purn abhamay svarup men solah shrringar kiye jab prithvi par mahalakshmi ka padarpan hota hai tab yah ratri sakshat maharatri ban jati hai jo dipavli ki ratri kahlati hai. dipavli kartik krishn amavasya ko hi kyon manai jati hai iska jyotishamay svarup kalpurush ki kundli anusar jana ja sakta hai.
dipavli tyohar hi nahin apitu mahaparva hai jo panch divsiya utsav ke rup men utsah evan umang se manaya jata hai. jivan men sadaiv prakash ho evan mahalakshmi ka padarpan hokar sthayi nivas v sukh samriddhi ho yahi kamna ki jati hai. surya ki kanya sankranti men pitri shraddh paksh manaya jata hai jismen pitron ka prithvi par agaman hota hai evan unko parivar dvara tript kiya jata hai.
book laxmi puja online
tula sankranti men pitrigan unke sva sthan men prasthan karte hain. unke marg darshan ke lie dipdan ka vidhan amavasya (pitri tithi) ko kiya gaya hai jisse pitri prasann hote hain. pitron ke prasann hone se devtagan bhi prasann hote hain. devtagnon ki prasannata se hi mahalakshmi se dhanagam hota hai. atah dipdan hi dipavli parva hai jo kartik krishn amavasya ko hi parta hai. surya tula rashi svati nakshatra men hota hai evan chandrama bhi tula rashi men hota hai. shukra bhi svati nakshatra men vicharan karta hai, atah is din svati nakshatra ho to bahut sarvashreshth muhurt ghatit hota hai. is varsh yah yog svati nakshatra evan tula rashi ke chandrama shukravar ko ghatit ho raha hai atah sarvashreshth muhurt yog hai.
jyotishiya drishti se tula rashi shukra ki hoti hai. shukra sarvabhogaprad grah hai, viryatva pradhan hai tatha kal purush ki kundli men saptam bhav aur dhan bhav ka svami shukra hai. har manav ki mul pravriÿia dhan aishvarya ko prapt kar sukh upbhog karne ki rahti hai. shukra ki rashi tula men jab surya aur chandra ki sthiti hogi tab kendra trikon sanbandh se lakshmi yog banega kyonki surya panchmesh hai aur chandrama chaturthesh, donon ki ek hi rashi men yuti ke karan chaturthesh panchmesh yog se lakshmi yog banega. nich ka surya apni uchch rashi tatha lagn mesh ko dekhakar svasthya vriddhi karega. dipavli ke din lakshmi ke agaman ka vidhan hai. jab lakshmi a rahi hai to uska svagat v pujan abhisht hai, atah dipavli ka yah din aur usmen pradosh vela lakshmi pujan se sanbandhit bani hai, fir ismen sinh lagn ae to tritiya sthan v chandrama ki yuti to rahegi.
sath svati nakshatra hone evan nakshatra ka svami rahu hone se tisre sthan men parakram vriddhi evan sarva badha nivaran yog bhi ban jaega. dvadshesh chandra rahu se pirit hokar kharch ke yog par niyantran rakhega. lagnesh surya upachay men jane se balvan hoga aur apni nich rashi men sthit hokar rahu se pirit hokar viprit raj yog se dhan vriddhi karega vahan bhagya ki mesh (uchcha) rashi ko saptam drishti se dekhakar bhagya ko bhi balvan karega. atah dipavli men lakshmi pujan ke lie sinh lagn ko mahÿaa di gai hai. is tarah ke yog ban jana bhi is din ka rochak tathya hai. sayan pradosh samay ya svati nakshatra sinh lagn men lakshmi prapti ke sabhi tarah ke anushthan siddh kiye jate hain. adhi rat men jab sinh lagn ata hai us samay lakshmi ka agaman mana gaya hai.
