baglamukhi ka rahasya evan parichy  

baglamukhi ka rahasya evan parichay vijay kumar sharma das mahavidyaon men devi baglamukhi ko pratham sthan prapt hai. mahakal shivji ke darbar ki yah prasiddh nrityangna hanai. yahi ek matra devi hanai jinke mukut par ardhachandra aur lalat men tisra netra hai. yahi karan hai ki mahakal shivji ki yah ati priya hain. yah shaktirupa vishnu ke tej se yukt hone ke karan vaishnavi hain. manglvar yukt chaturdashi ki arddharatri men in mahashakti ka avtar hua. inki aradhna se daivi prakop aur shatru se raksha tatha shanti, sukh samriddhi rajyakripa ki prapti hoti hai. bhog aur moksh denon dene vali in mahashakti devi ki upasna se pratyek durlabh vastu prapt ki ja sakti hai. inhen brahmastra vidya ke atirikt pitanbra, trinetri, khadgadharini, shri vidya, devi shri tripur sundri, vishveshvari, matangi adi namon se bhi pukara jata hai. puratan kal se hi devi baglamukhi ko ati shreshth sthan prapt hai. ram-ravan yuddh men jab ravan ke bare-bare yoddha rakshas mare ja chuke the, tab ravan ke putra meghnad ne svayan ranbhumi men jane ka faisla kiya. ranbhumi men jane se pahle usne shatru ke shaman ke lie aur apne pita dashanan ravan ki jit sunishchit karne ke lie is shaktisvarupa devi mata shri baglamukhi ka avahan aur anushthan nirjan ekant sthan men shuru kiya is anushthan ki nirvighn samapti ke lie sabhi pramukh danvon ko tainat kar diya gaya tha. unhen adesh tha ki jo is yagya ko hani pahunchane ki cheshta kare, uska vadh kar diya jae. iske sath hi meghnad ne pure atmavishvas, utsah aur puri shraddha ke sath anushthan aranbh kar diya. parantu vishnu avtar shri ramchandra ji ko iska abhas ho gaya ki agar mata baglamukhi is yagya ke bad jagrit ho uthin to vah kali ka rup dharan karke vanar sena ka vinash kar danegi aur unke sath chalne vali yoginiyan unke yoddhaon ka khun pi jaengi. is shanka ke chalte unhonne apne param bhakt hanuman, bali putra angad adi ko uska yagya bhang kar dene ki agya di. shri ram ki agya ka palan karte hue donon yoddha apne pramukh vanar yuthpalon ko lekar us gupt jagah par chadm vesh dharan karke pahunch gae aur maha parakrami indrajit ka yagya anushthan pura hone se pahle hi bhang kar diya. agar meghnad ka vah yagya pura ho jata to shri ram ka lanka par vijay pana kathin ho jata. tatparya yah ki shaktisvarupa devi baglamukhi sadhak ke sabhi shatruon ka puri tarah se shaman kar deti hain. mata baglamukhi ka mukh bagle jaisa aur shesh sanpurn sharir striyon jaisa hai. mahashakti devi shri baglamukhi ka prachin mandir ganv bankhandi, jila kangra, himachal pradesh men sthit hai. vankhandi se mandir ki duri matra ek kilomitar hai. desh-videsh se saikron log apni manokamna purti ke lie yahan ate hain. baglamukhi devi ka mahatmya baglamukhi ki puja men sari samagri pili hi honi chahie. sadhak ko pile vastra hi dharan karne chahie. japmala bhi haldi ki ganthon ki honi chahie. jap pit asan par baithakar hi karna chahie aur nitya pit pushpon se hi devi ka pujan karna chahie. is tarah ayut jap ke bad haldi v kesar se ranjit sakalya se dashansh havan, havan ka dashansh tarpan tatha taddashansh marjan karen aur kesriya ya vesni modak adi padarth se marjan ka dashansh brahman bhojan karaen. yah anushthan karne se ashubh prabhav ka shaman, shatru par vijay, daivi prakopon se mukti, dhan ki prapti, daridrya aur rin se mukti maran, mohan, uchchatan, vashikaran, akarshan adi anek karyon ki siddhi hoti hai. mata ka jap karte samay