tairo riding ke dauran jab kard ‘‘deth’’ niklta hai to sadharntah log is kard ka nam sunte hi bhaybhit ho jate hain. yah shabd hi itna daravna hai ki log ghabra jate hain, lekin vastav men is ‘karda’ ke niklne par bhaybhit hone ki avashyakta nahin hai. is kard ke niklne ka arth hai ki uska sankrantikal a gaya hai jis vyakti ke liye yah kard nikla hai yani ki apki purani baten, kam achchi ya buri, purani samasyaen, purane kam, purane sanbandh sab samapt ho jayenge aur sab kuch naye sire se praranbh hone vala hai. jis kisi ke liye yah kard ‘‘deth’ nikla hai
usko apne jivan men hone vale har parivartan ko svikar karne ke lie taiyar rahna chahie kyonki purane ko bhulakar naye ko apnane men hi uski bhalai hai. udaharan ke lie kisi ka vyapar ghate men ja raha hai. vah agar tairo ridar ke pas apni samasya lekar jata hai v tairo riding karvata hai aur riding ke dauran uska ‘‘ukta’’ kard yani ki ‘deth karda’ nikal aye to yah kard batata hai ki purane vyapar ko jabaradasti age barhate hue aur ghata par ghata sahne ki jagah use is vyapar ko band karke kisi dusre vyapar ko shuru karne ki taraf dhyan dena chahie, jismen uska rujhan bhi ho. agar kisi ka makan bahut purana ho gaya hai aur har bar kuch samay bad uski marammat men paisa lagana parta hai,
kabhi kahin se tutta hai kabhi dusri jagah se, kabhi kisi said ki divar girti hai, kabhi dusre kamre ki chat, kabhi silan a jati hai, kabhi chajja gir jata hai, to aisi sthiti men usko samucha makan ek hi bar pura torakar sara naye sire se naksha banvakar naye rup men majbut aur sundar banva lena chahiye. mitron saheliyon men ya rishton men agar kinhin do pakshon men kuch galtfhmiyan ho gayi hain aur unmen yada-kada kuch kaha suni hoti rahti hai aur isse unke sanbandh bahut katu ho gaye hain, man bhi vichlit rahta hai, isse inki karyakshamata par bhi prabhav parta hai kyonki kisi bhi kam men achchi tarah se man nahin lagta to is sthiti men aisahi vatavaran rahne se achcha hai in sanbandhon ko khatm karke naye mitra banane ki sochane.
agar unke bich ek aisa rishta hai jo samapt hona asanbhav hai to ek miting karke apas men bat karke yah tay kar liya jay ki donon paksh purani sab baton ko bhulakar naye sire se apna rishta kayam karen, jisse donon paksh ek dusre ki galtiyon ko yad karke vyavhar v mahaul kharab nahin karenge jisse ki age bhavishya men khushi v sukhpurvak raha ja sakega. agar kisi pati-patni ke apsi sanbandh achche nahin hain aur roj-roj ke jhagron se tang a chuke hain v ek hi chat ke niche rahne ke halat nahin hain, donon alg-alag rahna pasand karte hain, mansik rup se bhi pareshan rahte hain,
apna kam suvyavasthit rup se nahin kar pate hain to tairo riding ke dauran unka ukt kard ka niklna yah ingit karta hai ki ab unko talak le lena chahiye. aur age ke jivan ke liye nayi shuruat kar leni chahiye. yahi unke liye hitakar hoga. donon hi age apni-apni jindgi naye sire se shuru kar sakte hain. suavasar milne par apne liye kisi naye sathi ki talash karke apne liye naya jivnsathi chunakar apne-apne jivan ko khushamay bana sakte hain.
agar koi chatra fel ho gaya hai to bajay afsos karne ke ki mere sath yah kaise ho gaya, mainne to mehanat ki thi, parhai ki thi main fir bhi pariksha men asafal ho gaya. ab sab sathi vidyarthi mera uphas urayenge. mata-pita rishtedaron men milne valon men meri beijjati hogi, usko yah sthiti svikar karke age ke liye sochna chahie. uske liye uchit yah hoga ki ve naye sire se sochen ki ab use age kya karna hai. apne vicharane men sthirta layen aur shant man se sochen ki jarur meri parhai men koi kami rah gai thi jiske karan mujhe saflta nahin mil saki. is bar main bahut man lagakar parhunga/prhungi . man lijiye ki koi yuvak naukri ke liye prayas kar raha hai aur use naukri nahin mil rahi hai aur vah ridar ke pas jata hai aur tairo riding men iska kard niklta hai
‘‘deth karda’’ to yah kard uske liye ingit karta hai ki vah dubara vichar kare ki kya naukri hi uske liye ekmatra upay hai jivikorpajan ka ya iske atirikt uske pas kya hunar hai jiska istemal karke vah apna jivan behatar bana sakta hai. man lijiye uske pas kuch punji hai to vah apna khud ka vyavsay kar sakta hai athva apne kisi mitra ke sath sajhedari men bhi koi vyapar kar sakta hai jisko uska pahle se kuch anubhav ho. agar uski ekting achchi hai to vah ekting ke liye shikshan kendra khol sakta hai, yadi usko dans v gane, myujik, harmoniyam, dholak adi ka shauk hai
to inki kakshaen bhi chala sakta hai. agar vah kisi vishay visheshak ganit, sains (vigyan) ya angreji ka achcha gyata hai to apna svayan ka koching sentar bhi khol sakta hai. agar vah mahila hai aur usko silai-karhai, bunai, draing ka achcha gyan hai to vah ghar par hi kakshaen chalakar dhan arjan ke sath-sath samaj ko kai naye visheshagya de sakti hai.
is prakar naukri ka vichar tyag kar apni vichardhara men parivartan lakar apne jivan ko naye sire se sthir karke apna jivan sucharu rup se chala sakte hain tatha apne jivan men nirasha ki jagah khushiyan bhar sakte hain, isse ve vyastata ke sath-sath anandpurvak rah sakte hain.