reki chikitsa paddhati men reki mastar rogagrast vyakti ke sharir ka apne hath se sparsh kar ilaj karta hai. ismen rogagrast vyakti ka sparsh avashyak hota hai. ismen pran urja ko vah vyakti jisne reki sikhi ho charon or faile hue vayumandal ya vatavaran se prapt karke apne sahasrar chakra, agya chakra evan hriday chakra se le jate hue apni hatheli ke madhyam se anya vyakti ya rogi ka sparsh kar uske sharir men pravahit kar deta hai. jise reki di jati hai vah rogagrast vyakti aisi pran urja ko apni grahan shakti ke anurup prapt kar leta hai. reki ka mul niyam hai ki ise diya nahin jata varan liya jata hai - purn astha, asha aur vishvas ke sath. reki ek adbhut naisargik v hanirhit upchar - pranali hai. ise hatheliyon men chipi hui adbhut aushdhi kah sakte hain. manav sharir aprimit anuon ka kosh hai jiske asvasth hone par reki use svasth kar deti hai. iske alava manushya ke atmabal ya manobal ka vikas kar use avashyak urja pradan karte hue uske sharir bal ki vriddhi bhi karti hai. reki ka paryayvachi arth sparsh chikitsa hai jiska adhar karuna hai.
dae. yusui ne ‘re’ ka arth vishvavyapi tatha ‘ki’ ka arth pranashakti arthat surya bataya, lekin unhonne yah bhi kaha ki reki ka adhar karuna (daya) hai. karuna usi vyakti men utpann hogi jo hamesha khush rahega. dae. viliyams ke anusar hansmukh logon ki pratirodhak kshamata adhik hoti hai, unki endokraun adhik sakriya v satej rahti hai. mansik tanav men rahne vala vyakti kabhi bhi dayalu nahin ho sakta. usmen karuna ka bhav lesh matra bhi nahin milega. vahi vyakti dayalu ho sakta hai jisne man ko vash men kar liya ho. iske lie svayan ko badlna parega. manushya ki sankalp shakti se bari shakti koi nahin. yadi vah sankalp kar le, to kuch hi samay men kam, krodh, lobh, moh apke vichar prashna: reki aur pranik hiling men kya antar hai? in paddhatiyon se rogi ka upchar kaise kiya jata hai? ityadi par vijay prapt kar lega, man uske vash men hoga. uske hriday men karuna ka sagar lahraega. bina kisi kriya ke sirf man ko vash men karke dhyan kiya jae, to sanbhav hai manushya men sparsh ke dvara chikitsa ke gun a jaen kyonki reki ka adhar karuna hai.
gayatri jap aur pranayam ke dvara surya ki shakti ko apne men samavisht karne par bhi manushya sparsh chikitsak ban sakta hai, jiski charcha bad men karenge. pranik hiling bhi reki hi hai, lekin yah sirf gayatri jap aur pranayam ke dvara prapt vishvavyapi shakti, jise pran shakti (surya) kahte hain, ko apne men samavisht karne ke bad hi prapt hogi. reki aur pranik hiling men yahi antar hai arthat reki ka adhar sirf karuna hai aur pranik hiling ka adhar sirf surya shakti (pran vayu). pranik hiling ka tatparya hai pran rupi vayu, arthat vah vayu jisse sans lete hain, ke asantulan ko santulit karte hue upchar karna. dusre shabdon men kah sakte hain pranopchar. pranik hiling vidhi men rugn vyakti ko hath se sparsh nahin kiya jata hai. rogi ko apne samaksh baithakar uski kharab urja ko ilaj karne vala arthat hilar jharfanuk karne vale ke sadrishya apne hathon se dur karta hai. is paddhati men rogagrast vyakti ke samne ki or ek patra men lavan mishrit jal rakh diya jata hai aur mana jata hai ki uske sharir se nikali gai buri urja ka us jal men vilay kar diya jata hai.
buri urja nasht karne ke uprant pranik hilar donon hathon se shuddha-vayu, per-paudhe, vanaspati evan prandata surya adi se khagoliya urja ko sangrahit kar rogagrast vyakti ke ang vishesh sanbandhi urja-chakra par dhyan kendrit karte hue use urja pradan karta hai. urja dene ki prakriya ko hiling kahte hain. angreji shabd bhmans ka arth hota hai svasth karna. isi se bane hain hilar v hiling shabd. reki aur pranik hiling paddhatiyon se rogopchar karne valon ki sankhya din-va-din barhti ja rahi hai. desh-videsh donon men in paddhatiyon ke sanchalit pathyakram men bhag lekar inhen sikhne ka karya bhi nirantar pragti par hai. inka itihas bharat men lagabhag do dashak purana hi pratit hota hai parantu nae svarup men prakat hui reki evan pranik hiling paddhatiyan pranayam ka hi ek rup kahi ja sakti hain.
reki aur pranik hiling men antr: in donon upchar paddhatiyon men mahatvapurn antar ka sankshep men varnan is prakar hai.
