi hain aur yah film bhi jaldi rilij hone vali hai. dipika padukon apne parivar ko behad mahatva deti hain aur parivar ke bahut karib hain. munbai men rahne aur kam men itna biji hone ke bad bhi vo apne parivar se milne bainglor jati rahti hain. vo kahti hain mainne apne kam aur parivar ko ekadam alag rakha hai kyonki meri jindagi men mere parivar se barhakar mere lie kuch bhi nahin hai.
dipika abhi “bajirav mastani“ ke bajirav yani ranvir sinh ko det kar rahi hain aur inke sath inka abhinay kamal ka rahta hai. dipika apne rishton ko lekar bahut sajag aur sahaj rahti hain. aiye ab bat karte hain ektar ranvir sinh ki. ranvir hain ek jindadil insan ranvir sinh urja se bharpur behad kamal ke ektar hain aur yah unhonne abhi hal hi men ai apni film “bajirav-mastani“ men abhinay se jahir kar diya hai aur iske alava ranvir apni enarji ke sath sath apne atrangi faishan ki vajah se bhi jane jate hanai.
ranvir sinh ka pura nam “ranvir sinh bhavnani“ hai lekin bolivud men vo abhi keval ranvir sinh ke nam se jane jate hain aur iske piche jab ranvir sinh se pucha gaya to unke anusar yah sarnem unke lie lakki sabit nahin ho raha tha. iski vajah se unhen bolivud men ek brand ki tarah kam ahmiyat mil rahi thi, svayan ranvir sinh ke shabdon men “ranvir sinh” mujhe adhik sut karta hai.
apko ek khas bat bata den ki ranvir sinh ektres sonam kapur ke hi mausi ke bete hain kyonki sonam kapur ki man ka sarnem bhi shadi se pahle bhavnani tha. ranvir sinh un gine chune logon men se bhi hain jo selebriti hone ke bad bhi naye khyal aur samajik vishyon par apni bebak ray rakhne ke lie jane jate hain. dipika-ranvir ki hui sagai dipika-ranvir ki jori vali film bajirav-mastani pradarshit hui aur saflta ki unchaiyan charhi.
dipika padukon bhale hi bar-bar apne aur ranvir sinh ke bich ke karibi rishton se inkar karen lekin sach to yah hai ki ranvir khud hi is rishte ko midiya ke samne lane ke lie utsuk rahte hain. ab jab dipika ranvir ki har bat men sath charcha hoti hain, to unke staf ne bhi dipika ko ’bhabhiji’ ka taig de diya hai. dipika apni holivud film ‘tripal eksa’ ki shuting kar bharat vapas lauti hain jiske bad ranvir ne apne perents ko dipika ka khas khyal rakhne ko kaha.
ek nyuj portal ke mutabik, ranvir peris men ’befikre ki shuting men vyast hain, to unhonne apne mata-pita ko kaha ki dipika ko ghar ka khana behad pasand hai jise vah munbai men kafi mis karti hain jiske bad se ranvir sinh ki bahan aksar dipika ke lie ghar se khana banakar unke lie le jati hain. ane vali khabron ke anusar donon ke bich ek khas rishta jur chuka hai aur bolivud ke galiyaron men dipika padukon aur ranvir sinh ki sagai ki khabar jor pakar rahi hai.
dipika padukon aur ranvir sinh ke bare men aisi atklen lagai ja rahi hain ki donon ne sagai kar li hai. sutron ke havale se khabar mili hai ki donon ne gupchup dhang se sagai kar li hai. khabron ke anusar kuch mahine pahle hi ranvir sinh aur dipika ke parivar ke log apas men mile the. mulakat men donon ki shadi par charcha bhi hui thi. gaur ho ki ranvir aur dipika ki hal hi men ek avord seremni ke dauran najdikiyan najar ai thin.
is sal ki shuruat men hi donon ke mata-pita ne ek dusre se mulakat ki aur roka tay kar diya. khabar hai ki ranvir bhi befikre film ke kuch bhag ki shuting khatm kar jald hi parivar ke sath chutti par ja sakte hain. ranvir-dipika ko lekar atklen lagai ja rahin hain ki, dipika-ran avir jald hi shadi ke bandhan men bandh sakte hain, jiske chalte in chuttiyon ko plan kiya gaya hai. yah bhi kaha gaya hai ki dipika abhi jaldi men nahin hain aur ve kam se kam do sal bad shadi karna chahti hain.
bhavishya men inka rishta kahan tak jaega aiye inki kundliyon se dekhte hain- kya kahti hain inki kundliyan intrnet par upalabdh janmavivaran ke adhar par donon stars ki chandra kundliyon ka vishleshan kiya ja raha hai. bolivud abhineta ranvir sinh julai mah men 31 sal ke ho chuke hain aur dipika janvri mah men 30 varsh pure kar chuki hain. ranvir sinh ka janm 6 julai 1985 v dipika ka janm 5 janvri 1986 ko hua hai.
ranvir sinh aur dipika padukon ki kundliyon ka ashtakut milan men 36 men se 20 ank prapt ho rahe hain. kundli milan men 20 ank ka ana, vivah ke lie upyukt mana jata hai. atah kundli milan se inke vivah ki rah asan ho gai hai. aiye ab kundliyon men anya yogon ko dekhte hai- ranvir sinh ki chandra rashi kumbh hai. guru nich rashi men sthit hai. inki kundli men tritiyesh mangal ka saptamesh surya ke sath pancham men baithne ke karan aksar purush mitron se inki mitrata prem prasang men badal jati hai.
kundli men rahu-shani ka saptam drishti se ek-dusre ko dekhna avishvas ke karan mitrata ka tutna aur ek nai mitrata banne ki or sanket kar raha hai. shukra inki kundli men svarashi vrishabh men sthit hai. pancham bhav surya-mangal ki sthiti ke karan pirit hai. shani ka prabhav bhi panchmesh budh par a raha hai. vakri shani aur nich ke guru ka panchmesh budh ko dekhna prem men bhavna ke ahat hone ka karan banega. 2017 ka sal inke rishton men avishvas laega aur inke rishton men kuch badhaen aengi.
dipika ki kundli men chandra tula rashi men hai. chandra kundli ke lagn men mangal, ketu virajman hanai. inke saptam bhav par rahu ka hona, vivah men vilamb de raha hai. sath hi saptamesh mangal ka apne bhav ko dekhna vaivahik jivan men vivad aur tanav la sakta hai. kariyar ke paksh se donon kundliyan ek-dusre ki purak hain. ek ki saflta dusre ko age le jane ka karya kar rahi hai. abhi dipika par shani sarhesati ka prabhav chal raha hai.
janvri 2017 men inapar se sarhesati ka prabhav samapt ho jaega. iske bad inhen shani grah tanav nahin de payenge. donon kundliyon men guru nichrashisth hai. donon kanudliyon ka adhyayan yah kahta hai ki 2017 men sanbandhon men bara badlav aega. satik janm samay ke abhav men, shadi ke pahlu ki bhavishyavani karna bahut mushkil hai. fir bhi ane vale varsh ka grah gochar nikat bhavishya men rishton men bara badlav avashya laega.