hamare jivan ka sabse mahatvapurn sanskar hai vivah. samanyatah sabhi logon ka vivah ho jata hai, kuch logon ka jaldi vivah hota hai to kuch logon ki shadi men vilanb hota hai. yadi kisi avivahit larke ya larki ki sabhi paristhitiyan bahut achchi hain aur fir bhi vivah nahin ho pa raha hai to aisa sanbhav hai ki unki kundli men koi grah badha ho. manav jivan men vivah bahut bari visheshta mani gai hai. vivah ka vastavik arth hai- do atmaon ka atmik milan. ek hriday chahta hai ki vah dusre hriday se sampark sthapit kare, apas men donon ka atmik prem ho aur hriday madhur kalpana se otaprot ho. var-vadhu ka jivan sukhi bana rahe iske lie vivah purva larke aur larki ki kundli ka milan karaya jata hai. kisi visheshagya jyotishi dvara bhavi danpatti vivah ke samay dhyan rakhne yogya baten pan. dayanand shastri ki kundliyon se donon ke gun aur dosh milae jate hain. sath hi donon ki patrika men grahon ki sthiti ko dekhte hue inka vaivahik jivan kaisa rahega? yah bhi satik andaja lagaya jata hai. yadi donon ki kundliyon ke adhar par inka jivan sukhi pratit hota hai tabhi jyotishi vivah karne ki bat kahta hai. jab donon ek sutra men bandh jate hain, tab use samaj ‘vivah’ ka nam deta hai. vivah ek pavitra rishta hai.
vivah men ashauchadi ki sanbhavna ho to 10 din pratham nandi shraddh karna chahie . nandi shraddh ke bad vivah samapti tak ashauch hone par bhi var -vadhu ko aur unke mata -pita ko ashauch nahin hota hai. nandi shraddh ke purva bhi vivah ke lie samagri taiyar hone par ashauch prapti ho to prayashchit karke vivah karm hota hai. kushmand sukt se havan ,godan aur panch gavya prashan iska prayashchit hai . jinki janmapatri men rahu satven ghar men baitha hota hai use 21ven varsh men shadi nahin karni chahie. aisa karne se vaivahik jivan tanavpurn hota hai. pati-patni ek dusre se alag ho sakte hain. kundali men lagn sthan yani pahle ghar men chandrama baitha ho to 25 ven varsh men shadi nahin karni chahie. 25 varsh chandrama ki ayu mani jati hai. chandrama ki drishti satven ghar par hoti hai jo shukra ka ghar hai. shukra aur chandrama men shatruta hone ke karan vaivahik jivan ka sukh prabhavit hota hai. vivah ke samay havan ke purva athva madhya men va prarambh kanya yadi rajasvala ho jay to kanya ko snan karakar yunyjan mantra se havan karke avshisht karm karna chahie. vadhu aur var ke mata ko rajodarshan ki sanbhavna ho to nandi shraddh das din pahle kar lena chahie . nandi shraddh ke bad rajodarshan janit dosh nahin hota hai.
keval manglik yog shadi men 20 pratishat hi badhak ban sakta hai. vah bhi tab jab ashtamesh evan dvadshesh donon ke ashtam evan dvadash bhav men 5 ya isse adhik ank ashtakavarg men pate hain. yadi lagnesh, saptamesh evan panchmesh saptam bhav men 5 ya isse adhik pate hanai, tatha inmen se koi ast ya nich ka n ho to larka-larki donon ajivan sukhi evan khush rahenge. chahe kundli kitni bhi bhayankar manglik kyon n ho. donon ke saptamansh kundli men saptamesh paraspar shatru grah nahin hone chahiye. yadi sanyog se aisa ho bhi jata hai, to shadi ke samay us nakshatra men vivah kadapi n karen jismen janm ke samay donon ke saptamesh hon. yadi saptam bhav men pratyek grah ko 5 ya isse adhik milen to ganna n milne par bhi shadi sada shubh hogi.
iske viprit yadi ganna ke ank 25 ya 30 ya isse adhik hi kyon n milen, kintu ashtak varg men yadi pratyek grah ko 3 ya isse kam a nk milte ho, to vah vivah sada hi ashubh hota hai. yadi bhav dosh ke karan vivah men badha pahunch rahi ho to pahle nakshatra vyutkraman ki vidhi puri karen. yadi nakshatra dosh ke karan badha ho to sthan vyutkraman ki vidhi puri karen. kintu yadi donon dosh ho to vivah kisi bhi kimat par n karen. nandi shraddh ke pratham rajodarshan hone par shri shanti karke vivah karna chahie . var-vadhu ki mata ke rajasvala athva santan hone par shri shanti karke vivah ho sakta hai . vivah men ashauch ki sanbhavna ho to ashauch ke pratham ann ka sankalp kar dena chahie . fir us sankalpat ann ka donon paksh ke manushya bhojan kar sakte hain, usmen koi dosh nahin hai. pariveshan asgotra ke manushyon ko karna chahie .
vivah men var-vadhu ka granthibandhan kanyadan ke pahle hi shastra sammat hai, kanyadan ke bad nahin. kanya data ka apni stri ke sath granthi bandhan kanyadan ke pratham hona chahie . do ka ek samay vivah ho sakta hai parantu ek sath nahin ,kintu ek kanya ka vaivahik kritya samapt hone par dvar -bhed aur acharya bhed bhi ho sakta hai. ek samay men do shubh -karm nishedh hai ,usmen bhi kanya ke vivah ke anantar putra ka vivah ho sakta hai aur putra-vivah ke anantar putri ka vivah chah mas tak nahin ho sakta hai . pahle garbh men utpann larke ya larki ka vivah uske janm mas, janm nakshatra ya janm tithi men nahin karna chahie. yadi mata ka pahla garbh nasht ho gaya ho tab yah vichar karne ki avashyakta nahin hai. janm mas ke sandarbh men muhurt shastriyon ke do mat hain, kuch to janm ke chandramas ko janm mas mante hain aur kuch janm din se lekar tis din ke avdhi ko. jyeshth larke aur jyeshth larki ka paraspar vivah jyeshth mas men nahin karna chahie. putra ke vivah ke 6 mah ke bhitar putri ka vivah nahin karna chahie. putri ka vivah karne ke bad putra ka vivah kabhi bhi kiya ja sakta hai.
