kali tara mahavidya shodshi bhuvneshvari. bhairvi chinnamasta ch vidya dhumavti tatha.. bagla siddh vidya ch matangi kamlatmika. eta vidya maheshani mahavidya prakirtita..
adi granthon men das mahavidyaon ka ullekh kiya gaya hai jo vibhinn shaktiyon ki data hain. vyakti avashyaktanusar shakti prapt karne hetu us mahavidya ke mul mantra dvara mahavidya ki sadhna kar sakta hai aur abhisht fal prapt kar sakta hai. vibhinn mahavidyaon ki shaktiyan evan mul mantra nimnalikhit hain:
devi mahakali mahavidya
devi kali kam rupini hai. mahakali sadhna ke madhyam se vyakti shatruon ko nistej evan parast karne men saksham ho jata hai, chahe vah shatru antrik hon ya bahri. is sadhna ke dvara sadhak un par vijay prapt kar leta hai, kyonki mahakali hi matra vah shakti svarup hai, jo shatruon ka sanhar kar apne bhakton ko raksha kavach pradan karti hai. inki sadhna ko bimari nash, dusht atma v dusht grah se bachne ke lie, akal mrityu ke bhay se bachne ke lie, vak siddhi ke lie tatha kavitva ke lie kiya jata hai.
mantra: un krin krin krin dakshine kalike krin krin krin svahaah
devi tara mahavidya
tara ko tarini bhi kaha gaya hai. bhagvti tara nitya apne sadhak ko svarnabhushnon ka uphar deti hai. tara mahavidya das mahavidyaon men ek shreshth mahavidya hai. tara sadhna ko prapt karne ke bad sadhak ko jahan akasmik dhan prapti ke yog banne lagte hain, vahin uske andar gyan ke bij ka bhi prasfutan hone lagta hai. inki sadhna se vak siddhi to atishighra prapt hoti hai sath hi sath tivra buddhi rachnatmakata, daektar, injiniyar, kavya sanbandhin gunon ka unmesh hota hai. tara shatru ko jar se khatm kar deti hai.
mantra: un hrin srin hun fat
shodshi tripur sundri mahavidya
jis kam men devta ka chayan karne men koi dikkat ho to devi tripur sundri ki upasna kar sakte hain. yah bhog aur moksh donon hi sath-sath pradan karti hai. tripur sundri sadhna man, buddhi aur chiÿa ko niyantrit karti hai, jisse vah shakti jagrat hoti hai. bhu, bhuvah, svah ye tinon lok isi mahashakti se udbhut hue hain, isilie ise tripur sundri kaha jata hai. grihasth sukh, anukul vivah evan paurush prapti hetu is sadhna ka vishesh mahatva hai. manovanchit karya-siddhi ke lie bhi yah sadhna upyukt hai.
mantra: un ain hrin shrin tripur sundriyai namah
devi bhuvneshvari mahavidya
bhuvan arthat is sansar ki svamini bhuvneshvari, jo ‘hrin’ bij mantra dharini hain. ve bhuvneshvari brahma ki bhi adhishthatri devi hain. mahavidyaon men pramukh bhuvneshvari gyan aur shakti donon ki samanvit devi mani jati hai. jo bhuvneshvari siddhi prapt karta hai, us sadhak ka agya chakra jagrat hokar gyan-shakti, chetna-shakti, smarana-shakti atyant viksit ho jati hai. bhuvneshvari ko jagatadvatri arthat jagt-sukh pradan karne vali devi kaha gaya hai. daridrata nash, kuber siddhi, ratipriti prapti ke lie bhuvneshvari sadhna uÿam mani gayi hai. is mahavidya ki aradhna evan sadhna karne vale vyakti ki vani men sarasvati ka vas hota hai.
mantra: un ain hrin shrin namah
devi chinnamasta mahavidya
yah devi shatru ka turant nash karne vali, vak siddhi dene vali, rojgar men saflta, naukri men padonnati ke lie kort ke kes se mukti dilane men saksham, sarkar ko apke paksh men karne vali, kundli-jagaran men sahayak, pati-patni ko turant vash men karne vali chamatkari devi hai. shatru havi hane, bane hue karya bigar jate hon ya kisi prakar ka apke upar koi tantra prayog ho, to yah sadhna atyant prabhavi hai. is sadhna dvara karobar men sudrirhta prapt hoti hai, arthik abhav samapt ho jate hain, sath hi vyakti ke sharir ka kayakalp bhi hona praranbh ho jata hai.