û reki sikhne-sikhane ke pathyakram ke 4 charan hote hain jinhen digri kahte hain. pranik hiling tin pathyakramon vali hoti hai. inhen hiling kors kahte hain. reki sikhane vala mastar v pranik hiling sikhane vala hilar hota hai.
û reki men pranik urja vayumandal (vatavaran ya parivesh) se khinchi jati hai jabki pranik hiling men ise hava, suraj, prithvi aur per-paudhon adi se liya jata hai.
û reki men reki mastar ka marij ko hatheli se sparsh karna avashyak hota hai jabki pranik hiling men hilar marij ka sparsh nahin karta.
û reki dete vakt asvasth vyakti ke samne katori jaise patra men namak ka ghol nahin rakha jata jabki pranik hiling men ise rakhna jaruri hai.
û reki men marij ki buri urja ka vilinikaran antriksh men kiya jata hai jabki pranik hiling men buri urja ka vilinikaran namak ghol ke jalpatra men kar diya jata hai.
û reki dete samay reki mastar ko sharir men halka sa jhatka mahsus hota hai aur pranik hiling men rogi ko.
reki kya hai?: japani sanskriti ka shabd hai ‘reki’. reki ka shabdarth hai sare sansar men samayi hui pran urja arthat ek prakritik chetnayukt shakti. japani men ‘re’ kahte hain jagadvyapi ko aur ‘ki’ ka arth hai chetna shakti. yah sabhi prakar ke jiv jantuon, per-paudhane, lata, gulm adi vanaspatiyon men vidyaman rahti hai. is chetna ya pran shakti ke shrir men ghatne par sharir asvasth rahne lagta hai aur bimari janm leti hai. reki men is ghati hui chetna urja ko punah barhakar asvasth sharir ko svasth banane ki kriyaen ki jati hain. reki ke madhyam se sthul aur sukshm donon shariron ko labh milta hai. manushya kitna bhi man-mastishk se aprasann kyon n ho, thakan adi se uska sharir tut raha ho athva sharir bimariyon ka ghar ban raha ho, reki prapt karte hi use sfurti ka abhas hone lagta hai. reki men jarurat is bat ki hoti hai ki reki dene vale evan prapt karne vale donon ko reki par purn shraddha, vishvas evan astha honi chahie. reki bhavnatmak rup men, bhautik rup men, mansik evan adhyatmik kisi bhi rup men di ja sakti hai. is chaitanya naisargik urja ka rogi ke sharir men sanchar hasta-sparsh se karaya jata hai. do din ke buniyadi upchar ke pashchat asvasth vyakti ko svayan ikkis dinon tak lagatar is prakriya ko dohrana parta hai - jab tak use svayan is chetna shakti ko sametne ki kshamata prapt karne men saflta n mil jae.
rogagrast vyakti ki dushit urja ko reki mastar kalpit prakash punj men samette hue uska vilinikaran antriksh men kar deta hai. reki pravahit karte samay reki mastar ke hath garmahat mahsus karte hain evan uska sharir mamuli sa jhanjhna jata hai. reki ke dvara hriday rog, asthi bhang, smaran shakti ki kami, dama, pet dard, tvacha rog, kainsar, atmavishvas ki kshinta adi ka ilaj kiya ja sakta hai. aisa parhne-sunne ko milta hai ki reki ki charon digriyon ka prashikshan prapt karne men hajaron lakhon rupae vyay ho jate hain. ise ti.ar. ya ti.ti. (jvanbi tmaumakal vat jvanbi jtamanjaumdj) kaha ja sakta hai. reki ke kendra dilli, munbai, bainglor ahmdabad, indaur adi bare nagron mahangron men khul chuke hain aur anya anek sthanon men inka khulna sanbhavit hai. aisa ullekh milta hai ki tokiyo men pratham reki chikitsa kedra dae. hayasi ne aranbh kiya tha. unhonne amerika se apne rog-nivaran ke lie padhari kumari havao takata ki chikitsa bhi ki aur use reki ka prashikshan dekar reki upchar prakriya bhi sikhai. amerika jakar is paddhati ka prachar kar, iske gun gakar isi kumari takata ne reki ko prasiddhi dilai. amerika nivasi reki upchar paddhati ke visheshagya filis fyuromito ka nam is sanbandh men vishesh ullekhniya hai. reki prashikshan ke char charan (digriyan) hain. jinka varnan yahan prastut hai.
pratham charan ya pahli digri: is digri men lagabhag 2 dinon ka prashikshan diya jata hai. sharir aur hathon ki dhimi gati vale spandan kendron, reki ke buniyadi dhanche, reki ke itihas adi ka buniyadi gyan prashikshanarthi ya chatra ko diya jata hai. naisargik pran shakti ko sikhne vale ke sharir men sthayitva ke sath sancharit ya pravahit kiya jata hai. is charan men sir ke upri bhag se prashikshanarthi ke sharir men pran urja samavisht hone lagti hai aur dil tak pahunchakar hathon ke marg se hatheliyon dvara pravahman hone lagti hai. is charan men prashikshan lekar vyakti apne sath sath anyon ko bhi reki dene yogya ban jata hai. is avdhi men use matra 1/5 ke lagabhag urja kshamata sancharan ki shakti pradan kara di jati hai kyonki besik kors ki avdhi men manushya ka sharir jyada urja grahan karne ke kabil nahin rahta. is charan ke uprant vyakti hatheliyon ke sparsh se asvasth vyakti ka upchar kar sakta hai.
