kanpyutar saeftaveyar mane ank jyotish vinay garg, fyuchar paeint bhavishya janne ke lie jyotish shastra, hastarekha shastra, ank shastra tatha anya kai vidhaen hain. lekin ank shastra aisi vidha hai, jiske dvara kam samay men kam mehanat dvara satik evan jivnopyogi jankari prapt ki ja sakti hai. kaise ap ank shastra ka upyog karke jivan men labh utha sakte hain, janie is lekh men...
bhavishya janne ke lie ankon ka apna mahatva hai. ank jyotish men mukhyatah 3 tarah ke ank mane jate hain:
1. namank
2. mulank
3. bhagyank.
ank jyotish dvara labh uthane ke lie in ankon ka upyog lokapriya hai. udaharan ke lie yadi namank, mulank aur bhagyank se mel n khata ho to aisa nam jatak ke lie bhagyavardhak ya sarthak nahin hoga. atah vyakti ko apna nam mulank aur bhagyank ke adhar par hi rakhna chahie. mulank aur bhagyank nikalne ke lie janm tithi ka e adhar mana jata hai jabki namank nikalne ke lie nam ke angreji aksharon ko adhar mana jata hai.
pratyek angreji akshar ke lie ek ank nishchit hota hai. inhin ankon ko jorakar namank nirdharit kiya jata hai. sansar men nam nahin to kuch bhi nahin. sahi faldayi nam se hi manushya desh-videsh men prasiddhi pata hai. atah hamesha aise nam ka chunav karna chahie jo samaj men yash, kirti tatha pratishtha pradan kare aur sadiyon tak adar ke sath yad kiya jae. apka nam apke bhagya v pratishtha ko barhane men kitna sath de raha hai nimn ganna se ap jan sakte hain evan nam ko thik kar apne bhagya ki vriddhi kar sakte hain.
mulank svami evan bhagyank svami grahon ka apas men g naisargik rup se maitripurn sanbandh vyakti ko samaj men pratishtha dilata hai. yadi ap mulank evan bhagyank ke grahon ka sanpurn fal prapt karna chahte hain to apne nam men is prakar se parivartan karen ki apka nam apke mulank tatha bhagyank ke sath uttam talmel sthapit kar sake.
nam men parivartan karne ke karan mulank svami evan bhagyank svami grah ke purn fal prapt honge tatha apka nam samaj ke vibhinn kshetron men lokapriyata prapt karne men safal rahega. apne nam ka achcha fal pana chahte hain to aise nam ka chunav kijie jo ki apke namank tatha bhagyank donon se hi milan kare. aisa nam ruki hui pragti ke dvar kholega tatha ap purnarupen sansarik safltaen arjit karenge.
nam men parivartan karne ki vidhiah nam men parivartan karne hetu angreji varnaksharon ko ankon men parivartan karne ki vidhi udaharan sahit niche di ja rahi hai. iski sahayta se ap asani se nam men parivartan athva vanchit sanshodhan kar apne anukul namank bana sakte hain.
ank jyotish ka sabse mahatvapurn upyog jatak ke anukul jankari prapt karna tatha jivan men uska prayog karke labh uthana hi hai. ank jyotish ke dvara nimnalikhit jankari prapt ki ja sakti hai: anukul samay anukul divas shubh tarikhen ashubh tarikhen mitrata ya sajhedari prem sanbandh evan vivah anukul rang vastu evan libas vahan, yatra, hotal svasthya tatha rog vyavsay vrat evan upvas anukul ratn, uparatn anukul devta grah dhyan mantra grah jap mantra vanaspati dharan vanaspati dan padarth yantra.
udaharan ke lie: yadi kisi ki janmatithi 11-07-1964 hai to inka mulank 1$1=2 hoga tatha bhagyank 1$1$0$7$1$9$6$4=29 =2$9 =11 =1$1=2 hoga is jatak ke lie sarvapratham hamen dekhna chahie ki namank ka talmel mulank aur bhagyank 2 ke sath shubh ho. iske pashchat anukul jankariyon ki ganna nimn prakar hogi:
anukul samy: mulank 2 ke lie anukul devta chandrama mana gaya hai. surya 16 julai se 16 agast tak kark rashi men rahta hai. kark rashi chandrama ki svayan ki rashi hai. 13 mai se 14 jun tak surya vrish rashi men hota hai, jo ki chandrama ki uchch rashi hai. atah yah samay mulank 2 ke lie koi bhi naya ya mahatvapurn karya karne ke adhik upyukt hoga.
