aj kal big fm par sabhi r j janta se dariyadili ke liye apil karte sune ja sakte hain jismen ve dilli ki janta se dil khol kar garam kapre dan dene ki apil karte hain jisse garib aur jarurtmand logon ko sardi se bachne ke lie kuch kapre, svetar adi mil saken aur yah bari khushi ki bat hai ki ve apni is muhim men kamyab bhi hue hanai aur logon ne dil kholakar kapre, svetar, kanbal adi dan kiye hain.
jarurtmand vyaktiyon ki madad karna ya fir usmen ek kari banna vastav men bahut hi nek kam hai kyonki dariyadili ka jajba sabmen nahin hota. kuch n kuch to har vyakti dan de deta hai chahe uske piche unki mansha kuch bhi ho lekin birle hi aise hote hain jo apna sab kuch dan karne ka dam-kham rakhte hain aur yadi unke tan ke kapre bhi mang liye jaen to ve unhen bhi dene men nahin hichkichate. ek shakhs ki charcha main karna chahungi. sumit bachapan se hi bahut hoshiyar aur parhne likhne men tej tha
lekin iske sath-sath vah bhavuk bhi bahut tha. is umra men jahan bachche apne khilaune bahut sanbhal kar rakhte hain aur kisi ko bhi dene men hichkte hain sumit ke ghar pure mohalle ke bachchon ka jamavra rahta tha aur vah apne sabhi khilaune turant hi sabhi doston ko khelne ke lie de deta tha. unke jaldi hi tutne par jahan uski man us par naraj hoti to vah khud dant kha leta par apne doston ko mana nahin karta tha. isi tarah se apne jeb kharch ke paise bhi vah apne skul men doston par kharch kar deta tha.
man-bap use samjhate to bhi us par koi asar nahin hota tha. 12vin pas karne ke bad uski kabiliyat se sumit ko dilli ke nift sansthan men dakhila mil gaya aur usne vahan se faishan dijaining ka kors kiya. usko is kam men bahut anand milta tha. nift se grejueshan ke pashchat use bahut nami dijainar ke pas kam bhi mil gaya. sumit bahut khush tha. vah ji tor mehanat kar us dijainar ke yahan kam karne laga.
chunki vah naya tha islie usse kaha gaya ki usko tanakhvah kuch mahine bad hi milegi. sumit ke lie paise kuch mayne nahin rakhte the vah keval kam karna chahta tha. uske banae hue kapre bahut pasand kiye gaye aur pradarshani men uske malik ko kafi aerdar mile lekin jab sumit ne apni tanakhvah mangi to use taka sa javab de diya ki itna anubhav use aur kahan mil pata. vahan par prapt kiya anubhav hi uska paritoshik hai.
sumit ne vahan se kam chor diya aur khud apna kam shuru kar liya aur apne mata-pita se bari tadad men paisa lekar apne bijnes men lagaya. mata-pita ko usse bahut ummid thi ki vah avashya hi apna kam thik dhang se chalaega. sumit ne apna achcha set up bhi banaya. khub sari deªsej banai lekin chunki sab uski adat se bhali bhanti parichit the islie kafi log udhar le gaye aur kuch paise aye bhi to bhaiyya ji se bahuton ne mang liya.
idhar uski man, bahan bahut as lagae baithi thin ki is bar sumit achche paise lekar aega. parantu is bar bhi than-than gopal ki tarah bhaiyya ji bina kuch lie hi ghar pahunche. uski man uski in adton se bahut pareshan ho gai. sumit ko koi bhi kutta apne mohalle men avara ghumta milta to use apne ghar le ata. ghar men karib 15-20 kutton ka raj ho gaya tha jinka khana banate-banate man behal ho jati par kuch bolne se bhi koi fayda nahin tha sumit apne hisse ka khana bhi unhen khila deta.