dvitiya charan ya digri: is charan men manushya ko kuch pavitra sanket chihn ya akritiyan, ashcharyakari pavan akshar, shabd, mantradi ka gyan karaya jata hai. in pratikon, mantron adi ki purnarupen gopniyata banae rakhna prashikshanarthi ke lie anivarya hota hai. vah inhen anya kisi ko dikha ya bata nahin sakta. in sabki jankari prapt kar lene ke bad chatra ya prashikshanarthi purn shraddha, vishvas evan asha ke sath apne sthan par baithakar hi anya sthan par baithe rogi ka ilaj kar sakta hai. is charan men reki sikhne vale ki pran urja shakti ka bahut adhik vikas ho jata hai.
tritiya charan ya digri: uparyukt do charnon ki apeksha reki prashikshan ka tritiya charan pechida hota hai. ismen prashikshanarthi ko adhyatm vishayak atma ya jiv sanbandhi urja men vriddhi karne aur reki mastar banne ke yogya banaya jata hai. reki mastar banne men vahi manushya saksham ho sakta hai jiska sankalp man-vachn-karm se lok kalyan karna ho. is pad ko pane ke lie vyakti men reki aur samuday ke prati samarpan ki bhavna honi chahie, tabhi vah saflta pa sakta hai.
chaturth charan ya digri: reki ke is charan men aise logon ko prashikshan diya jata hai jo apne antarman se reki upchar paddhati ki sarvochch yogyata prapt karne hetu lalayit hon evan guru banne ke ichchuk hon. sath hi sahi margadarshan karne hetu purnarupen pratibaddh hon.
pranik hiling ka byaura: jivan ka pramukh tatva hai pran. pran ke abhav men jivan ka astitva sanbhav hi nahin hai. pran hai to jivan hai aur pran nahin hai to mrityu. sharir ke sare avyvon ka sanchalan pran shakti hi karti hai. lanbi sans lene se jahan ek or chiÿa ki ekagrata viksit hoti hai, vahin dusri or pran-pad-vayu sabhi pusht hote hain. yadi sans thik ya uchit dhang se nahin li jae, to pran shakti ka poshan bhalibhanti nahin ho pata aur sharir bimar ho jata hai. sharir svasth rahe, bimar n hone pae iske lie bharat ke prachin rishi muniyon ne pranayam ki vidhi ko apnaya jo kalantar men luptapray si ho gai. ise punah naya svarup pradan kar desh-videsh men failaya gaya. chin men janme aur filipins men ja jakar base cho kank sui dvara pratipadit upchar ki nai taknik ko ‘pranik-hiling’ ka nam diya gaya. lagabhag 20 varsh purva unhonne pranik hiling par sarvapratham ek pustak likhi aur uska prakashan kiya. aisa logon ke anubhav se prakash men aya hai ki jahan anek prakar ke upcharon se unhen koi labh nahin pahuncha vahan ve pranik hiling upchar paddhati apnane se svasth hote pae gae. bharat men pranik hiling ki prakriya ka praranbh lagabhag 15 varsh purva keral ke fadar jaerj kolath ne kiya.
uske pashchat dilli, madras, munbai, bainglor adi mahangron men pranik hiling kendra sthapit kie gae. logon ka manna hai ki pranik hiling ya pranopchar se asadhya rog jaise kainsar, lakva adi to dur hote hi hain, asahya shiroshul, jalan aur vednayukt tvacha rog, vran, dama, jigar ke rog, pachan kriya sansthan ki garbri arthat amashay ke rogadi, rirh ki haddi ki vikriti v joron ki pira adi bhi thik ho jate hain. pranik hiling men hiling dene v lene vale ka 30 se 60 minat tak ka samay lagta hai. rogi ke svasth hone men uski sadvriÿia, shraddha, vishvas, pran urja grahan karne ki samathrya adi avashyak hote hain. hilron ke matanusar trutipurn tarike se is paddhati ko vyavhar men lane se hani ho sakti hai. ataev ismen sajgta anivarya hai. is vidhi ko panch dinon ke pathyakram ke dvara sikha ja sakta hai. yah tin charnon par adharit hai - (1) besik kors, (2) edvans kors, (3) manashchikitsa kors.
pratham kors men svayan ek dusre ka upchar karne ke lie prashikshan diya jata hai. dvitiya edvans hiling kors unhen karaya jata hai jo tis ya adhik rogiyon ki hiling kar chuke hote hain. unhen vibhinn rangon ki pran urja grahan karne ki vidhi ke sath bhautik rogon ko dur karne ki vidhi ka gyan karaya jata hai. manorog nivaran ke bare men purn jankari tritiya aur antim kors men di jati hai. is vidhi ko sikhne valon ki sankhya bharat ki apeksha videshon men jyada hai aur barhti hi ja rahi hai.