bhartiya sanskriti men dipdan vrat ki vishesh mahima batai gai hai. jis prakar ghar men dipak jalane par ghar ka andhkar dur ho jata hai usi prakar bhagvan ke mandir men dipdan karne vale ko bhi anant punyafal prapt hote hain. dipdan vrat kabhi bhi kisi bhi din se aranbh kiya ja sakta hai. agnidev ne ek bar dipdan ke sanbandh men maharshi vashishth ji se kaha ki dipdan vrat yog aur moksh pradan karne vala hai. jo manushya devmandir athva brahman ke ghar men ek varsh tak dipdan karta hai, vah sab kuch prapt kar leta hai. chaturmasya men dipdan karne vala vishnubhgvan ke dham, kartik mas men dipdan karne vala svargalok tatha shravan mas men dipdan karne vala bhagvan shiv ke lok ko prapt kar leta hai. chaitra mas men man bhagvti ke mandir men dip jalane se nishchay hi man jagdanba ke nitya dham ko prapt kar vahan anant bhogon ko bhogta hai. dipdan se dirgh ayu aur netra jyoti ki prapti hoti hai. dipdan se dhan aur putradi ki bhi prapti hoti hai. dipdan karne vala saubhagya yukt hokar svarg lok men devtaon dvara pujit hota hai.
dipdan karte samay nimn mantra ka uchcharan avashya karen.
¬ agnijyotijrryaeitaragniah svaha suryo jyotijryaetiah suryah svaha. agnirvarcho jyotirvarchah svaha suryo varcho jyotirvarchah svaha.. jyotiah suryah suryo jyotiah svaha..
¬ chandrama manso jatashchakshoah suryo ajayat. shrotradvayushch pranashch mukhadagnirjayat.. sajyan ch vartisanyuktan vahnina yojitan maya. dipan grihan devesh traulokyatimirapaham.. bhaktya dipan prayachchami devay parmatmane. trahi man niryad ghorad dip jyotirnamo{stute..
¬ bhurbhuvah svah ganeshambikabhyan namah .
¬ shrimannaraynay namah. dipan darshayami.
ya pifar jis devta ka mandir ho us devta ka nam uchcharan karke hi dip samarpit karen. vidarbh rajkumari lalita dipdan ke hi punya se raja charu dharma ki patni hui aur uski sau raniyon men pramukh hui. us sadhvi ne ek bar vishnu mandir men sahasra dipon ka dan kiya. is par uski sapatniyon ne usse dipdan ka mahatmya pucha. unke puchne par usne is prakar kaha- bahut pahle ki bat hai, sauvirraj ke yahan mailey namak purohit the. unhonne devika nadi ke tat par bhagvan shrivishnu ka mandir banvaya. kartik mas men unhonne dipdan kiya. bilav ke dar se bhagti hui ek chuhiya ne akasmat apne mukh ke agrabhag se us dipak ki batti ko barha diya. batti ke barhne se vah bujhta hua dipak prajvalit ho utha. mrityu ke pashchat vahi chuhiya rajkumari hui aur raja charudharma ki sau raniyon men patrani hui. is prakar mere dvara bina soche-samjhe jo vishnu mandir ke dipak ki bati barha di gai; usi punya ka main fal bhog rahi hun.
isi se mujhe apne purva janm ki smriti bhi hai. islie main hamesha dipdan kiya karti hun. ekadshi ko dipdan karne vala svargalok men viman par arurh hokar pramudit hota hai. mandir ka dipak haran karne vala gunga athva murkh ho jata hai. vah nishchay hi ‘andhtamistra’ nam ke narak men girta hai jise par karna dushkar hai. agnidev kahte hain- ‘lalita ki sauten uske dvara kahe hue is upakhyan ko sunakar dipdan vrat ke prabhav se svarg ko prapt ho gain. islie dipdan sabhi vraton se vishesh faldayak hai. dhanteras ke din yamunasnan karke yamraj aur dhanvantari ka pujn-darshan kar dipdan karne se manushya ki kabhi akal mrityu nahin hoti aur manushya svasth jivan ko prapt hota hai. narak chaturdashi ke din pradosh kal men char battiyon vala dipak jalane se papon ki nivritti hoti hai tatha narak nahin jana parta. dipavli ke din mahalakshmi ke nimitt kie gae dipdan se mahalakshmi prasann hoti hain evan ghar men dhan-dhanya ki vriddhi hoti hai, jo pratyek purnamasi ko akhand dipak ghar men jalata hai, bhagvan satyanarayan ki kripa se sanpurn bhogon ko prapt kar leta hai.