haranyakashyap ki sinhika namak putri ka vivah viprachiti namak danav ke sath hua tha usi ke garbh se rahu ne janm liya. viprachiti hamesha danvi shaktiyon, asuri shaktiyon se dur rahe aur sath hi samudra manthan ke samay amritpan ke karan rahu ko amaratva evan devatva ki prapti hui. tabhi se shiv bhakt rahu anya grahon ke sath brahma ji ki sabha men virajman rahte hain
islie inhen grah ke rup men manyata mili. janmakundli men rahu purva janm ke karmon ke bare men batata hai. rahu parivartanashil, asthir prakriti ka grah mana jata hai. rahu men antardrishti bhi hoti hai taki vah kal ki rachnaon ke bare men soch sake bata sake. bhautik drishti se iska koi rang, rup, akar nahin hai, iski koi rashi, var nahin hota. vaidik jyotishiyon ne iski svarashi, uchch rashi aur mulatrikon rashiyon ki kalpana ki hai. jatak parijat men rahu ki uchch rashi mithun, mulatrikon kunbh aur svarashi kanya mani gai hai. rahu ka vyavhar atyant prabhavshali dekha gaya hai.
rahu purvabhas ki yogyata bhi viksit karta hai. visheshakar jab rahu jal rashiyon kark, vrishchik, min men ho aur us par brihaspati ki drishti ho. rahu chupe hue rahasyon, tantra, mantra, kala jadu v bhut pret ka karak bhi hai. rahu ki tamsik pravritti ke karan vah chalak hai aur vyakti ko bhautikta ki or purnataya agrasar karta hai, bahut mahatvakankshi v lalchi banata hai, jiske lie vyakti sam-dam-dand-bhed ki nitiyan apnakar jivan men age barhta hai. isi tarah yah vyakti ko bhramit bhi rakhta hai. ek ke bad dusri ichchaon ko jagrit karta hai. inhin ichchaon ki purti hetu vah vibhinn dharmik karya v yatraen bhi karta hai.
rahu pradhan vyakti men dikhava karne ki pravritti vishesh rup se payi jati hai. rahu karya jal men fansata hai, jivan men akarshan ko banaye rakhta hai, har nahin manta arthat ichcha shakti ko jagrit rakhta hai. rahu ka yog janm patrika men jis grah ke sath hoga usi men vikar utpann ho jayega aur ketu ka yog jis grah ke sath hoga uski kat hogi. uska dosh kam ho jayega. koi bhi grah rahu ke mukh men hoga us vyakti ka vyavhar us bhav se sanbandhit asanymit ho jayega. surya ke nikat rahne par rahu surya ka sara bal grahan kar leta hai.
islie us kundli ko jismen grahan dosh lag jata hai use andha teva kaha jata hai. is prakar rahu chandra ke sath man ki sthiti bahut avyavasthit karke man men uthl-puthal macha deta hai. vicharon aur bhavnaon men vikar utpann ho jata hai. aisa dekhne men aya hai ki jin jatkon ki janmapatrika men rahu aur chandrama ki yuti ho ve bahut pareshan dekhe gaye hain, mansik samanjasyata ki behad kami dekhi gayi hai. anya pap grahon ka bhi drishti ya yuti sanbandh ho to mansik rogi v pagalapan ki sthiti bhi dekhi gayi hai. rahu guru ke sath milakar guru chandal yog ka nirman karta hai jo vivah v gyan prapti men badha ban jata hai. is prakar rahu sabhi grahon ke sath yuti karke kisi n kisi prakar ka vikar utpann karta hai.
kintu yah sab fal rahu ki dasha antardasha ane par hi milte hain. mitra rashiyon men shubh v shatru rashiyon men ashubh fal dete hain. rahu ke parinam shubh milenge ya ashubh yah multah nakshatron dvara gyat kiya ja sakta hai. rahu ke apne nakshatra hain adrra, svati evan shatbhisha. in nakshatron men rahu rahne par shubh parinam deta hai. vibhinn nakshatron ke fal alg-alag hain. rahu ek rahasyamyi grah hai jo prithvi ke najdik hai, atah jaldi fal deta hai.
iska varnan jitna karen kam hai.