anukul divs: kyonki mulank 2 ke lie somvar, shukravar tatha ravivar shubh din mane gae hain atah yadi inhin varon men mulank 2 ki tarikh bhi ho to aisa din sabhi karyon ke lie achcha rahta hai.
shubh tarikhen/ mitrata ya sajhedari/ prem sanbandh evan vivah: mulank 2 ke lie 2,7 aur 9 ke ank shubh mane gae hain. atah inhin mulankon men kisi bhi mah ki ye tarikhen paren to shubh hoga. arthat 2, 7, 9, 11, 16, 18, 20, 25, 27 evan 29 tarikh shubh tarikhen hongi. isi prakar mitrata ya sajhedari, prem sanbandh evan vivah ke lie 2, 7 evan 9 mulank vale vyakti aise vyakti ke lie hitkari siddh ho sakte hain aur in mulankon vali striyan hamesha jatak ke lie anukul rahti hain.
ashubh tarikhen: mulank 2 ke lie ashabhu a akan 5 arai 8 man e gae h.nai atah kisi mas ki mulank 5 evan 8 par adharit tarikhen ashubh tarikhen hanegi. is prakar is jatak ke lie 5, 8, 14, 17, 23 evan 26 ashubh tarikhen hongi.
anukul rang: mulank 2 ke lie anukul rang safed, hara ya kafuri upyukt mana gaya hai. inka adhikadhik prayog jatak ke lie vishesh labhaprad rahta hai.
vastu evan nivas: mulank 2 ke lie anukul devta chandrama hai tatha chandrama ki disha uttara-pashchim (vayavya kon a) hoti hai. atah jatak ko vayavya kon men rahna anukul rahega. yadi makan ka nanbar mulank 2, 7, 9 ata ho to vah aur bhi shubh hoga. anukul devta bhagvan shiv ko mana gaya hai. atah jatak ko shiv bhagvan ki upasna karni chahie.
svasthya evan rog: mulank 2 ka svami chandrama tatha devta shiv hain. atah jatak ko chandra se sanbandhit bimari jaise kamjori, kshinta, udveg, mastak pira, sanvednshilta, mutra evan gais jaise rog ho sakte hain. atah jatak ko anukul devta shiv ki upasna karni chahie.
vyavsay: mulank 2 ke lie sanbandhit grah chandra hai atah jatak ko chandra se sanbandhit vastuon jaise drav padarth, samudra yatra, chini, ann ka vyavsay, rasile padarth, dudh, dahi, ghi ya jal se sanbandhit karya karna, ejent, sanpadan, abhinay ya moti ratn se sanbandhit karya karna anukul rahega.
upvas: mulank 2 ka sanbandhit var somvar hai atah jatak ko somvar ka vrat karna labhkari rahega.
anukul ratna: mulank 2 ke lie chandrama anukul grah hota hai atah jatak ko moti dharan karna shubh hoga. grah dhyan/ jap mantra: mulank 2 ke jatak ke lie chandrama anukul grah hai atah jatak ko pratahkal uthakar man men chandra ki murti pratishthit karke chandra ke mantra ka path karna chahie. ashubh chandra ko anukul banane hetu jatak ko chandra ke nimn mantra ka jap karna vanchit labh dilata hai.
¬ shran shrin shraun sah chandramse namah..
jap sankhya 13000 vanaspati dharn/ snan: mulank 2 ke jatak ke lie chandi, moti, shankh, sip aur kumud adi aushdhiyon ka churn banakar pani men dalakar snan karna sabhi prakar ke rogon se mukti dene vala sabit hoga.
dan padartha/ yantra: mulank 2 ke jatak ke lie chandra ki shanti hetu chandra ke padarth jaise chaval, kapur, chandi, safed vastra, safed chandan ya dahi ka dan karna labhkari hoga. isi prakar chandra se sanbandhit yantra dharan karna jatak ke lie labhkari rahega.
yah sabhi jankari jyotish ke mashhur saeftaveyar liyo gold tatha paeket kanpyutar ke program liyo pam men vistrit rup se jatak vishesh ke lie upalabdh hai. ismen namank vichar ke atirikt ank jivan graf ke bare men bhi jankari di gai hai jiske dvara jatak apne jivan ke utar charhavon ko svayan bhali bhanti samajh sakta hai evan unke adhar par apne karya ki ruprekha taiyar kar sakta hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.