vivah sanbandhi prashn hamare jivan ke liye ati mahatvapurn hain. is par vichar karte samay yah janna bahut jaruri hai ki jatak ki kundli men vivah yog hai ki nahin. is prashn ka uttar lagn v lagnesh, rashi tatha rashi ka svami, saptam bhav evan saptamesh, shashtham evan ashtamesh aur mangal shukra stri tatha purush ke liye aur striyon ke liye vishesh kar guru ka vichar karna chahiye. kundli chahe stri ki ho ya purush ki saptam bhav aur iske karak shukra par jarur vichar karen. vivah sanbandhi prashnon men janm lagn tatha chandra lagn donon par vichar karen.
adhik gahrai ke liye navansh kundli par bhi vichar karen. vivah ke liye uprokt samast karak prabhavi hote hain. inka nirbal hona ya papi hona ya pap prabhav men hone ke karan vivah men badha ati hai. pratyek karak ke bare men tatha karak ke dvara ve kaun se yog hote hain jo vivah men badha dalte hain ve is prakar hain- lagn v lagnesh: yah jatak ki kundli ka mukhya bhag hota hai. yah bhav saptam se saptam hota hai. vivah ke liye iska gyan bahut jaruri hai. lagn ka shubh hona atyant avashyak hai isse jatak ka svasthya, svabhav adi malum hota hai.
1. jis kundli men lagnesh yadi nich rashi men hokar saptam bhav se koi bhi sanbandh banaye to vivah men anek badhayen ati hain.
2. lagn men yadi surya baitha ho tatha ashtam men rahu baitha ho to bhi vivah men badha ayegi.
3. lagnesh ke sath kisi bhi bhav men ashtamesh-12ven bhav ka svami evan koi bhi papi grah baitha ho to vivah men badha ati hai.
4. lagn bhav men yadi koi bhi papi grah baitha ho tatha guru vakri ho to bhi vivah men badha ati hai.
5. lagnesh kisi papi grah ke sath apni nich rashi men baitha ho to vivah men badhayen ati hain.
6. yadi rashi tatha uska svami pap prabhav men ho vishesh kar lagn men yah sthiti ho to vivah ke atirikt aur bhi anek badhayen ati hain.
saptam bhav evan saptamesh-
1. saptam bhav men yadi shani baithe hon parantu lagn athva saptam bhav ke svami n hane to jatak ke vivah men anek badhayane ati hain.
2. chandrama yadi saptam bhav ka svami ho kar chathe bhav men baitha ho to vivah men anek badhayen ati hain.
3. saptamesh yadi apni nich rashi men mangal ke sath baitha ho to bhi vivah men badha ati hai.
4. saptamesh yadi ashtam bhav men ho to vivah men anek badhayen ati hain.
5. saptamesh ke sath rahu baitha ho to bhi vivah men badhayen ati hain.
6. saptamesh yadi kisi papi grah ke sath dvadash men baitha ho to bhi badhayane ati hain.
7. saptamesh yadi dvitiya bhav men ho to bhi vivah men anek badhayen ati hain.
shashtham bhav evan svami: chatha bhav jyotish men rog v shatru ka hota hai, nirogta ke liye is bhav v iske svami ka adhyayan jaruri hai. yah bhav saptam se dvadash hota hai. vivah ke liye is bhav tatha iske svami ka papi grah se mukt hona avashyak hai. iska svami yadi papi grah hai to shubh hota hai kyaeik ashubh bhav ka svami papi grah hone sen shubh fal deta hai.
1. yadi shashthesh saptamesh ke sath kisi bhi bhav men baitha ho to jatak ke vivah men anek badhayen ati hain.
2. shashthesh ke sath yadi koi nich rashi ka grah saptam bhav par ya uske svami par drishti dalta hai to bhi vivah men badha ati hai.
3. shashthesh yadi saptamesh ke sath rahu athva ketu se drisht ho to vivah men badha ati hai.