1. rahu yadi ashvini nakshatra men ho to vyakti shakti v samman prapt karta hai. rahu jis bhav men hota hai us bhav se sanbandhit yash prapt hoga.
2. rahu yadi bharni nakshatra men ho to vyakti sahsi, lalchi, bahut majbut iradon vala hota hai.
3. kritika nakshatra men rahu sthit ho to vyakti bahut hoshiyar tatha gyanvan hota hai. vah viprit ling ki or akarshit hota hai.
4. rohini chandrama ka nakshatra hai. ismen yadi rahu sthit ho to vyakti mitbhashi aur madhur svabhav ka pyara sa hota hai.
5. mrigshira nakshatra men rahu vyakti ko himmatavala tatha hoshiyar banata hai kintu apni bat ko kahne men asuvidha mahsus karta hai.
6. adrra nakshatra men rahu ho to vyakti chatur, buddhiman gyanvan hota hai aur samne vale ko andhere men rakhne ki yogyata rakhta hai.
7. punarvasu brihaspati ka nakshatra hai ismen rahu do prakar se fal deta hai achcha v bura kuch bhi achanak sanbhav hota hai.
8. shani ke pushya nakshatra men rahu ho to vyakti ko shaurya, sahas, samman ki prapti hoti hai. lekin do vivah hote hain.
9. ashlesha nakshatra budh ka nakshatra hai. ismen rahu ho to vyakti vichlit rahta hai uske karm, vichar, ay tinon men sthirta nahin rahti.
10. ketu ke magha nakshatra men rahu rajsi jivan, anand, bhog-vilas raj samman prapt karata hai.
11. shukra ke purvafalguni nakshatra men rahu yatra karne vala v asthir, bhramit hota hai.
12. surya ke uttarafalguni nakshatra men rahu vyakti ko ek bahut sammanit, samaj men nam kamane vala banata hai.
13. chandrama ke hast nakshatra men rahu ati chanchal, karmashil, asthir man, buddhi vala ho jata hai. ismen rahu tikakar nahin baithne deta.
14. mangal ke chitra nakshatra men rahu ho to vyakti satta prapt karta hai pad ka hamesha ichchuk bana rahta hai shasan karta hai.
15. svati nakshatra men jinka rahu sthit hota hai ve bhramit rahte hain. samajh nahin pate unhen hamesha protsahan ki avashyakta hoti hai.
16. vishakha nakshatra men rahu behad prasiddh ho jata hai lekin ghamand v ishryavash jhagre men fansa rahta hai.
17. anuradha nakshatra men rahu rahne par vyakti milnsar, bahut se mitron se yukt hota hai.
18. jyeshtha nakshatra men rahu rahne par vyakti ko kartavyanishth, buddhiman v chatur banata hai.
19. mul nakshatra ketu ka nakshatra hai. rahu mul nakshatra men rahne par vyakti vivad men fansa rahta hai dusron ki sanpatti v anya chijon ko prapt karna chahta hai.
20. shukra ke purvasharha nakshatra men rahu bahut achcha vyapari banata hai aur vyakti khub dhan kamata hai.
21. uttarasharha nakshatra men sthit rahu bahut milnsar, sukhi, dhani v videshon men yatra karvata hai.
22. shravan nakshatra men rahu ka fal uttam nahin hota. jivan sathi se kalah karvata hai.
23. dhanishtha nakshatra men rahu bahut kirtivan, yash prapt karne vala v sammanit banata hai.
24. shatbhisha nakshatra men rahu param sahsi banata hai. vyakti khatron se khel jata hai kintu svasthya kamjor rahta hai.
