dipavli ke shubh avasar par fyuchar samachar ke sabhi pathkon ko muft uphar ke rup men gomti chakra jora, laghu nariyal, kaudiyan, kamalagatte ke bij adi ke sath hi laghu fyuchar panchang diye ja rahe hain. jismen dipavli pujan muhurt, vidhi, arti sangrah adi ka bhi samavesh kiya gaya hai. uparyukt pujan samagri ko dipavli ki ratri pujan ke samay upyog karke labh prapt kar sakte hain. mata lakshmi aur ganesh ki upasna se man men shanti tatha ghar men samriddhi bani rahti hai. mata lakshmi ji ko kamal ka ful aur uske bij ati priya hain.
kamalagatte ke bij: dipavli ke din kamal ke bij ko shuddh karke mata lakshmi ke charnon men arpit karen. isse mata shighra prasann hoti hain aur sadhak ko dhan-sanpda deti hain.
book shani shanti puja for diwali
laghu nariyal: laghu nariyal atyant durlabh hai. yah shubh kam men ya dipavli pujan ke lie ati shubh mana gaya hai. iske nitya pujan se jatak ki bhautik tatha arthik unnati hoti hai. laghu nariyal ko apne ghar ke puja sthan athva vyavsay sthal men sindur se rang kar ya sindur laga kar lal kapre men lapetakar sthapit karna chahie.
kauri: ise apne ghar men ya dukan ke galle men rakhen, lakshmi ki kripa bani rahegi.
book laxmi puja online
gomti chakra: ye durlabh gomti chakra prakritik hote hain aur samudri tat par milte hain. yah chakra bhagvan vishnu ka pratik hai. dipavli ke din iski pran-pratishtha karke dev pratima ki bhanti sabhi samagri ke sath ise ganga jal tatha kachche dudh se shuddh karke tanbe ki plet men sthapit karen aur nitya yathashakti dhup-dip se puja karen, labh milega. laghu fyuchar panchang sanvat 2066-67 ke fyuchar panchang ki mang ko dekhte hue fyuchar samachar ki or se sanvat 2068 ka laghu fyuchar panchang pathkon ko muft diya ja raha hai. yah panchang janvri 2011 se aprail 2012 tak ka banaya gaya hai.
ismen tithi, var, nakshatra, yog, karan ke atirikt anya mahatvapurn evan upyogi jankari di gayi hain jinmen se mukhya hain- vibhinn deshon ki rajdhaniyon ke akshansh-rekhansh, manak samay sanskar, bharat ke vibhinn sthanon ke akshansh, rekhansh varsh bhar ke grahaspasht, rahu kal, lagn samapti kal sath hi san 1901 se 2052 tak ke lie sampatik kal ganna, aynansh sanskar v sampatik kal ke adhar par 100 akshansh ke antar par lagn sarni, dasham bhav sarni adi. in sarniyon ke adhar par san 1901 se 2052 tak kundliyon ki lagn ganna bahut hi asani se adhikatam shuddhi ke sath kar sakte hain.
iske atirikt is panchang ki mahatvapurn visheshta hai ki ismen dipavli v holi ke pujan samay ko desh ki rajdhaniyon ke adhar par diya gaya hai. dipavli par kiye jane vale shrisukt, lakshmi stotra, lakshmi sukt, kankdhara stotra, purush sukt path purn shuddhi ke sath prakashit kiye gaye hain, sath hi devi devtaon ki artiyan bhi sanklit ki gayi hai. is prakar yah panchang tatkalik rup men dipavli pujan hetu v panchang dekhne ke lie ek sangrahniya v upyogi pustika hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!