janm patrika men vakil yog rashmi chaudhri kaun jatak vakil banega? is prashn ka uttar janmapatrika men upasthit yogon ke adhar par diya ja sakta hai. prastut hai lekh men vakil banne ke jyotishiya yog jo vakil banne men sahayak hote hain.
kanun shastra se sanbandhit grah mukhytah guru, shukra, mangal, budh aur shani hain. guru, shukra achchi vivek shakti pradan karte hain. mangal parakram ka karak hai. budh-vani ka karak hai tatha nyay pradhan hone ke karan vakalat peshe se mukhay rup se sanbandhit hai.
vakalat se sanbandhit bhav mukhytah dvitiya (vani bhav), saptam (kanun, mukdma) tatha navam bhav evam karm bhav hain. jab lagn ya sapt bhav men mangal, budh athva shani ho athva dvitiyesh lagn men budh ya shani se yut ho athva panchmesh lagn men budh ya shani se yut ho ya usse drisht ho to jatak vakil ho sakta hai.
kundli sankhya -1 mahatma gandhi ki hai. mahatma gandhi ki kundli men kanuni shiksha se sanbandhit lagabhag sabhi grah kendra bhavon men sthit hai. saptamesh bali mangal lagn men shubh grahon se yut hai. dvitiya shani evan kendrasth, mangal shukra, budh, guru ki sthiti bhi atyant achchi hai. in sab grah yogon ke falasvarup hi gandhi ji ne kanun ki parhai ki aur ek bairistar ke rup men praiktis bhi ki. pra
kundli sankhya-2 men saptamesh mangl-dvitiyesh budh ke sath lagn bhav men sthit hai. vani bhav ke karak budh (jo svayan dvitiyesh evan panchmesh bhi hai) ne lagn men mangal evan surya ke sath sthit hokar jatak ko prabhavshali, ojasvi evan kushal vakta banaya. sath hi mangal ki saptam bhav par drishti evan shani se drisht lagnasth budh ne jatak ko kanun ke kshetra men saflta dilai. jatak ek safal vakil hain. kendra bhavon men budh, guru ya shani ho athva guru evan shani se shubh sanbandh ho to jatak kanun ki shiksha prapt karke achcha vakil banta hai, yah dekhne ko milta hain.
kundli nan. 3 ameriki rashtrapti barak husain obama ki hai. unki kundli men bhi kanuni shiksha ke prabalatam yog vidyaman hai- tula lagn ki kundli men yogkarak panchmesh shani guru ke sath kendra men sthit hai. budh shani ke drishti sanbandh evan ashtamasth chandra ne unhen ameriki rashtrapti ke sath-sath kanunvid aur kushal vakil bhi banaya. jab vani bhav, saptam bhav, balvan budh, guru ya budh shani ka sanbandh dhanesh, labhesh ya karmesh ke sath hota hai to jatak vakalat ke kshetra men saflta prapt karke khub nam v paisa bhi kamata hai.
kundli sankhya 4 men dhanesh budh saptam bhav men surya ke sath evan labhesh guru shani ke sath pancham bhav men yuti bana raha hai. jatak ne vakalat ke kshetra men safal hokar khub dhan bhi arjit kiya hai. ''fal dipika'' ke anusar ''jivanshke bhusur devtanan samaghrayat bhumipti prasadat. puran shastra gamniti bhargad dharmopdeshen kurvidvritya॥ arthat yadi dashmesh guru navansh (dhanu ya min) men ho to devtaon v brahmanon se sanbaddh karya (raja ki prasannata) sarkari naukri (rajkosh se dhanagam) puran shastra, vedadi, niti shastra (kanun v niti se) dharmopdesh se ya byaj par dhan dene se ajivika chalti hai. arthat jab dashmesh guru ke navansh men hoga, to bhi jatak vakalat peshe ko apnata hai. ek safal vakil banne ke lie vani men oj, bhasha par niyantran, adbhut tark shakti, uttam gyan, vivek shakti evan nirnay kshamata ka hona ati avashyak hai aur ye gun achche budh, guru, shukra evan shani hi de sakte hain. atah ek safal vakil banne ke lie janmapatrika men in grahon ka shubh sthiti men hona ati avashyak hai.