pastut lekh ke madhyam se yah batane ka prayas kiya gaya hai ki kaun se bhavon evan grahon ke prabhav se jatak bhagyavan, sanpattishali, vilasi, samriddh evan samast sukh- suvidhaon se yukt hokar anandamay jivan gujarta hai.
bhartiya sanatan jyotish men prakritik kundali ki avdharna vastavik grahon, pindon par nahin varan unke dvara charachar jagat par dale jane vale vibhinn prabhavon ke manav jivan par akalan ke lie kalpit ki gai hai. jyotish shastra men dhan ki drishti se shubh tatha ashubh bhavon evan grahon ke manav jivan par parne vale prabhav ko vistar se bataya gaya hai.
janm kundli ke barah bhavon ko mukhay rup se do bhagon men vibhakt kiya gaya hai- ek shubh bhav, dusra ashubh bhav. shubh bhavon men lagn, dvitiya, chaturth, pancham, saptam, navam, dasham evan ekadash ka samavesh hai jabki ashubh bhavon men tritiya, shashth, ashtam evan dvadash ko sammilit kiya gaya hai. yah vargikaran keval arthik drishtikon se hai apitu sukh, bhagya adi ko bhi darshata hai.
atah lagn, dvitiya, chaturth, pancham, navam adi bhavon ke svami jab kendra athva trikon adi shubh sthanon men sthit hokar shubh yukt athva shubh drisht honge. to jatak ko dhan, sukh, bhagya adi ki prapti hogi athva iska samarthan hoga aur iske viprit jab tritiya, shashth, ashtham adi bhavon ke svami kendradi men balvan honge to abhav, daridrata, rog adi ki prapti athva vriddhi hogi. is prakar jab dvitiya chaturth, pancham, navam adi bhavon ke svami nirbal honge. to dhan adi ka nash hoga. yadyapi ekadshesh ko maharshi parashar ne papi mana hai parantu jahan tak labh (ay) adi ki prapti ka prashn ho, yah dhan dayak hi siddh hoga.
janmakundli/chandra kundli men dhan labh adi hate u lagn dvitiya, chatathu ar, pachan m, navam evan ekadash bhavon ki pradhanta hai.
vishesh dhan yog-
- janm v chandra kundli men yadi dvitiya bhav ka svami ekadash bhav men aur ekadshesh dhan bhav men sthit ho athva dvitiyesh evan ekadshesh ekatra hon aur bhagyesh (navmesh) dvara drisht ho to jatak dhanvan hoga.
- shukra yadi dvitiya bhav men tula/vrish rashi men sthit ho aur ekadshesh athva dhanesh dvara drisht ho to jatak dhanvan hota hai. shukra ki dvitiya bhav men sthiti ko bahut mahatva diya gaya hai. ek farsi jyotishi ne kaha ki-
''chashmakhora malkhane, yada mustari karkate kamane tada jyotishi kya parhega, kya dekhega, vo balak badshah hoga''
''malkhane chashm khora, haram khane muschari jamin khane jamin farjan, hil hilave men maidhani.
kahne ka tatparya yah hai ki chashmakhora (shukra) dvitiya (malkhane) bhav men ho aur brihaspati saptam bhav, chaturthesh chaturth bhav men sthit ho to jatak raja ke saman samman pane vala hota hai.
- panchmesh ekadash bhav men evan ekadshesh pancham bhav men sthit ho aur navmesh dvara drisht ho to jatak atyadhik dhanvan evan sanpattivan hota hai.
- yadi navmesh shukra ho aur labhesh, dhanesh brihaspati dvara drisht ho to jatak dhani hota hai.
- chandrama evan mangal ki kendra/trikon men yuti ho to lakshmi yog hota hai. labhesh, navmesh tatha dvitiyesh (dhanesh) inmen se koi ek bhi grah lagn athva kendra men sthit ho aur brihaspati dvitiya, pancham athva ekadash bhav ka svami hokar usi prakar kendra men ho to jatak dhani evan sthayi samrajay ka svami hota hai.