4. chathe bhav men yadi saptamesh baitha ho aur kisi pap grah se drisht ho to bhi jatak ke vivah men anek badhayane ati hain.
5. shukra v mangal donon hi pancham ya navam bhav men hane to vivah badha yog hota hai.
mangl- shukra tatha guru vishesh kar stri ke liye-kanya ki kundli men guru vivah, santan v pati ka karak hota hai. guru ka pirit athva dushit hona vivah men badha deta hai. shukra ka purn pap prabhav se mukt v bali hona vivah ki badha ko dur karta hai. shukra ko vaivahik v yaun sambandhane ka karak mana gaya hai. atah shukra ka prabhav dampatya sukh ke liye bahut avashyak hai. iske bad mangal dvitiya, chaturth, saptam, ashtam tatha dvadash bhav men hai to jatak mangli hota hai jiske karan vivah men badha ati hai.
iske atirikt vivah men badha ane ke nimnalikhit karan bhi hote hain:
- kisi bhi jatak ki kundli men vivah yog hai parantu saptamesh pap prabhav men hai to vivah men badha ati hai.
- shani yadi saptamesh n ho aur saptam bhav men baitha ho to vivah 34 varsh ke bad hota hai.
- brihaspati ya saptamesh par kisi papi grah ka prabhav ho to vivah men badha ati hai.
- saptamesh ya guru trik bhav 6-8-12 men ho to bhi vivah men badha ati hai.
- shukra kisi papi grah ke sath pancham ya saptam ya navam bhav men ho to vivah men badha hoti hai.
- surya v chandrama par shani ki drishti hone par vivah men badha ati hai.
- dvitiyesh v saptamesh pap prabhav men ho tatha shukra trik bhav men ho to bhi badha ati hai.
- saptamesh lagn se dvitiya shashtham, ashtam athva dvadash bhav men ho to bhi badha ati hai. - budh ketu ke sath lagn men ho.
- saptam bhav men shani ke sath ketu ho.
- lagn men brihaspati, shukra athva budh vakri ho to vivah men badha hoti hai.
- saptamesh ashtam bhav men v ashtamesh saptam men ho to bhi vivah men badha.
- trik bhav men chandrama tatha chaturth men shukra ho to vivah men badha hoti hai.
- surya lagn, chandra lagn ya shukra lagn se satven bhav men koi nich, papi ya ast grah ho to vivah men badhayen ati hain.
- guru yadi nich rashi men ho to vivah men badha hoti hai.
- 7ven tatha 12ven bhav men do-do ya isse adhik pap grah baithe hon tatha pancham bhav men chandrama ho to bhi badha hoti hai .
- saptamesh shubh yukt n ho kar trik bhav men ast ho kar ya nich rashi ka baitha ho to jatak avivahit rahta hai.
- shukra tatha chandrama donon ek sath kahin bhi baithe hon yadi unse saptam bhav men mangal tatha shani donon hon arthat chandrama aur shukra ki yuti se satven bhav men mangl-shani ki yuti ho to vivah nahin hota.
- shukra evan mangal donon saptam bhav men hane to bhi vivah nahin hota.
- shukra-budh-shani tinane hi nich ya shatru navansh men hane to bhi vivah nahin hota.
- surya spasht men char rashi terah ansh bis kala jorne se jo rashi aye yadi vah saptam bhav ka spasht ho to vivah nahin hota.
- saptam bhav men budh tatha shukra donon ho to vivah adher umra men hota hai.
- stri kundli men saptam bhav men shani tatha lagn ya chaturth bhav men mangal ath ansh tak ho to vah kanya kunvari rahti hai.
- stri kundli men saptamesh ke sath shani bhi baitha ho to vivah bari ayu men hota hai.
- pancham bhav men shukra tatha chaturth men rahu ho to 33ven varsh men vivah hota hai. vivah badha samapti ke saral upay * vivah men kisi karan koi badha ati hai to gay ko hari ghas khilaye evan kinnar ko kuch dhan dan den.
