chikitsak yog rashmi chaudhri chikitsa rogi ke rog ka nidan karke uske pranon ki raksha karti hai. safal chikitsak vahi jatak ban pate hain jinki janm patrika men chikitsa vyavsay men saflta dilane vale uttam grah yog upasthit hon. is alekh men prastut hai chikitsa vyavsay men saflta dilane vale katipay grah yogon ka vivaran. kundali men atmakarak grah apni mul-trikon rashi men sthit hokar lagn bhav men ho tatha uski yuti panchmesh se hoti ho to jatak prasiddh chikitsak hota hai. yadi mesh, vrish, tula, makar evan kunbh lagn men mangl-shani, chandra-shani athva budh-shani ki yuti ho athva surya ya chandra ke sath uparyukt tinon grahon ki yuti banti ho, to jatak safal chikitsak hota hai.
yadi kendra bhavon men surya-shani, chandra-shani, budh-shani ya budh-mangl-shani athva surya-budh-shani, chandra-budh-shani men koi bhi yuti ho aur unmen se koi bhi do grah kendresh hon tatha koi bhi grah ast n ho to jatak ke safal chikitsak banne ki prabal sanbhavna hoti hai. yadi janm patrika men kark rashi v mangal donon hi balvan tatha lagn evan dasham bhav men mangal evan rahu ka kisi bhi rup men sanbandh ho to jatak chikitsak ban sakta hai. ab prastut hai in grah yogon ko darshati hui ek safal chikitsak ki kundli- kundli nan. 1 men lagn men kark rashi hai tatha panchmesh evan dashmesh hokar mangal tritiya bhavasth hai.
rahu dasham bhav men mangal ki rashi men hi sthit hai, jis par mangal ki ashtam tatha chandra-ketu ki saptam drishti rahi hai chikitsa vigyan evan aushdhiyon ka karak grah surya, budh ke sath hokar budhaditya yog ka nirman kar raha hai. navansh men bhi mangal pancham bhav men sthit hai tatha navansh kundli men budh-shukra ki labh bhav men yuti ne jatak ko chikitsak banakar mukhytah homyopaithi ke kshetra men mahan saflta dilai. ek safal chikitsak ki kundli men surya-mangal ke sath-sath ketu bhi bali hona chahie. chunki vrishchik rashi aushdhiyon ka pratinidhitva karti hai, atah is rashi men sthit ketu evan iske svami mangal ke bali hone par jatak safal chikitsak banta hai sath hi yadi pancham bhav tatha panchmesh bhi bali hai, to jatak ke safal chikitsak banne ki purn sanbhavna hoti hai.
yadi lagn men mangal svarashi ya uchch ka ho tatha surya pancham bhav se sanbandh banata ho, to jatak sarjari ke kshetra men nipun hota hai. shashth bhav se rogadi ka vichar kiya jata hai. atah shashth bhav ya shashthesh yadi dasham bhav se sanbandh banae to jatak kushal chikitsak banta hai. jin jatkon ki kundli men guru-chandra ka bali saban dhn a hate a hai v e bhi kashu al chikitsak ban jate hain.
prastut kundli-2 ek stri rog visheshagya ki hai. kundli men mangal lagnasth hai, ketu mangal ki rashi men hai, panchmesh shani svayan pancham bhavagat hokar bali ho gaya hai. guru-chandra ka shubh sanbandh lagn evan navansh kundli donon men hi ban raha hai. surya bhi labh bhav men svarashigat hokar pancham bhav ko apni drishti se dekh raha hai. inhin sab yogon ke karan jatika n keval ek safal stri rog visheshagya hai balki ek kushal sarjan bhi hai. uparyukt grah yogon ko darshati hui kundli-3 prasiddh sarjan ki hai jismen lagnesh budh, surya ke sath pancham bhav men yuti bana raha hai. rahu mangal ki rashi men tritiya bhav men sthit hai. rahu vargottam bhi hai. sarjari evan rakt ke karak grah mangal ki dasham bhav par drishti hai. shashthesh (rogesh) shani dasham bhavasth hai.
navansh kundli men bali mangal ki drishti rog bhav, bhagya bhav evan dasham bhav par hai. in sabhi bhogon ke falasvarup jatak n keval ek safal chikitsak bana balki janm kundli men chaturth bhavasth chandra, mangal yuti (uttam dhan yog) ke karan jatak ne sarjari ke kshetra men safal hokar apar dhan sanpatti bhi arjit ki hai. yadi sam rashi men budh ho, lagn men visham rashi ho, dhanesh margi hokar shreshth bhav men sthit ho tatha chandra evan mangal bhi bali hon, to jatak vikhyat chikitsak ban sakta hai. shani evan mangal ka shubh bhav men drishti sanbandh bhi jatak ko safal chikitsak bana sakta hai.
prastut kundli-4 tvacha rog visheshagya ki hai. janm patrika men grah sam rashi men hai, lagn men visham rashi hai tatha dhanesh mangal panchamasth hai. navmesh budh svarashisth hokar surya ke sath dvadash bhav men hai. navansh kundli men mangal budh dasham bhavasth hain. shani-mangal ka drishti sanbandh bhi hai. dashmesh chandra mangal ke navansh men sthit hai. lagn kundli men bhi chandra ki sthiti shubh hi kahi jaegi. is kundli men tvacha rog visheshagya banne ke bhi lagabhag sabhi grahyog hain.
kyonki tvacha se sanbandhit grah mukhytah chandra aur budh mane gaye hain jo lagn evan navansh men shubh hain. lagn kundli men shashth bhav par surya aur budh ki drishti bhi hai. navansh kundli men hi dasham bhav men tvacha karak grah budh evan rakt ke karak grah mangal ki yuti ne jatak ko ek safal tvacha rog visheshagya banaya.