1 julai 1973 ko janme akhilesh yadav ne apni skuli shiksha itava ke isak memoriyal skul men puri ki. fir rajasthan ke dhaulpur militri skul se shiksha grahan ki aur uske bad maisur ke es. je. kaelej aef injiniyaring se injiniyaring ki digri hasil ki. bad men sidni chale gaye aur sidni vishvavidyalay se paryavaran abhiyantriki men parasnatak kiya. parhai khatm karke akhilesh vapas uttar pradesh a gaye aur apne pita mulayam sinh yadav ke sath jur gaye.
khas bat yah thi ki samajvadi parti men shamil hone se pahle unhonne daen ram manohar lohiya ke jivan v vicharon ka gahan adhyayan kiya. gahan adhyayan aur parti men logon ke bich achche sanpark banane ke bad varsh 2000 men akhilesh ne kannauj se upchunav lara aur jit hasil ki. akhilesh shuru se hi ek achcha samajvadi banna chahte the. akhilesh ka vivah ek armi aefisar ki beti dinpal se hua.
unki prem kahani bhi kisi baelivud ki prem kahani se kam nahin. kahte hain n joriyan to asmanon men banti hain isilie shayad akhilesh aur dimpal ek dost ke madhyam se ek parti men mile aur jaldi hi donon dost ban gaye. dosti pyar men badli aur dhire.dhire donon ek dusre ke hamsae aur fir hamasafar ban gaye aur ab akhilesh ke dil par chalta hai behad khubsurat aur atyant saumya evan shant dimpal ka raj. dinpal aur akhilesh ke pyar ki bagiya men unke tin ful aditie arjun aur tina hain
jismen arjun aur tina judvan hain. rajniti se jurne ke bad 2009 ke loksbha up chunav men firojabad sit se apne nikatatam pratidvandvi bahujan samaj parti ke pratyashi espi. es baghel ko 67301 maton se harakar saflta prapt ki aur iske atirikt kannauj se bhi jite. bad men unhonne firojabad sit se tyagapatra de diya aur kannauj sit apne pas rakhi. march 2012 ke vidhan sabha chunav men 224 siten jitakar matra 38 varsh ki ayu men hi ve uttarapradesh ke 33ven mukhyamantri ban gaye.
lekin julai 2012 men jab samajvadi parti ke adhyaksh mulayam sinh yadav ne unke karya ki alochna karte hue vyapak sudhar ka sujhav diya to janta men yah sandesh gaya ki sarkar to unke pita aur donon chacha chala rahe hain akhilesh nahin. unki sarkar ko dusra jhatka tab laga jab ek ai. e. es adhikari durga shakti nagpal ko nilanbit karne par charane or se unki alochna hui jiske parinamasvarup unhen nagpal ko bahal karna para.
2013 men mujaffaranagar ke dangon men 43 vyaktiyon ke mare jane v 93 ke ghayal hone par kafryu lagana para tatha sena ne akar sthiti par kabu kiya. muslim v hindu jaton ke bich hue is bhayankar dange se unki sarkar ki bari kirkiri hui. akhilesh ne jab rajniti ki shuruat ki to unka temparament itna kul nahin tha jitna ki ab hai. ab unmen adhik shalinta a gai hai. hamesha muskurakar apni bat kahne vale akhilesh apne sangathan men mistar kul ke nam se femas hain.
akhilesh yadav ko futbal khelna v dekhna kafi pasand hai. unka pasandida khilari ronaldo aur kriketar sachin tendulakar hain. saikil sapa ka chunav chihn hai aur akhilesh ki pasandida savari bhi. ve jab bhi saifai jate hain to saikil par savar hokar nikal parte hain aur kai kilomitar tak saikil ki savari unke lie am bat hai. dekhna yah hai
ki ab unhen apni parti ke lie saikil chihn ka tohfa milta hai ya nahin. jyotishiya vishleshan akhilesh ka kark lagn hone se saumya lagn tatha lagn men saumya grah budh v shukra sthit hone se inmen saumyata v shalinta ka bhav vidyaman hai. in grahon ke karan inmen vishesh akarshan bhi hai jiske karan logon ka inke prati vishvas tatha akarshan bana hua hai.
dashmesh mangal trikon bhav men yuva avastha (3 ansh) men hokar sthit hanai jiske falasvarup inhen yuva avastha men hi yu.pi. jaise vishal rajya ka mukhyamantri banne ka saubhagya prapt hua. kundli men chathe bhav ka rahu inhen kushal rajnitigya bana raha hai tatha virodhiyon ke shadyantra se bachane men bhi sahayta pradan kar raha hai.
apni kutniti se ye virodhiyon par bhari par rahe hain. jab 2012 men pahli bar mukhyamantri bane us samay budh men dashmesh mangal ki rajyog karak antardasha chal rahi thi jiske falasvarup inhen uttam rajyog ki prapti hui. kundli men saptamesh shani tatha panchmesh mangal ka paraspar drishti sanbandh hone se inka apni ichcha se prem vivah hua. bhagyesh brihaspati ke saptam bhav men hone se vivah ke pashchat inke bhagya men unnati hui tatha vaivahik jivan bhi sucharu rup se chal raha hai. inki kundli men nich bhang raj yog bhi hai.
bhagyesh brihaspati jis rashi men nich ke ho rahe hain us rashi ka svami shani chandrama se kendra men hai jiske karan brihaspati ka nich bhang ho raha hai aur isilie inhen apne bhagya ka purn sahyog prapt ho raha hai. iska jvalant udaharan hal ki budh men brihaspati ki antardasha men dikh raha hai. parti men itna virodh aur pita aur chacha se itna virodhabhas hone par bhi sari samajvadi parti inke sath khari dikh rahi hai.
inki kundli men barhven bhav men char grah ek sath hone se paravrajak yog ban raha hai aur isi yog ke karan inmen hathadharmita ka bhav vidyaman hai. ye ek bar jo hath kar lete hain us par lanbe samay tak sthir rahte hain. vartaman samay men inki budh ki mahadsha hai v brihaspati ki antardasha chal rahi hai.
25 janvri tak chandrama ki pratyantar rahegi arthat 25 janvri 2017 tak ka samay inke lie utar-charhav vala rahega aur parti men kalah bani rahegi. lekin 26 janvri 2017 se mangal ki pratyantardasha praranbh hogi jo unke lie sakaratmak ho sakti hai. lekin gochar men shani chandra se santven bhav men sthit honge jo rajnitik bhavishya ke lie sukhad sthan nahin hai.
unki parti sapa ki kundli ke sitare bhi anukul dikhai nahin dete islie akhilesh ka bhagya unka pura sath dega aur ve fir se uttar pradesh ki kaman sanbhal payenge is bat men sanshay hai.