- lagn se navmesh tatha dashmesh yuti, drishti athva vyatyay dvara paraspar sanbandhit hon aur balvan hokar ek dusre se kendra men hon to jatak uttam darje ka dhani hota hai.
jab ham bhagyesh par vichar karte hain to aise sarvottam shubh grah par vichar karte hain jo bhagya ka pratinidhi hone se rajya dhan adi ki khan hai. atah aise bhagyadhipti ka sanbandh dvitiyesh jo svayan dhan bhav ka svami hai evan lagnesh jo labh dilvata hi hai, aise grah se hone se yadi prachur matra men dhan/labh mile to atishyokti nahin. is prakar panchmesh bhi bhagyesh ki bhanti faldayak hai kyonki uttar kalamrit ke prasiddh bhavat-bhavam ke siddhant ke anusar pancham bhav, navam bhav se navam hone ke karan bhagyesh ka bhi pratinidhitva karta hai.
navmesh tatha dashmesh grah paraspar yuti drishti athva vyatyay dvara sanbandhit hon or balvan hokar ek dusre se kendra men (1-4-7-10) sthit hon aur ye grah yadi shukra aur brihaspati hon to jatak uttam darje ka dhani evan rajyadhikri hota hai. aise yog men sadharan parivar men janm lekar bhi jatak atyadhik sanpti ka malik hota hai.
kundli 1 : yah kundli ek aise jatak ki hai jisne baink men ek lipik ke pad par karya aranbh kiya aur kanishth adhikari ke pad par padonnati hone ke bad baink se svaichchik sevanivriti le li evan 1994 men apna vyapar aranbh kiya aur aj vah kararon ki sanpatti ka malik hai. bhagyesh chandrama bhagya bhavan ko drishtipat kar bhagya ki vriddhi kar raha hai. lagnesh mangal lagn bhav men vidyaman hai. panchmesh brihaspati dvadash bhav men sthit hokar kar chaturth bhav ko dekhakar sukh men vriddhi karke gajkesri yog bana rahe hain.
chandra kundli men punah n keval labhesh evan dhanesh ka sanbandh hai apitu shukra grah panchmesh dashmesh hokar lagn bhav men sthit hokar dhan yog ko kai guna barha rahe hain. atah is prakar yahan labhesh, dhanesh, bhagyesh evan panchmesh ka purn sanbandh sthapit hone se jatak karoron ki sanpti ka malik ban samast sukh suvidhaon ka upyog kar raha hai. atah spasht hai ki kundli men ekadshesh dhanesh, panchmesh evan bhagyesh-lagnesh ke sanbandh ka jatak ko ati dhanvan banane men purn yogdan rahta hai.
kundli 2 : yah ek varishth injiniyar ki janm kundli hai. jatak ne sadharan parivar men janm liya aur aj bahut dhani hai evan uchchapad (mukhay injiniyar pad) par karyarat hai. yahan dekhie shani lagnesh-dhanesh uchch ka hokar dasham bhav (pramukh kendra) men sthit hokar svagrihi mangal (jo ekadshesh bhi hai) ko purn drishti se dekh rahe hain.
bhagyesh budh dhan bhav men sthit hai tatha panchmesh-dashmesh shukra chandrama ke sath lagn men sthit hokar mangal evan shani (labhesh evan dhanesh) ke sath kendra men ek uttam dhan yog ka srijan kar rahe hain.
kundli 3 : yah ek injiniyar embi.e ki kundli hai. is kundli men ekadshesh uchch mangal labh evan dhanbhav ko purn drishti se dekh raha hai. labh men mangal ki apni hi rashi mesh hai atah yo yo bhavah svamidrishto yutova tasya tasyasti vriddhiah ke niyamanusar labh bhav ki vriddhi hi samjhi jaegi. panchmesh uchch shukra dasham (pramukh kendra) bhav men sthit hokar lagn evan chandra lagn ke chaturth bhav ko purn drishti se dekhakar sukh men purn vriddhi kar raha hai. labh bhav men uchcharashisth surya sthit hai. jatak matra 35-36 varsh ki ayu men karoron rupay ka vetan pakar uchchapad par asin hai.