shraddha, vishvas, atmasanyam v brahmacharya ka puri tarah se palan karna chahie. sabhi prakar ki pit pujan samagri lekar ratri men kahin jangal men jakar pili pataka ko shuddh bhumi men gar den aur uska pujan karke uske age ashtottarashat sankhya men ‘‘¬ inin baglamukhyai namah’’ mantra ka jap karen. jap ke ant men 108 bar ‘‘¬ baglamukhyai namah’’ is mantra ko japte hue pataka ke age dand ki tarah bhumi par let kar bhagvti ko pranam karen. is tarah pratidin ratri ke samay ek mas tak karte rahane. ant men japsankhya ka dashansh havan karen, sab karyon men siddhi prapt hogi. yah hamesha yad rakhna mata baglamukhi ki mahima ka jitna bhi gungan kiya jae, kam hai. baglamukhi ki upasna vidhi evan samagriyon ka mahatva baglamukhi ki upasna pile rang ki chijon v haldi ki mala se karni chahie. baglamukhi ki upasna ke praranbh men laghu ya mahan karya ko dekhakar uske anusar ayut ya laksh jap karna chahie. bare karya ki siddhi ke lie ek laksh jap karna chahie tatha jo karya susadhya ho, uske lie das hajar jap karna uchit hai. jap ke ant men sarson se dashansh havan karne par sabko vash men kiya ja sakta hai. dhan prapti ke lie kachche til aur dudh ke mishran se havan karna chahie. ashok aur karvir ke havan se putra ki prapti hoti hai. semar ke falon ke havan se shatru par vijay milti hai. guggul aur ghi se havan karne par rajavashyata hoti hai. guggul aur tilon ke mishran havan karne se kaidi chut jata hai. upasna men sthan ka bhi ati vishisht mahatva hota hai. sthan nirjan aur shuddh ho athva ghar ho, parvat pradesh ho ya ghor jangal ho, ya siddh shailamay (pashan ka) ghar ho athva do mahandiyon ka sangam ho. ratri ka samay ho. nitya tantra ka adesh hai ki bhumi par, shakti pith par, mahapith par, shiv mandir ya anvle ke vriksh ke niche baithakar japadi karna chahie. sharda tantra ka kahna hai ki upasna ke lie parvat ki choti, nadi ka tat ya sangam, tirth, gufa, bel vriksh ki chaya, dev mandir ya samudra ka tat upyukt hai. samanya nadiyon par sadhna varjit hai. mundmala tantra ke anusar shmashan men ek ling mahadev ke samip chairahe par, saghan van men, jal ke madhya gale tak gahre jal men, yuddh ya yoni sthal par ya devalay men japadi karne se sadhna safal hoti hai. annada kalp ke anusar guru ke pas, gay ke pas, gaushala men, parvat par shivling (pran-pratishthit) ke samip, mata ki pratima ke pas, navyauvna saundaryavti ke pas, bilva vriksh ke niche ki gai upasna safal hoti hai. samyasar tantra ka kathan hai ki khat par, chairahe par, kele, bel, baragad ke van men ya vriksh ke niche, shivalay men gufa men parvat ki choti ya siddh pith par jap karne se saflta milti hai. 1. nij nivas par kiya gaya jap samanya labh deta hai. 2. gaushala men kiya gaya jap sau guna labh deta hai. 3. van men kiya gaya jap hajar guna labh deta hai. 4. parvat par kiya gaya jap das hajar guna labh deta hai. 5. nadi tat ya sangam par kiya gaya jap lakh guna labh deta hai. 6. devalay men, jahan devta ki pran-pratishtha vidhivat hui ho, jap karne se karor guna labh milta hai. 7. pran pratishthit shivling, ek ling ke pas jap karne se anant guna labh prapt hota hai. 8. jagdanba ke pas ya shakti pith par baithakar jap karne se anant guna labh milta hai. devi ka jap chandra svar men hi karna chahie. mata shri baglamukhi ki upasna ke lie jyada se jyada purashcharan karna chahie. jitna jap aj kiya hai utna kal karna chahie. bhav yah hai ki pratidin ek saman jap karna chahie kam ya adhik nahin. sava lakh purashcharan karne