vastu niyamon ki gudhta niraj sharma vastu shastra bharat ki ek prachin gudh vidya hai parantu samanya jan ki pahunch se pare rahne ke karan aj bhi bahut vyakti ise sandeh ki drishti se dekhte hain vastav men hamara sharir jin panch tatvon (agni, jal, vayu, prithvi, akash) se milakar bana hai unhin panch tatvon tatha sabhi prakritik urjaon ka ghar men achcha santulan banana tatha prakritik urjaon ka adhik se adhik labh uthana hi vastu shastra ka adhar hai. vishesh rup se vastu ke niyam surya rashmi, dishaon ke tatva prithvi ka jhukav, vastu purush ki akriti adi par adharit hain jo purnataya vaigyanik bhi hain.
prithvi apni chunbkiya v gurutvakarshan shakti ke karan apni dhuri par purvottar ki or sarhe 23 digri jhuki hui hai jisse uttar se vishesh chunbkiya tarange ati hain. vastu purush ki akriti prithvi par is prakar mani gayi hai ki uska sir ishan kon men niche ki or mukh karke hai pair sikure hue panje rnaitya kon men hai donon bhujayen agney v vayavya kon men hai.
vastu siddhant ke mul siddhant ke anusar ghar ya bhukhand ka purva, ishan v uttari kshetra sadaiv nicha, halka tatha khali rakhna chahie tatha dakshin v rnaitya kon uncha bhari v bhara hua hona chahiye. kyonki bhartiya sanskriti surya rashmiyon v darshan ka bara mahatva hai aur yah vaigyanik bhi hai. kyonki surya ki pratah kal ki kirnen bahut hi labhdayak v shubh hoti hai tatha dopahar ki kirnen hani karak hoti hai to yadi hamare ghar ka purvi hissa nicha v khula hoga to suryoday hote hi pratahkalin kirnen ghar men pravesh karengi jo ghar men sakaratmak urja ko barhayengi tatha dakshin, pashchim v rnaitya kon unche honge to dopahar ya uske bad vali hanikarak rashmiyan ghar men pravesh nahin kar payengi tatha uttar se hi vishesh chunbkiya tarange ghar men pravesh karti hai v shuddh vayu, purva, uttar se ati hain
atah yah sthan nicha, khula hona tark sangat hai. dusre drishtikon men ishan kon men vastu purush ka sir parta hai tatha rnaitya kon men panje kyonki mashtishk par bhar kam hona chahiye v panje pure sharir ka bhar uthate hain isliye bhi ishan halka v rnaitya kon bhari rakha jata hai. ishan kon aur uttar disha men hi jalasrot banaya jata hai boring, kuna, haindpanp adi yahin lagaya jata hai kyonki sarvapratham to ishankon v uttara-disha ko jal tatva ki disha hoti hai tatha jal srot hone se niche bhi ho jayegi. iska ek karan yah bhi hai ki surya uday se hi yahan kirne parne lagti hain tatha adhikatam samay tak rahti hain. jisse jal svachch rahta hai.
ishan kon men pujaghar, dhyan kaksh, adhyayan kaksh banaya jata hai kyonki yahan surya ki pratahkalin rashmiyon ki adhikta hai yahin se sakaratmak chunbkiya tarangane ghar mane pravesh karti hain tatha is disha ka svamitva grahon men brihaspati ko prapt hai jo dharm ke karak grah hain.
makan malik ka shayan kaksh rnaitya kon (dakshin-pashchim) men banaya jata hai kyonki ek to yah sthayitva ki disha, aram v svamitva ki disha mani jati hai atah yahan grihasvami ko sthayitva milega tatha pure ghar par uska svamitva bana rahega dusri or ishan se surya rashmiyon tatha chunbkiya tarango ke rup men jo urja ghar men pravesh karti hai vah anya dishaon se hoti hui rnaitya kon men samaveshit hoti hai aur grihasvami jo pure ghar ka bojh uthata hai use yahan sari urja prapt hoti rahti hai.
rasoi agney kon men banai jati hai kyonki yah agni tatva pradhan disha hai tatha rasoi men hamen agni ki avashyakta hoti hai aur vah urja is disha men svatah hi adhik matra men hoti hai.
mehman kaksh, svagat kaksh ya kirayedar ke liye kamra vayavya kon men banaya jata hai kyonki yah disha chalaymanta ki karak hai yahan rahne vala vyakti asthir hota hai atah mehman ya kirayedar ghar par havi n ho tatha gatishil rahe isliye yah disha svagat kaksh ke liye chuni jati hai.
sote samay vastu ke anusar sir sadaiv dakshin men v pair uttar disha men hone chahiye agar aisa kisi karan vash yah sanbhav n ho to yah smaran rahe ki iska viprit kabhi n karen arthat uttar disha men sir v dakshin men pair kadapi n karen. kyonki jis prakar prithvi ki uttar disha uttari dhruv v dakshin disha dakshini dhruv hai aur prithvi men chunbkiya shakti hai vaise hi hamare sharir men sir hamara uttari dhruv v pair dakshini dhruv hai aur saman dhruv paraspar vikarshan utpann karte hai.
atah yadi ham sir uttar v pair dakshin men karenge to prithvi uttari dhruv par hamara uttari dhruv v dakshini dhruv par hamara dakshini dhruv hoga aur hamare sharir men prithvi se vikarshan utpann hoga aur nind achchi nahin ayegi v sharirik vyadhiyan bhi utpann ho sakti hain. atah vastu shastra ke niyam bahut gurh v vaigyanik hain. inhen apnakar ham prakritik urjaon ka adhikadhik upyog kar sakte hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!