mantra: shrin hrin klin ain vajra vairochniyai hun hun fat svahaah
devi bhairvi mahavidya
jivan men kam, saubhagya aur sharirik sukh ke sath vashikaran, arogya siddhi ke lie is devi ki aradhna ki jati hai. sundar pati ya patni ki prapti ke lie, prem vivah, shighra vivah, prem men saflta ke lie bhairvi devi sadhna karni chahie.mata bhairvi sadhna se jahan pret badha se mukti prapti hoti hai, vahi sharirik durbalata bhi samapt hoti hai, asadhya aur dushkar se dushkar karya bhi purn ho jate hai. mantra: un hrin bhairvi kalaun hrin svahaah
devi dhumavti mahavidya
har prakar ki daridrata ke nash ke lie, tantra-mantra ke lie, jadu-tona, buri najar aur bhut-pret adi samast bhayon se mukti ke lie, sabhi rogon ke lie, abhay prapti ke lie, sadhna men raksha ke lie, jivan men ane vale har prakar ke duahkhon ka nidan karne vali devi hai. aye din aur nitya prati hi yadi koi rog laga rahta ho ya sharirik asvasthata nirantar bani hi rahti ho, to vah bhi dur hone lag jati hai. uski akhon men prabal tej vyapt ho jata hai, jisse shatru apne ap men hi bhaybhit rahte hain. yadi kisi prakar ki tantra-badha ya pret badha adi ho, to is sadhna ke prabhav se vah bhi kshin ho jati hai.
mantra: un dhun dhun dhumavti devyai svahaah
devi baglamukhi mahavidya
baglamukhi mahavidya bhagvan vishnu ki sanharak shakti hai. prabal se prabal shatru ko nistej karne evan sarva kasht badha nivaran ke lie isse adhik upyukt koi sadhna nahin hai. iske prabhav se ruka dhan punah prapt ho jata hai. bhagvti apne sadhkon ko ek suraksha chakra pradan karti hain, jo sadhak ko ajivan har khatre se bachata rahta hai.
vak-shakti se turant paripurn karne vali, shatru ka nash, kort kachhri men vijay, har prakar ki pratiyogita pariksha men saflta ke lie, sarkari kripa ke lie man baglamukhi ki sadhna karen. is vidya ka upyog tabhi kiya jata hai jab aur koi rasta n bacha ho.
mantra: un hlin baglamukhi devyai hlin un namah
un hrin baglamukhi sarva dushtanan vachanmukhan padan stambhay jihvan kilay buddhin vinashay hun fat svaha.
devi matangi mahavidya
devi matangi mahavidya ghar grihasthi men ane vale sabhi vighnon ko harne vali hai. jiski shadi n ho rahi ho, santan prapti, putra prapti ke lie ya kisi bhi prakar ki grihasth jivan ki samasya ke dukh harne ke lie devi matangi ki sadhna uÿam hai. inki kripa se striyon ka sahyog sahaj hi milne lagta hai chahe vah stri kisi bhi varg ki kyon n ho. jivan men sarsta, anand, bhog-vilas, prem, suyogya pati-patni prapti ke lie matangi sadhna atyant upyukt mani jati hai.
mantra: un hrin ain bhagvti matangeshvari shrin svahaah
devi kamla mahavidya
is sansar men jitni bhi sudanr larkiya hain, sundar vastu, pushp adi hain, ye sab kamla mahavidya ka hi saundarya hai. har prakar ki sadhna men riddhi-siddhi dilane vali, akhand dhan dhanya prapti, rin ka nash aur mahalakshmi ji ki kripa ke lie kamal par virajman devi kamla ki sadhna karen. pratyek mahavidya sadhna apne ap men hi advitiya hai. sadhak apne purva janm ke sanskaron se prerit hokar ya gurudev se nirdesh prapt kar inmen se koi bhi sadhna kar sakte hain. ek mahavidya ki sadhna safal ho jane par hi sadhak ke lie siddhiyon ka dvar khul jata hai aur vah ek-ek karke sabhi sadhnaon men safal hota hua purnata ki or agrasar ho jata hai.
mantra: un hrin asht mahalakshmyai namah.
navratron men mahavidya ki upasna shighra faldayi hai. atah in dinon men ichchit mahavidya ka sava lakh mantra jap v dashansh ka havan karne se ichchit fal prapt hota hai.