* saptamesh grah ke mantra ka jap karen.
* purush jatak shukravar ko gay ko chaval aur khir khilayen aur stri jatak manglvar ko gay ko gur khilayen.
* bedrum ke nairritya kon ko saf rakhen.
* kanya guruvar ko jal mane ek chutki haldi dal kar nahae.
* gay ko ate ke pere men chane ki dal aur gur dal kar har brihaspativar khilayen.
* brihaspativar ko kanya panch besan ke laddu aur ek kalgi bhagvan vishnu ko arpit karen aur man hi man shighra vivah ki prarthana karen.
* shukla paksh ke brihaspativar se shuru karen- rojana kesar ka tilak mastak aur nabhi par lagayen.
* larka ya larki har brihaspativar ganesh sahastranam ka path karen.
* rishte a rahe hon lekin vivah pakka n ho raha ho to kanya 40 din is mantra ka lagatar ek mala ka jap karen. un hriin klin hun matnagyai fat svahaah..
* pratyek shanivar ko shri hanuman ji ki tasvir ke samaksh chameli ke tel ka dipak jala kar sundar kand ka path karen.
* manglvar ko mitha vrat karna chahie. yadi niyamit karne men asamarth ho to 28 vrat jarur karen
* pratyek manglvar ko hanuman ji ke 108 namon ka jap karen.
* ap apne sath ek pile vastra men ek laung ka jora ek pital ka sikka evan thora kesar avashya rakhen.
* pratyek guruvar nikat ke kisi mandir men jakar devi devta ki murti ko haldi se tilak karen tatha devi-devta ke chalisa ka path karen fir apni badhaon ko dur karne ki prarthana karen. iske bad pipal ke vriksh men jal den aur uski gili mitti mastak aur nabhi men lagayen. yah upay 11 brihaspativar karen.
* vishnu mandir men ja kar guruvar ko pili reshmi chunri mata lakshmi ke charnon men rakhen aur bhagvan vishnu ko kesar ki dibbi ke sath koi pila vastra arpit karen. anya prabhavshali upay mantra jap vidhi
* kanya ke shighra vivah hetu sat janeu haldi ke ghol men pile rangen, sat pital ke sikke, sat sabut haldi ganth, sat gur ke tukre, sat pile pushp, 70 semi. pila vastra, 70 gram chane ki dal, bhojapatra ka vargakar tukra, haldi v roli ki syahi, anar kalam adi samagri.
guruvar ko guru ke nakshatra men guru hora men nimn yantra ko bhojapatra par anar kalam v haldi, roli ki syahi ankit karen. dhyan rahe rekhaon ko banane v ankon ko bharne ka kram baen se daen tatha niche se upar rakhen. man men parvati ji ka smaran karte hue apni ichcha/ kamna karte rahen. yantra ko pile rang ke vastra par sthapit kar us par pile pushp arpit karen tatha uprokt sari samagri charhayen tatha iski ek potli banakar surakshit sthan par shuddh jagah par rakhen.
guru ke hora kal men nimn mantra ki tin mala (pili ya haldi ki shreshth rahegi) pratidin parvati ji ka dhyan karte hue nitya puja men jap karen. mantra: katyayni mahamaye maha yoginyadhishvari. nand gop sutan devi patin men kurute namah..’’ sath men pratyek guruvar nimn upay bhi karen -
* gay ko gur, roti khilayen.
* kele v pipal vriksh mane jal charhayen.
* pakshiyon ko ann den (pili makka adi).
* chini mila jal pratah surya ko tanbe ke lote se aghrya den.
* nimn mantra ka pratidin ek mala jap karne par vivah men vilanb dur hota hai. isse vivah shighra hota hai. yah mantra prithvi tatva rashi ( vrish, kanya, makr) valon ko jap karne par shighra vivah ka parinam milta hai.