ke bad mantra siddh ho jata hai. purashcharan ke bad mata baglamukhi ke mul mantra ka jap karna chahie. ¬ inin baglamukhi sarvadushtanan vachanmukhan padan stambhay jihnan kilay bu(in vinashay inin ¬ svaha.. is mantra ke kis nakshatra men kitne jap se kya labh hota hai iska vishad vivaran is prakar hai. ashvini nakshatra men ek hajar jap karne se siddhi hoti hai. bharni nakshatra men do hajar jap karne se labh hota hai. krittika men do hajar jap karne se mantra jagrit hota hai. rohini nakshatra men sau athva ek hajar jap karne se kamna puri hoti hai. mrigshira nakshatra men panch hajar jap se buddhi tivra hoti hai. adrra nakshatra men chah hajar jap karne se karya siddh hota hai. punarvasu nakshatra men hajar jap se devatva milta hai. pushya men sat hajar jap se mantra siddh hota hai. ashlesha men chah hajar jap se kamna puri hoti hai. magha men das hajar jap se adhikar prapt hota hai. purva (tinon) men gyarah hajar jap se dhan labh hota hai. uttara (tinon) men barah hajar japne se kamna puri hoti hai. hast men terah hajar jap karne se tej barhta hai. chitra men do hajar jap karne se saflta milti hai. vishakha nakshatra men char hajar jap karne se saumyata ati hai. anuradha nakshatra men pura samay jap karne se parivar ka sukh prapt hota hai. jyeshtha men do hajar jap karne se mantra siddh hota hai. mula nakshatra men panch hajar jap se sadhna safal hoti hai. shravan nakshatra men do hajar jap karne se sadhak yashasvi hota hai. dhanishtha men do hajar jap karne se karya siddh hota hai. shatbhisha nakshatra men do hajar jap se pap se mukti milti hai. revti men char hajar jap karne se adhikar barhta hai. svati nakshatra men ath hajar jap karne se uchchatan, stanbhavan, vashikaran adi karya siddh hote hain. mata shri baglamukhi ki upasna karte samay sarvapratham sharir aur atma puri tarah shuddh hone chahie. man men kisi bhi tarah ka vikar nahin hona chahie. pili dhoti aur pila hi asan hona chahie. navagrah adi ka pujan karne ke bad kalash sthapna, dev pujan adi sab prakar ke pujan karne ke bad devi ki pratima ka shodshopchar pujan karna chahie. iske pashchat devi ke angon ka v parivar adi ka pujan karna chahie. athang parivaradi pujanam is pujan ke lie sarvapratham dharti par ate ya ret ka chaikor tila banakar mata shri baglamukhi ke yantra ka nirman karna chahie. fir puja nimnalikhit vidhi se karni chahie. ath viniyog mantra, ath rishyadi nyasah, ath karanyasah, ath hridyadinyasah, ath shri yantra puja. yah puri shraddha, bhakti, aur atmavishvas ke sath brahmacharya ka palan karte hue karni chahie. iske bad bhagvti ka shapotkilan karna chahie. shapotkilan ke bad kavach ka path karke vidhipurvak mantra ka path karna chahie jo ki 36 aksharon ka hai. kilit hain sab mantra, tantra, hai satya ise hi jano. par kathin jag men kuch nahin, tum apni bhakti ko pahchano. kalyug men samast devi devta kilit ya shrapit hain. mantra ko shrap mukt karna ya use kilan se mukt karna hi shapotkilan kahlata hai. prayah sabhi devi-devtaon ke mantron ke alg-alag kilan hote hain. atah baglamukhi ka shapotkilan prastut hai. ¬ hun hun klin klin klin ain hrin hrin hrin hri hrin hrin krin krin krin krin krin krin krin krin bagla shapmutkilyotkilay svaha. mantra ko shap se mukt karne ke bad viniyog, ath rishyadi nyas, ath shadang nyas, ath vyapak nyas, ath dhyan adi karne chahie. fir kavach ka path karna chahie. baglamukhi ke mul mantra ka jap karne se pahle kavach ka path karna bahut jaruri hota hai.