prashna: bhavan athva vyavsayik pratishthan ka yadi uttara-purva ka bhag kata hua ho to yah kis prakar ki samasyaon ko janm de sakta hai? iske dosh ko thik karne ke lie kya upay kie ja sakte hain?
uttara: vastu men uttara-purva arthat ishanya kon ka bhag sabse adhik mahatvapurn mana jata hai. vastu ki manyata ke anusar vastupurush ka mukh is kon athva bhag men avasthit hota hai. spasht hai ki yadi mukh athva mastishk hi thik se karya nahin karega to sanpurn sharir hi nishkriya rahegi athva samanya rup se karya nahin karega. yahi sthiti bhavan athva vyavsayik pratishthan ki bhi hoti hai. uttara-purva ka bhag kata hone se aise bhavan men nivas karne vale logon athva vyavsayik pratishthan hone ki sthiti men yahan kam karne vale karmachariyon tatha malik ko nimnalikhit pareshaniyon evan kashton ka samna karna padta hai.
1. bhavan ka ‘ki paint’: uttara-purva arthat ishanya kon kisi bhi bhukhand athva bhavan ka sarvadhik mahatvapurn kshetra hota hai. yadi yah bhag kata hota hai athva is bhag men kisi bhi prakar ka dosh hota hai to yah har prakar ke sankat evan pareshani ka karan banta hai. is prakar ka bhavan chahe vah nivas sthan ho athva vyavsayik pratishthan, yahan ke nivasi athva karmachariyon ko har prakar ki sharirik, arthik mansik, parivarik kashton evan pareshaniyon se jujhna padta hai.
2. sukh, samriddhi evan unnati men rukavt: uttara-purva arthat ishanya kon men katav nivas sthan athva vyavsayik pratishthan ki sukh samriddhi evan unnati ke marg men badhak ban jata hai. athak mehanat evan parishram ke bavjud bhi log unnati nahin kar pate, hamesha karj tatha rin men dube rahte hain. vyapar evan vyavsay men akaran nuksan jhelna padta hai tatha yadi naukri kar rahe hain to bina uchit karan ke nilanban athva naukri chut jane jaisi pareshaniyan utpann ho sakti hain.
3. pavitrata evan satvikta men kami: uttara-purva bhag kate hone vale bhavan men nivas karne vale athva aise vyavsayik pratishthan men naukri karne vale logon ki pavitrata evan satvikta men kami a jati hai tatha logon ke man men hamesha galat vichar ate rahte hain. logon ki pravritti hinsatmak tatha ladai-jhagda karne vala ho jata hai.
4. arthik kashta: yah bhag kata hone par dhanagaman kafi kam ho jata hai, akaran anavashyak vyay hote hain tatha nivesh athva vyavsay men kisi n kisi tarah se nuksan hote rahte hain. vyakti arthabhav ke karan rinagrast ho jata hai.
5. svasthya kashta: uttara-purva ke bhag se hi sakaratmak evan jivndayi urja ka pravesh ghar athva kisi bhavan men hota hai. yadi yahi bhag doshpurn hoga to nivasi nissandeh is urja ke labh se vanchit rahenge jiska parinam yah hoga ki logon ka svasthya hamesha prabhavit rahega tatha log kisi n kisi bimari ka shikar hote rahenge.
6. yash evan prasiddhi men kami: uttara-purva ka bhag kata hone se yahan ke nivasiyon ko lakh koshishon evan yogyata ke bavjud bhi man-samman evan yathochit pratishtha nahin mil pati hai. log hamesha har drishtikon se sangharsh karte najar ate hain jisse ve hamesha mansik tanav men rahte hain.
7. vivah men vilanb: yah bhag kata hone se vivah yogya purush evan mahila ke rishte koshishon ke bavjud bhi tay nahin ho pate, hote bhi hain to barabri ke nahin hote athva akaran antim samay men tut jate hain.
8. santanotpatti men badha: yadi yah bhag kata hota hai to santan ke ichchuk danpattiyon ko santan paida hone men badha upasthit hoti hai, vilanb hota hai athva santan hoti hi nahin. kafi koshishon ke bad yadi santan hote bhi hain to adhik putriyan paida hoti hain. putra santan ke lie log tarste rah jate hain.
9. vikar ke shikar: yah bhag kata hone par yahan ke nivasi udar vikar, madhumeh, pachan kriya sanbandhi rog athva rakt vikar adi ke sahaj shikar ho jate hain.
10. pret badha: is bhag men dosh hone se ghara/bhavan ya vyavsayik pratishthan men pret badha utpann ho jati hai. aise jagah bhutha ban jate hain tatha logon ko akela rahne par yahan asamanya anubhav prapt hote hain.
11. galat nirman se pareshani: is kate hue bhag men yadi sidhiyan hoti hain to nivasiyon ko mansik tanav paida hota hai. yadi uttara-purva ke bhag men koi bhari nirman hota hai to nivasiyon ko anidra se sanbandhit pareshani ho jati hai. yadi is kate bhag men gandgi rahti hai to yah vibhinn bimariyon evan mansik tanav ka karan banta hai.
12. sochne samjhne ki kshamata men kami: yadi yah bhag band hota hai to sochne samjhne ki kshamata men atyadhik kami a jati hai, nirnay lene men hamesha chuk hoti hai parinamasvarup nuksan evan hani ka samna karna padta hai. yadi is bhag men jute-chappal rakhe jate hain to logon ko apmanajanak paristhitiyon ka samna hamesha karna padta hai.
dosh dur karne ke upay:
1. uttara-purva arthat ishan ko sahi karana chahie.
2. tatkalik labh prapt karne hetu purva v uttar ki divar par shisha lagana chahie, jisse is dosh ka prabhav kuch kam ho jayega.
3. ishan (u. pu.) bhag, anya sabhi konon v dishaon se nicha hona chahiye tatha donon dishaen-uttar v purva saman unchai ya nichai par honi chahie.
4. ishan bhag men puja sthal ya kaksh banane se dosh men kami ati hai kyonki yahan sadaiv sakaratmak evan dhanatmak urja ka sanchar hota hai. ise bhi pavitra v svachch rakhen.
5. is bhag ko sadaiv khula, halka, khali, bada, samkonik, pavitra v sugandhamay rakhna chahiye taki ghar men adhikatam sakaratmak urja pravesh kar sake.
6. is bhag men jal se sanbandhit vibhinn srot rakhna shubh rahta hai.
7. yah kon nicha rakhne se varsha ka purn shuddh jal isi or se bahar niklta hai, jisse yah bhag svachch v pavitra ho jata hai.
8. yah sthan bahut sanvednshil hota hai. atah yahan par nitya kapur jalana chahie.
9. ishan bhag men brihaspati yantra ki sthapna karen.
10. barfile kailash parvat par sadhna vale shiv ka foto lagayen, jinke mastak par chandrama (arddha) v lanbi jata se ganga ji (jal) nikal rahi hon.
11. uttara-purva bhag men bhojan ki talash men udte huye pakshiyon ka foto lagayen.
12. is bhag men brahmaji, brihaspati deva/grah, pipal vriksh, apne guru ya sadhu purush ka koi foto lagayen.
13. is bhag par bada shisha bhi lagana shubh rahta hai.
14. apne gurujnon ka samman v seva karen. inhen bhuri-pili lal gay ke besan ke vyanjan khilayen.
15. dharmik pustakon ka dan karen.
16. is bhag ka enarji (urja) lebal (kshetra) badhane ke liye is bhag men piramid ka prayog bhi uttam rahta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!