apne putra prem ke age man bebas ho jati. isi tarah ek din usne apni kam vali ki beti ko fati fraek men dekha to agle din hi uske lie tin fraek bahut mahange kapre ki banvakar le aya. khush to vah bahut ho gai lekin jab usne use unhen pahanakar mitti men lotte dekha to use bahut gussa aya. tab man ne samjhaya ki tumhen soch samajhakar hi kisi ko kuch dena chahie. sumit ab 32 varsh ka ho chala hai par abhi bhi bahut bachpna hai.
vivah vah karna nahin chahta kyonki use bhi malum hai ki man ne to use jhel liya par koi bhi larki uski aisi dariyadili ko nahin jhel paegi. man ko bhi intjar hai ki kab uske bhaiyyaji apni jimmedari samajh kar sab kuch lutana band karenge aur ghar ke prati bhi apna kartavya samjhenge.
aiye dekhen sumit ki kundli ke sitare- sumit ki kundli dinank: 3/4/1982 samy: 03ah30 sthan- dilli vinshottari dasha shani: 7 varsh 9 mah 2 din shukra 04/01/2014 04/01/2034 shukra 06/05/2017 surya 06/05/2018 chandra 05/01/2020 mangal 06/03/2021 rahu 06/03/2024 guru 05/11/2026 shani 04/01/2030 budh 04/11/2032 ketu 04/01/2034 harkton ke bavjud bhi inki mata ka inke prati daya aur pyar bana hua hai.
vyay sthan men ketu hone se tatha sukhesh mangal ki vyay bhav par purn drishti hone se ye apne sukh ki parvah n karke dusron par adhik vyay karte hain. kendra sthan men shubh grahon ka prabhav hone se inki satvik vritti hone se ye paropkar ke karyon men hi tan, man, dhan se apna yogdan de rahe hain. saptamesh chandra grah samrashi men gyarah ansh par hone se vriddhavastha men hai tatha karak shukra bhi bal avastha men hai evan rahu ki drishti men hai
jiske karan inka vivah hone men badhaen a rahi hain. age bhavishya men vivah ho bhi gaya to vaivahik jivan men sthirta ki sanbhavna kam rahegi. kundli ka sakaratmak paksh kendra men keval shubh grahon ke sthit hone, gajkesri yog se sanpann nirdosh v bali guru ke kendra bhav men sthit hone se sanpann hai. chaturth bhav ka svami lagnesh ke sath dharm ke bhav men sthit hai.
lagnesh v chaturthesh ki yah sthiti atyadhik satvik pravritti ko ingit karti hai. chaturth se chaturth bhav men man ki komal bhavnaon ka karak chandrama v chandrama se chaturth bhav men man ki udarta v daya ki bhavna ka karak guru sthit hai jiski chaturth (hridy) bhav par purn drishti hai. islie sachmuch hi sumit dariyadil insan hai.
uske andar santosh ki bhavna bhari hui hai. islie apne in gunon ke karan vah sada sarvada sukhi rahega kyonki jo manas dusron ki chinta v dukhon ke bare men hi sochta rahta hai uske svayan ke jivan men dukh nahin ho sakte. sumit ki kundli men lagnesh ke shubh bhav men hone, guru ke kendrasth hone v dashmesh ke dhan bhav men sthit guru se drisht hone tatha sath hi rahu ke shashth bhav men sthit hone se inka n keval sundar lakshmi yog v shreshthatam rajyog ban raha hai
apitu tritiya bhav men sthit surya ke prabhav se inke shaurya men bhi nirantar abhivriddhi hoti rahegi. abhi vartaman samay men shukra ki mahadsha men dhire-dhire sumit apne vyavsayik jivan men sudhar karke khub dhan-aishvarya kamane men saksham ho jaenge. inke dariyadil hone se inke lie yah shubh rahega. ye kisi samaj sudhar sanstha athva en. ji. oadi se jur kar apni kundli ke sakaratmak paksh se labhanvit ho sakenge.