book shani shanti puja for diwali
arddharatre bhavetyev lakshmi rashrayintu grihan brahmapuran men ‘‘pradoshardharav vyapin murya’’ kahakar arddharatri men lakshmi ka pujan shreshth mana hai. pradosh samye rajan kartavya dipmlika kahakar pradosh kal men dipon ki pankti se ghar sajane ka vidhan diya hai aur arddharatri tak uske svagat pujan ki taiyari kahi hai. lakshmi ki bari bahin jyeshtha alakshmi ke rup men vikhyat hai. use pratahkal ke purva nagara, ghanta, dhol adi bajate hue apne ghar ke angan se nikalne ka vidhan, gahne ratn aur bhavasth puran men bhi diya gaya hai jo brahm muhurt ke purva ka samay hai. shakti ganrathon ne dipavli ke is parva ko triratri parva bataya hai.
mahakali, mahalakshmi aur mahasarasvati - in trigunatmika shaktiyon ka pujan kramshah dhanteras, rup chaidas v dipavli men kiya jata hai v in tinon ratriyon men akhand dipak jalae jate hain. atah yah triratri upasna bhi hai:- is shlok ke anusar kalratri, dhanteras aur mohratri dipavli shivratri aur daruna yah hai. atah kal ko prasann karne hetu dhanteras ki sayan akhand dipak jalane ka shakt tantra men vidhan hai. kaladarsh men ullekh hai ki dipavli ke dinon men apni daridrata dur karne ke lie tinon hi din lakshmi ki aradhna karni chahie. pratyush ashrayugdarshekritabhyangadi manglah. bhaktaya prapujye devimalakshmi vinivrichye.. surya atma hai (surya atmaah jagtah sasthushray), apne nijka svarup hai aur chandrama man hai (chandrama manso jatah). atah amavasya ek aisa avasar hai jab man (chandrama) purn rup se atma (surya) ke samipatam hokar atmarup hota hai. us din atma ke prakash se man atmarup ho jata hai. yahi avastha manushya ka antim dhyey hai.
atah amavasya adhyatmik drishtikon se man ke atmarup ho jane ko darshati hui jyotish shastra arth ki garima ko prakat karti hai. atah man ke lie amavasya se barhakar aur koi mahatvapurn din adhyatmik drishtikon se nahin hai. maulik aur arthik drishti se surya aur chandrama ka samipya bhale hi shubh falaprad n ho, parantu adhyatmik drishtikon se amavasya se achcha aur koi pratik nahin ho sakta jo man aur atma ke kai bhedon ko ham par prakat karne vala din hai. falit jyotish ke anusar surya aur chandrama donon rajya se sanbandhit hanai. surya raja hai to chandrama rani. amavas ki rat ko rani raja se milti hai mano donon prempurvak gale milte hon. bhagvan ram to svayan rajadhiraj hain aur sita unki ati priya rani hai, chaidah varsh ke vanvas ke bad amavasya ki ratri ko hi unka vaivahik sanbandh ayodhya men lautakar hua tha. vanvas men to ve sanyasiyon ke rup men rahte the.
is prakar ram aur sita ka amavasya men milan jyotish shastra ka anumodan lie hue hai. jyotish shastra anusar vastuon ke atirikt chandrama janta ka pratinidhitva bhi karta hai. bhagvan ram ke vanvas ke dinon men ayodhya ki janta vyakul thi ki kab yah avdhi samapt ho aur unhen apne pyare suryavanshi raja ke darshanan ka saubhagya prapt ho. surya se hi surya vansh chalta hai. janta ne (jiska pratinidhitva chandrama karta hai.) ek aisa din apne raja ke svagat ke lie chuna jis samay prakriti men bhi janta (chandrama) raja (surya) se mil rahi ho. vah samay dipavli ka samay hai. atah anadi kal se yah dipavli parva, jab se manav ne paida hokar jyotish ka ashray liya, tab se chala a raha hai.
atah jyotishamay svarup dipavli mahaparva prakashvan jyoti prajjvalit karne vala jyotish parva hai.