‘‘priya sochu pir harhu sabu sumirhu shri bhagvan. par batihi nirmyau jehi soi karihi kalyan..’’
is mantra ke ant men bhagvan shiv ya bhagvan shriram ka smaran karen.
* vayu tatva rashi (mithun, tula, kunbh) ke lie nimn mantra jap karna chahie. ‘‘sindurapatran ratikamdehan divyambaran sindhu samohitangam sandhyarunan dhanuah. pankaj pushpaban panchayudh bhuvnmohan mokshanartham kalai manmathay. mahavishnusvarupay mahavishnuputray. mahapurushay patisukhan men shighra dehi dehi..
* agni tatva rashi (mesh, sinh, dhanu) ke liye nimn mantra jap karen- ‘‘he gauri shankrardhagi. tatha tvan shankar priya. tatha man kuru kalyani . kantkanta sudurlabham..’’ sabhi mantron ki jap vidhi uprokt varnit anusar hi hogi.
* yadi mangli dosh ke karan vivah men deri ho rahi ho to parvati mangal ka path manglvar ya navratra se aranbh kar shighra purn karen.
* shri mangla gauri ke 16 vrat kar 17ven manglvar ko vrat udyapan karen tatha mantra- ‘‘un hriin mangle gauri vivah badha nashay svaha.’’ ka sankalp lekar 64000 ya sava 1 lakh mantra jap anushthan, purn ahuti yagya karayen. yah upay bhi mangli dosh ke karan vivah vilanb hetu hai.
* sundar kand ka path karayen.
* chaitra ya anya navratra men man gauri ki puja archana ke sath niyamit nau din tak nyunatam nau bar ya kul 108 bar ‘‘shri ramaraksha stotra’’ ka path karen.
* shri krishn ji ki puja karen.
* shiv-shakti ki puja karen. shravan somvar ya mahashivratri ko rudrabhishek karayen.
* gauri shankar rudraksh dharan karen.
* gayatri mantra ka sava lakh jap ka anushthan karayen.
* ishtadev v kuldevi-devta ki niyamit puja karen.
* kanya har guruvar ubatan lagakar snan kare ya jal men haldi dalakar snan kare.
* guruvar ke din kanya stil ke lote men jal, gangajal, haldi milakar adha-adha lota jal kramshah kele v pipal vriksh ko ‘‘un brin brihaspataye namah’’ mantra jap v jaldi vivah prarthana kar charhayen.
* vastu upay: kanya ke vivah men deri dur karne hetu shayan kaksh men shayan bed vayavya kon (u.p.) men rakhakar soyen. lal kitab ke yog, upay yadi shukra, rahu ki yuti ho to chandi ke gol bartan men kajal, bahte dariya ka pani aur shuddh chandi ka tukra dalakar kisi dharm sthan men dena chahie. sath hi dusre patra ko uprokt samay par apne pas rakhen.
* yadi 1, 7 bhav men rahu ho to sankalp ke samay ek chandi ka tukra larki ke ghar vale apni beti ko den.
* yadi surya, budh v shukra ki yuti ho to ek tanbe ke lote men sabut mung bharakar sankalp ke samay hath lagakar ise jal pravah karen.
* yadi shukra ashtam bhav men sthit ho to nile ful ghar ke bahar jamin men daba den ya gande nale men dal den. fengshui upay: in upayon se bhi kanya ka vivah shighra hota hai-
* ‘‘lav-badarsa’’ pratik nairritya men lagayen.
* shayanakaksh ke nairritya men ‘‘piyoniya pushpa’’ pratik lagayen.
* shayanakaksh ke nairirratya men ‘‘dohri khushi ka sanketik chihn lagayen.
* shayanakaksh men ‘‘lav evan romans pratik’’ lagayen.
* mainderin dak’’ ka jora ghar men lagayen.
* ghar men ‘‘daelfin machliyan’’ purva/ pashchim men rakhen.
* ghar men ‘‘harmoni rileshnship’ pratik’’ lagayen.