aj ke samay men mahangai aur bhrashtachar charam sima par pahunch gaya hai. sarkar ke lakh koshish karne ke bad bhi mahangai aur bhrashtachar ruk nahin rahe hain. yah prashn sabhi ke dimag men ghar kar gaya hai ki kya yah mahangai aur bhrashtachar isi tarike se barhte rahanege ya inke upar kabhi niyantran bhi lagega? inke upar grah, nakshatra evan rashiyon ka kya prabhav hai? aie, parhte hain is lekh men... surya ki sayan mesh v tula sankranti vishuv ya gol sankranti kahlati hai. mesh sankranti uÿar goliya sankranti hai.
surya ki uchcharashi mesh mane surya ke sthit rahte bharat men vasant ritu rahti hai. rituraj vasant se bharat men navsanvatsar ka praranbh hota hai. punashch mesh rashi ke surya men varsh ka pratham saurmas hota hai, jise saur chaitra bhi kahte hain. saur panchangon men mesh sankranti se navin saur varsh ka praranbh mana jata hai. shanti v samriddhi layega navsanvatsara: jis din mesh sankranti ho, us sankraman kalin lagn ko varsh lagn ya jagat lagn kahte hain.
vikram sanvat 2068 men nirynman se surya ka ashvini nakshatra v mesh rashi men pravesh 14 aprail 2011 ko dopahar 12ah59 par hoga. is samay kark lagn 11 ansh par sthit rahega. jagat lagn char v jal rashi ka hone ke karan mansuni varsha paryapt v shubhfldayak hogi tatha krishi/ vanyopaj bhi khub hogi. jagat lagn ka svami shubh grah chandrama hai aur us par shukra ki shubh drishti bhi par rahi hai tatha lagn par saumya grah guru ki purn drishti hai, jo lagn ko bal pradan kar rahi hai. is karan is varsh sansar men shanti v samriddhi rahegi aur vigyan v prodyogiki ka vikas hoga.
kintu lagnesh chandrama par rahu ki krur drishti uprokt falon men kuch nyunta la sakti hai. shani ki mangal par drishti dakshin pranton men prakritik prakop v sankat ko darsha rahi hai. bhukhmri ke bad mahangai par kabu: jagat lagn chakra mane krur grah shani v saumya grah guru ekdusre se saptam sthan men maujud hai. yah samasaptak yog krishi utpadon/khadyann padarthon ka kshay karta hai. atah is varsh faslen nasht hone ke karan paidavar kam hogi ya jamakhor khadyann ka bhandaran karke bajar men kritrim abhav paida karenge jiske falasvarup ann adi dainik upyog ki vastuon ki kimten atyadhik barh jayanegi.
uÿar pradesh, madhyapradesh aur purvi bharat ke anek sthanon par avashyak upbhokta vastuen mahangi hone ke karan garib admi ki kray shakti se pare hongi, jisse bhukhe marne ki naubat ayegi. dinank 08.05.2011 se guru ke mesh rashi men pravesh karte hi guru shani ka samasaptak yog tut jaega jisse khadyann ki apurti hogi aur khadyann sankat kam ho jaega.
varsh ke pradhan mantri ka pad guru ke pas hone ke karan desh men harit v dugdh kranti ka sutrapat hoga. ‘guru vakre subhikshansyat.’’ is sanhita sutra ke anusar 30.08.2011 ko guru ke vakri hone se khadyann ki kami dur hogi, bharat sarkar mahangai par niyantran prapt kar legi aur khadyann sankat dur ho jaega. guru ke mitra rashi men vakri hone se shiksha, gyan, vigyan ke kshetra men pragti hogi tatha bharat ke gyan, pratibha v bauddhik kshamata ka gaurav vishva men barhega. dhanyadhipti shukra hone se chaval adi dhanyon ki vriddhi hogi.
kharif faslon ki paidavar achchi hogi. tula ke shani kasenge bhrashtachar par nakel: vigat sanvatsar ki bhanti nav sanvatsar men bhi desh ke mantrigan, sansad aur prashasnik adhikari ghotalon v rishvatkhori adi anaitik tarikon se desh ka dhan harapakar videshi bainkon men jama karte rahenge. jab tak shani kanya rashi men hai, tab tak bhrasht netaon, adhikariyon aur vyapariyon par kanun koi ankush nahin laga paega. kintu 15-11-2011 se dandadhikari shani ke tula rashi men pravesh karne ke bad nyay palika majbut ho jaegi aur uska vidhayika v karyapalika par niyantran hoga. manniya nyayadhishon ka jamir bikna band ho jaega tatha ve nishpaksh nyay karne lagenge.
anek varshon se latka lokpal vidheyak kanun ka rup le lega kyonki kanun ka karak shani apni uchch rashi men sanchar karega. faltah lokpal (suprim kort ka vartaman ya purva nyayadhish/jj) lok sevkon (pradhanmantri sahit sabhi mantriyon, sansdon aur afsron) ke bhrashtachar ke aropon ki nishpaksh janch kar sakega. parinamtah kanun ka dar (shanidev ka bhay) utpann hone ke karan bharat ke lok sevak bhrashtachar ki dandi marna kam kar denge ya band kar deng. tula ke shain kashmir v u.pra. men sushasan denge.
videshi bainkon men jama desh ka kala dhan desh men vapas ane ka marg prashast hoga. rahu ka vrishchik men krodh: 06-06-2011 se rahu vrishchik rashi men aur ketu vrish rashi men gochar karega. maharshi parashar ke anusar vrishchik rahu ki nich rashi hai. medini sanhita ke anusar ‘‘bhaumgrihe sati rahau raja virodh praja bhavndahau agni pira’’ arthat jab mangal ki rashi men rahu ka sanchar hota hai tab janta shasak v shaskiya nitiyon ka virodh karti hai tatha bhukanp visfot ya agni adi se praja ko kasht hota hai.