25. purvabhadrapad nakshatra men rahu bimar, ahankari, krodhi, pareshan banata hai.
26. uttarabhadrapad men rahu rahne par vyakti ko jal se bhay hota hai. nadi, samudra se dur rahna chahie.
27. revti nakshatra men rahu ati uttam bhagyavan, bhagyoday videsh men hota hai. is prakar rahu ke vibhinn fal hain.
yahan tak ki is mahadsha men chah chah varsh ke tin prakar ke fal prapt hote hain. pratham bhag sangharsh men dvi tiya bhag utthan, pragti par evan antim sirhiyan utrne jaisa. iske sath-sath gochar fal bhi dekhen. rahu ke sarthak upay bhagvan shiv ka halahal pan aur rahu ka gahra sanbandh hai.
shakti ki puja rahu se prerit hai. man sarasvati ko rahu ki abhisht devi mana gaya hai arthat gyan v buddhi ki devi ka ashirvad bhi rahu dev ko prapt hai. gyan, bhakti evan shakti ka adbhut sangam hain rahu dev. rahu dev ki stuti nimn shlok se aranbh karni chahie. ‘‘ardhakayan mahaviryan chandraditya vimardanam. sinhika garbh sambhutan rahu pranmamyaham.. jatak ki janmapatrika men yadi rahu kisi bhi prakar se ashubh parinam de raha ho to nimn upay karen. yadi rahu mahadsha-antardasha aranbh hone vali ho to usse purva kiye gaye upayon se ashubh parinamon se bacha ja sakta hai.
rahu mantra ka jap shubh muhurt men jab chandra aur tara anukul hon, visheshakar budhvar ya shanivar ho aur panchmi tithi ho to rahu mantra ka jap karen. vaidik mantra un kaya'nashchishra abhuvduti sada vridhah sarva kaya shachishthayavritta.. un rahve namah yah rahu ka vaidik mantra hai vishesh prabhavshali hai.
rudraksh mala se suryoday ke samay karen. mantra ka uchcharan shuddh karen. kala uni asan bichakar, usapar baithakar hi karen. rahu gayatri mantra un shirorupay vidmahe amriteshay dhimhi tanno rahu prachodyat.. un rahve namah.. rahu ekakshari mantra: un ran rahve namah.. - jin mantron ka jap ap shuddhata v nirantrta v shuddh uchcharan se kar saken, vahi mantra jap karen. nag puja rahu sarp mane gaye hain. rahu shanti ke lie nag puja shastrokt riti se ki jati hai. jivan men koi bhi manokamna ho uski purti hetu nav nag stotra ka pratidin path kiya jata hai. nav nag stotra - anant vasukin sheshan padmanabhan ch kambalam. shankhpalan dhritrashtran takshakan kaliyan tatha.. etani nav namani naganan ch mahatyanam. pratahkale pathennityan sayan kale visheshtah.. tasya vish bhayan nasti sarvatra vijyibhvet.. rahu ki dasha men vishesh kasht a rahe hane to jivit sarp dan karen ya jangal men chor den. anya sadharan upay
1. shanivar ke din apne vajan ke barabar kachcha koyla jal pravah karen.
2. rahu ki shanti ke lie shanivar ko ek sukha nariyal lekar us par kale rang se panch svastik banaen aur bhairon mandir men charhaen.
3. bachche ka rahu dosh nivaran karna ho to 21 bar ghari ke ghumne ke disha men sir se nariyal ghumakar bhairo mandir men charhayen. rahu ka bij mantra: ‘‘un bhran bhrin bhraun sah rahve namah. kali hakik mala se sandhya ke bad ek tel ka dipak jalakar tin mala ya kam se kam ek mala avashya jap karen.
- bahte jal men sisa pravahit karen.
- ranga ke 108 sikke len. pratidin ek sikka gande nale men fenke.
- sat anaj milakar dan karen ya pakshiyon ko visheshakar kabutron ko dalen.