ek varsh men sahodar bhai athva bahnon ka vivah shubh karak nahin, varsh bhed men aur sankat men kar sakte hain . saman gotra aur saman pravar vali kanya ke sath vivah nishiddh hai . falgun, budh aur som in mah evan varon men vivah karne se kanya saubhagyavti hoti hai. magha, margashirsh, mul, mrigshira, revti, varnavali rogini nahin honi chahie. vivah men sapind, vachal, vichar, vaishakh, shukra, svati, hast ye nakshatra vivah men shubh hain. vivah men saurmas grahan karna chahie. vivah ke bad 1 varsh tak pi nd dan, mrittika snan, til tarpan, tirth yatra, mundan, pretanugaman adi nahin karni chahie. vivah men chink ka dosh nahin hota hai. vivahadik karyon men sparshasparsh ka dosh nahin hota hai. anuradha, asharh mahinon men vivah karne se kanya saubhagyavti hoti hai. guru tatha ravi bhi chaithe, jyeshth, tinon uttara, navmi in tithiyon ko tyag dena chahie. vivahadi karyon men 4 ,12, chandrama grahan kiya jata hai. vivah men 6, 8, 10 shukla paksh ki pratipda rikta adi tithi nishiddh hai. kundali men agar surya aur shukra ek sath ek ghar men baithe hon to vivah ke lie 22 van aur 25van varsh shubh nahin hota hai. is umra men vivah karne par pati-patni ke sanbandh achche nahin rahte hain. shubh grahon ka prabhav nahin ho to algav bhi ho sakta hai.
vivah ke sanbandh men bataya gaya hai ki jis vyakti ki kundali men budh chathe ghar men baitha hota hai use apni beti ki shadi uttar disha men rahne vale vyakti se nahin karni chahie. isse vivah ke bad beti ko duahkh uthana parta hai. ladke evan larki donon ka janm ek dusre ke tritiyant rashi men n ho. arthat yadi ladke ka janm mesh rashi ke ant men arthat krittika nakshatra ke pratham charan men ho to larki ka janm mithun rashi ke ant arthat punarvasu nakshatra ke antim charan men nahin hona chahiye. kundli men larke ke jis bhav men surya ho larki ki kundli men us bhav men guru n ho. larki ke jis bhav men mangal ho larke ki kundli men us bhav men shukra n ho. larke ki kundli men yadi athven bhav men shani, rahu, mangal ya surya ho to larki ki kundli men isi bhav men inmen se koi bhi grah us shart par ho jo larke ke ashtak varg men athven bhav men 4 ya isse kam a nk liya ho. anyatha alpayu yog svatah ban jayega. vivah ka muhurt tabhi nikalen jab larka ya larki kisi ek ka kisi bhi grah men rahu ki antardasha chal rahi ho tatha dusre ki saptam ya dusre bhav ki dasha chal rahi ho. aisa isliye taki ajivan ek ki dasha viprit hone par dusre ki dasha bali hokar use sahara de deti hai. paranprik ganna ke anusar yadi nari ek ho jati hai to shadi nishiddh kar di jati hai. karan yah hai ki ek to ganna men sidhe ath ank kam ho jate hai. dusre vansh kram avruddh hone ka kathan hai. kintu yadi donon ki kundli men panchmesh, saptamesh evan lagnesh donon ke panchven bhav ki rashi men 5 ya isse adhik ank pate hanai. to vanshakram avruddh nahin ho pata hai.
jinki kundali men surya, budh aur rahu ek sath ek ghar men baitha hota hai unka vaivahik jivan sangharshapurn hota hai. aise logon ki ek se adhik shadi hone ki sanbhavna rahti hai. surya jinki kundali men chathe ghar men hota hai aur shani 12 ven ghar men unki bhi ek se adhik shadi ho sakti hai. is sthiti men vaivahik jivan ke sukh ko banae rakhne ke lie lal kitab men upay bataya gaya hai ki vivah ke samay sasural paksh se do tanbe evan chandi ke chaikor tukre len. ek tukra pani men baha den aur dusra apne pas rakhen. kundli milan se donon hi parivar var-vadhu ke bare men kafi jankari prapt kar lete hain. yadi donon men se kisi ki bhi kundli men koi dosh ho aur is vajah se inka jivan sukh-shanti vala nahin rahega, aisa pratit hota hai to aisa vivah nahin karaya jana chahie. kundli ke sahi adhyayan se kisi bhi vyakti ke sabhi gun-dosh jane ja sakte hain. kundli men sthit grahon ke adhar par hi hamara vyavhar, achar-vichar adi nirmit hote hain. unke bhavishya se juri baton ki jankari prapt ki jati hai. kundli se hi pata lagaya jata hai ki var-vadhu donon bhavishya men ek-dusre ki saflta ke lie sahyogi siddh honge ya nahin. var-vadhu ki kundli milane se donon ke ek sath bhavishya ki sanbhavit jankari prapt ho jati hai islie vivah se pahle kundli milan kiya jata hai.