kundli 4 : is kundli men bhagyesh surya dashmesh budh ke sath bhagya bhavan men sthit hai. panchmesh mangal dasham bhav (pramukh kendra) men sthit hokar lagn bhav, chaturth bhav evan dashmesh chandrama ko purn drishti se dekh raha hai evan chandra mangal lakshmi yog ka srijan kar raha hai. dhanesh shani dasham, dvitiya evan pancham bhav tatha panchmesh mangal ko purn drishti se dekhakar dhanbhav ki vriddhi kar raha hai.
itna hi nahin, yahan ekadshesh shukra ekadash bhav men lagnesh brihaspati ke sath sthit hokar, pancham bhav par apna purn prabhav dalakar bhagya, dhan evan labh ki vriddhi kar raha hai. ekadshesh shukra evan dhanesh shani ka kendra sanbandh bhi ho raha hai (ek dusre se kendra men).
kundli 5 : jatak ka janm mithun lagn evan min rashi men hua hai. labhesh mangal dhanesh chandrama ko (jo pramukh kendra dasham men sthit hai) purn drishti se dekh raha hai. dashmesh brihaspati svagrihi hokar dhanesh chandrama ke sath apni hi rashi min men sthit hai. panchmesh shukra lagneshadhishthit rashi ka svami hokar ekadshesh mangal se sanbandh sthapit kiye hue.
lagnesh chaturthesh budh pancham bhav (trikon) men sthit hai aur ekadash bhav ko purn drishti se dekhakar ek uttam dhan/labh yog ka srijan kar raha hai. jatak ek varishth injiniyar hai aur sukh sanpatti ke sabhi sadhan upalabdh hain.
kundli 6 : yah janm kundli dekhie- yahan tinon lagn (janm lagn, chandra lagn evan surya lagna) balvan hain. janm lagn evan surya lagn ka svami budh uchch ka hokar lagn men sthit hai. chandrama svayan apne hi bhav men sthit (svagrihi) hai. shukra dvitiyesh nij rashi tula men aur chandrama ekadshesh hokar ekadash bhav men apni hi rashi kark men sthit hokar lagn ki kundli men navmesh sukhesh mangal lagn bhav men sthit hai aur dhanesh labhesh budh tatha dashmesh shukra se drisht hai. panchmesh uttam dhan evan rajyog ki srishti kar raha h.ai dhan karak bahri spati chatathu ashare a hake r aishvarya karak dhanesh shukra ko purn drishti se dekhakar shubh hai. jiske falasvarup vyakti matra 45 varsh ki auya men lakhon ki sanpti arjit kar uchch pad par asin hai. panchmesh shani apni nij rashi makar men sthit hokar ekadshesh chandrama, dhanesh shukra se sanbandh sthapit kar raha hai.
kundli 7 : yah kundli ek thekedar ki hai jisne sadharan karya karte hue ek uchch shreni ka thekedar ban kar lakhon ki sanpatti arjit ki. sinh lagn ki kundli men navmesh sukhesh mangal lagn bhav men sthit hai aur dhanesh labhesh budh tatha dashmesh shukra se drisht hai.
panchmesh guru dhan karak hokar mangal evan budh shukra se kendriya prabhav men hai. is prakar dhanesh, labhesh, bhagyesh, sukhesh evan panchmesh ka uttam sanbandh sthapit hone ke falasvarup jatak ko karoron ki ay hui.
chandra kundli men bhagyesh budh lagnesh shukra aur dhanesh mangal ka apas men punah sanbandh hai evan dhan karak guru dhan bhav men sthit hokar dhan yog ka srijan kar rahe hain. is prakar chaturthesh shani ekadshesh surya se bhi purn sanbandh bana rahe hain.
uprokt janm evan chandra chakron men in grahon evan bhavon ka sanbandh kisi jatak ko sukh-sanpda, aishvarya evan uchchapad prapti ka upbhog karane men saksham hai. samanya vyakti bhi uparyukt yogon ke rahte uchch sthiti prapt kar sakta hai. jyotish shastra ek sagar hai ismen ''jin khojo tin paiya gahre pani paith'' ki ukti charitarth hoti hai.