12 jun se 25 julai 2011 tak mangal ke vrish rashi men bhraman karne se rahu mangal ka samasaptak yog banega jo bhukanp, visfot, ya agni sanchar se janadhan ki hani karega. yah prakop rahu ki krodhagni hi kahi jaegi. yah krodh ki jvala dakshini pranton v dakshini deshon men sarvadhik dikhai degi. grahan sarkar ke lie ashubh: sanvat 2068 men do khagras chandra grahan parenge, jo sarvatra bharat men dikhayi denge. pahla chandragrahan jyeshth shukla purnima (15.06.2011) budhvar ki ratri men 11ah53 se jyeshtha nakshatra vrishchik rashi men praranbh hoga tatha grahan ki samapti uÿar ratri 03ah33 par mul nakshatra-dhanu rashi men hogi.
varsh ka dvitiya chandra grahan (10.12.2011) margashirsh purnima ko sayan 06ah15 se ratri 09ah48 tak vrishabh rashi men parega. pahla chandra grahan bharat ki janm kundli ke sahyog bhav (saptama) men hoga, jisse bharat ko videshi mitra deshon ka sahyog nahin milega. yah grahan bharat ki vrishabh lagn ke lie ashubh hai. 15 jun ka chandra grahan yu.pi.e. gathbandhan sarkar ke kutumb bhav men ho raha hai, jo yu.pi.e. gathbandhan men darar paida kar sakta hai.
kangres parti v pradhanmantri ke vyay bhav men chandrama ko laga grahan kangres sarkar ko bhi grahan laga sakta hai. yah grahan vrishchik dhanu rashi ke vyaktiyon ke lie ashubh hai. iske kuprabhav se panjab, bangal, bihar, asam men kinhin sthanon par sankramak rog fail sakta hai. inmen se kisi rajya sarkar ka ‘rahu’ dvara chatrabhang ho sakta hai. 10 disanbar ka chandra grahan bharat ki janm kundli ke lagn bhav men tatha yu.pi.e. gathbandhan sarkar ke ashtam bhav men hone ke karan bharat ki janta tatha bharat sarkar ke lie anisht prad hai.
munbai, kashmir, u.pra., bangal ke lie yah grahan ashubh faldayi hai. shreshth sukhdayak varsha: meghesh budh falan: is varsh megh-parjanya nayak shubh grah budh hone ke karan mansuni (barsat) varsha samanya se adhik hogi aur desh ke lie sukhdayak rahegi. varsh ke raja ka pad aur varshesh lagn ka svami chandrama hone ke karan is varsh bharat men shuddh peyajal ki samasya dur ho jaegi. rohini nivas samudra men hone se samkalin v sukhdayak mansuni varsha hogi. chaturmegh namak dron hone ke karan sarvatra varsha hogi.
samay nivas mali ke ghar men hone se samyanukul adhik varsha hogi. sanvart namak navmegh hone ke karan varshakal ke praranbh men vayuveg, andhi-tufan ke karan janta ko pira hogi. surya ka adrra nakshatra men pravesh aur varsharitu ka pranrbh: 22 jun se surya ke adrra nakshatra men pravesh karte hi bharat men varsharitu ka praranbh ho jaega tatha keral v munbai men 22 jun ke as-pas mansun ka agaj ho jaega. 20 julai ko surya ke pushya nakshatra men pravesh karte hi gaj varsha yog nirmit hoga jiske falasvarup hariyali amavasya (30 julai) tak bharat ke adhikansh shahron men barsat ho jaegi.
bharat ke adhikansh kshetron men samanya se kam ya adhik varsha hogi. 23 agast ko varsharitu samapt ho jaegi. adrra pravesh kundli ke saptam bhav men guru hone ke karan pashchim madhyapradesh aur pashchim bharat men shreshth v sukhdayak varsha ka yog ban raha hai. shani ki kanya se vidai purvi bharat v purvi deshon ke lie sukhd: bharat eshiya mahadvip ke dakshini bhag men sthit hai. prithvi kurmachakra ke nakshatranusar bharat ki rashi kanya hai.
kanya rashi men 09.09.2009 se shani sanchar kar raha hai aur 15.11.2011 tak yahin rahega. nav samvat men shani hast v chitra nakshatra men gochar karega jisse jammu-kashmir, maharashtra, gujrat, karnatak, tamilnadu, shrilanka adi pirit rahenge. 15 navanbar 2011 se shani ke tula rashi men pravesh karte hi shani prithvi mandal ki nairitya disha men chala jaega. tula ka shani atlantik mahasagar ke purvi, pashchimi kinaron par base deshon ko pirit karega. nairitya ka shani ishan disha men vedh karta hai
ishan kon men pakistan, afganistan, iran, irak adi desh ate hain. jab tula ke shani ka papagrah se vedh hoga, tab in deshon men upadrav honge. medini sanhita ke anusar tula rashi ke shani ki pashchim drishti hoti hai tatha shani ki drishti vinashak kahi gai hai. vakri hone par shani adhik krur ho jata hai. sanvat 2068 ke ant men (07.02.2012 i.) se shani tula rashi men vakragtishil honge jo amerika, maiksiko adi pashchimi deshon men prakritik prakop, yuddha-hinsa, rog-mahamari adi upadravon se vahan ki janta ko kasht pahunchaega.
kintu kanya rashi se shani ki vidai bharat ke lie sukhad rahegi. tula ka shani bharat ke samast vighnon ko shant karke sukh-samriddhi ka marg prashast karega.